هذا الدور الارضي مثل ما هو مصمم من الإستشاري
https://i.imgur.com/NvIfw86.png
عندنا بابين جنب بعض للخارج واحد صوب الدرج وواحد في المطبخ الداخلي اللي بيكون نظيف ولراعية البيت
مقترح التعديلات حاولت أخليه أبسط ما يمكن بس ضروري نفتح المطبخ جهة اليمين .. حتى الفرن حاطه الاستشاري جنب الدريشة وهذا غلط المفروض العكس المغسلة مكانه والمشكلة لو المالك ما غير في الواقع ومشى على التصميم بتكون وضع غير مناسب
مقترحي لتعديل بسيط جداً هو عمل فتحة تطل على المطبخ ممكن لو حبينا نغلقها ببارتشن زجاج .. والباب الوحيد بيكون هو باب المطبخ مع الملحق وممكن نضبط مستوى الارضية بين الملحق والبيت بحيث تكون مستوى واحد ولو احتجنا نرفع شوي ارضية الملحق ويكون باب المطبخ الخارجي مقابل الباب هذا لسهولة الحركة ونسوي بعد واجهة زجاج تطل على المطبخ الخارجي .. إستوى عندنا مخزن تحت الدرج لمواد تنظيف الدور الأرضي ( لج يا سارة )
الباقي واضح
https://i.imgur.com/sFHG1oZ.png
في مركز القوس اقترحت عمل نافورة تكون مبنية وبتبليط مال مسابح بتسوي جو وبتكون بؤرة توجه بصري من المدخل
الصالة اليمنى نازلة 15 سم ويا حبهم للعتبات المزعجة .. هذي حلها نعمل رامب بسيط بطول متر واحد حتى يكون عندنا سلوب مريح 15% ونخلي منطقة التلفزيون بدون رامب باوضحه في رسمة ثانية
ههههههههه كثر ماتسوي اماكن تخزين كثر مابتجمع كجره من هني وهناك ..
لما تصغر المكان ماراح يتكدس عندك شي ..
الا باسئلك شنهي الحكمة من وضع المغاسل عند الدريشة !؟
كل بيوت قطر هالشكل الا بيتي هههههههه بس ابي اعرف شالسبب وهل قراري صائب او خاطيء !؟ :strong
عجبني اقتراح النافورة
شوية تركيز على الصالة وسالفة الرامب 1 متر يجي في منطقة غير مستفاد منها وبيكون يعطينا انتقال سلس من مستوى لمستوى .. قاعدة التلفزيون ممكن نعملها طابوق لو حبينا مثل ما هي موضحة تحدد المدخل والرامب وكذلك وسعت القوس حتى يكون شامل الواجة كلها بدون كتف
https://i.imgur.com/sBvQkUO.png
إنتي شعرفج .. لأن اللي يغسل يسرح ويفكر في مستقبله ويبي يشوف الفضاء جدامه .. اللي يطبخ غير خصوصاً كيما لحم مجهول المصدر .. بالنسبة للمخزن دور كامل ما فيه ولا مخزن صغير نستفيد من المكان وبالعكس أي شيء يتكدس داخل أحسن من ما نحصل له مكان بافاجئج بمخزن ثاني وانا قلبي من قلة المخازن يعانياقتباس:
المشاركة الأصلية كتبت بواسطة sara jsm
علم سين جيم كله ما يعجبها شيء .. بديل لها طاولة وسطية دائرية عليها اصيصات صناعية أو نباتات ظل طبيعية وعليها إنارة مسلطة وممكن نضيف لها انارة مزاجية تحتها لو حبينااقتباس:
المشاركة الأصلية كتبت بواسطة سالم الزهران
تدري خاطري اسلم على ريلها واضغط على يده قوة فترة اواسيه
هذا مقترح افضل لتعديل المطبخ إستوت عندنا إطلالة على الصالة وعلى الملحق وكذلك ترتبت أهم القطع وسطح عمل كافي ومثلث ثلاجات مغسلة فرن بدون عوائق
https://i.imgur.com/YSA8eEW.png
المنطقة اليسرى كلش ما عجبتني فيها تكتل مغاسل غريب وبدون ترتيب باسوي لها مقترح .. وحمام المجلس كبير بزود وكله قطعتين
https://i.imgur.com/yiqITRB.png