يبقى يمين ويسار العتبات نقدر نسوي اصيصات زراعية ثابتة أو متحركة لبعض الاشجار المزهرة او الورود
يبقى يمين ويسار العتبات نقدر نسوي اصيصات زراعية ثابتة أو متحركة لبعض الاشجار المزهرة او الورود
الغرفة الثانية اللي سوى فيها حركة الدريشة الفعلية والداعوس والفتحة وراء الدريشة هي الدايننغ
https://i.imgur.com/YZRmNTB.png
وبما إن الدريشة مطلة على زراعة ومدخل البيت ولا فيه اثاث يعيق ليش ما نسويها للأرض أو قريبة مثلاً بارتفاع 20 سم
ونكبر الفتحة أكثر مثل هذي
https://i.imgur.com/s9UgtJI.png
الدريشة عرضها مترين والفتحة 4 متر والدكت مخفية في طرف الفتحة وتقريباً لا تلاحظ وهذا حل يختلف عن الحل الثاني اللي استعرضته سابقاً وممكن لو حبينا نطبقه هناك مع شوية عتبات لفرق المنسوب بين ارضية الدريشة + 0.45 متر والحوش 0.00 متر نحتاج ثلاث عتبات للحصول على 15 سم لكل عتبة وهذا ليس مدخل ممكن نسويها 15 أو ندلع أنفسنا باربع عتبات وارتفاع 11.25 سم
موقع الدرج الحلزوني لو فيه رغبة لتركيبه
https://i.imgur.com/TWG8Ttd.png
مساء الخير ابو عبدالله، قواك الله، المغسلة الداخلية اللي في التواليت ما اظن لها داعي اذا العرض متر وسبعين.
مساء النور والسرور إخوي بو زيد .. بالعكس إخوي ضرورية مب حلوة الواحد يده مبتلة يمسك مقبض الباب وحلو ياخذ راحته ويغسل وتبقى بعد مغسلة اضافية والعرض يسمح .. حتى لو خذت مغسلة عريضة 70 سم مثلاً مع إن الغالبية بحدود 50 و 45 وتحصل أصغر بعد .. هذي على مقياس الرسم ذيه من فوق لين تحت 45 والعرض 65 وتبعد عن الحايط 12 سم وعن الكرسي 22 سم .. حتى ممكن لو تحب تسوي كاونتر مغسلة متواصل وجاي وراء الكرسي والكرسي معلق فيه مثل هذا الشكل لو حاباقتباس:
المشاركة الأصلية كتبت بواسطة سالم الزهران
https://i.imgur.com/RBozeR5.png
طبعاً المغسلة تختلف بتكون متوسطة شوي مبتعدة عن الحائط سواء اللي فوق الكاونتر مرتكزة والكاونتر نازل أو في وسط الكاونتر والكاونتر مرتفع بحدود 85 سم أو 80 أو 82 بهالحدود .. حامل الكرسي ممكن يكون نفس الإرتفاع حتى لو بنركب اللي بدون تانكي كديكور بس الحامل اللي وراه وممكن نقلل عرضه لو حبينا لحدود حتى 10 سم هو الحين أكثر شوي من 20 ممكن 22 أو 25
بالنسبة لدورات المياه والمطابخ دوم القطع المقترحة وفي الرسم تكون غير شوي عن الفعلية والتفصيل في يد أما مهندس التصميم الداخلي أو المالك اللي بيشتري القطع وبينفذ .. لكن على العموم القطع هذي مقاساتها ما تتغير كثير .. نحصل كرسي ضيق شوي أو عريض شوي لكن مهما ضاق ما يوصل لعشرين سم ومهما عرض ما يوصل لمتر مثلاً .. الجكوزيات فيه لأربع أشخاص ولثمان وممكن لأكثر بس إذا بنتكلم عن حمام في البيت بيستخدمه شخص حرام نركب أحجام كبيرة 1.8 كطول هذا يعتبر كبير و 1.6 يعتبر وسط وفيه حتى أصغر ناخذ 1.7 وحولها زين وحسب رغبتنا غالب حماماتنا عرضها 2 متر .. ونقيس على ذلك كل قطعة
من التدليع نسوي مغسلتين للحمامات الواسعة واللي ممكن تكون لاستخدام شخصين .. ونركب جكوزي وشاور وستيم لو ممكن في نفس الحيز .. فيه ناس تسوي طريقة لشور خارجي مع تغطية مناسبة وزراعة حول المكان وهذا يعتبر تغيير للي حاب الشمس والطبيعة
الدرج الحلزوني ممكن يتوافق عليه وممكن لا بس بيكون فايدته كبيرة انا حصلت له مكان زين وهذا مقتبس من تصميم بيتي 1.9 متر من الخارج و 2 متر من الجهة الثانية بروزه عن البيت 1.9 .. لو بعد سويناه قريب دكت وبايبات يغني عن تسكيرها وممكن تترك مفتوحة داخل الدرجاقتباس:
المشاركة الأصلية كتبت بواسطة معماري قطري
سويت فيديو عن الدور الأرضي وتوزيع الحوش مدته 10 دقايق كجزء أول والجزء الثاني للدور الأول وممكن للبنتهاوس للي يحب يتابع
https://www.youtube.com/watch?v=umANfbURcSc
تكلمت عن دفان الحوش ورفع المستوى شوي عن التصميم بحدود 20 سم .. لازم نراعي إن الأحواض الزراعية خصوصاً مكان الأشجار الكبيرة تحتاج حفر لعمق من متر ونص لحدود مترين مع عمل جدار طابوق تحت في الحفرة لحماية بقية الأرض من المياه ومن الجذور .. هذي مهمة حتى لحصر مياه المطر وما نحتاج لمنهول تصريف بيكون التصريف على الزراعة وسطحي
نقدر نخلي عمق مستوى التربة الزراعية نازل 20 سم عن مستوى أرضية الحوش والتصريف على هذي المناطق وكذلك لتحويل مناطق الزراعة لعنصر جمالي دائم نهتم بالإضاءة لليل خافتة ومخفية في النزول العشرين سم أو شبه مخفية مع بعض الكشافات المسلطة من تحت لفوق لبعض الأشجار الكبيرة
وتعقيب على حوض السباحة بيكون 60 سم فوق الارض وممكن أي عمق نحبه تحت الأرض وناتج الدفان عندنا بيكون مناسب لرفع مستوى الأرض لبقية الحوش .. الحوض نسيت أذكر ممكن نسوي الأوفر فلو جانبي بعد لو حبينا ونسكر منطقته من طرف السيارات بشبك زراعة عن اليهال