توقعاتكم للسوق ؟ شهر فبراير 2023

اقتباس:

---

المشاركة الأصلية كتبت بواسطة بوجبر

بكرة خميس

يوم راحة لي:waiting:

---

طلعت انت اللي مخرب السوق

خلاص كل يوم ارتاح لمدة شهر وإحنا بنعوضك من ارباحنا كل واحد 1% شوف كم يتصير

ما شاء الله ارتفاعات اليوم غريبة وهذا مع بيع من أفرادنا 7 مليون ريال ومحافظنا 27 مليون ريال و الافراد الخليجيين 3.4 مليون والمحافظ العربية 0.6 مليون والأفراد الأجانب شوي اقل من 2 مليون ريال

من شرى؟ أولهم المحافظ الخليجية 26.5 وأتوقعها هي بطلة الشراء اليوم وركزت على الأسهم الصغيرة المضاربية وزين سوت وبيبين في الاسبوع القادم لو زادت شراء وزادت هذي الأسهم ارتفاع .. نشوف وين توصلها .. وافراد العرب 12 مليون ريال شراء .. والمحافظ الأجنبية أقل من 2 مليون شراء

بس الإرتفاعات قوية في بعض الأسهم الظاهر تم التركيز عليها

اقتباس:

---

المشاركة الأصلية كتبت بواسطة بوجبر

كل حلالي تحت امرك بوعبدالله :telephone:

---

الله يسلمك ويطول في عمرك ويبارك في عيالك وحلالك

اقتباس:

---

المشاركة الأصلية كتبت بواسطة مسافر1

بنك الريان بهذا السعر اعتقد فرصة لن تتكرر
وبذات اذا اعلان الربع الأول كان جيد

---

يفترض شفافية أكثر بعد ما تصير عملية الجمع بيصرحون شصاير

حصيلة اسبوع كامل من التداول القطريين شروا بحدود 1 مليون من 562.872 مليون ولا شيء شراء يفشل هههه لو ما شريت ب 200000 كانوا تحت المليون .. والمحافظ القطرية شراء بحول 12 مليون بعد وايد عليهم من تداول 704.657 مليون .. النسبة الأولى 0.1776% والنسبة الثانية 1.7%

شراء الأفراد الخليجيين بلغ 2.44 مليون ريال من تجاول 7.2 مليون ريال وبنسبة 33.9%

شراء المحافظ الخليجية 60.864 مليون ريال من تداول 178.876 وبنسبة 34% قريبة جداً لشراء أفرادهم وهي نسب جيدة

محافظ العرب شراء حول 0.5 مليون ريال .. وأفرادهم بيع 10 مليون ريال من 112 مليون ونسبة حول 9%

الأجانب افرادهم شراء حول 12 مليون ريال من 71.494 مليون ريال وبنسبة 16.78%

ومحافظهم بيع حول 72 مليون من تداول 595.959 وبنسبة بيع 12%

الأعلى بيع المحافظ الأجنبية 72 مليون والأعلى شراء محافظ الخليج 60 مليون

اليوم كلش كنت مفكر في بيع الاسهم الفاشلة كلها واحطها في الطبية أو إزدان وصار الارتداد للغالبية

اهم شيئ الاقسام الاقتصادية في الصحف تكتب العناوين الرنانه ( ارتفاع البورصة القطرية وبعض الاسهم ترتفع بالحد الاقصى ) معاهم فرصة ثلاث ايام يتغنوا عن هذا الارتفاع واللي خارج البورصه والسوق يحسد اصدقاءه اللي في السوق على هذا الارتفاع ولا يعلم انهم خسرانين نصف رأس مالهم والارتفاع الرنان هذا عوضهم عن جزء بسيط ولا يذكر من الخساره .
خلنا نتابع الصحف افضل من شاشة التداول 0_o

طبعًا عندهم اسهم في البورصة لزوم التصريف ت…. ؟؟؟

في الويكند ادخل على موقع البورصة من اجل الاطلاع على نسب تملك عموم المستثمرين والاسهم اللي يملكونها اقول في بيني وبين نفسي ماذا لو ؟؟؟؟


صراحة انا لا اصدق كل مايكتب:oops:

رجع الشراء على الطبية بأكثر من 1% اليوم

توقعت أول أمس تستوي حركات مضاربية وشكلها استوت سرعة .. بداها مخازن ومخازن سهم فخم مثله مثل الملاحة والمصرف وبيمة سمحوا له بالنزول شوي وطلعوه غصب

تبعوا أسهم مثل إستثمار وإستثمار وراه قوة واحتمال اعلانه جيد .. ومثل التحويلية ومجمع المناعي بأعداد قليلة فوق ال 9% وبدرجات اقل البقية بس عندنا لين فوق ال 6% 9 أسهم فيهم كم سهم ما بيوزع .. ولين فوق ال 4% 12 سهم منهم 4 اسهم ما بيوزعون حول 33% وبإذن الله الحركة المضاربية تستمر على مثل هالأسهم

أتوقع محافظ الخليج وبعض أفرادنا إستغلوا الوضع وقرروا يركبون الموجة وأتمنى الإستمرارية خلال الاسبوع القادم وأكيد البعض بيكتفي بما حققه من الداخلين الجدد

اقتباس:

---

المشاركة الأصلية كتبت بواسطة بوجبر

في الويكند ادخل على موقع البورصة من اجل الاطلاع على نسب تملك عموم المستثمرين والاسهم اللي يملكونها اقول في بيني وبين نفسي ماذا لو ؟؟؟؟


صراحة انا لا اصدق كل مايكتب:oops:

---

إحنا مثلك نصدق واقع السوق وشوف واقع السوق جدام عينك اليوم تغير والمهم الإستمرار في التغير حتى لو استمرت محافظنا في البيع يكون فيه شراء واستغلال للفرص والأهم يتركون عنهم خيانات المزاد ويخلون من يحب يجمع يجمع وهو يرفع أفضل لهم ولنا