اقتباس:
المشاركة الأصلية كتبت بواسطة مكنتوش
اجازة سعيدة اخونا السامر
اعزائي ساداتي سيداتي المشاهدون والمستمعون, الي مب
قادر يهضم هذي الجرعة من "جنون السامر" نوصية بربط
حزامه في طوفه او اي شي ثقيل...حفاظا على سلامة الموضوع
صديقي\ مكنتوش , السوق طالع طالع او نازال نازل, خلنا نسولف شوي
مع بعض واقزر هالدقايق معاك, دردشة مضاربين, الين تبرد هالموجة
الله يسعدلي هالطلة "خلاص صرت مثلهم الحين"
المهم عيوني, انا اجازة من الكتابة بس لكن ترى السوق
مازال متكتك صحيح بإذن الي خلقني وخلقك, الله سبحانه
ومب بروحي الي ماخذ اجازة ترى حتى الي يحب يهندس
ويرسم ويحلل الاسواق, من المحللين الشطار و السيولة
الكبيرة, مالهم دخل بالي يصير هاليومين من نفخ. بالعكس
الا الي ينفخون ذيلا, بتشوفونهم مجبورين يردون قري وتحت
صوب 6440 و 6230 ان شاء الله, وعندها بيحصلون والله
السود وعيال الذهب ..
او او انهم بيضطرون يقابلون اعمامهم بنص السنة والريال
مع كيوتل, وبيرفعون السوق وبيدوسونه دوسة ويكملون
المشوار بدل مايكون على فوق, لا بيكون على جنب..افقي
وهنية بالفعل, بصير سوقنا سوق استثمار وباي باي للمضاربه
فخذ اجازة معاي, وحط رجل على رجل, وطنش تنتعش
وتحمل تندعك, زي الموجة الجاية,. مدعوكه على جنب
افقية مدري شلون قايله. "والله يالربع, افتحوا لي قسم
روايات, افضل" لاني ومن كثر ماحلل كل شي, حتى اني
اقعد احلل نفسيات كتابات الاعضاء من الملل, احس اني
مرتبط بجمعة الاسياد والف ليلة وليلة, ويمكن اخذ شهريار
خبير البورصة؟ شخبار الدويتو مال نوال؟ سلام ومتحدة؟
اشوفهم مرصوصين بعد, الظاهر يبي لهم مغازلة زيادة
لموجاتهم, الله يفك اسرها, لانه بالفعل مضاربين السوق
من المحللين ترى مضغوطين شوي هاليومين, وين ما
يروحون يقال لهم: ماهكذا تورد الإبل. قر بسهمك شوي
