يعطيك العافية .. معماري
عرض للطباعة
يعطيك العافية .. معماري
الله يعافيك ويخليك إخوي بن غيث
أخواني ايهما أفضل مطابخ الألمنيوم ولا الخسب طبعاً كعد أتكلم عن المطبخ الداخلي للفيلا
أنتظر آرائكم ومشكورين
حسب المصنعية .. بس الخشب عموماً يضبطونه عندنا أكثر من الألمنيوم ويحتاج لإهتمام خاص ومؤكد أحلى لداخلاقتباس:
المشاركة الأصلية كتبت بواسطة أبو ثائر
السلام عليكم ورحمة الله وبركاته
سأَعرض بعض صور الشقة التي استأجرتها في عمان - الأُردن بتركيز على تكرمون الحمامات والمطبخ.
الحمام الرئيسي صغير بمساحة تقارب المترين في 1.8 متر، وكما توضح الصورة الأُولى من الباب على اليسار هناك كرسي الحمام والبديه .. نظام معلق من ديورافت.. والتبليط نصفي والباقي صبغ مقاوم للرطوبة.
http://im37.gulfup.com/HaV10.jpg
وهذه صورة أُخرى والباب مفتوح من الخارج توضح النافذة الصغيرة وباب الشاور الزجاجي.
http://im32.gulfup.com/8YoOz.jpg
وهنا تصوير للمغسلة المعلقة والبارزة من القاعدة المصنوعة من ما يسمى بالرخام الصناعي.
http://im39.gulfup.com/InOPd.jpg
يلاحظ لون الحوائط الابيض المتناسق مع لون البورسلان البيج .. للحمام قطع صغيرة وللشور أصغر ولباقي الشقة كبيرة 60 في 60 وما يميز الأرضيات دقة التركيب والغراوت المستخدم.
هذه صورة لباب الحمام من داخل وهو ليس قطعة واحدة وبه فواصل ... لا أرى أن اختيار هذه النوعية موفق .. بسبب تقشر خشب الباب من الماء في هذه الفواصل.
http://im31.gulfup.com/JUgr4.jpg
لي متابعة عن قريب بباقي الصور بإذن الله.
يعطيك الف عافيه اخوي معماري
الله يعافيك أخ باندول .. وسامحوني على التصوير الغير واضح والتنظيم في الشقة .. عزوبي وطالب وكسول وما عندي وقت... باقي الصور بعضها غير صالحة للنشر بسبب عدم الترتيب.اقتباس:
المشاركة الأصلية كتبت بواسطة باندول
متابعة بباقي الصور وإن شاء الله تكون واضحة ومفيدة.
مع إن الشقة تعتبر شبه جديدة لكن فيها بعض الملاحظات وخصوصاً في الربط بالبراغي للباب القزاز ومفصلاته .. أتوقع كان المفروض يتم تركيب حديد أو ألمنيوم تتثبت عليه البراغي في الحائط.. فالباب من وزنه نازل شوي وما يصك عدل.
http://im37.gulfup.com/DvIeC.jpg
الشاور عرضه تقريبا متر وطوله 1.8 متر وواسع وقدرت أدخل كرسي من البلكونه فيه.
http://im42.gulfup.com/7jSM1.jpg
هنا صورة لمفصلات الباب وهي مركبة ببراغي عادية مصدية وغير ثابتة في الطابوق.
http://im37.gulfup.com/3QjfM.jpg
راس الشاور بسيط وعادي وعملي.
http://im31.gulfup.com/qiWsV.jpg
النت بطيء عندي بشكل يقهر باواصل تنزيل الصور وقت ثاني والسموحة.
باتابع معاكم اليوم ببعض الصور
وهذي صورة لأرضية الشاور وهي نازلة حول 3 سم حتى ما يتسرب الماي لباقي أرضية الحمام.
http://im31.gulfup.com/UKps3.jpg
وهذي صورة توضح السقف الجبس اللي فيه ليتين سبوت لايت للحمام كله.
http://im31.gulfup.com/ix1SD.jpg
بالنسبة لأرضية الحمام تفرق عن أرضية الشقة بواحد سنتم تقريباً أو بسمك البلاطة بس.
ننتقل للحمام الآخر وهو بدون شاور 3 قطع بس.
http://im41.gulfup.com/raw9Q.jpg
http://im41.gulfup.com/sAQUd.jpg
ونكمل صوب باقي الشقة والمطبخ.
وهذي صورة لمدخل الشقة ويبين مكان تعليق الجاكيتات.
http://im32.gulfup.com/3Op7T.jpg
وأول يسار المدخل توجد نافذة ثابتة وكبيرة تطل على حوض السباحة .. ودخلت انا طاولة من البلكونة واستعملتها للدراسة داخل.
http://im32.gulfup.com/tN6hV.jpg
وهذي صورة للصالة وعلى يمين الصورة المطبخ .. تبين البلكونة والستارة وورا فيه ألمنيوم يتسكر بالكامل للحماية ولعزل أشعة الشمس .. ويتسكر كهربائياً.
http://im41.gulfup.com/WqMKy.jpg
صورة ثانية للصالة والمطبخ.
http://im37.gulfup.com/PYbPL.jpg
صورة المطبخ وتبين الساعة المنبه في الطرف حاطها برا علشان لين رنت اقوم غصب.
http://im37.gulfup.com/LX9nH.jpg
شقتي بافتقدها بعد 3 أيام .. عشت فيها 4 شهور.
هذي صورة سقف المطبخ ومنه فتحات التكييف .. والتكييف فعال بس صوته عالي شوي يعني السبلت أهون بوايد وهذا دكتد سبلت.
http://im31.gulfup.com/kSO89.jpg
هذي الغرفة الثانية وحبيت انام فيها بسبب إن الغرفة الرئيسية تطل على حوض السباحة ويكون إزعاج وقت العصر وانا أنام أرتاح شوي بعد الدوام .. وثاني شيء لها ستاير بدون شتر ألمنيوم يخليها ظلام كامل.
http://im39.gulfup.com/LX9lc.jpg
هذي صورة الدريشة لغرفة النوم الصغيرة ولها تور وشتر خارجي يتسكر بالكهربه.
http://im40.gulfup.com/zhLMK.jpg
لي مواصلة بباقي الصور.
هذي صورة توضح نزول مستوى أرضية الشور عن أرضية الحمام.
http://im33.gulfup.com/cVys3.jpg
وهذي قطعة بلاطة فوق الثانية بنزول حوالي 1 سم صوب الحمام وبميلان حتى لو صار تسريب يتوجه الماي صوب الصرف ولا يدخل الشقة.
http://im42.gulfup.com/OXZbC.jpg
هذي صورة للغرفة الرئيسية اللي قلبتها غرفة ملابس .. يبين هنا الكبت ومخزن فيه بعض الكتب .. درسنا حول 35 كتاب في 4 شهور وأغلب الكتب حفظ وفوق 100 صفحة .. يبي لي نقاهة الصراحة.
http://im36.gulfup.com/TF2Nb.jpg
وهذي صورة توضح الأرضية وجزء من النعلات .. النعلات مقطوعة من نفس بلاط الأرضيات وقطع بدون حف زاوية 90 درجة يعني .. القراوت متجانس ولونه مقارب للون البلاط اللي يبين انه بورسلان صيني 60 في 60 كامل البسكوتة وتركيبه وايد زين.
http://im32.gulfup.com/vw6Av.jpg
هنا نشوف الهيد بورد للسرير وباقي السرير كله ملابس ما قدرت أصوره فضيحة.
http://im32.gulfup.com/4C0S8.jpg
الغرف والصالة كلها لون أبيض عادي وجزء من الحايط عليه ورق جدران رخيص.. وهذي الشقق عبارة عن عدة مباني وفي كل مبنى حول 20 شقة وتطل على حيز وسطي فيه زراعة وثلاث أحواض سباحة متدرجة ومتصلة ببعض .. يقال إن بنته بنت صدام حسين وباعته شقق تمليك .. وحالياً سعر الشقة حول 175000 دينار اردني والدينار 5.14 ريال.
في الصالة توجد نافذة عالية يدخل منها النور أول الصباح لأنها مفتوحة جهة الشرق.
http://im40.gulfup.com/TAM4I.jpg
دريشة الغرفة الرئيسية على زاوية ومشكلتها تدخلها الشمس ما لها ألمنيوم تغطية خارجية.
http://im40.gulfup.com/57lzV.jpg
مدخل الشقق ممر صغير حول 4 في 5 متر وفيه درج جانبي ومصعد تجميع الأُردن .. الدرج أرضيته بورسلان نفس لون أرضية الشقق ودرابزين حديد مصبوغ.
http://im41.gulfup.com/lqLuk.jpg
http://im42.gulfup.com/qo1EX.jpg
http://im42.gulfup.com/2JwnL.jpg
وهذي كانت آخر دفعة لصور الشقة وباقي تصوير حوض السباحة والخارج.