مراجعة التصاميم المعمارية وابداء الملاحظات عليها (محدث)

هذا نموذج معين للتقارير اليومية سهل وسهل تنفيذه وعبارة عن مذكرة يتابعها مسؤول الموقع وفي العادة يكون فورمن ولو الموقع كبير يكون مهندس وتكون فيه مناوبة أو شفتين أو أكثر حسب الشغل .. العملية تنظيمية ومهمة للمقاول والإستشاري أكثر من المالك

https://i.imgur.com/NgvP4ww.png

بعض الأشياء خط قلم يلغيها أو يعني إن ما صار هالشيء اليوم مثل الحوادث

هنا يتكلم المؤلف بإختصار عن توزيع دورات المياه .. وهي أكيد حسب الحاجة والمقاسات معروفة لغالبية القطع لكن لو المالك مقرر يركب شور وبانيو منفصلين أكيد لازم يبلغ المصمم قبل وحتى لو يبي جكوزي كبير لشخصين مثلاً أو لأربعة يختلف الوضع وتوفير المساحة مهم .. كل هذي المقاسات والقطع موجودة في المواقع الإلكترونية وبالإسم الماركة والموديل بعد .. بالنسبة لي عارف المقاسات بشكل عام للمثال اللي حطه المؤلف

البوكس أول ما تفتح الباب أتوقع مسويه لغسالة وهذا ممكن وفي هالحالة التوزيع .. من المقاس في الرسم يبين لي العرض 2 متر وممكن 2.2 متر بسبب طول البانيو والبانيو المفروض لو بنبلط نبلط من وراء جهة جلوس الشخص أما جهة فتحة الصرف هنا يكون مخرج الماي ويكون البانيو لاصق في الحائط لقربه من الشور ومن خلاط الماء .. يعني ما فيه امتداد بين الجدار وحوض البانيو .. وهذا يوصلنا الى إن الغسالة عمقها متر ويمكن أكثر وهذا مستحيل الا غسالة تجارية لمغسلة تجارية ممكن الوضع غير لكن الغسالات المنزلية ما تزيد عن 70 سم .. ولو عملها بابها ينفتح على الكرسي بعد بيكون مخطيء خطأ كبير لازم بابها ينفتح على فتحة باب الحمام وتعطي شوية سعة للدخول

https://i.imgur.com/bf1qucH.png

هذا الضمان يبين قوة المقاول المالية وجديته في المناقصة واستعداده .. أكيد محد يسويه في المشاريع الصغيرة بس مهم في المشاريع المتوسطة والكبيرة .. ويكون المبلغ محتجز من البنك بإسم المالك للمشروع سواء شخص أو جهة إعتبارية

النقطة 4 شوي غامضة بس أعتقد يقصد إن المقاول يجيب الضمان البنكي وبعدين يستلم الدفعة المقدمة بقيمة الضمان البنكي وتكون عنده سيولة جارية وفلوسه ممكن تكون وديعة في البنك .. وهذا بعد ترسية العطاء .. مدة دراسة العطاءات للمشروع تحدد حسب تعقيد المشروع بدال 90 يوم لازم تحدد في العقد بعض المشاريع تاخذ فترات أطول .. شفت مرة جايبين صناديق حديد مقفولة كم صندوق من استشاري فرنسي لمرحلة أولى من مشروع كلها وثائق مخططات + مواصفات + حساب كميات وبنود عقد .. كل مقاول ياخذ صندوق يدرسه .. المقاولين بروحهم يحتاجون وقت للدراسة والتسعير وبعدين للعطاءات بعد تحتاج وقت طويل ودراسة متأنية ومتعبة

https://i.imgur.com/qLYStjt.png

هذي طريقة رخيصة لفواصل التمدد تنفع للأسوار الخارجية أكثر مع إنها حتى للخارجية ممكن نسوي مواد افضل مثل حبل المطاط الخاص ونحط عليه طبقة السيليكون الخارجي الخاصة أو ما تسمى بالماستك

https://i.imgur.com/m4PCHdg.png

للارضيات مشكلة الفوم هذا يتآكل من أي مياه فيها أحماض وحتى المطر فيه أحماض من تلوث الجو أما حبل الماستك صحيح فيه مرونة بس من مواد مقاومة وجيدة

نتابع مع بقية الشغل اللي مقترحه المؤلف وسامحوني على نقدي اللاذع أوقات الصحيح هو ما أتكلم عنه والإثباتات متوفرة هذي مواد وطرق ما تنفع كلش

https://i.imgur.com/CfoU5uo.png

المفروض الحبل او الفوم هذا يكون نازل بحدود نص سم ويغطيه السيليكون الخاص

https://i.imgur.com/EAVxn7F.png

ليش هالتعقيد شريط ورقي لاصق يمين ويسار يكفي وفيه فيديوهات كثيرة للعملية حطيت وايد منها في فيديوهات البناء

هنا حتى راس فتحة خروج السيليكون غلط وهذا جدار بيمليه سيليكون بدون الحبل اللي مهمته يقلل كمية السيليكون ويخليه كتلة متماسكة ويمنعه من الدخول داخل .. والجوانب مب نظيفة حاطين ورنيش أو زيت حتى ما يلصق السيليكون .. شغل أي كلام

https://i.imgur.com/5WRZ1Mb.png

النتيجة النهائية تمشي الحال بس بيبين الزيت تحت الصبغ وبيبقى للأبد الشريط الورقي اللاصق سهل الإزالة ومخصص لهذا الشغل

https://i.imgur.com/cYu3vER.png

السؤال هذا والرد عليه حسابات تقريبية بس بطريقة سهلة جداً وأتوقع الإستشاريين يعتمدونها بدون وجع راس .. خلونا نفصلها مع إني أول مرة تمر علي .. مساحة الارض 600 متر مربع وهو أما مفترض سمك قطعة الأساس 52 سم أو جايه السمك محدد وهو على أساسه يحسب العمق .. وأشوف العملية كلها من الأساس غلط .. وباوضح ليش غلط .. أول خطوة في الحساب من 1 لين 4 طلع كمية الخرسانة 312 متر مكعب .. والسيارات اللي تشيل الخرسانة تشيل 4 متر مكعب الى 8 متر مكعب في بعضها ووزنها يتعدى 20 طن بس حمولة أو وزن 10 سيارات صغيرة أو متوسطة وفيه كبار توصل لحدود 2 طن وشوي زيادة

يعني تكلفة على المالك ومبالغة تندفن تحت الأرض ولا يستفاد منها بالكامل .. ثاني شيء حسب كمية الخرسانات في الأدوار الباقية كلها 4 أدوار ب 720 متر مكعب وهذا يعني 43.33% من كمية الخرسانة للأساس بس وتكلفة الخرسانة بحدود 300 ريال للمتر المكعب 93600 للقاعدة بس نزيد عليها تكلفة قربها للفورمات والحديد والمصنعية والحديد أكيد فيه مبالغات كبيرة

المهم نتابع معاه طلع وزن الخرسانة الإجمالي وكثافة 2.5 طن للمتر المكعب محسوب معاها وزن الحديد بشكل تقريبي .. الوزن نقسم الحجم المتوفر عندنا واللي استوى 1032 بحسبة حجم الخرسانات الإجمالية وهنا أغفل وزن أي جسور وأي أعمدة .. طلع عمق الحفر كبير 2.9 متر

https://i.imgur.com/KIwzyJO.png

الفرضيات الصحيحة المفروض تكون أدق وحساب الوزن يكون شامل لكل شيء .. وعامل مهم هو انضغاط التربة أو قوة ضغطها وهي أوقات توصل 3 كيلو نيوتن للمتر المربع لكن يحسبونها بعضهم 2 وبعضهم 1.5 يطلعون متحفظين وتطلع مساحة الأساسات الضعف .. في المثال هم معتبرين الأساس قطعة وحدة ومخلصين موضوعهم يختلف بس انا كلامي عن الحسبة الدقيقة شفايدة أضيع 200000 في التأسيس غير عن الحفر وازالة المياه وانا ممكن انزل القيمة للنص وممكن حتى 70000 تكفي لو حسبها لي استشاري يحسب بدقة

موضوع التأمينات والضمانات وهي أصح ضمانات مالية هذا يحدده العقد ويحدد آلية كل تأمين بوضوح حتى لو كان نظام الدولة يحط محددات معينة لازم ينكتب في العقد أو يتوضح بالإشارة الى بنود معينة في الشروط العامة للتعاقد في الدولة .. سهل ننسخ الفقرة وتضيف عليها أي شروط ومحددات خاصة بالعقد .. هنا ملخبطين شوي غلطات مطبعية مخربة صياغة الجمل

https://i.imgur.com/mnSmAZo.png

عندنا في قطر التأمين الإبتدائي وغيره للعقود الخاصة بالدولة والكبيرة بس للبناء الخاص أفضل نسوي تأمينين تأمين شيك ضمان يكون مؤرخ بنهاية العقد بإسم المالك بصدره المقاول بدل الدفعة الأولى أو المقدمة اللي تعتبر 0 .. مع تأكيد توقيع المدير المخول بالتوقيع في البنك بكتاب رسمي من البنك .. بعدين حسب الدفعات نسترد من كل دفعة نسبة معينة من الدفعة المقدمة ولازم يحدد هذا في العقد بوضوح .. يعني المقاول يستحق دفعة 1 من 10 أو فرضاً من 15 .. خلونا نغير الفرضية شوي بدال 10 دفعات المعتادة نسوي 15 ممكن نجزئ بعض النشاطات الى أجزاء .. مثل التأسيس نسويه حفروتمهيد + بناء وعزل + تمديدات أساسية + حماية ودفان .. حولناه من دفعة لأربع دفعات أصغر ممكن كل اسبوع ينجز المقاول مرحلة ويستحق قيمتها نستوي نعطيه قيمة المرحلة مخصوم منها قيمة الدفعة المقدمة مقسومة على عدد المراحل وكذلك مخصوم منها نسبة معينة لضمان الصيانة نمسكها لين بعد انتهاء فترة الصيانة بشرط ما نحتاج صيانة وان احتجنا نطلب المقاول بكتاب رسمي يسويها ولو ما سواها نسويها من قيمة المبلغ اللي عندنا ولازم تذكر هذي الآلية بوضوح في العقد

مثال انا دفعت 100000 دفعة مقدمة للمقاول وعقدي بينتهي بعد سنة وخذت بدالها شيك موقع والتوقيع مخول في البنك وتاريخ العقد بنهاية السنة .. الشيك ما ينصرف الا في حالة الإخلال ببنود العقد وتوقف المقاول بدون سبب لفترات تحدد مدتها الزمنية وبانذارات مكتوبة من الإستشاري أو مدير المشروع وممكن يكون مدير المشروع المالك ويرسل رسائل موثقة بايميل أو بالفاكس أو بالبريد الرسمي وأعتقد ممكن حتى توثيق الوتس أب

زين اتفقت مع المقاول على 15 دفعة وكل دفعة متغيرة حسب تكلفة المرحلة .. مثلاً أول مرحلة طلعت 60000 والثانية 20000 اللي هي الأعمدة ولو باحسبها 100000 مقسومة على 15 دفعة تطلع كل دفعة بالتساوي 6666.66 ريال .. يستوي هذا المبلغ أخصمه من كل دفعة مستحقة بنهاية كل مرحلة يعني الدفعة الثانية تستوي 20000 - 6666.66 ريال وبعد - مبلغ تأمين الصيانة اللي ممكن نحسبه 5% من كل دفعة وتساوي 5% من المبلغ الإجمالي ونقدر نخليها 10% لو حبينا حسب شروط عقدنا .. يستوي الإجمالي للمقاول عن الدفعة الثانية 20000- 1000 ( اللي هي 5%) أو 2000 في حال 10% - ال 6666.66 = 12333.34 ريال .. الدفعة الأولى تستوي 60000 - 6666.66 - 3000 ( هنا الخمسة في المئة تزيد حسب القيمة ) = 50333.34 ريال .. نكون سهلنا على المقاول وعلى أنفسنا وحساباتنا جارية في النهاية يتجمع لنا مبلغ يستحقه المقاول بعد الصيانة وهذا المبلغ يكون حافز للمقاول يبني صح وبدون مشاكل ويكون ضمان لنا تلفون واحد يخلي المقاول يحل أي مشكلة صيانة ولازم نكون حقانيين ما تنكسر دريشة بسبب لعب العيال نقول للمقاول انت مسؤول عن صيانتها .. العقود اللي صيانتها غير ومن أطراف غير لو تمت عن طريق المقاول هو مسؤول يجيب الناس اللي سووها بس في العادة عزل المياه ضمانه من المقاول المختص بالعزل وافضل نتفق معاه منفصل وناخذ الضمان مكتوب لأن فترته 10 سنين أو 15 وفترة ضمان الصيانة سنة في العادة ما يصير نمسك فلوس المقاول فترات أطول

كيفية حساب كميات الحديد وهنا المفروض يكون الجرد بشكل تقريبي زائد شيء بسيط بحدود 5% .. والحساب يكون قطر وطول وتطورت العملية بحيث خلاص تاخذه مجهز تركبه في الموقع قطعة وحدة بس ممكن تحتاج كرين وإنت في الغالب بتحتاج كرين لتسهيل العمل حتى لو واحد بسيط ولأحمال خفيفة

https://i.imgur.com/isozvkM.png

في المثال اللي ذكره في البداية ارتفاع السقف معروف وطبيعي بيشتبك الحديد مع حديد راس العمود .. بس ارتفاع حديد راس العمود واللي مسميها هنا الأشاير هذي بعضها تجي أكثر من متر لو القطر للحديد أكبر وفيه لها حسبة

ثاني شيء حسب الكانات للعمدان

https://i.imgur.com/TkoEomL.png

وكل هذا من هذا الجدول .. بعدين عندنا حساب الجسور والأرضيات وكذلك الأساسات

https://i.imgur.com/6JWlvd7.png

العملية سهلة وتوجد لها عدة طرق حسابات هو يحسب الحديد بنوعه ككجرام في المتر الطولي وبعدين يحسب الوزن قطعة قطعة ويحسب الإجمالي ألحين فيه برامج هندسية سهلة تحسب كل شيء بسهولة بس يحتاج الواحد يكون ملم بها ودقيق ويعرف أنظمة الحساب حتى يتأكد

فيه مشكلة أو خطأ في الجدول .. معروف إن الكانات تكثف في الثلثين العلوي والسفلي في العمود والثلث الأوسط تكون اقل .. مثال يرسم خط يوضح ابعاد العمود كطول ويوضح توزيع الكانات ك في الاطراف مثلاً 8/ متر وفي الوسط 5/ متر ولو مرسومة بدقة تكون أفضل حتى يتبعها المشرف ويتبعها المقاول .. الدائرة اللي وسطها خط مايل هذي تعني قطر مثل 6 فاي 8 في المتر هذي تعني 6 قطع كانات قطر 8 في المتر ولا ذكر منطقة التكثيف كم ولا وضحها كرسم