الله يقويك ويبقيك .. جزاك الله خير
هذي متابعة مع نظام الهوردي في الأسقف وهو نظام فعال وسهل واقتصادي .. البعض يدعي إنه ضعيف بس ممكن تسوي عليه جدران وفي بيتي بانين قواطع ثقيلة لجدران دورة مياه كبيرة 3.3 في 4.1 وغرفة ملابس ومكياج وبانتري كلها سويناها فوق سقف غرفة طعام من تحت مفتوحة وفوق مقسمة هذا التقسيم بدون أعمدة وسطية وبدون جسور وعلى هوردي طابوق النظام القديم وبحديد مغلف اللي يقولون البعض ينسلخ من الخرسانة .. ألحين ما حصلت مصمم انشائي فيه خير تصدقون الاستشاري مخرب التصميم المعماري بكثرة الأعمدة ثلاث أعمدة في حول ست أمتار مربعة .. سويت بوكس مترين في مترين للمقارنة .. عندنا استشاريين مجرمين كل هذا علشان فوقه جدران بنتهاوس نفس الشكل يعني جدران على جدران وللعلم الأعمدة ذي مزروعة في فلات سلاب يعني الفلات سلاب أكيد تصميمها مبالغ فيه وكأنها جسر كبير والله يعين على التكلفة .. لا وهذا استشاري درجة أولى وقديم في قطر ومجرب في السابق .. الأعمدة المربعين 40 في 40 والمستطيل 30 في 70 ثقل لازم يقابله ثقل وكله خساير على المالك وفي النهاية الثقل تأثيره سلبي على البنيان كله
https://i.imgur.com/APlRwxL.png
السؤال ذكرني بالموضوع ذيه وفي نقاش مع الإستشاري لإزالة العمود المستطيل وإمكانية تعديل الأعمدة المربعة وتصغيرها شوي وبالعودة للسؤال هو مسمي الهوردي بلوك سلاب والتسميتين تمشي
https://i.imgur.com/y8cOxJB.png
قبل كان يتم بعد التخشيب اللي يكون سيدة وضع حديد الأعصاب في خطوط مستقيمة وربطها بجسور جانبية تكون بعمق الأعصاب اللي في الغالب تكون 50 سم أو 40 حسب المساحة والأبعاد القصيرة .. يجي الطابوق بين الأعصاب وفيه طابوق خاص للهوردي يجي بمقاسات مختلفة مثل ارتفاع 30 أو 40 ويجي حهة شوي أعرض من جهة البعض يخلي الجهة الصغيرة تحت والعريضة فوق حتى يمسك مع الأعصاب وتستوي الأعصاب أعرض شوي من تحت لتعليق الاسقف المستعارة وأي دكتات باسوي رسمة مبسطة توضح هذي الطريقة
هذا سكتش مبسط للطابوق متغير الأبعاد وسط الأعصاب .. وطبعاً باقي التفاصيل للحديد مثل المخطط اللي في السؤال .. أضفت وين يتعلق سلك تعليق الجبس للتوضيح والحيز اللي ياخذه هذا النظام لو عندنا دكتات تكييف حول 80 سم الى متر حتى لو الجبس طبقة وبسيط لو عدة طبقات ممكن يزيد
https://i.imgur.com/Mqos5qI.png