اقتباس:
المشاركة الأصلية كتبت بواسطة الحريّه
حوار
أ : صباح الخير ست فلانه ..كل سنه وانتوا طيبين :shy:
ب : وانتوا طيبين حبيبتي :) ..
أ : ممكن أطلب منج طلب ؟ :shy:
ب : انتي تامرين فديتج :)
أ : ممكن تعطيني أي شيء من اللي اشتغلتوه حق طلابكم من قبل ..السنوات السابقه يعني :shy: ..نبي نعطي طالباتنا أي شيء ..ما برزنا لهم ولا شيء :shy:
ب : والله عيوني لج :) ..بس اليوم أول يوم ..وعندنا اجتماع مع المدرسات و برنامج تدريبي ..يعني اللي تبينه ما راح يكون جاهز الحين ولا اليوم :)
أ : ولا ملازم ؟؟ أي شيء يختي :shy: ..نبي نمرر اليوم حق الطالبات ..ماعندنا لهم ولا شيء ..المجلس قالوا ادخلوا على الانترنت وعطوهم أي شيء لين نطرش لكم المناهج
ب : :eek5: شلون !!!؟؟ عيل ليش خلوكم تداومون ؟؟؟
أ : :shy: والمدرسه كلها صبغ وصدورنا إندكّت من الريحه :rolleyes2: ..لكن شنسوي!!!!!
ب : عيل ليش خليتوا الطالبات يداومون إذا المدرسه مب جاهزه وانتوا ما استعديتوا ؟؟
أ : يختج تعرفين !! إلزام :shy::rolleyes2:
ج : مساء الخير أم فلان :nice:
ب : مساء النور حبيبتي ..شلونج ؟
ج : طيبه ..ممكن طلب ؟؟:shy:
ب : تفضلي :)
ج : يختج ما عندكم أي شيء من الملازم أو أوراق العمل مال مدرستكم ؟:shy:..نبي حق طالباتنا ..
ب : اليوم ياتنا فلانه تبي نفس الشيء :discuss:
ج : إيه صح !! ما عندنا ولا شيء حق الطالبات :weeping:
ب : ما حضرتوا لهم ولا شيء ؟؟:eek5:
ج : لأ :rolleyes2: .متى نحضر ؟؟ الفوج السابع كلهم جذيه !!!:omg:
صديقاتي اتصلوا فيني ومعظمهم عندهم نفس الوضع !!!:(
حواران حقيقيان دارا اليوم بيني وبين أختين !!!
هل هذا هو وضع المدارس المستقلة في النهاية ؟؟:anger1:
كيف يؤول مشروع الإصلاح إلى هذا المآل ؟؟؟؟؟
قص ولزق وتمضية وقت إلى أن يتم إرسال ( هذا إذا تم إرسال ) الملازم إلى المدارس ؟
إذن ما هي قصة ما كُتِبَ على موقع المجلس في السابق ولا زال يكتب عن تطور مبادرة التعليم واستقلالية المدارس وتطوير المعلمين ؟ من المقصود بكل هذا الذي يكتب ويقال ؟
إذا كان المواطنين يعلمون بمدى صدق أو كذب ما يكتب ويقال , إذن من المقصود بكل هذا ؟ الآخرين الذين ليسوا على أرض قطر ؟ ما هَمْ هؤلاء ؟
إذا كان الجميع متذمرا ومتألماً لما يحدث في مدارس دولة قطر , فمن المستريح إذن؟؟؟؟؟؟
:telephone:
أختي الحرية الوضع الذي تحدثتي عنه ليس وضع مدارس الفوج السابع لا لقد كنت في مدرسة من الافواج السابقه ولكن كأنك تتحدثين عن الحاله نفسها المدرسات لم يدرسو ودخلوا الحصص بدون أوراق لتحديد مستويات من يتعاملون معه ونحن الجديدات تم التعامل معنا بشكل مجحف كأننا أعداء دخلنا مكان ليس مكاننا حسيت بقصه ما زالت في حلقي ... الله يعين بس
ريم الشمال
