عرض للطباعة
المهم لو تكشف يا نكلان باشا ما بيطلع فيك الا العافية، لذلك في اكثر من سبب للنغزات اللي تجي صوب القلب، وسبق تحدثت (او اشتكيت) منها لطبيب اسمه هيثم عبدالحليم متخصص في الشغلة هذي، ورغم ان اسمه ما يهمكم لكن أحب احياناََ اذكر الاسماء عشان ما انساها خصوصاََ اني نساي، لذاك ما بوصيك وصية بو ناصر لانها ما تفيد حالتك :)
كلامك اخوي رايدر له مبرراته وفي ناس لليوم ما تطعموا لكن مب موظفين ولا محتدين على سفر، لكن نحن معشر الموظفين حالتنا صعبة. على الضفة المقابلة فيه اشخاص مستعد الواحد منهم يشتري اللقاح حتى لو تجريبي مب معتمد وبا غلي الأثمان.. هذا الانسان نحن نحترم رغبته ونرجو له التوفيق ولكن نفسه هالأنسان اللذيذ يشوفنا ضارين ونسبب الوفاة وبندمر الكوكب.اقتباس:
المشاركة الأصلية كتبت بواسطة Rider
بنعيد نفس السؤال: ليش اللي بمدغشقر ما حاشتهم الكورونا؟
في شخص تركي زار شيبانه وهو مصتب وعداهم ورجع لبيته وعقب أيام دفن شيبانه لانهم توفوا.. فالفايروس موجود وضار علي فئات دون فئات..
لكن اللي خلاني اسمع عن هالتركي وغيره هو الاعلام، وهل قصدهم توعية؟ اشك والله.. الموضوع دام فيه بيزات فالشفافية باي باي
حي الله الشيخ نكلاناقتباس:
المشاركة الأصلية كتبت بواسطة naklan
ما فيك الا العافية قلبك أكيد تعب من اللي يشوفه من جمال الطبيعة
الحالات رجعت للإرتفاع في دول كثيرة والعجيب إن قطر رقم 76 على العالم في عدد الحالات الأُسبوعي
76 Qatar 957 421 +127%
والحمد لله بدون وفيات والإرتفاع 127% وأعلى من دول كثيرة أكبر في عدد السكان مثل باكستان رقم 104 .. والعراق بعدد سكان 42 مليون رقم 80 وأكيد لقلة الفحوصات دخل وممكن الأعداد أكثر بس ما تنعرف هناك .. وفيات العراق خلال اسبوع 3 ووفيات باكستان 4 .. الصين رقم 55 على العالم وأمريكا رقم 1 في عدد الإصابات الأسبوعية الصين سكانهم مليار وزود وأمريكا 300 مليون يعني تركيز الإصابات وانتشارها في أمريكا أكثر وهذا لو الإحصائيات كلها دقيقة
العالم تغيره خلال اسبوع
World 3,682,497 3,693,774 -0.3% 11,274 14,155 -20%
في نزول بسيط في الإصابات بس دول كبرى بدت ترتفع فيها الإصابات بشكل ملحوظ وتستلم مبادرة موجة عالمية جديدة .. النزول في الوفيات ما شاء الله كبير ووين كنا ووين أصبحنا والحمد لله
من أكثر الدول كنسبة ارتفاع بالإضافة لعدد الإصابات السعودية
Saudi Arabia 3,519 921 +282% 12 13 -8%
التغير من 921 الى 3519 حالة كبير
الأُردن زرتها من أيام قليل اللي شفت إجراءات احترازية حتى في المطار وما فيه معلومات عنها في جدول التغير الأسبوعي ولا اصابات أمس ولا أول أمس .. الظاهر صادهم يأس ونسوا موضوع كورونا بالكامل ولا يتعاونون مع الصحة العالمية ولا يرسلون بيانات .. إستغربت الزحمة في كل مكان والنفس فوق النفس لدرجة المولات زحمة والمطاعم بعضها كبيرة ومليانة للآخر ونادر اللي أحصل شخص لابس الكمام ويكون اختياره هو مب مجبور عليه
البحرين أعلى دولة عربية فيها اصابات اسبوعية
35 Bahrain 4,954 3,074 +61% 2 2 0%
رقمها 35 عالمياً و 4954 إصابة وبإرتفاع كبير ووفاتين .. السعودية تجي 42 وايران تجي 49
الله يحييك معمارينا العزيز والحبيب
ما خلصنا من كوفيد
دخل جدري القرود عساه يصيب بوفيت
تكلم عنه قبل سنه قال انه وقته 15/5/2022
وفعلا نزله السوق يبي يذبح 350مليون انسان
عساه يلزق في مقفاه ابو فليت بهدل الدنيا
صار يستثمر في قتل البشر
بالمناسبة، بدينا نسمع اصابات كورونا، يمكن تدرون اني متخلف عقلياََ مع الكورونا ومب راضي افهمها، لكن لي جبنا للمصلحة العامة وتمرير المعلومة لمن يحتاجها، ما نقصر باذن الله... فانتبهوا و خلوكم حذرين
قالوا بيل غيتس وألحين بافيت .. مساكين ذيلا يركضون وراء الخردة والإشاعات ما رحمتهم .. بيل غيتس مسوي جمعية خيرية تساعد ملايين الفقراء في العالم كله وعندنا ناس كبار ملاك ما رحموا المستأجرين من مبالغ بسيطة يتنازلون عنها مؤقت خلال الأزمة الصحيةاقتباس:
المشاركة الأصلية كتبت بواسطة naklan
لو كل ما يقال صحيح الشك بيزيد حول تهجين فيروسات معينة والعلم خبيث .. فيروس الأيدز يقال إنه إنتقل من القرود للإنسان باتصال جنسي .. شوف الخسة لين وين وصلت ولازم يسوون أبحاث عليه ويوم دخلوا في الطفرات الجينية والنانو تكنولوجي وفككوا الخلية لمكوناتها الأساسية إستوى سهل يطلعون نوعيات معينة من الفيروسات الهجينة والله أعلم ما ندري الحقيقة وين
بس دوم أسئل نفسي لو صحيح فيه مؤامرة الكل تضرر منها .. وفوق هذا فضح المؤامرة من أحد أعضاء الفريق الدارس من العلماء سهل وبالدليل والتصوير لكن اللي شفناه وسمعناه كله إدعاءات وشعوذة من ناس عاديين يحبون الظهور
متشتت بين هذا وذاك ومتخوف من وفيات الصغار الزايدة الله يرحمهم ويصبر أهاليهم وحتى وفيات الفجأة بسكتة قلبية وبسن حول ال 50 .. عندنا جامعات طبية ومستشفيات والمفروض لها دراسات واحصائيات تنشر بلا قيود ولا خوف للكل يطلع عليها
الزيادة رجعت للإرتفاع اسبوعياً بس بسبب اعلان كوريا الشمالية عن اصابات كثيرة تقترب من المليونين وقبل ما كانت تعلناقتباس:
المشاركة الأصلية كتبت بواسطة سالم الزهران
World 5,397,517 4,478,343 +21% 10,664 12,140 -12%
الوفيات هبوط 12% واليوم مسجلين 484 وفاة للآن وكانت توصل لفوق 17000 في ذروتها
ارقام كوريا الشمالية وايد عالية اصابات ووفيات
DPRK 1,936,200 524,440 +269% 39 27 +44%
لو شلنا مليون وتسعمئة الف من اصابات العالم كان بيكون عندنا هبوط معتبر
التطعيم تقريباً غالبية الدول خلصت النسبة المطلوبة وبعضها زادت عليها كثير منها قطر وكوريا الجنوبية أما الشمالية كلش ما لها ذكر في الجدول والظاهر الوباء تفشيه عندهم كبير لهذا السبب ومفاجيء
قريب من 40% من إصابات العالم كورية شمالية هذا الاسبوع الأخير
جدري الوقود قصدي القرود،،هو نفسه اليدري اللي يتكلمون عنه شيبانا قبل ،،كل مأسألنا حد من الشيبان شلون مات فلان قال والله مات من اليدري .هل هو نفسه ولا هذا بعد متحور وسالفته غير ،،،وزاره الصحه امس في بيانها ان لاتوجد في قطر اصابات لحد الان .
لكن اعتقد هذا جس نبض الشارع وهو فقط مساله وقت ويعلنون الخبر ..يمكن اكون غلطان . بس شكلنا بنبتدي بفلم هندي جديد ( لان الفلم الهندي يطول يموت البطل بعدين ولده ياخذ بثاره وفجاءه يطلع البطل اللي مات مره ثانيه يعني جذيه ههههههه)
شكرا
جعل القرود تنهش خشوم هالكفره لي كل يوم طالعين لنا بشي