بنت خليجية متخرجة من جامعة قطر تخصص علوم بيولوجية و بيئية - كيمياء
وين ممكن تقدّم على وظيفة غير المدارس ؟
اللي عنده فكرة لا يبخل علينا بليز :shy:
عرض للطباعة
بنت خليجية متخرجة من جامعة قطر تخصص علوم بيولوجية و بيئية - كيمياء
وين ممكن تقدّم على وظيفة غير المدارس ؟
اللي عنده فكرة لا يبخل علينا بليز :shy:
عند واحد من الاخوان وظيفتين تصلح لغير القطريات في مكتب خدمات شرط اللغه والكمبيوتر وحسن معامله العملاء(دوامين) الراتب حسب الخبره
شركة اكسون موبيل قطر يرغبون بتوظيف القطريين
وهي شركة بترول (رقم 1 في الارباح عالمياً)
تدريبهم ممتاز ويشابهون قطر غاز وراس غاز في الرواتب
وعندهم كل المزايا - استقاطاع راتب التقاعد وغيرة من المميزات
سلام عليكم ورحمة الله وبركاته
صارت معاي ظروف خلتني اعرف الطريق الأمثل للحصول على وظيفة جيدة
وحبيت اني افيد كل القطرين والمقيمين في بلدنا الحبيبب قطر
اذا اردت الحصول على وظيفه جيدة ما عليك الا ان تتبع الخطوات التالية:
1- عمل CV جيد يحتوي على كل خبراتك وضروري يكون فيه التالي :
التوصيف الوظيفي لوظيفتك الحالية ( اش كنت تسوي بالضبط ) اي CV لازم يحتوي على كل المهارات التي تعلمتها اثناء وظيفتك الحالية
اذا كنت توك متخرج فاكتب شني الاشياء الي انت ماهر فيها مثل البحث في الانترنت والطباعة واستخدام البوربوينت والورد والاكسل واي شي من مهارات متعلقة بالوظيفة او ممكن تخدم الوظيفه باي شكل من الاشكال.
اذا ما تعرف تسوي CV تعلم من هالموقع
http://www.cvtips.com/CV_example.html
استخدم لغة انجليزية قوية في CV دورلك على واحد اجنبي يساعدك في كتابة CV
أدخل موقع التقطير (حتى لو أنت مب قطري)
http://www.qatarization.com.qa/Qatar..._Home_Partners
شوف قائمة الشركات الي عندهم وادخل مواقعهم موقع موقع وارسل ال CV (إذا ما لقيت لينك حق تقديم طالبات الوظائف ارسل الCV لايميل الشركة )
أكتب ورقة فيها كل اسماء كل الدوائر الحكومية والشركات الكبيرة في قطر الي مش موجودة في موقع التقطير ومنها :
1- شركة الديار القطرية
2- بروة
3- قناة الجزيرة
4- إدارة المتاحف
5- مؤسسة قطر
6- المجلس الاعلى للبيئة
7- المجلس الاعلى للتعليم
8- المجلس الاعلى للاتصالات
9- المجلس الاعلى للتخطيط
10- البنوك وشركات التأمين
واي شركة تخطر على بالك حتى لو مش مقتنع فيها 100%
إبحث في الانترنت على مواقع هذه الشركات كلها ودور على لينك لتقديم طلبات الوظائف الشاغرة واذا ما لقيت وصلة طرش CV على ايميل الشركة أو المؤسسة
دور على شركات توظيف على الانترنت .. ترى في شركات توظيف وايد يتمنون ان القطريين يقدمون طلبات عندهم وما ياخذون منك ولا ريال بس ياخذون من الشركة الي توظفك ومن أكثر الشركات سرعة واستجابة للطلبات .. شركة ريد وهذا الموقع ..
http://www.reed.co.uk/LocalJobs/Qatar
على فكرة حتى اذا ما لقيت الوظيفة الي تناسبك .. ابعث لهم CV وهم بيبحثون لك عن الوظيفة الي تناسبك وتناسب مؤهلاتك بس لازم تسجل في الموقع عندهم وتكتب بياناتك الحقيقية كاملة
طبعاً .. عقبها بأسبوع تقريباً بتلاقي ارقام غريبة على جوالك .
لما ترد بقولون لك عندك مقابلة بكرة الساعة كذا
ضروري قبل ما تروح المقابلة .. تكون جمعت معلومات كفاية عن الشركة ( حكوميه - شبه حكومية - خاصة - بترول) ووالرواتب عندهم شلون
روح لهم قبل الوقت بربع ساعة
وقبل لا ترووح تأكد من الآتي :
1- مكان الشركة أو المؤسسة ووين مكان مواقف السيارت عشان ما تتأخر في زحمة السير
2- أسم الشخص الي بتقابلة ومسماه الوظيفي عشان تعرف انت تتعامل مع مين
3- المقابلة في أي طابق
4- ضروري تكون ثقتك بنفسك معاك في المقابلة لان الخجل بيكون اول سبب لعدم اختيارك
أثناء المقابلة :
1- السلام على الناس الي داخل واذا كانوا اجانب تقول لهم السلام عليكم اولاً بعدين How are you ?? عشان يعرفون انك ذرب باللغتين
2-تستأذن انك تجلس
3- ما تتكلم وااايد وما تسكت واايد .. يعني تكون جريء بس مب وايد لان الكلام الزايد يضر أوقاات
4-ضروري تكوون عارف كل كلمة موجودة في CV لان اذا ما كنت فاهم شلي مكتوب فيه بتتوهق
5- اذا ما فهمت اي سؤوال ؟؟ أطلب منهم انهم يوضحون أكثر ولا تمشي وانت مب فاهم السؤال أصلاً
6- حسسهم ان انت انسان نشيط وتحب الدوام وتحب التدريب والتطوير ولا تجيب طاري الراتب او الاجازات او اي شي يحسسهم انك طمعان او ما تبي تشتغل
7- حسسهم ان شركتهم عظيمه وسمعتها طيبة وانت تتشرف انك تشتغل في هذا المكان
8- لا تذم وظيفتك الحالية او اي شركة ثانية قدمت فيها. بياخذون عنك فكرة سيئة
الاسئلة الشائعة في المقابلة:
1- تكلم عن نفسك ؟؟
لازم ترد كل ثقة وتبدأ باسمك وعمرك ووظيفتك عقب تتكلم عن وظيفتك الحالية شلون بديت وطبيعة شغلك وشلون تدربت وتمدح الموظفين الي معاك والمدير تقول انه وااايد طيب وتقول انك تعلمت اشياء واايد وانك تحب الناس وتتأقلم معاهم بسرعة .
اذا كنت توك متخرج تكلم عن الدراسة وعن الربع والدكاترة وامدحهم كلهم قول شكثر استفدت من الدراسة
2- ليش بتترك الشغل الحالي؟؟
جوابك لازم يكون لاني ابحث عن التطوير وابي اتعلم اشياء جديدة ومهارات ثانية .. وما تزود ولا كلمة
3- كم راتبك الحالي ؟؟
تقول الصج .. لان الكذب ما راح ينفعك
4- كم تتوقع راتبك بيكون اذا توظفت عندنا ؟؟
أتوقع يكون أكثر من راتبي الحالي وما في مبلغ معين في بالي
إذا كنت توك متخرج تقوول اتوقع اكثر من 12 الف ( التوقع يعتمد على الوظيفة والجنسية ونوع العمل وسنوات الخبرة ) وما تحدد بعدين لما يعطونك offer letter تناقش معاهم في هالاشياء
5- قدمت في أماكن ثانية ؟؟
اذا مقدم في أماكن ثانية قول قدمت واذا عندك عرض ثاني قوله عشان يعطونك اكثر منه
6- ليش اخترت الشغل عندنا؟؟
تمدحهم وتمدح شركتهم وتقول الي تعرفة من البحث الي سويته عنهم
7- اذا احتجت تشتغل عندنا أكثر من ساعات دوامك عشان تخلص شغلك توافق؟؟
نعم ما عندي مانع ..
8- شني الوظيفة الي انت مقدم عليها ؟؟
اذا في وظيفة معينة قولها واذا ما في قول القسم الي انت حاب تشتغل فيه مثلا: المالية - الحسابات - الموارد البشرية
هاي الاسئلة الشائعة .. بس في بعض الشركات يسألون اسأله غريبة مثل :
1- هل انت صبور؟ محب للناس؟ متفائل؟
2- أوصف نفسك بكلمة؟
3-شنهي نقاط ضعفك؟ ( أني انسى نفسي وأنا اشتغل وما أحس بالوقت) بس لا غير
3- شنهي نقاط قوتك؟
4- ليش لازم تتوظفك عندنا؟
اذا انسألت اي سؤال انت ما تتوقعه جاوب بثقة بس عط نفسك وقت عشاان تفكر ايش بتقول وخلك واثق من نفسك وامدح نفسك .. حسسهم ان انت اكثر واحد تناسبهم حتى لو انت مش مقتنع
وفي الختام
بقووول لكم كلمة صادقة من قلبي شفتها وحسيتها
ترى بلادنا بلاد خير وفيها وظايف و للقطريين بالذات وااايد بس مشكلتنا أحنا ما نعرف وين نقدم وشلون نقدم
ترى والله وعن تجربة .. انا قدمت أوراقي بهالطريقة وما طلبت واسطة الا من رب العالمين وجات لي أكثر من خمس وظائف اثنين منهم من شركات بترول كبيرة في البلد
معلومة : اذا عنك حد من اهلك يشتغل في مكان زين عطه CV خله يوصلة لقسم الموارد البشرية
كل شي بيد الله واسأل الله ان يوفق الجميع
مع تحياتي :همس
الجيش والشرطة فاتحين ابواب التوظيف لغير القطرين من مواليد الدوحة
للي مؤهلاتهم بسيطة
يعطيج العافية اختي همس :)
موفقه ان شاء الله :shy:اقتباس:
المشاركة الأصلية كتبت بواسطة Mariam
ادور شغل حق اختي متخرجه من الجامعه صار لها سنتين وكل ماراحت مكان قالو عندنا اكتفاء
لين متى يعني ؟؟؟؟
ولا مكان راضي يشغلهااا
هي متخرجه من نظم معلومات
اللي حابين يتوظفون في جامعة قطر
http://www.qatarp.com/files/132/Untitle222d-1.jpg