المشاركة الأصلية كتبت بواسطة ابو عبدالله.
للامانه انا مش مع الشراء خارج قطر و اخونا نكلان قالها. ابي ازور اماكن مش مقيد بمكان اروح له مرات كثيره عشان شقه شاريها
قلت لو بشتري. باخذ في اسطنبول هذا لو بشتري في تركيا عشان صاحب الموضوع يعرف ان رأيي يميل لاسطنبول
الي كلش داشه في راسه يشتري عقار برع. يفكر بخيارات معينه
تركيا. لندن و اقصد ضواحيها او مشوار ساعه خارج لندن او مانشستر او مدينه ساحليه قريبه من اوروبا ناسي اسمها لكن عم واحد رفيجنا شاري بيت خمس غرف على البحر ب 160 الف باوند من كم سنه و يروح اوروبا بالعباره ساعه و شوي او ساعتين لفرنسا
يعني موقع حلو و ساعه و ثلث من لندن بالسياره و بالعباره لاوروبا
السالفه مب اهني
السالفه لازم نعرف ايش نبي و سلبيات كل دوله
لندن بارده و بالصيف كلها عرب حشره و ست ساعات ونص طيران
تركيا بارده بالشتا و لغتهم صعبه لكن قريبه من قطر و اسعار الشقق مقبوله و فيها كذا مدينه و اماكن تنزار بالسياره
البوسنه ما زرتها وما اعرف عنها شي الا انها بلد نائيه. طبيعه بس مش داون تاون و مولات كبار و شوبينغ
اذر بيجان حلوه لكن صغيره و تتملل منها بسرعه. كم يوم بس مع انها اقرب دوله من قطر ساعتين و ثلث طيران و امان و نظيفه
المانيا فيها قرى قريبه من المدن مال بو ساعه او اكثر شوي و عقاراتهم بأسعار زينه لكن البرد و سالفه التدفئه متعبه. غير نظام الحياه معقد
عزكم الله الزباله تفصلها لانواع. الكراتين تجمع يوم الثلاثاء فقط ما تحطها جدام بيتك الا الاثنين و يشلونها الثلاثاء
تكاليف صيانه عاليه تركيب الاناره ليد صغار 200 يورو لغرفتين و صاله و بيسمنت. لو عندنا كان بخمسين ريال
ألمانيا اذا تتوفق في بيت حديث بنيانهم وايد زين ويعمر .. الكهرباء للتدفئة رخيصة وكثير يستعملون الطاقة الشمسية ودفعك للكهرباء والماء سنوي وتدفع مقدم عربون يخصمون منه الإستهلاك .. والبيوت بنيانها بعوازل وموفرة للطاقة .. ولو بتسكن في قرية بتحصل السكان في حالهم وطيبين في الغالب والمدن حولك وبعض القرى ملاصقة لمدن كبرى المطار قريب وكل احتياجاتك قريبة .. غير عن العرب هناك وثقافتهم من مطاعم ومساجد وحتى مدارس وسهولة الحصول على اقامة دائمة
انا فكرت في المانيا وايد لكن مشكلتي هلي ما يحبونها وعيالي
بس الزين فيهم ان القرى تنهجر و اذا شريت بضواحي فرانكفورت مثلا. عمده المدينه يطلب مقابلتك عشان يحييك لشراء عقار بمدينته و يعرض عليك اي مساعده تحتاجها عشان يشجع غيرك ع الشراء و السكن. لان الاغلبيه تهجر الضاحيه للعمل بالمدينه الكبيره.
حتى لو تبي يمرون ع بيتك يشيكون عليه و انت مسافر بيخدمونك فيها
ما تفرق عندهم لو الحريم بحجاب او برقع او عبايه راس. يحترمون الحريات
يقول لي واحد شاري بيت ان جاره يصبح عليه كل يوم وهو طالع بالحديقه ولا كأن جنبه عائله مسلمه و عبايه راس و نقاب. تعامل طيب جدا
اغلب الي اعرفهم شارين عقارات من هالنوع اساسا قريب من سن التقاعد وما يفكرون يستثمرون بعقارات قطر لعلو الاسعار فيشترون بالخارج كل فتره يروحون يغيرون جو كم يوم. كذا مره بالسنه
هذولا صح يحق لهم يشترون برع بأقل من مليون. او نص مليون و تغيير جو كذا مره بالسنه ببيت بضاحيه هادئه و يأجرون فان و يدورون بأوروبا