المشاركة الأصلية كتبت بواسطة Ahmed86
صبحكم الله بالخير
استغرب من اللي مب شاري في سهم و يجلس يعذرب فيه بدون أي تحليل فني أو اساسي مع ان أغلب خبراء و محللين المنتدى شايفين انه ممكن يعطي زياده
للمعلومية سهم الاجاره كان يتداول في 2018 بسعر 0.84 - 1.1 رغم انه نتايجه ما كانت جيده ، في 2019 ارتفعت ارباحه 240% و فوق ذا الارباح النصفية 2020 مرتفعة 62% و لا زال تداوله بين 0.6 -1 حتى الآن ، على اي اساس متضخم سعره ؟!
و الله لا املك في السهم ولا ريال و لا انا محلل ولا شي ، بس احاول اشوف ابسط المعلومات قبل ما اشتري او اشارك عشان ما اشتت اللي شارين في السهم او اللي يبون يشترون
،
و استغرب اذا الواحد مقرر انه يكيش و يتفرج وش قاعد يسوي قدام الشاشه و مضيع وقته؟!
،
و استغرب اذا دخل في سهم ميت و و قال انا مستثمر و ماخلى موضوع في المنتدى ما تكلم عن سهمه ، و عقب اسبوع باعه و قال ما ارتفع و انا مضارب
،
اسف على الاطاله بس مواصل و مداوم