اشكرك ياقطر واثمن تقديرك لعصاره افكاري ورؤيتي لبلدي
اقتراحات نقدمها ببلاش وبدون اجنبي يقص علينا ويعطونه راتب عالي واخر شي نطلع بلوشي
كله فداء لقطر العزيزه
احنا عندنا رقاله زي الدهب
:victory:
عرض للطباعة
الله يعينك .. والله هالنوعية اعاني منها بشكل يومي على خط الشمال بحكم استخدامي للطريق .. طبعا اضطر امسك المسار اللي ع اليسار لان بركات اول ثلاث مسارات للسلاحف .. ماعندهم ثقافة استخدام المسار الصح بالسرعة الصحيحه .. يعني تلقاه ماشي 80 وماسك المسار الثاني من اليسار .. عسى ماشر .. بس عموما أكون ماشي 120 تقريبا .. واذا شفت حد جاي مسرع ويكبس لي اذا فيه مجال فتحت له .. واذا مافيه ادق إشارة يسار عشان يفهم اني مش قادر اتجاوز لليمين عشان اعطيه مجال يعدي .. وأول ما القى فرصة على طول اعيطه المجال لان اكيد عنده ظروف تجبره يسرع .. والبعض مع الأسف منهم يعتقد ان الشارع ملك له ومسجل باسمه .. يحق له يتصرف فيه على مزاجه .. وهالشي في الغالب يطلع من المبزره اللي للحين مشتطين وفرحانين بالليسن :)
العفو
لان صج يبطون جبدي مسوين زحمه يعني اليمين يمشون 50 واللي ف النص يمشي نفس السرعه او زياده شوي
ف يضطر الكل يمشي ع اليسار وبعد مايمشون بسرعه حدهم 80
يعني ثقافه السواقه دايخه عندنا
واذا ييت تبي تفتح حق حد تروح ف النص تحس انك واقف وصعب ترجع لليسار
اصلا الشارع ضيق وهم يضيقونه زياده بسواقتهم :anger1:
انت الي بديت تضرب بريك وعقب تروح تشتكي
صدقني لو ماسويتها جان ماصار الي صار
لو شغلت الدينجر جان طخ ...
زين انك تصرفت بعقلانيه وخذت رقمه هذا انسان مجنون ومب صاحي وتصرفك طبيعي ومعاك الحق فيه تضرب بريك في ويهه لانه هو الغلطان الشارع زحمه وماعندك مجال ينثبر شوي لين تفتح له الدنيا مب طايره واغلب الي يسرعون في الخطوط ناس متهوره واكبر غلط هو سوواه فرك بالغرشه هذا دليل انه مب صاحي ومريض نفسي لو سيارتي قديمه بدعمه وبخليه يتحسف ولا بجي مسرع وبحذفه باي شي في السياره ان شاءالله غرشه الا اذا انت ناحسته مسافه 5 ولا 10 كيلو في الطريق هذا امر مختلف ،،، انا اقول راعي الجي اكس وامثاله ممن يشاهدون كلامي الي يلحم في السياره الي قدامه ويكبس وهرانه وحاله في طريق مثلا مزدحم والشخص الي قدامك ماعنده مجال يفتح لاطيح في راعي الشوهات عادي يكع بريك قوي يدخل ويههك في السكان ولايصفق راسك الدريشه وتعطل اكثر مايسوى عليك وانا ولد عمي سواها في واحد في شارع 22 فبراير وربط حزامه وضرب بريك بقو حق واحد وراه وضرب بريك هو بعد ووخر عن الطريق وولد عمي كان قاصد لانه الغلط بيطلع على الي وراه وكان ناوي عليه بالشر الغريب العجيب انه راعي السياره الي وراه لحق ولد عمي يبي يوقفه وكان معصب حده ومعاه رفيجه وولد عمي اصلن شري بوطير ولحقه ووقفوه عند شارع الخدمات ونزل وضرب السايق على طول ضرب بينهم في وسط الشارع ومسح فيه الارض ورفيجه عنده جهاز ويبلغ ومافزع حق خويه دليل انه ضفعه مثل خويه ويوم طيب خاطره ولد عمي منه حفص عليهم وراح وراح المركز اشتكى عليه ونسى الموضوع بعد اسبوع يترجونه يتنازل لانه الحبيب طلع عسكري وطلعو الغلط عليه وقال ولد عمي يخسي الاهو خله عبره لمن لايعبتر وخله يخيس في السجن
بالله عليكم شيسوى عليه مرضوخ ومضروب ومسجون وعلى فكره ترى طلعوه غلطان بسبب شي واحد فقط مب عشانه لاحم فيه من ورا ولا عشانه تهاوش او سب لالا بسبب انه هو الي وقفه المفروض عليه بس ياخذ رقم ولد عمي ويبلغ عليه مب يوقفه في الشارع ويتهاوش معاه بس واد عمي عطاهم درس ماعمرهم ينسونه وقاله ولد عمي الشرهه مب عليك على رفيجك الضفعه الي يوم ضربتك وزحفتك في الشارع مافزع لك خله ينقهر من قلب وولد عمي اصغر منه بسنتين هذا للعلم