بعد يومين باستوي أكملت 55 وبعد 3 أيام باستوي متقاعد رسمياً

اقتباس:

---

المشاركة الأصلية كتبت بواسطة sara jsm

مساءالخير والطيب للجميع ..

اخوي الصغير بوعبدالله يعني هالموضوع حق يوم ميلادك وحفله تقاعد !؟
شنو في خاطرك نهديك ؟ لان خاطري اسوي لك حفله في ماكدونالدز ولا تحب ديري كوين ؟ :ok:

:



صور صجيه من وين نجيب هالحزه .. هذي حزه شاي وحب مصري .. :rolleyes2:

---

حي الله إختي الكبيرة

تدرين ما يصلح معاي الا شيز كيك دايت من مطعم شيزكيك فاكتوري وهذا مطلوب من المهندس علشان نسولف سوالف هندسية

اقتباس:

---

المشاركة الأصلية كتبت بواسطة qatarman8008

مساء الخير عالجميع..
اخوي معماري الله يطول عمرك على الصحة والعافية وطاعة الله..
المفروض حضرتك اللي تعزمنا وتوزع علينا شرهات هههه..

---

مساء النور يا الرجل القطري

شسمها ملكة بريطانيا اليزابث العيوز الغنية تسوي عزيمة حق عيايز لندن وتدفعهم قيمة 150 باوند وتشربهم شاي مع بسكوت شرايكم اسوي مثلها بس مب طامع 150 ريال كفاية للشخص

اقتباس:

---

المشاركة الأصلية كتبت بواسطة نفسي عزيزه

العمر كله يارب بالصحه والعافيه وطاعة الرحمن

---

الله يسلمك ويعافيك ولك طولة العمر على الطاعات والخير

اقتباس:

---

المشاركة الأصلية كتبت بواسطة نفسي عزيزه

ساره عازمتنا على كيما من فرضة الخور وشاي حليب ماتوصل الساعه 7 الا الحارج واصل الحبل الصوتي

---

انا بنوع لكم بسكوتات وشاي منوع بعد يعدل المزاج

اقتباس:

---

المشاركة الأصلية كتبت بواسطة sara jsm

هههههههههههههههههه اشدعوووه
الخور بعيدة عليهم المساكين الا اذا بتصير مندوبي اليوم :p

---

نوصل الحسا تهريب ما نوصل الخور .. وبعد على الخط الساحلي الجديد شيء خيال

اقتباس:

---

المشاركة الأصلية كتبت بواسطة R 7 A L

كل عام وانت بخير يابوعبدالله والله يعطيك طوله العمر
ولاتحاتي العمر ترا فيه اكبر منك وهذي سنه الحياة ماشي يبقى على ماهو
وترا اغلبنا قريب من عمرك هههه اهم شي الواحد في ذي الحياة ان يبقى على دينه ويقول اللهم لاتفتنا في ديننا

---

آميــــــــــــن اللهم لا تفتنا في ديننا

وانت بخير اخوي رحال والحمد لله على نعمه وبأفضل حال

تعودت الخمول فترة طويلة وكنت شبه متقاعد من 2009 وألحين رسمي .. الحمد لله ممكن اشتغل في مجال مناسب لي والزين إن المجال مفتوح

اقتباس:

---

المشاركة الأصلية كتبت بواسطة sara jsm

والله على سعر السوق .. من الخور للدوحة 80
من الشمال للدوحة 120
رزق جايك لاترفسه هههههههههه

:

هذي هديتي حق اخوي الصغير بوعبدالله ..

https://d.top4top.net/p_11823dba60.jpeg

---

الله مشكورة بقوة

انا من محبي الفواكه

اقتباس:

---

المشاركة الأصلية كتبت بواسطة الحياة الخالدة

وعليكم السلام ورحمة الله وبركاته
العمر كله أخوي بوعبدالله ،، الله يبارك لك في عمرك ورزقك وأهل بيتك
توني أشوف الموضوع
بكرة ان شاء الله نحط الكيك والأكل الصجي هههههههه

---

حي الله إختي الطيبة

زين هشكل خليتونا نلعب بالألوان ونسوي شخابيط

اقتباس:

---

المشاركة الأصلية كتبت بواسطة مستـريــح البـــال

مرحبا ياخوي معماري..

ان شاء الله العمر كله بخير وعافيه وصحه،، وتحقق امنياتك ،، وتاخذ الدكتوراه ..

يقولون اللي توهم داشين الخمسينات انه افضل الاعمار ،، تزداد فيه جاذبيـة الرجـل :unsure: ،، وتكون خبرته العلميه والعمليه في أوجّهــا ..

من جذيه انا ارشحـك تديـر شـؤون جزيـره محطوط فيهـا "جاكيت حمــر داخله مخلــوق" رابطينـه في قلـص وناسيينــه ،، تجـرجـر لين افرطت منه قطـعــه ،، ما اعرفوا شنهـي بالضبــط،، فسمــوها " المعجزه" ..

هاه اشقلـت ،، بس انت قول ايـه بس ..

---

هلا ومرحبا فيك اخوي مستريح البال

وشلي بهالجزيرة بروحي رحت لها مرة مع واحد كنت مخطط اقعد كم يوم رجعت بسرعة عنه كلش ما عجبتني .. تبي انت تكون مستريح البال وانا متورط .. لو يفتحون قنصلية حق قطر في ميامي ويخلوني هناك أصغر موظف فيها راضي

اقتباس:

---

المشاركة الأصلية كتبت بواسطة رجل تعليم

اهلا ومرحبا وطول العمر ان شاء الله .
انا باقي 22 سنة عن التقاعد
لا أدري ماذا سيتبقى مني ان رزقت عمرا

---

العمر كله لك اخوي سعيد

كم السن القانوني للتقاعد عندكم؟