منقهر مكتب رئيس الوزراء خاطبته وخاطبوا البلاء والأذية ( البلدية سابقاً بالنسبة لي ) وسنين وهم يزنون فوق راسي ما اقدر افتح دريشة وكل واحد يتلكع .. كلمت الشرطة صرفوني رجعت للبلدية بس بشغل طرارة ومؤثرات صوتية وتموا بعضهم يحشروني في زاوية لين حصلت ناس تعاطفت معاي مبدئياً
بعدين اشتغلت على واحد من الإخوان القريبين واللي اشوفه من وقت لوقت واشوفه في المجلس قال بنشوف لك حل قانوني .. دور شهور وقال ما حصلت بند بس باحاول معاهم يمكن يجون بالطيب وزارهم .. يقول حالة يرثى لها مكدسين الكلاب ( يكرم القاريء ) فوق بعض في كبينة صغيرة الكلب الصايع والكلب اللطيف وثرى هذي أمانة تجيب جاكلين وسوزان كلباتهم ويخلطونهم مع كلاب صايعة مالت شوارع ما يجوز
يقول كلمت المصاروة هناك بس الظاهر عرفوا إن البلدية ( متئدرش ) ورجعوا لنفس الوضع .. آخر شيء كلمت مذيع وطني الحبيب صباح الخير من أيام وقلت عندي شكوى قال وقفوا استقبال الشكاوي والاتصالات
باقي الحل الأخير وهو اروح وزارة الاقتصاد والتجارة واشوف ترخيص هذي العيادة شفيه ممكن فيه حضانة مرفقة فهذيلا وضعهم قانوني ولا يحق لي المطالبة بشيء ويمكن مخالفين وانا شبه متأكد انهم مخالفين ولو حبوا يضيفون البلاد تشجع الاستثمار وما بتقصر معاهم وأكيد المجتمع حول هالعيادة نوت امبورتانت