اخطاء في البناء او الديكور ندمت عليها بعد الانتهاء.. شاركنا بتجرتك !!

موضوع مهم وفي غاية الاهمية
غلطتي

المجلس الخارجي والملحق الخارجي
لم انتبه لارتفاعات
الارتفاع 2 متر و 75 سم
يجب ان يكون الارتفاع اكثر من 3 متر

فالغلطة غلطة المصمم
اما المقاول فلم ينبهني او يستشيرني
فقال لي ان امشي على حسب الخرائط
اما الاستشاري الله يسامحه فقال لي اني اهتم بالقياسات الخارجية

وفي الاخير السالفة انا اكلتها


نقطة ثانية
يجب عليك ان تحدد ماذا تريد ان تركب من انواع من المكيفات
مكيف شباك او مكيف سبليت
مكيف شباك على الخرائط سمك واير الكهرباء 4 ملم
مكيف سبليت على الخرائط سمك واير الكهرباء 6 ملم
فحبيت اغير مكيف واحد ويندو في الطابق الارضي واستبدله بسبليت
قال لي المقاول عليك بدفع قيمة الواير 6 ملم مع بايبات الصرف للمكيف
ويجب اظهار الوايرات خلف الطوفة الخارجية لان عمل صبية فصعب يكسر الصبية

الشي الثاني
يحبذ استخدام مكيف ويندو للمطابخ لان المكيف السبليت يتجمع فيه دهن القلي
هذا لللعلم
ودعواتكم لاكمل بيت العمر

جزاكم الله خير ان شاء الله
انا والله استفدت مع العلم ان حنا ابتدينا في الاساسات للبيت
وحبيت اسئل اذا حد يعرف بايب فيتر عدل وشغله زين علشان التمديدات تعرفون لازم تكون من البدايه مع البناي
والبيت كبير واندور على واحد شغله عدل وبيباته اصليه علشان مايكون هناك اخطاء
ياليت اللي يعرف مايبخل علينا وجزاه الله الف خير

منكم نستفيد

شيكو علي الخرائط عدل لا تثقوا في المصمم راح جاب تصميم درج من خريطة سابقة وركبها بخريطتي

وطلعت الدرجات صغيرة عقب عدلتة ب 4000 ريال

- فتحة المكيف الاسبلت خل من يمنية ويسارة علي الاقل متر ونص لانة صار عندي خطأ حطيت فتحتين قريب

من الدريشة ذيك الايام يوم انسوي الخرائط ما نعرف الاسبليت لانة طول الاسبليت عندك اعتقد 10و1 متر

موضوع محترم بمعنى الكلمة

ملاحظة صغيرونه :
ابواب الحمامات اعزكم الله .. يفضل تكون من الألمونيوم
الخشب مع مرور الوقت يتشرب بالماء ولونه يتغير ويشوه المنظر الجمالي للحمام
خصوصا
اذا كانت الحمامات نوعية جيدة ومتعوب عليها .

قواكم الله
:)

اقتباس:

---

المشاركة الأصلية كتبت بواسطة مالكم أمل

موضوع محترم بمعنى الكلمة

ملاحظة صغيرونه :
ابواب الحمامات اعزكم الله .. يفضل تكون من الألمونيوم
الخشب مع مرور الوقت يتشرب بالماء ولونه يتغير ويشوه المنظر الجمالي للحمام
خصوصا
اذا كانت الحمامات نوعية جيدة ومتعوب عليها .

قواكم الله
:)

---

واللة يا خوك احترت مرة اقول بسوي خشب علشان يطلع ديزاين واحد مع ابواب الغرف

مع السلبية التشرب وتغير اللون

ومرة اقول المنيوم عملي
الاحظ اغلب البيوت الجديدة مسوين خشب وطالع متناسق مع ابواب الغرف لا مريت بس المشكلة بعدين
ولا زلت محتار !

جزاكم الله خير على الموضوع الطيب والمفيد .. متابع ان شاءالله

جزاك الله كل خير عالموضوع الرائع

اقتباس:

---

المشاركة الأصلية كتبت بواسطة الصيـاد

واللة يا خوك احترت مرة اقول بسوي خشب علشان يطلع ديزاين واحد مع ابواب الغرف

مع السلبية التشرب وتغير اللون

ومرة اقول المنيوم عملي
الاحظ اغلب البيوت الجديدة مسوين خشب وطالع متناسق مع ابواب الغرف لا مريت بس المشكلة بعدين
ولا زلت محتار !

---

الشيخ يوجد المنيوم بنفس لون الخشب
:nice::nice::nice::nice::victory::victory::victory ::victory:

السلام عليكم
بالنسبة لارتفاع الباب .. عندي لكم طريقة حلوه وبسيطه وسهله جدا لتحديد الطول المناسب جدا للباب

احسب 11 طابوقة من تحت لين فوق وبعدها حط صبية الباب .. شوف الصورة
http://www5.0zz0.com/2010/03/14/05/245207728.jpg

الا شخبار البنت هاوس وياك يالسد :nice:

اقتباس:

---

المشاركة الأصلية كتبت بواسطة الوفي

بالنسبــــــــــــة للبركة.........عندي نسيبي ماشاء الله عليه مسوي قبو بالارض ومخليها جلسة للرياضه والنقاهة وفيها بركـــــــة سباحة واجهزة جري ومطعمها بمكيفات سبليت يونت وغير هذا لها درايش ضيقة تطل بالحوش وباب واحد ومغفله وهنا الواحد يكون مطمئن وماتفتح الا وقت استخدام البركة والرياضة وتكون للكبار فقط.......والا اشفايدتها بالحديقة حق المنظر الخيالي.......الافلام تورينا فلل فيها برك كبيرة مع حركاتها وديزايناتها بس سكان البيت يكونون من كبار السن ورجال الاعمال وحنا نطبق هذا الشي ببيوتنا ولانحسب عواقب هذه البرك لعيالنا المساكين الي مايدركون نوع الخطر يشوفون البركة من الشكل السطحي الازرق ولايدرون ان تحتها قبة طويلة تؤدي للقبور يكفينا الشر........

---

انا مسوي في التصميم قبو وفيه حمام سباحه وغرف للرياضه والساونا وغيرها
والله يعينا على البناء ومشاكله
واشكر صاحب الموضوع على هالفكره الرائعه
والله يجعلها في ميزان حسناتك

السلام عليكم

انا ان شاء الله ببني بيسمنت (قبو) هل في احد عنده فكره او خلفيه عن الاخطاء الواجب تجنبها مثل

1 كيف اعمل الحوائط الجانبيه للقبو هل من خرسانه او طابوق محشي بخرسانه لان دشيت قبو مسوي حركه الطابوق المحشي بخرسانه

2 في واحد من الشباب يقول لاتسوي اي دوره مياه في القبو لان بتدخل في مشاكل التصريف
وفي مهندش يقول اعمل حفره لصرف الصحي مخصوصه لهالحمام

3 واللفت هل اخليه ينزل للقبو او يكفي الى الارضي افضل


ومنكم نستفيد

عندي قبو خرسانة ... وعندي فيه حمام ما طفح والحمد لله ... بس ورا البيت حفرة لمجاري القبو فيها بمب من نوع خاص.

لو عندي لفت كنت خليته من القبو للسطح ...

اقتباس:

---

المشاركة الأصلية كتبت بواسطة bluelion

عندي قبو خرسانة ... وعندي فيه حمام ما طفح والحمد لله ... بس ورا البيت حفرة لمجاري القبو فيها بمب من نوع خاص.

لو عندي لفت كنت خليته من القبو للسطح ...

---

شاكر لتفاعلك
القبو عندك هل لاحظت اي تسربات وما هو نوع العوازل التي استخدمتها مع الخرسانه
وبالنسبه لحفره المجاري هل هي بمستوى الحوش وشنهي المضخه المستخدمه او شنهي ماركتها او صناعتها

شكرا لك

الأرض فيها مياه جوفيه بهدلتني لما حفرنا للأساسات وتسربت داخل القبو من كم سنة (ارتفاع 2 سم من أرضية القبو) ... بس خلال كم يوم اختفت.

حفرة المجاري بمستوى أنزل من أرضية القبو بشوي وفيه مضخة ألمانية "submersible pump" وهي مضخة توضع داخل ماء المجاري في الحفرة وتضخه للمجاري العادية... القبو فيه حمامين وغسالة وما فيهم مشاكل مجاري والحمد لله خلال الست سنوات الماضية منذ بناء البيت...

اقتباس:

---

المشاركة الأصلية كتبت بواسطة القلم الصريح

السلام عليكم
بالنسبة لارتفاع الباب .. عندي لكم طريقة حلوه وبسيطه وسهله جدا لتحديد الطول المناسب جدا للباب

احسب 11 طابوقة من تحت لين فوق وبعدها حط صبية الباب .. شوف الصورة
http://www5.0zz0.com/2010/03/14/05/245207728.jpg

الا شخبار البنت هاوس وياك يالسد :nice:

---

على كيف كيفك
بسويه كوفي شوب :nice::nice::nice::nice:

موضوع مفيد جداً واكثر من رائع

يعطيكم العافيه

موضوع روعة

الله يوفق الجميع

موضوع مفيييييييد

يعطيكم العافية الصراحة موسوعة واقعية للبنيان

تسلموون كلكم

والله يسهل علييكم

مشكورين جميعا وماقصرتوا كلكم ... لازلت متابع وبقوه

ماشي ان شاء الله

اهم شي بيت جديد ومريح بالنسبة لي

موضوع رااااائع

مشكوووورين

الموضوع بصراحه يستحق التثبيت

بالنسبة لبرك السباحة اعتقد نستعيظ بالبحر اللي محاوطنا من ثلاث جهات ابرك وافود من مشاكل برك السباحة

يا جماعة الخير نصيحة للي يبي يسوي بلاط رخام سراميك بورسلان اللي سطحه فيه شوي خشونه اياني واياكم تخلون اللي يركب يصب الروبه صب ويمسح البلاط كله تراه بيخرب لون البلاط وبيلصق بالسطح الخشن والحل ان تقولون له بس بكل تركيز حط الروبه فقط بين الشقوق والفتحات اللي بين البلاطه والثانيه وخاصه اذا كان اللي يركب مصري لانهم ما يقتنعون بالنصيحة لما تطلب منهم ويقولون لك ان هذا عملهم وهم ادرى به وحتى لما تجيب لهم البلاطه الجديده وتراويهم الاخلاف بينها وبين اللي راكبه من ناحية اللون صدقوني ما يعترفون بالخطاء فرجاء لا تخلون اللي يركب يخرب عليكم البلاط بها الطريقة

بالنسبه لتركيب السبلت يونت المكيف بالنسبه للقطعه الخارجية يجب الاهتمام بان تكون متوازية مع البايب الخارج من الجدار يعني بعض اللي يركبون يحط الجهاز الخارجي اقصى اليمين وتلقى الهوز طالع من الجدار اقصى اليسار وبالنهايه تشوف الهوز مخرب المنظر نصيحة بان يكون الجهاز الخارجي يغطي على الهوز يعني تشوف فقط الجهاز وما تشوف الهوز == واذا ركبت على ستاند نأكد ان الاستاند بالضبط ورى المكيف ومتوازيه وقريبه من مخرج الهوز حق الغازما يكون بعيد حتى ما يخرب المنظر وتطول عملية التبريد وبالتوفيق

بخصوص السيراميك والبلاط والرخام

خذ باك اب من كل نوعية
يعني لازم يكون عندك في الاستور بلاط احتياط على الاقل خمس بلاطات من كل نوع

ارتفاع المجلس عن مستوى الشارع ,, كنت اتمنى لو رفعته اكثر’’

يعطيكم العافية .. الموضوع فكرته حلوة ..

يا ريت الأعضاء يضيفون بعض المزايا والأشياء اللي ما تحسفوا عليها خلال أو بعد البنيان

الله يقويكم ويهنيكم في بيت العمر وأنا وياكم ان شاء الله :)

مشكور اخوي على هالموضوع المفيد

انا اول مرة ادش على هالموضوع ويمكن ملاحظاتي تكون مكررة لكن كلها مصلحة

اول خطاء كان اختيار المقاول على اساس السعر دون التركيز على الجودة ( من تهاون باللحم خانت به المرقة )
اخترت استشاري شخصي وهذا زاد الطين بله وياليتني مختار المكتب اللي قام بالتصميم

المواصفات لازم تكون بالتفصيل الممل كل صغيرة وكبيرة بالنوع وجهة الصنع والمقاسات وحدود السعر واللي لازم يكون اكثر من سعر السوق بما لا يقل عن 10% ولا زم تستشير اللي بنوا حتى تتلافى النواقص

الابواب الرئيسية اذا كانت مقابله الشمس افضل تكون من الالمنيوم المشغول ( غالية لكنها قوية وتعمر وما تصدي مثل الحديد )

توزيع نقاط الكهرباء لازم يكون مدروس حسب الحاجة بدل ما تترس الجدران بدون حاجة ونفس الشي نقاط التلفون والدش .

اذا فلل ملتصقة لازم يكون جدارين وبينهم عازل

لا تخللي المصمم يعمل لك تخطيط فيه مناور لانها بلوى كبيرة خاصة وقت المطر .

بالنسبة للحمامات اعمل اغلبها بدون بانيو وخلل الشاور على السيراميك وكنسل البيدية لانه حسارة فلوس وياخذ مساحة بالحمام والشطافة اسهل منه

كفاية اليوم هالملاحظات ونشوفكم في الزيارة الجاية

نصائح من ذهب:

- لا تشتغل مع عرب..
مش تجني ولا افتراء ولكن من عدة تجارب اثبتت لي ان هذولا اهم شي بالنسبه لهم كيف يدخل من وراك ريال زياده باي طريقه وخلوكم من العواطف.. وابعدوا عن المصممين اللبـ .. طبعا معروفين .. خايييي ...كلام حلو.. ويرويك شغل حلو.. وصار لي سنه معاه شطبت البيت ولي الحين ما خلص لي التصميم ! طبعا مافي غيرهم يشتغل بالتصميم الداخلي :) تدرون ليش؟ اسهل شغله تبيع فيها كلام وزباينك معظمهم حريم :telephone:

- لا تحاول تخلي آسيوي يسوي شي يعرفه بطريقه مايعرفها..
اذا قالك انا يسوي هاي شكل انا ما يسوي هاي شكل.. ترى بيعفس لك البطح وصدقوني شي علمي.. هذولا عقلياتهم تطبيقيه بحته (اللي تعلمه في يوم بيطبقه طول 30 سنه) ومافي مجال للابداع او الابتكار.. ماعدا الفلبينيين والصينيين.. اذا مايعرف يقولك ماعرف وعندهم شوية ابداع..

- لا تشتغل مع صديقك او قريبك ولا حتى اخوك..
حتى لو شي بسيط وما يستاهل بس بعد مايسوى انك تخسر هالشخص بسبة شغله ماتسوى.. دائما تعامل مع ناس ماتربطك بهم اي صله.. لو صار ما صار.. دور على غيره..

- استشير الناس وقط بحر..
اسأل واستفسر وابحث وتقصى براحتك بس اذا مقتنع بشي سوه ولا تخلي حد يأثر عليك خصوصا الاهل :anger1: في النهايه انت اللي بتسكن البيت مب هم..

- تحرا الحلال.. واتق الله.. وانتبه تبخس اي عامل حقه..
ما دام طلب ووافقت عطه.. حتى لو تدري او دريت بعدين انه قص عليك.. بعض الشباب الله يهداهم يقولك خله يخلص بس وارويك فيه مب معطيه ولا ريال.. صدقني ماراح ترتاح في هالبيت طول عمرك اذا فيه طابوقه وحده بالحرام..

احس اني طولت.. :rolleyes2:

جزاك الله خير وكثر الله من امثالك

الصراحة الموضوع يستحق التعليق من كثر ماشوف الاغلاط الموجودة في البناء وخصوصا فيما يتعلق بشغلتي وهي تركيب وتوريد الحجر الطبيعي في قطر
اللي ابغي اتكلم عنه اليوم هو انه بعض الاخوان يبنون الفيلا ويكثرون الديكورات الكونكريتية مثل عمل ديكور حول النوافذ او الابواب او عمل الوارش اللي فوق بسماكة كبيرة
وبعد فترة يجي يبغي يركب حجر
اول شي لازم نكسر كل الخرسانات اللي عاملهم صاحب الفيلا
حتى نركب ديكور حجر خاص بالنوافذ
الشي الثاني الوارش اللي فوق مستحيل يتركب حجر ولو تم تركيبه سيكون مكلف جدا لان يحتاج قطع حجر صغيرة لتلبيسه او نحته والنحت مكلف
ويكون المالك اصلا دفع ثمن الوارش الكونكريتي
الشي الثالث الاعمدة : دائما يسوون الاعمدة بقطر كبيرة ولما نجي نركب حجر يكبر محيط العمود ونصف قطره حوالي 16 سم
فيكون العمود ثخين وغير متناسب مع الفيلا
انا انصح اللي يبي يسوي حجر بالتالي:
لايسوي اي ديكور بالكونكريت لان مصيره التكسير
والاعمدة يصغرها شوي ويحسب حساب انها بتكبر بعد الحجر
نافذة قبل وبعد الحجر

متابع جيد
مشكور اخوي على الموضوع

اقتباس:

---

المشاركة الأصلية كتبت بواسطة همر

نصائح من ذهب:

- لا تشتغل مع عرب..
مش تجني ولا افتراء ولكن من عدة تجارب اثبتت لي ان هذولا اهم شي بالنسبه لهم كيف يدخل من وراك ريال زياده باي طريقه وخلوكم من العواطف.. وابعدوا عن المصممين اللبـ .. طبعا معروفين .. خايييي ...كلام حلو.. ويرويك شغل حلو.. وصار لي سنه معاه شطبت البيت ولي الحين ما خلص لي التصميم ! طبعا مافي غيرهم يشتغل بالتصميم الداخلي :) تدرون ليش؟ اسهل شغله تبيع فيها كلام وزباينك معظمهم حريم :telephone:

---

:eek5::eek5::weeping:
الله يسامحك اخوي ليش جذيه بس
انا مصممــه ديكــور قطريــه والحمدلله سويت شغلي وخلصته باكمل وجه ، وفي الوقت المحدد للتسليم.. :victory:
اصابع يدك مش سوا،، :shy:

واسمحولي عالمداخله،،

العازل للحمامات الله يكرمكم سوو عند شركه معروفه حتى لو كانت غالي والتمديدات البيبات للحمامات خارجيه

اسجل حضوري ومتابعتي ،، موضوع جد مفيد