سيارات قديمة وحديثة ومن ضمنها سياراتكم وذكرياتكم معها

http://www12.0zz0.com/2016/02/06/01/983606627.jpg

هذه سيارتي الحالية والحمد لله
أرى فيها وجه صداقة غيبها الزمن
هكذا عمر كل شيء جميل ...
للأسف عارضها للبيع لمواجهة ظروف ما ...لكنني دوما على يقين تام بأن الله يرزق من يشاء بغير حساب
أحاول أن أزرع مثل هذا اليقين في أم الصغار وفي الصغار أنفسهم ...لكنني متأكد أن قناعات مثل هذه لا يتم غرسها بسهولة إلا بمعول الزمن
سيتعين عليهم أن يعيشوا آلاف المحن كما حدث معي لكي يكتشفوا بعد زوالها أن الله حي قريب وأنه لا ينسى عباده...
سيارة بنزينية رائعة جدا ...تأخذني باستمرار صوب مراكش وطنجة وأغادير وما بعدها ...
أسير حتى سرعة 140 كلم وتبقى ثابتة رغم خفة وزنها
صار لي 16 سنة وأنا أحمل رخصة السياقة
لم يسبق لي ولو مرة واحدة أن لمست بالسيارة شيئا آخر سوى الهواء
لم أصطدم بأي شيء أبدا ..لا سيارة أخرى ولا دجاجة ولا فأرا على الطريق
طوال كل هذه السنوات سددت غرامة جراء مخالفة واحدة ارتكبتها بسبب سرعتي الزائدة عند مشارف الرباط ...كنت ذاهبا لأرسل غرضا لعضو من المنتدى وكنت أخشى أنني تأخرت عن الشحن فصادني رادار لعين وكانت الغرامة ثقيلة
سحبوا مني في الحال رخصة السياقة واستعدتها بعد أن سددت في المحكمة
لا أتقبل مطلقا أن أرتكب أدنى مخالفة ...وعلى الطريق أستحضر دوما كل القيم الجميلة الممكنة والحمد لله
أسأل الله تعالى السلامة للجميع وشكرا لفكرة الموضوع الجميل

اقتباس:

---

المشاركة الأصلية كتبت بواسطة رجل تعليم

http://www12.0zz0.com/2016/02/06/01/983606627.jpg

هذه سيارتي الحالية والحمد لله
أرى فيها وجه صداقة غيبها الزمن
هكذا عمر كل شيء جميل ...
للأسف عارضها للبيع لمواجهة ظروف ما ...لكنني دوما على يقين تام بأن الله يرزق من يشاء بغير حساب
أحاول أن أزرع مثل هذا اليقين في أم الصغار وفي الصغار أنفسهم ...لكنني متأكد أن قناعات مثل هذه لا يتم غرسها بسهولة إلا بمعول الزمن
سيتعين عليهم أن يعيشوا آلاف المحن كما حدث معي لكي يكتشفوا بعد زوالها أن الله حي قريب وأنه لا ينسى عباده...
سيارة بنزينية رائعة جدا ...تأخذني باستمرار صوب مراكش وطنجة وأغادير وما بعدها ...
أسير حتى سرعة 140 كلم وتبقى ثابتة رغم خفة وزنها
صار لي 16 سنة وأنا أحمل رخصة السياقة
لم يسبق لي ولو مرة واحدة أن لمست بالسيارة شيئا آخر سوى الهواء
لم أصطدم بأي شيء أبدا ..لا سيارة أخرى ولا دجاجة ولا فأرا على الطريق
طوال كل هذه السنوات سددت غرامة جراء مخالفة واحدة ارتكبتها بسبب سرعتي الزائدة عند مشارف الرباط ...كنت ذاهبا لأرسل غرضا لعضو من المنتدى وكنت أخشى أنني تأخرت عن الشحن فصادني رادار لعين وكانت الغرامة ثقيلة
سحبوا مني في الحال رخصة السياقة واستعدتها بعد أن سددت في المحكمة
لا أتقبل مطلقا أن أرتكب أدنى مخالفة ...وعلى الطريق أستحضر دوما كل القيم الجميلة الممكنة والحمد لله
أسأل الله تعالى السلامة للجميع وشكرا لفكرة الموضوع الجميل

---

الله يحفظك إخوي رجل تعليم ويحفظ المغرب .. عندكم اتوقع أكثر السيارات فرنسية واسبانية واقتصادية لغلاء البترول

الله يرزقك ولا تحتد تبيعها خصوصاً إنها نافعتك

اقتباس:

---

المشاركة الأصلية كتبت بواسطة بانغ بانغ

الهيلكس اليديد وايد ريف وحلو بس غالي

بيكم ايصك 100 الف .... اشخلوا للالماني

---

غالي وايد وعندنا يبالغون في الأسعار

شوف هذا البيكم البطل فلم اندمجت معاه وبهرتني أمطار جدة هذي لو جاتنا صج بتكون كارثية

https://www.youtube.com/watch?v=ImxzPVbqBaI

اقتباس:

---

المشاركة الأصلية كتبت بواسطة بانغ بانغ

تكفى شغل الميموري كارد لاني كلمت كويتي ايجيب بس ماحصل من هالنوع

حصلتهم في سوريا ذيك الايام بس الله يهديني ماخذت

غووود نااايت غايز

---

نسيتك نساك الموت شوف الي عطاك ايه معماري وانا باجر بحط لك رقم الرجال الي اعرفه جاب لي موتر العام

اقتباس:

---

المشاركة الأصلية كتبت بواسطة معماري قطري

ابي آخذ بيكم حق السواق ومحتار بين الهيلوكس والنيسان .. النيسان البترول البيكم ما شفته ولدي يقول زين وسعره رخيص مستعمل .. وأي سيارة غير شرايكم شآخذ؟

---

النيسان فتك ماينفع حق دريول حاله حال البوحوض حق عزبه وله رمله ويصرف بترول



الهيلكس زين والبيكم النيسان زين مواتر ماتخترب خاصه النيسان بدله ايل فلتر وروح

روح شوف البيكم المازدا شكله حلو صراحه فالشارع
وعندك المتسبيشي بعد شكله حلو ورفيع كنه فوريول
واتوقع اسعارهم رخيصه بالنسبه للجديد والمستعمل بعد بس المستعمل ما انصحك فيه لان ما توقع لهم قطع غيار برا الوكاله والقرجات مالهم خبره فيهم

اما اذا مستعمل عليك باليكم النيسان او هايلكس بس حاسب تاخذ موتر درباوي

اقتباس:

---

المشاركة الأصلية كتبت بواسطة .قطر.

البيكم ماله حل :funny:

---

هههههههههه البيكم مامنه فايده كلمت واحد من الربع امس يجيبه العنه وهو جاي ارتفعت الحراره وهو مايدري ما وعى الا الموتر يدخن ههههههه ما تحسف الا على النقعه فالخريطيات يوم ينظفون كربيتره

وله الموتر شاريه ب 1000 ريال ههههههه

اقتباس:

---

المشاركة الأصلية كتبت بواسطة معماري قطري

ما شاء الله عليك طلعت مجرم سواقة يبين .. مصطلح انسدحت هذي القلبة الخفيفة صح؟ انا في رصيدي 4 قلبات ثنتين بدون حادث وثنتين بحادث .. الأخيرة تقطعت السيارة يمكن حول 8 أو 10 قلبات وانقذفنا منها انا واخوي .. كانت عندي كبسولة .. يوم رحت اشوفها في حجز المرور قبل ما صدقوا الشرطة إني انا اللي سايقها مسجلينها رنج بالغلط .. استغربت من ضربة في الزاوية الخلفية اليمنى .. معناها انقذفت وضربت الأرض .. ما اذكر الحادث كلش بس ولد عمي يقول يوم شفتك ثيابك مشققه وكلها دم

الحمد لله الله سلمنا .. كان وقتها حادث تقريباً كل قطر سمعت به وسكان قطر شوي وقتها وكان أول أيام الامتحانات

---

لا الحمدلله راكد فسواقتي خاصه اذا فشارع
اسرع ما اقولك لا بس ما اغامر واشطف حق خلق الله او الف على حد بعقل يعني سرعه بدون رعونه
وانسدحت صح يعني انقلبت تقريبا كنت امشي 100 على خط الخور وغفت عيني لاني ماكل حبوب زكام فتحت عيني وله قدامي باص تاتا صابني روع وكسرت السكان مره وحده وشاح الموتر بغيت اعدله ما اعتدل وحذفني صوب مجرا المطر وتقلب لين مايوده الشبك الي ع اليمين وسبحان الله اسوق قبلي الليسن ب 3 او4 سنين ويوم خذت الليسن ماكملت شهر

والكروزر الي انقلبت فيه هو الكروزر الوحيد الي فمواتري بمياجر كان

اقتباس:

---

المشاركة الأصلية كتبت بواسطة .قطر.

المكاين الصغيره منتشره هالايام حتى ف الفورويل مع تيربو او سوبرشارج عشان تطلع قوه
مادري والله عن الدبه حتى انا ودي اركب شي يسوي صوت موتري نفس الجمس بس احس مايصير هههه

---

انسو الموضوع

لكزس وفيكسار يعني 5.7 وتبون قوه زياده بطيرون ماشاء الله

المهم تبون شي يزيد العزم شوي عليكم بنفيولات دوق ثرولي مع واي بايب مع دبة الشركه او دبة دينمكس الطويله الكاتمه ودبة اخيره شركه واتوقع يزيد المكينة 10 هورس بور او حولها بدون برمجه لان غير هاي طلب صوت و حجز موتر 3 شهور

والدبه الالكترونيه حالها حال الولف الي العالم يركبونه قبل اذا يبي يستطرب بطل الولف من تحت اذا في ثبوت سكره وما منها فايده تذكر الا الصوت اذا ركبت الدبه بس

اقتباس:

---

المشاركة الأصلية كتبت بواسطة معماري قطري

ما شاء الله عليك زين محتفظ بالصور

مره كنت اقرا عن السيارات القديمة واللي محتفظة بسعر بيع جيد .. عمر 20 سنة وفوق وبالتدريج من الأقل تقدير للأعلى وحسب سوق أمريكا .. طلع الجي الأفضل وعندنا كثير يبيعونهم سرعة

عند ولدي 2007 تيربو قير عادي حاولت يبيعه وكله يقول لي في الشتاء يجيب سعر زين ما ادري أي شتاء يقصد

---

هالصور بعضها كنت حاطه فالانستقرام الحين وانا اقرا الردود بعد تذكرت سيارات غيرهم كانت عندي بس هالمواتر الي حاط صورهم هم صج الي كدو ومدو عندي واشتغلت فيهم ومغامرات

عندي صور وانا اضبط المواتر فالقراج احطهم؟ الي مسدوح والي ينصبغ والي مكينته مبطله ههههههه



الله يحفظه ولدك لازم هالحركات من الشباب عاد التيربو طربته مع بلواف محترم ول ول ول شي خيالي

اقتباس:

---

المشاركة الأصلية كتبت بواسطة معماري قطري

توني اشوف سباق من هالسيارات الصغيرة اللي يسمونها هاتشباك .. مثل البيجو 206 وغيرها صج عليها مكاين والحلبة طينية تمنيت اكون مشارك معاهم

ما ادري ليش ما يسوون حلبة خاصة منظمة في قطر لهذي السباقات وبتأمين وقوانين وللي يحب يجرب بمقابل معقول

---

لا هني يحبون التخميس بس :secret:

اقتباس:

---

المشاركة الأصلية كتبت بواسطة amaf535

هههههههههه البيكم مامنه فايده كلمت واحد من الربع امس يجيبه العنه وهو جاي ارتفعت الحراره وهو مايدري ما وعى الا الموتر يدخن ههههههه ما تحسف الا على النقعه فالخريطيات يوم ينظفون كربيتره

وله الموتر شاريه ب 1000 ريال ههههههه

---

ههههههه
الحين منظف كربريتره وتعبان عليه اخر شي يدخن بيعه احسن هههه
والله رخيص مافي روز رايس بهالسعر بعد :tease:

اقتباس:

---

المشاركة الأصلية كتبت بواسطة amaf535

انسو الموضوع

لكزس وفيكسار يعني 5.7 وتبون قوه زياده بطيرون ماشاء الله

المهم تبون شي يزيد العزم شوي عليكم بنفيولات دوق ثرولي مع واي بايب مع دبة الشركه او دبة دينمكس الطويله الكاتمه ودبة اخيره شركه واتوقع يزيد المكينة 10 هورس بور او حولها بدون برمجه لان غير هاي طلب صوت و حجز موتر 3 شهور

والدبه الالكترونيه حالها حال الولف الي العالم يركبونه قبل اذا يبي يستطرب بطل الولف من تحت اذا في ثبوت سكره وما منها فايده تذكر الا الصوت اذا ركبت الدبه بس

---

لا مابي ازيد العزم ابي صوت يطرب شوي يعني نفس الجمس لان صوت مكينته احلى بس اكيد مايصير :secret:

اقتباس:

---

المشاركة الأصلية كتبت بواسطة amaf535

النيسان فتك ماينفع حق دريول حاله حال البوحوض حق عزبه وله رمله ويصرف بترول



الهيلكس زين والبيكم النيسان زين مواتر ماتخترب خاصه النيسان بدله ايل فلتر وروح

روح شوف البيكم المازدا شكله حلو صراحه فالشارع
وعندك المتسبيشي بعد شكله حلو ورفيع كنه فوريول
واتوقع اسعارهم رخيصه بالنسبه للجديد والمستعمل بعد بس المستعمل ما انصحك فيه لان ما توقع لهم قطع غيار برا الوكاله والقرجات مالهم خبره فيهم

اما اذا مستعمل عليك باليكم النيسان او هايلكس بس حاسب تاخذ موتر درباوي

---

مشكور على النصيحة ولدي يدرس في دبي وعنده سيارتين هناك ويبي لو جا يستلم السيارة عارف له .. باشوف الأربع المتسوبيشي وبعد الاسوزو والنيسان والهيلوكس وحدي 4 سلندر وسنغل بعد

اقتباس:

---

المشاركة الأصلية كتبت بواسطة amaf535

هههههههههه البيكم مامنه فايده كلمت واحد من الربع امس يجيبه العنه وهو جاي ارتفعت الحراره وهو مايدري ما وعى الا الموتر يدخن ههههههه ما تحسف الا على النقعه فالخريطيات يوم ينظفون كربيتره

وله الموتر شاريه ب 1000 ريال ههههههه

---

يمكن مصخن من البرد .. لا لا خسارة فيه 1000 ريال هذا بس تذكار أيام داتسون

https://www.youtube.com/watch?v=nZZxjwW1its

هذي سيارتي الأُولى بس كان فيها مكيف وشوي غير .. خذت سنة 1980 بيضاء وبعد ما تكسرت في سنة خذت بيج سنة 1981 أو 1982 ما اذكر بالضبط والأُولى حصلت فيها قلبتين بسيطتين أما الثانية فقلبة بسيطة وقلبة شنيعة بعدها استويت أخاف من المغامرات والسرعة

وهذي رسمة الرسام السكين وهي قريبة جداً للواقع الأليم

http://www.m5zn.com/image.php?img=16200691.jpg

رحلتي مع السيارات حسب ما اذكر استمرت من 1980 و1983 خذ لي الوالد جي وكان أأمن بكثير يمشي تايرين ولا ينقلب .. كان موجود لفترة بسيطة بس موقف في الزرع ومنتهي حلي ومتقطع .. 1984 أو 85 خذت زد اكس 300 تيربو وتكنسلت خلال 8 شهور بعدها سنة 1986 خذ لي الوالد جي مستعمل استعمال خفيف وكنت بادي دراستي برا وخذت اسوزو تيربو سبورت .. بحط فلم دعاية عنها ما يصير في مشاركة فلمين .. انباقت في ميامي وخذت بعدها أكورد 1990 باب واحد

بعد ما خلصت خذت رويال صالون تيوتا 1993 وبعدها 1995 خذت في اكس ار أبيض من داخل جلد بيج وبقى عندي 14 سنة .. 1996 أو 97 خذت الميني فان البريفيا حق البيت .. 2009 خذت كدلك اسكاليد مستعمل شبه جديد بعد للبيت .. وقبل 2007 خذت أفلون لي وللحين تامة عندي .. 2012 خذت لكزس ال اكس و2013 خذت جي اكس آر حق ولدي وقبل خذت له تندرا في 2009 تقريبا مستعملة .. و بعد 2013 خذت لكزس ال اكس للبيت وبس

بيتنا كله تيوتا ما عدا نيسان واحد .. ونسيت بعد جي اكس 2008 وموجود للحين عند ولدي الصغير

الاسوزو لتفوتكم دعايتها تذبح ضحك .. اقول لعيالي شفت دعايتها وعجبتني وخذتها .. وينك يا سعد كنت تموت ضحك لين شغلت المشاش

https://www.youtube.com/watch?v=Ic0UejzZDZ8

اجمل سياره ارتحت معها الافلانش z71

تويوتا كراون موتر زين

ياعيني عليك يا معماري على هالموضوع الجميل

انا كنت مجرم سواقه الحمدلله ربك ستر

متابع معاكم :shy:

اقتباس:

---

المشاركة الأصلية كتبت بواسطة غير البشر

ياعيني عليك يا معماري على هالموضوع الجميل

انا كنت مجرم سواقه الحمدلله ربك ستر

متابع معاكم :shy:

---

نبي السي في كامل متابعة بدون اعترافات ما تنفع .. شوف مشرفتنا اعترفت إنها تدخل الدوار وتوقف تفكر بيدعمني مب داعمني لا لا لا جنه دعمني

اقتباس:

---

المشاركة الأصلية كتبت بواسطة بـن عدوان

تويوتا كراون موتر زين

---

ما ادري ليش ما يجيبونها

انا ادور هيلوكس ألحين وشفت الجديدة قريبة من سعر المستعملة ومحتار والله

اقتباس:

---

المشاركة الأصلية كتبت بواسطة العرابي

اجمل سياره ارتحت معها الافلانش z71

---

عند واحد من الربع ويمدح فيها .. انا احسها كبيرة وايد .. عجبتني الدوج الرام واحد خذ شبه جديدة ب 10000 دولار والنوع الفخم نسيت شسمه وشحنها من أمريكا بس صج كانت لها هيبة هناك

الفيديو الدعاية ليفوتكم فوق يذبح ضحك

موضوع جميل وممتع
بس الواحد يشوف السيارات القديمة
يستانس ويستمتع تحياتي
اخوي معماري قطري

اقتباس:

---

المشاركة الأصلية كتبت بواسطة naklan

موضوع جميل وممتع
بس الواحد يشوف السيارات القديمة
يستانس ويستمتع تحياتي
اخوي معماري قطري

---

حياك الله إخوي نقلان ولك أحلى التحيات

فيه ناس يهتمون بالقديم ويحافظون عليه ومن كل شيء مب بس السيارات

الجديدة تطورت كثير وفيه نوعيات تنبه السايق لو اقترب بطريقة خطرة من أي شيء جدامه وبعضها مطور أكثر ما يركب القير الا إذا تحزمت وبعضها بعد أكثر لو قربت من سيارة جدامك وحاولت تقرب أكثر يضعف العزم وتضرب بريك .. كلها موجودة وعندنا اللكزس فيها نظام الرادار بس ما يشتغل الا مع الكروز .. السيارات الألمانية الحديثة يشتغل على طول

نظام التنبيه عن الخروج من المسار .. أجرت أودي الصغيرة a3 وكان فيها يهتز السكان وصوت انذار وكم مرة وانا راجع تغط عيني وانتبه بسبب هذي الميزة

انا اول ماسقت خذيت لي تيدا لحد يضحك كانت سنه بس

والله تعلمت عليها

وعقب لكزز بلا منازع

موضوع شيق

اقتباس:

---

المشاركة الأصلية كتبت بواسطة عثرة جواد

انا اول ماسقت خذيت لي تيدا لحد يضحك كانت سنه بس

والله تعلمت عليها


وعقب لكزز بلا منازع

موضوع شيق

---

ههههههههه تلقين التيدا ورمت من الدعمات

http://i.imgur.com/Nsi9YP4.jpg

يازين هالنياسين القديمة ... اخوي كان واحد بالضبط نفسه بس عنابي

صج ايامه كانت فوق

اقتباس:

---

المشاركة الأصلية كتبت بواسطة naklan

ههههههههه تلقين التيدا ورمت من الدعمات

---

هههههههههههههه

لا وين ترا انا سواقة ماهره بس حادث واحد

اقتباس:

---

المشاركة الأصلية كتبت بواسطة بانغ بانغ

يازين هالنياسين القديمة ... اخوي كان واحد بالضبط نفسه بس عنابي

صج ايامه كانت فوق

---

هذا الموتر على يد اخوي الكبير من وكالته وانا استلمت العهده مكينة فير دفريشنات فتك

اقتباس:

---

المشاركة الأصلية كتبت بواسطة عثرة جواد

انا اول ماسقت خذيت لي تيدا لحد يضحك كانت سنه بس

والله تعلمت عليها

وعقب لكزز بلا منازع

موضوع شيق

---

آحب السيارات الصغيرة .. من أيام جربت المرسدس a عجبني بس صعب دخول السيارة الصغيرة علي .. وخذت لفة عليهم شفت السي الجديد باب واحد حلو بس غالي على حجمه قريب 300000 والإس وايد فخم .. كلهم بالنسبة لي صعوبة الدخول والخروج بسبب الركبة ومفصل الفخذ .. يوم طلعت ركبت في الفورويل قلت فرق عن سياراتهم وفيها مراعاة لراحة السائق وسيارة الواحد يعتمد عليها

اقتباس:

---

المشاركة الأصلية كتبت بواسطة amaf535

http://i.imgur.com/Nsi9YP4.jpg

---

هذي أيام الطيبين توقف السيارة برا لا البلدية يلزمونك بنوع معين من الطبيلات لا ونوع فاشل ولا فيه سرقات وايد

الجمس الأسود جربته في أمريكا .. واحد من الربع قال لي تحمل تدوس قوة لتحسبه مثل الهوندا .. توقعته يبالغ ما خذت الا التواير تعوي وكنا في مجمع سكني يعني بلاغ ولا دقيقة الشرطة حولنا وسجن وبهدلة

منزلين تيوتا بريوس الجديدة بتكنولوجيا حساسات ورادار لو قربت من شيء تضرب بريك تلقائياً .. الحساسات كثيرة حتى من الجوانب يعني لو حاول الشخص يصدم ما يقدر

https://www.youtube.com/watch?v=qWMk5Fez3So

بس التجربة في طوكيو وعندنا للأسف ما يجيبون سيارات بهذي التكنولوجيا البسيطة والمهمة .. يعني لو جيت مسرع واقتربت بصورة خطرة من سيارة جدامك تحذرك أولاً سيارتك بعدين تبدأ تخفف هي بنفسها وانا جربت هالنوعية في السيارات الألمانية في ألمانيا مب في قطر

موضوع جميل اخوي معماري واسمحلي بالمشاركات اللي راح امللكم منها ههههههههههههههههههه
اول سيارة سقتها كانت المرسدس الليموزين سيارة البيت اللي كنها دودة

http://www.majaless.com/up/get-3-2016-pws68llt.jpg

وعقبها فولكس الخنفسانة خذيت فيها لفة بالفريج ودشيت بالطوفة خبرك مافي بور ستيرنج وتحس انها ما تلف ههههههههههههههههههه.

ومن بعدها مرسدس 280 اس اي ال اللي كنها مدرعة وما شاء الله من سيارة كانت مصفحة ومركب عليها رنقات بي بي اس العراض ومرسدس نفسها بس الوارد الامريكي اللي هي نفس 450 اس اي ال 6.9

http://www.majaless.com/up/get-3-2016-5zheub3q.jpg

http://www.majaless.com/up/get-3-2016-uqynr5zr.jpg

ومن بعدهم مرسدس 190 2.3 طبعا اي ام جي وما شاء الله كانت صاروخ

http://www.majaless.com/up/get-3-2016-nvqc2c8d.jpg

وجايكم عقب بباقي السيارات .................................

ما شاء الله على السايكلون الأسود وأنا أحسبهم انقرضوا من البلد ، والله كانت أياامها أيام ما تيجي غير أسود وصحيح كلامك مجرمة السيارة والاستعراض فيها خطر أذكر وحدة بالدوحة كان رقمها كله خمسات.

اقتباس:

---

المشاركة الأصلية كتبت بواسطة معماري قطري

آحب السيارات الصغيرة .. من أيام جربت المرسدس a عجبني بس صعب دخول السيارة الصغيرة علي .. وخذت لفة عليهم شفت السي الجديد باب واحد حلو بس غالي على حجمه قريب 300000 والإس وايد فخم .. كلهم بالنسبة لي صعوبة الدخول والخروج بسبب الركبة ومفصل الفخذ .. يوم طلعت ركبت في الفورويل قلت فرق عن سياراتهم وفيها مراعاة لراحة السائق وسيارة الواحد يعتمد عليها

---

ماتشوف شر

أي السيارات الكبيرة غير بس من باب التغير الصغيرة حلوة

يالنورث تدري صور المرسيدس شنو خلتني اشم ريحة أول ^_^
يا سلام ..

اقتباس:

---

المشاركة الأصلية كتبت بواسطة راجي الْعفو

يالنورث تدري صور المرسيدس شنو خلتني اشم ريحة أول ^_^
يا سلام ..

---

ياخي صج انها مواتر قوية وخاصة 6.9 حريقة