بعد يومين باستوي أكملت 55 وبعد 3 أيام باستوي متقاعد رسمياً

اقتباس:

---

المشاركة الأصلية كتبت بواسطة sara jsm

والله مااظن ايامك في مستشفيات حتى هههههههههه
الله يطول بعمرك يااخوي ويمدك بالصحة والعافيه وراحة البال ..
بيني وبينك حول ال22 سنه :happy: ماشاءالله
ان شاءالله السنه الجايه نشوف المياوميه معاك ونحتفل فيك كلنا :happy:

---

77
:con2:

اقتباس:

---

المشاركة الأصلية كتبت بواسطة R 7 A L

77
:con2:

---

حتى في الحساب كسلان :happy:

مدري شلون نجح ها الرحال.. يبا 55_22=42سنه

الله يذكره بالخير الاستاذ ممدوح كان شاد علينا حده.

منك لله يااستاز ممدوح ماسويت خير في هالجيل هههههههههههههههه

اقتباس:

---

المشاركة الأصلية كتبت بواسطة sara jsm

حتى في الحساب كسلان :happy:

---

هههه ضحكتوني وضحكني أكثر رحال

ببساطة لأن سارة قالت بيني وبينك هو زاد 22 على 55 وحسابه صح وسهل أسهل من حسبة الناقص وبالناقص تساوي 33 ما ادري شلون يا سالم معلمك ممدوح انها 42 لا ومشت على صاحبة العمر والظاهر اجابة رحال أقرب للصح

اقتباس:

---

المشاركة الأصلية كتبت بواسطة R 7 A L

حرام انك تقاعد في هالعمر

وش جدولك اليومي

---

اسكت يا اخوي لي 3 أيام ما طلعت من البيت جسمي متكسر وشكلها صخونة

عن الجدول ما لي جدول مريح راسي لين بعد الصيف بعدين بشوف لي أي شغلة اطقطق فيها لو حصلت ومتمني ادارة مشروع هندسي كبير ولو تصميم + بناء بيكون أفضل لأني بتابع من البداية أما مشروع جاهز واتابع بس ما باقدر اطور فيه صح

اقتباس:

---

المشاركة الأصلية كتبت بواسطة sara jsm

والله مااظن ايامك في مستشفيات حتى هههههههههه
الله يطول بعمرك يااخوي ويمدك بالصحة والعافيه وراحة البال ..
بيني وبينك حول ال22 سنه :happy: ماشاءالله
ان شاءالله السنه الجايه نشوف المياوميه معاك ونحتفل فيك كلنا :happy:

---

هذي يبي لها ترجمة لغتكم يا اهل الشمال غير بعد ما سمعت مصطلح متعضرط ومتضعضع يئست منكم

اقتباس:

---

المشاركة الأصلية كتبت بواسطة معماري قطري

السلام عليكم ورحمة الله وبركاته

خلونا نحتفل سكاتي ليزعلون المطاوعة .. كيك ما ابي وسكريات ما ابي .. دعوة طيبة فلوس بعد زينة .. سندويش كيما حلو ولذيذ

---

لك طول العمر يا معماري .. عادك شباب!

عسى ربي يوفقك!

هلا وغلا بو عبدالله
العمر كله
Long life

تبارك الله بعدك شباب

الله يحفظك ويخليك لأهلك وجماعتك.

((( برسل لك كيكة عن طريق الواتس أب )))
:)

اقتباس:

---

المشاركة الأصلية كتبت بواسطة SouthK

لك طول العمر يا معماري .. عادك شباب!

عسى ربي يوفقك!

---

آمين ووياك يا اخوي

اقتباس:

---

المشاركة الأصلية كتبت بواسطة بوخالد911

هلا وغلا بو عبدالله
العمر كله
Long life

تبارك الله بعدك شباب

الله يحفظك ويخليك لأهلك وجماعتك.

((( برسل لك كيكة عن طريق الواتس أب )))
:)

---

مشكور يا بو خالد

ما تقصر برسايلك الطيبة دوم

اقتباس:

---

المشاركة الأصلية كتبت بواسطة معماري قطري

مشكور يا بو خالد

ما تقصر برسايلك الطيبة دوم

---

الله يحييك بو عبد الله

اليوم بالجرايد نزلوا التعديلات بخصوص الفلل والمجالس

https://www.al-sharq.com/article/01/...كنية-للمواطنين

مستغرب يا بو خالد من هالتأخير والمماطلة الطويلة

الأُمور سهالات ويفترض حتى دور ثالث كامل وفوقه بنتهاوس ما دام عارفين الألمنيوم اللي ما يكشف الجار وعارفين إن ممكن الواحد يسوي منور سقفي ينفتح على كم دور

بعدين ما ادري شعقدتهم للحين مع الارتفاع ولا ادري ليش ما يذكرونه .. زين ذكروا المجلس والباقي ليش ما اذكروه

وشخطتهم للشوارع التجارية والشوارع اللي ناويين لو لهم نية يخططونها صح والمناطق جديدة

اقتباس:

---

المشاركة الأصلية كتبت بواسطة معماري قطري

مستغرب يا بو خالد من هالتأخير والمماطلة الطويلة

الأُمور سهالات ويفترض حتى دور ثالث كامل وفوقه بنتهاوس ما دام عارفين الألمنيوم اللي ما يكشف الجار وعارفين إن ممكن الواحد يسوي منور سقفي ينفتح على كم دور

بعدين ما ادري شعقدتهم للحين مع الارتفاع ولا ادري ليش ما يذكرونه .. زين ذكروا المجلس والباقي ليش ما اذكروه

وشخطتهم للشوارع التجارية والشوارع اللي ناويين لو لهم نية يخططونها صح والمناطق جديدة

---

فكرة بناء قبو تحت المجلس وايد أعجبتني

ولو اسمحوا ببناء دور فوق المجلس
بتكون الفكرة واايد حلوة وروعة

هذي انجازات الوزير الحالي وبسرعة لأنه مهندس وفاهم

في السابق كان لازم تبني داخل خط الملكية لكن مسموح تطلع 10سم من جهة الشارع للأعمدة وبروز بسيط للبوابة وما تضيق أرض الحكومة .. سمعت شخص يشتكي يقول طالبين منه يهدم هذا البروز

اقتباس:

---

المشاركة الأصلية كتبت بواسطة بوخالد911

فكرة بناء قبو تحت المجلس وايد أعجبتني

ولو اسمحوا ببناء دور فوق المجلس
بتكون الفكرة واايد حلوة وروعة

---

وفكرة المجلس المشترك بين أرضين

سويت تصميم حق اثنين اخوان والحين يحفرون للبنيان .. المجلس بين أراضيهم وفيه بيسمنت كله بحوش نازل وبدرايش تطل على هذا الحوش .. الله يوفقهم ألحين استوى هالشيء قانوني

اقتباس:

---

المشاركة الأصلية كتبت بواسطة معماري قطري

هههه ضحكتوني وضحكني أكثر رحال
ببساطة لأن سارة قالت بيني وبينك هو زاد 22 على 55 وحسابه صح وسهل أسهل من حسبة الناقص وبالناقص تساوي 33 ما ادري شلون يا سالم معلمك ممدوح انها 42 لا ومشت على صاحبة العمر والظاهر اجابة رحال أقرب للصح

---

هههههههههههه شكله ضربني الخرف بدري
يالله اهم شي كلنا نفس الجيل هههههههههه

:
:

بوعبدالله لو عندك مكتب استشارات هندسيه ممتاز ..
عشان احطك استشاري على بيتي :p بدال قعدة البيت :looking:

اقتباس:

---

المشاركة الأصلية كتبت بواسطة sara jsm

هههههههههههه شكله ضربني الخرف بدري
يالله اهم شي كلنا نفس الجيل هههههههههه

:
:

بوعبدالله لو عندك مكتب استشارات هندسيه ممتاز ..
عشان احطك استشاري على بيتي :p بدال قعدة البيت :looking:

---

قوانين التجارة تحمل صاحب العمل ما لا طاقة له .. يبونا خدم لموظفينا بدال ما هم يخدمون نفسهم ويشتغلون صح .. ما حبيت هالمجال وافتح لي مطيعم صغير يسوي جباتي ممكن استفيد أكثر

في النهاية ربعي اللي فتحوا أما خسروا وسكروا والا جابوا واحد عيار يعطيهم أجار ثابت وياخذ الهمجات من كل صوب

خلاص باسوي بينك عقد بالباطن لامن شاف ولا من دري :strong
واشتغل من تحت لتحت والله بتكسب ذهب فوق الكنز اللي خاشه ورى ثلاجة المطبخ :happy:

:

يالله قولنا قصة اول يوم داومت فيه ؟

اقتباس:

---

المشاركة الأصلية كتبت بواسطة معماري قطري

قوانين التجارة تحمل صاحب العمل ما لا طاقة له .. يبونا خدم لموظفينا بدال ما هم يخدمون نفسهم ويشتغلون صح .. ما حبيت هالمجال وافتح لي مطيعم صغير يسوي جباتي ممكن استفيد أكثر

في النهاية ربعي اللي فتحوا أما خسروا وسكروا والا جابوا واحد عيار يعطيهم أجار ثابت وياخذ الهمجات من كل صوب

---

بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

اقتباس:

---

المشاركة الأصلية كتبت بواسطة ya3coub

بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

---

سامحني يا اخوي يعقوب سهيت عن هالموضوع

أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها

اقتباس:

---

المشاركة الأصلية كتبت بواسطة sara jsm

خلاص باسوي بينك عقد بالباطن لامن شاف ولا من دري :strong
واشتغل من تحت لتحت والله بتكسب ذهب فوق الكنز اللي خاشه ورى ثلاجة المطبخ :happy:

:

يالله قولنا قصة اول يوم داومت فيه ؟

---

ذكريات يا اختي وما شاء الله عليج شكلج انتي المليونيرة لو باشترك باستفيد انا المجهود وانتي الفلوس توكلي على الله

بداية دوامي الله يرحم الموجودين وبعضهم من ربعنا .. قال الوالد رحمة الله عليه تعالوا باوديكم تدريب صيفي ووقتها ما كنا نعرف الطيارة الا لو شفناها في الجو .. السالفة في 1978 كنت 14 وقتها لكن بريء مب مثل أطفال الحين يعرفون كل شيء .. رحنا معاه كنا 4 وجلسنا ننتظر الزعيم محمد بن عبدالله العطية في مكتبه .. أول ما دخل الكل قام وانا انتبهت وسويت مثلهم التفت حق ابوي وقال له قايل لك يا عبدالله ابي بس واحد أكبرهم مب كلهم وإبوي يبتسم ويحاول إنه يقبلنا كلنا .. قال السنة الجاية الباقيين ودخلوني .. تدريب وحر وشمس ولباس ثقيل لكن كنا مشتطين كلنا واستوت لي صداقات سريعة .. كان أصغرنا عمره 10 سنين وكنت انا آخر الملتحقين ربعي قبل استلموا راتب وكانت الرواتب مع التاريخ الهجري وقبل نهاية الشهر بيومين أو ثلاثة .. كان معين لنا سواق سوداني عصبي وشرير نسيت اسمه تقريباً على لساني وانساه .. المهم كنا نتسابق الساعة 11 ونص من يصيد آخر مكان في بدي اللندروفر حتى نشم شوية هواء .. معانا الوزير خالد بن محمد العطية كان عمره 12 تقريباً والصغير اللي عمره 10 سمعت إنه توفى الله يرحمه ولا بمتأكد ممكن تشابه أسماء وكذلك واحد مناعي استوى محامي واشترك مع خالد في مكتبه بعد سمعت إنه توفى .. النكتة يوم توزيع الرواتب وكانت 1865 ريال ولا كنت ادري إن فيه راتب .. قالوا لي ربعي صف معانا بنستلم قلت لهم ابوي ما قال لي فيه راتب قال بس تدريب بسيط ووقفت بعيد عنهم .. لزموا علي وصفيت وبصمت واستلمت وأول مرة وقتها امسك 500 ريال لا الا 3 خمسميات فجأة استويت غني

باقول لكم بعدين سالفة الرماية

جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

الله يبارك لكم فيها ويرزقكم برها..

اقتباس:

---

المشاركة الأصلية كتبت بواسطة معماري قطري

سامحني يا اخوي يعقوب سهيت عن هالموضوع

أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها

---

مابه مشاكل والله يجزاك خير يا بو عبد الله عالرد. بس لو اعرف وين ممكن اروح علشان اجيب هالرد رسميا.

اقتباس:

---

المشاركة الأصلية كتبت بواسطة معماري قطري

جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

---

بو عبد له عيل بنسميك بابا عود الف الف مبروك والله يجعلها باره بوالديها و فيكم ان شاء الله ز جداتها يا رب العالمين.

بابا عود :happy: :happy: :happy: يبيله :eek2:

اقتباس:

---

المشاركة الأصلية كتبت بواسطة qatarman8008

الله يبارك لكم فيها ويرزقكم برها..

---

آمين والله يرزق الجميع

اقتباس:

---

المشاركة الأصلية كتبت بواسطة ya3coub

مابه مشاكل والله يجزاك خير يا بو عبد الله عالرد. بس لو اعرف وين ممكن اروح علشان اجيب هالرد رسميا.



بو عبد له عيل بنسميك بابا عود الف الف مبروك والله يجعلها باره بوالديها و فيكم ان شاء الله ز جداتها يا رب العالمين.

---

الله يبارك فيك ويحفظك سموني اللي تبون توني طفل

هذي لو تروح التخطيط معاك سند الملكية هم يقولون لك شالممكن .. كان قبل فيه لهم مكتب صوب المنطقة اللي شرقي سوق الجبر ما ادري اذا للحين أو تغير الوضع .. كذلك ممكن تستفسر في البلدية اللي تابعة لكم لكن 4 وايد ما اتوقع يوافقون

اقتباس:

---

المشاركة الأصلية كتبت بواسطة sara jsm

بابا عود :happy: :happy: :happy: يبيله :eek2:

---

كلها سنة ويجونج أحفاد

اقتباس:

---

المشاركة الأصلية كتبت بواسطة ya3coub

بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

---

سوري على المداخله اخوي يعقوب ..
اتوقع مستحيل يوافقون الفيلا الوحدة 250 !!؟ كم مساحة المبنى ولاتنسى الارتداد ..
برأيي ماينفع لا سكن ولا ايجار .. اما 500 مساحة معقوله ..
اظن يعطون التصريح للفيلا الوحدة كـ مساحة كامله 450
:
كانت عندي ارض دولة مساحتها 1200 وشوي ...
كنت باقسمها لـ فيلتين .. قالوا ممنوع لازم على سند ملكية وحدة واذا باسوي مايكون بينهم سور يعني في حوش واحد .. هالكلام قبل 7 سنين .. لكن القوانين تغيرت مع الكثافه السكانيه والاراضي صغرت اغلبها مب نفس النظام القديم ..
اسال في البلديه اخوي يعقوب واستفسر منهم عدل .. عندهم الموضوع ..

:

اقتباس:

---

المشاركة الأصلية كتبت بواسطة معماري قطري

كلها سنة ويجونج أحفاد

---

هههههههههههه عيالك عيالي اعتبر صرت جدته دامكم بتعطونا بنتكم :app2:
بوعبدالله شعور ولد الولد غييييير عن الاحساس بالابوه ...
بتموتووون عليها وباذكرك .. 😍
الله يحفظها يارب وتشوفها قاعدة على كرسيك اللي صارله 20 سنه وتتعبث في كمبيوترك :p

الله يحفظج إختي سارة خلاص بعد ما نبي مهر تنازلنا عن كل شيء

اقتباس:

---

المشاركة الأصلية كتبت بواسطة معماري قطري

جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

---

ما شاء الله تبارك الله
تتربي في عزكم و الله يجعلها من الصالحات القانتات

اقتباس:

---

المشاركة الأصلية كتبت بواسطة سالم الزهران

ما شاء الله تبارك الله
تتربي في عزكم و الله يجعلها من الصالحات القانتات

---

آمين

الأيام تمر يا بو زيد وكبرنا

صباح الورد بوعبدالله

بل طلعت شيبه

وانا كنت اضنك بالعشرين وكيوت ..


المهم عندي اقتراح لك اذا خذت التقاعد ..

كل يومين دور بالجمعيه واشتر خبز وروتي سليس وصمون للبيت وروب وحليب ممم هالسوالف يعني ..

واضحك وتغشمر مع الموظفين الي بالجمعيه نفس ماجوف الشياب الي بجمعيتنا ايسوون كذا ..

وبعد ممم

الصبح البس جوتي رياضه وانت بكرامه وامش بالمولات وتالي تعرف لك على كم شيبه وطق معاهم سوالف بالكافيهات ..

و مممم

العصر روح سوق واقف بهالقهاوي وجوف الساير والجاي مع قلاص كرك وطبعا اهم شيء تجلس مع الشياب هناك وسوالف لين اللليل ..

ولاتنسى بعد

((الفكس الأخضر )) على شان اتدهن جسمك بعد التعب واتلحف ابر نوص ..


وعندي لك بعد كمن اقتراح بسردهم بالايام اليايه = الجايه .

تحياتي

مشكور يا حمد على هالنصايح الحلوة

انا اشتغل 1 سلندر من 8 خلاص ( بايقها من نكلان ) والله يا اخوي من محبي قعدة البيت والحمد لله

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

اقتباس:

---

المشاركة الأصلية كتبت بواسطة نفسي عزيزه

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

---

تعال شف عندنا واحد عمره اثنين وسبعين سنة، اول شيئ يصدمك فيه يقول لك على عمره.. شكله تقول توه اربعين.. ودايم يقول ترون عمري اثنين وسبعين و ماشاء الله.. ربك يعطي بعض الناس صحة في النفس والخاطر اهي تطول العمر بإذن الله.. في ناس ملايكة يا الربع

اقتباس:

---

المشاركة الأصلية كتبت بواسطة نفسي عزيزه

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

---

الحمد لله والحمد لله الصحة مسيطرين عليها وهذا أهم شيء

أكيد اعتبر نفسي صغنون ما كبرت بس قلت احتفل بالرقم الحلو 55

اقتباس:

---

المشاركة الأصلية كتبت بواسطة سالم الزهران

تعال شف عندنا واحد عمره اثنين وسبعين سنة، اول شيئ يصدمك فيه يقول لك على عمره.. شكله تقول توه اربعين.. ودايم يقول ترون عمري اثنين وسبعين و ماشاء الله.. ربك يعطي بعض الناس صحة في النفس والخاطر اهي تطول العمر بإذن الله.. في ناس ملايكة يا الربع

---

اللي رياضي ويستمتع وكثير الحركة ومرتاح ما يبين عليه .. كان معانا في العمل شيبة الله يعطيه الصحة عمره 73 أو 75 نسيت بالضبط بس حدا الرقمين .. كان قوي ويركب فوق يربط تانكي مياه كبير فوق تريلا

انا مستحيل اقدر على هالحركة بسبب الركبة ومفصل الفخذ

ياخوي معماري، التقاعد اصبح البعض ينكت عليه.. متقاعد يطفي الليتات ومتقاعد يرش المدخل ماي ومتقاعد مدري شيسوي!
الحقيقة التقاعد نجاح ما بعده.. لانك طويت صفحة مملة ومتعبة من حياتك وانهيتها بنجاح.. وما هو موضوع للتندر والسخرية.. لكن البعض يعشق الربطة وكلها عشان كم فلس زيادة كل يوم وهو قابض الشارع مداوم!

التقاعد حلم اتمنى يتحقق، والعمل مؤسف مهما كان ومع من كان.. الا مع رب العالمين