والجميع وكل من يقرأاقتباس:
المشاركة الأصلية كتبت بواسطة نفسي عزيزه
أسعدتني كلماتك الطيبة وهذا اللي يهمني نشر الوعي الصحي بشكل عام وخصوصاً للمصابين بداء السكري شفانا الله جميعاً منه
عرض للطباعة
والجميع وكل من يقرأاقتباس:
المشاركة الأصلية كتبت بواسطة نفسي عزيزه
أسعدتني كلماتك الطيبة وهذا اللي يهمني نشر الوعي الصحي بشكل عام وخصوصاً للمصابين بداء السكري شفانا الله جميعاً منه
السلام عليكم ورحمة الله
نرجو من الله السلامة للجميع - اعتقد ان افضل علاجات السكري موجودة في تايلند في مستشفي الدكتور بي او المستشفي الملكي في تايلند
شركة يا مرحبا توفر افضل علاجات القدم السكري عبر مركز التنسيق الطبي الخاص بها
http://files2.fatakat.com/2017/7/pos...36485_2364.gif
العلاج في تايلند
العلاج في المستشفي الملكي في تايلند
عليكم السلام ورحمة الله وبركاتهاقتباس:
المشاركة الأصلية كتبت بواسطة نرمو القطب
كلامك صحيح وسمعته من كم جهة لكن الأهم من العلاج الوقاية من مضاعفات السكر .. وصحيح انا بدت معاي متاعب الأقدام لكن الحمد لله بديت انتبه واحافظ على السكر معتدل وآخذ فيتامين ب المركب مع التمارين البسيطة للدورة الدموية ومنها رفع الرجل بطريقة عمودية وانا نايم مع شد بطة الرجل .. هذا التمرين يخلي الدم يتحرك جهة الجسم ويجدد الدورة الدموية لللأقدام
الله يشفيك اخوي معماري ويمد لك في عمرك فعليا السكر والضغط ماخلا بيت منهما
اهم شي الواحد يتعايش مع المرض لو كان مزمن فيحافظ على نفسه باتباع توصيات الدكاتره
الانسان لو يحافظ على الرياضه واخذ الفيتامنيات والاكل الصحي ان شاء الله اموره بتكون طيبه
وفي هذا العصر نشوف شباب صغار في السن وفيهم السكر .. وهو لين الحين شباب في العشرينيات؟
طول اليوم شرب الكرك وايضا قلة الحركه مسبب رئيسي للسكر بين الشباب
ماتشوف شر ان شاء الله.
والله يشافي الجميع
تحياتي
الله يشافي الجميع إخوي راعي الكورفيت
ما ادري ليش اطالع الكورفيت وهي تنزلق هذي الإنزلاقة الخفيفة وخاطري لو اكون فيها .. ياليت المرسدس ينفصل نظام الفورويل كان بيكون حلو في بعض اللفات والله يستر علينا من الكيمرات عاد مب حلوة يصيدوني ويودوني التحريات عند ضابطهم الكبير وأعرف واحد منهم من أيام الدراسة
قصتي مع السكر بدت في عمر ال 17 أو ال 18 بالكثير وأول ما جاني كان قوي وايد ضعفني حتى عيوني كانت جاحظة وكنت في الجيش مع الطلبة لي بين 3 أو 4 سنين رحت وقتها للزعيم رحمة الله عليه الوالد محمد بن عبدالله العطية واشتكيت من هالعارض وقلت اني باوقف الشغل .. أذكر وقتها الجو بارد وحلو ودوامي في الصيف وكان جالس في ليوان المجلس على كرسي خشبي وحوله ربعه جلست جنبه وقلت له شصار معاي وبنيتي ترك العمل .. رد علي قال انا مثلك جاني في عمر ال 17 وكان وقتها في السبعين واستطرد بأنه عايش حياته ياخذ أدويته وياكل عادي ويشتغل عادي .. قال لو عندك سبب ثاني قول وبنشوف لك حل لكن لو بس السكر خلك معانا وبنراعيك قلت لا بس السكر وما قصرت طمنتني ونصيحتك في محلها ونويت اتحرك من جنبه حتى افسح المكان لغيري .. مسكني وقال اجلس وكان مار اللي يصب الشاي ولا خذت من عنده لأن فيه سكر .. شوي ويجيبون له طاولة عليها الشاي الخاص مع المحلي الصناعي ويجهز له بيالة ويمدها ويعطيني وخذتها من يده وشربت معاه واللي حوله متعودين يجونه ناس في مشاكل الشغل بس هذي الحركة فتحت عيونهم علي من هذا وليش يعامله كذا .. كان من أبناء عم خوال الوالد وصديق مقرب له رحمهم الله وكنا نواة تجريبية للطلبة في الجيش أول دخولنا صغار .. الحمد لله فخور بأني عشت عمري عسكري ومهندس واستمريت في العمل لما يزيد عن 40 سنة ومهما أعطيت لم أفي قطر حقها ولم أفي آبائي وإخواني وأبنائي في هذه المؤسسة حقهم وأخذت أكثر مما أستحق
أخيراً هذه قطر وما زالت والخير في كبارها وشبابها وصغارها وأطفالها
https://www.youtube.com/watch?v=2D2RyZn6lfc
أتوقع سبب خشونة المفاصل هو أدوية الكولسترول لأنها تشيل المواد اللي تزيت المفصل
المسمى بالكيتو دايت هو الإمتناع عن السكريات والنشويات وتحفيز الجسم لتقليل إنتاج الأنسولين والإعتماد على استخلاص الطاقة من الدهون وهذا يساهم في صحة مريض السكر النوع اللي ما ياخذ أنسولين .. لكن اللي ياخذ أنسولين وضعه يكون صعب وفي أوقات جسمه يحتاج سكريات لأن الإنسولين الطبي والصناعي غير عن الطبيعي وله تفاعل يكون ذروة في وقت معين .. عندي إخو عنيد ونحيس ما تفيد فيه أي نصيحة .. هذا أمس اشوفه رجله ملفوفة من نص الساق لتحت وكم مرة يجيه هبوط ويحس به بس يكابر ويصبر لين يطيح .. مرة انقلب بسيارته في شارع ضيق في الفريج خلاها تدور وهو في حالة اغماء وضرب شجرة وهالمرة ضرب في طابوقة وانشقت رجله وأنقذوا حياته الإسعاف .. يتعمد يجوع نفسه وياخذ دواء بدون أكل أو أكل قليل كلش وعنده جهاز القياس الدايم ولا يركبه ولا يستعمله ماخذه بس زينة .. هله وعياله تعبوا معاه كم مرة يطيح لسانه طالع وعيونه متنافصة من نزول السكر .. وأمس مستانس يقول أحس إني اتصارع مع ملك الموت
وعندي ولد عم عكسه ما ياخذ أدوية بس يموت على الأكل والسكريات ما يقاومها وكله سكره مرتفع وسياسته العمر واحد وهذا السكر جديد عليه بس شكله ياكل في جسمه .. الدكتور وصف له ابره يقول ليش آخذها وتنزل السكر ونزوله مب زين
الأول عصب على الصيدلية في المستشفى واستوى يشتري دواه على حسابه ويتطبب في عيادات خاصة تبتزه ولا عندهم خبرة مثل مستشفى حمد .. والثاني يبغي يفرض شروطه على الطبيب اللي يعالجه وسامح لبطنه بالأكل .. الأول ضعيف والثاني وزنه زايد والإثنين أمثلة على عدم العناية بالسكر
https://www.youtube.com/watch?v=3j3eLk03Gno
لو عندنا صعب يشخصون مرضها وهو بسيط في النهاية
https://www.youtube.com/watch?v=X5DGebRqg9s
معلومات قيمه ومفيده اخوي
الله يعطيك الصحه والعافيه
بالنسبة للكيتو دايت، انا مع تقليل التشويات والسكريات
قدر المستطاع لان طبيعي الانسان يحتاج من كل شي منهم شوي
والرياضة باستمرار وبدون انقطاع تحسن اللياقه وتضبط وايد من النفسيه
وهالشي راح ينعكس على صحة الجسم كله
بالنسبة للشمام اللي اعرفه انه يصلح للريجيم لقلة سعراته الحراريه
لكن كتأثير على السكر ماعندي فكره لكن السكر الطبيعي من الفواكه اكيد افضل
من المصنّع وياريت تفيدنا بخصوص الرازبيري او التوت الاحمر
وما تأثيره على سكر الجسم
هلا إخوي طلعة الروحاقتباس:
المشاركة الأصلية كتبت بواسطة طلعة الروح
متفق معاك في كل ما قلت
الرازبيري ما ادري اذا هو التوت الأحمر انا يطلع عندي في البيت واكل منه كمية معقولة له تأثير برفع السكر لكن بحدود معقولة اللي أحلى منه التوت الأبيض .. فيه جام آتريق منه أوقات بدون اضافة سكر بعد يرفع بحدود بسيطة .. لو تذكرت باصور العلبة حتى ينعرف إسمه للي يبي هذي المأكولات وسان دالفور كله يجي طبيعي بدون سكر ويكتبون نسبة سكريات الفاكهة المستخدمة في كل نوع عاد سان دالفور فرنسي اللي مقاطع ياخذ وهو مغمض
سكر الفواكه والعسل الطبيعي في الغالب الجلوكوز فيه قليل ومكونات السكريات الثانية غير مثل سكر الفواكه حتى في العسل بس بعد ترفع السكر ولازم ناخذها باعتدال
شاكرتلك استاذ معماري المعلومات القيمه
اول مره ادري ان العسل مايرفع الانسولين
سمعت ان حتى السكر الصناعي يرفع الانسولين
واي شي حلو الجسم يستقبله يصير كأنه طبيعي ويزيد الوزن؟
العفو إختي الكريمةاقتباس:
المشاركة الأصلية كتبت بواسطة طلعة الروح
سامحيني ما وصلت الفكرة صح .. العسل مكوناته وايد وسويت فحص مخبري حق عدة عينات من ضمنها ما يقال عنه يمني وعسل أمريكي بالشمع عضوي وكان في مختبر الصحة .. مكونات السكريات في العسل كثيرة منها الجلوكوز أخطر السكريات ويختلف الجلوكوز في كميته من عسل لآخر
اللي يصير انا آخذ انسولين وحتى لو يدخل جسمي جلوكوز ينزله والحمد لله محافظ على وزني .. بس أوقات غش العسل بخلطه مع كميات سكر مكرر مذوب يرفع السكر وايد .. العسل الطبيعي فيه فركتوز اللي هو سكر الفواكه الأُحادي الخفيف أكثر وأكيد يعتمد على الفركتوز منتج من أي زهرة وفيه انزيمات وسكريات ثانية طبيعية .. اللي يقهر عملية خلطه وتذويب السكر فيه بالحرارة وحطيت فيديوهات لهذي العملية قبل كم صفحة هذا يخرب خصائص العسل الطبيعي ويخليه فايدته الوحيدة رفع السكر
أشوف عسل المنوكا والعسل العضوي المعبأ من قبل ناس بعيدين عن الدجل أفضل بوايد من بياعين يحلفون إنه طبيعي 100% ويحلفون إنه جبلي وبري وغيره والحقيقة غير ويعرفونها عدل .. اللي يجيب الباكستاني ب 50 ريال للكيلو بس طبيعي 100% ويبيعه على إنه يمني ب 300 ريال غشه يبقى أهون من اللي يسويه 90% سكر مذاب مخلوط مع 10% عسل طبيعي ممكن يكون باكستاني أو غيره
الفحص اللي سويته من سنوات طويلة في مختبر الصحة وكنت مشارك صديق في محل عسل وانسحبت لأسباب عديدة منها إني ما اضمن نقاء العسل .. طلع أقل الأنواع جلوكوز الأمريكي العضوي وكان بالخلية وكان أرخص شيء
خذت نوع من بانكوك عسل مزارع وبعد طلع زين ما يرفع السكر كثير حسب جهاز الفحص
المشكلة الكبرى سكر الفركتوز يتحول جلوكوز في الجسم وأي نشويات عيش وخبز ومكرونة ومن المحتواة داخل الحبوب تتحول جلوكوز .. الدهون والشحوم المخزنة في الجسم بفعل هرمون الجلوكاجون تتحول لسكريات وهذا ما يفسر وقت الغضب والخوف يرتفع السكر بدون حتى ما ياكل الشخص
لذلك أي حمية تبتعد عن النشويات والسكريات بأنواعها وتعود الجسم على الوقود الدهني لو قل هذا الوقود يبدأ الجسم في حرق الشحوم اللي فيه ويضعف الإنسان ويقوى ويكون انتاج جسمه للأنسولين قليل .. بنفس الوقت متبعي هذي الحمية يحتاجون يكثرون الخضروات وفي بعضها شوية سكريات عاد يشوفون وشي ويستبعدونها حتى يعوضون حاجة جسمهم للفيتامينات والمعادن أو ياخذونها عن طريق حبوب
في النهاية اختي اللي فهمتيه صحيح واللي فهمتيه مني يمكن ما قدرت اوضحه بصورة صحيحة .. بالنسبة لنا قوم من ياخذون أنسولين صناعي الوضع مع السكريات لازم يكون طبيعي ولازم ناكل شوية نشويات وشوية فواكه ونوازن كمية الانسولين ونسيطر على الجوع ما نكثر أكلاقتباس:
المشاركة الأصلية كتبت بواسطة طلعة الروح
العملية لنا معقدة وايد ويتعب اللي يتابع فيها لأنها طول العمر والمشكلة تكون أكبر للأطفال وللكبار في سن الكهولة .. السيطرة على الجوع استوت سهلة بإبر تخفيف الشهية منها تروليسيتي الاسبوعية وقيمتها مثل ما عرفت 900 ريال وفوق هذي حكومتنا ما تقصر بتوفيرها لنا .. بس ذكرت الجرعة الكبيرة صج تضعف وتخفف الشهية لدرجة ممكن نص سندويش نحصل صعوبة في اكماله بس مزاج الواحد يستوي مب لين هناك وتسبب امساك قوي .. الجرعة الأخف ناسبتني وفيه الفيكتوزا هذي يومية يقولون أفضل ما جربتها وفيه نوعيات حبوب كذلك وعيادة السكر في مستشفى حمد هي نفسها عيادة السيطرة على الوزن وعلاج النوع الثاني للسكر سهل جداً مع هذي الأدوية
الميتفورمين هو الغلوفاج وألحين أجازوا استخدامه حتى للي ياخذون أنسولين كمساعد ومعزز للحساسية ضد الأنسولين
https://www.youtube.com/watch?v=zY96zoHDtCQ
النوع الجديد المحسن من الغلوفاج اسمه غلوفاج اكس آر .. وفيه الجونيفيا والجوناميت خليط من الغلوفاج والجونيفيا ونفعني وايد قبل ضبط السكر خلاه ثابت أثناء الليل وودي أرجع له .. بس اضطريت لتركه لأنه يتعارض مع إبرة توليسيتي الأُسبوعية
الطحينة زينة لكن الأفضل منها حب السمسم العادي غير المعالج والمطحون .. جربت منه مع خلطه مع اللبنة وزيت الزيتون وكميات قليلة لأن الحبوب غالبها ترفع السكر .. في السندويشات لاحظت فرق واضح في إضافة هذا المكون يرتفع السكر أكثر وبدونه وايد أقل .. الحمص حسب من وين آخذه لو فيه طحينة يرفع السكر وأوقات وايد
https://www.youtube.com/watch?v=S4SQLD1ZABo
اي طعام مصنّع او processedاقتباس:
المشاركة الأصلية كتبت بواسطة معماري قطري
له عواقبه ومشاكله
بما في ذلك الشوربه الجاهزه
الحل بالرجوع للطعام الطبيعي والعضوي
قدر المستطاع
المشكله حتى الطعام الطبيعي ماتضمن عدم تلوثه
اثناء التربيه او بعد التحضير
طلعت اسوي تعليماته بدون ما ادري بس النشويات مقلل منها لكن منعها بالكامل صعب علي واحتمال احاول
https://www.youtube.com/watch?v=t-ER-8q14yw
كلام صحيحاقتباس:
المشاركة الأصلية كتبت بواسطة طلعة الروح
مجموعة فيتامين ب ضرورية جداً لمرضى السكر ويسمى فيتامين الأعصاب لأنه يصلح الأعصاب المتضررة من ارتفاع السكر في الدم .. أول مرة أعرف إن المضادات الحيوية تقلل فيتامين ب 1
https://www.youtube.com/watch?v=xcLuRknCzjQ
الدختر هذا كلامه جميل جداًاقتباس:
المشاركة الأصلية كتبت بواسطة معماري قطري
أكيد يا بو زيداقتباس:
المشاركة الأصلية كتبت بواسطة سالم الزهران
هذا ينطبق علي أول ما جاني السكر كنت معصقل بس تقول نملة كله سكريات ووزني يزيد ضعف
تابعت قناة الدكتور بيرغ الأصلية بالانجليزي المشاركين حول 4.2 مليون وبالعربي وهي قناة مترجمة فرعية بس من ضمن قنواته 2.38 مليون متابع .. الروسية 1.01 مليون متابع .. الصينية 0.232 مليون متابع .. الفرنسية 4000 وخردة .. الهندية 366 متابع هنود فريجنا أكثر منهم
هذا دليل إن العرب مهتمين بصحتهم أو دليل إنهم أسرفوا على نفسهم ويدورون الصحة
تقريباً غالبية الأكل يتحول لسكريات ما عدا بعض الخضروات .. اللحوم فيها نسبة دهون والدهون تتحول لمصدر طاقة ثاني بس تؤثر في ارتفاع السكر بشكل آخر .. تحويل السكريات لطاقة مخزنة في الخلايا بواسطة الأنسولين يعني تراكم الشحوم وعدم الإستفادة منها والاشتغال على وقود السكر لذلك حمية الكيتو تعودك تلقائياً وتدريجياً للإعتماد على طاقة الدهون وبتكون أفضل لو استخدمت دهون نباتية غير مشبعة مثل زيت الزيتون والزيوت المشابهة
https://www.youtube.com/watch?v=2QzZwx-YGas