*
*
*
معماري قطـــــر
موضوع لا يقل جماله ومدى إفادته عن بقية مواضيعك
لي عودة لمشاهدة الصور الجميلة وإقتباس الأفكار
تحياتي
ظـــلال الـــورد
*
*
*
عرض للطباعة
*
*
*
معماري قطـــــر
موضوع لا يقل جماله ومدى إفادته عن بقية مواضيعك
لي عودة لمشاهدة الصور الجميلة وإقتباس الأفكار
تحياتي
ظـــلال الـــورد
*
*
*
حلو إخت ظلال بما إن تشتغلين مع مصممة ديكور أو مهندسة تصميم داخلي وهو الإسم الأنسب إنج تكون عندج فكرة وتشرحين شتبين تسوين.
أو تخلينها تعطيج أفكار وتناقشينها حتى توصلون لشيء مناسب .. بس نصيحة لكل من يتعامل مع مصمم داخلي إنه يطلب رايه في كل قطع الإلكترونيات والمعدات والأثاث والإضاءَة والتشطيب كامل، وهذا مع السعر والكتلوج لكل قطعة ويركز على الجودة، لأن فيه من يدعون إنهم مصممين داخليين وهم هواة وسماسرة لمحلات معينة أو مصممي ديكور.
ما ننسى إن البعض عندهم الخبرة الكافية بالسوق .. خلونا ناخذ مثال لتصميم مطبخ .. يقترح نوع كذا فرن بمسماه ويجيب كتلوج بشكله ومقاسه ويرسم وين بيكون بالضبط، وكل عدة المطبخ صغيرة وكبيرة، ويسوي جدول كميات للمواد وتكلفتها الفعلية في الوقت الحالي حسب معرفته بالسوق، ومتى ما تم الإتفاق على المخطط يفترض أن تكون هناك زيارات لأماكن التجهيز ومفاوضة إضافية للحصول على أسعار أفضل، وفي الأخير يفترض مهندس التصميم الداخلي يكون مشرف على عملية التركيب والتشطيب النهائي إذا كان عقده يشمل ذلك وهو الأهم.
شيء مهم بعد هو بعض مهندسي التصميم الداخلي الحديثين لديهم خبرة كافية في تصميم فضاء داخلي يعتمد على الإلكترونيات والنت في التشغيل الذكي لكل تجهيزات المنزل، لكن أغلب الموجودين في السوق دخلاء وهواة ومصممي ديكور وبدون مؤهلات، وهذا الواحد يكشفه من خلال النقاش المبدئي .
*
*
*
معماري قطري
بالضبط هي مهندسة تصميم داخلي وهي موظفة في شركة المقاول تبعي.... وأنا طلبت منها تصاميم خفيفة للغرف ... وتصاميم ثقيلة للمجالس ... وهذه التصاميم نفذتها وبحطها في المنتدى ان شاء الله ... ( بس ما اعرف كم بيطلع سعرها ...:secret: )اقتباس:
حلو إخت ظلال بما إن تشتغلين مع مصممة ديكور أو مهندسة تصميم داخلي وهو الإسم الأنسب إنج تكون عندج فكرة وتشرحين شتبين تسوين.
أو تخلينها تعطيج أفكار وتناقشينها حتى توصلون لشيء مناسب .. بس نصيحة لكل من يتعامل مع مصمم داخلي إنه يطلب رايه في كل قطع الإلكترونيات والمعدات والأثاث والإضاءَة والتشطيب كامل، وهذا مع السعر والكتلوج لكل قطعة ويركز على الجودة، لأن فيه من يدعون إنهم مصممين داخليين وهم هواة وسماسرة لمحلات معينة أو مصممي ديكور.
ذكرتني بمطبخي ... صغير للأسف :cry2: بس سرت عند روما للمطابخ .... عجبني الشغل المعروض عنده وايد ... اخترت فل ألمونيوم .... صمم لي مطبخ حلو مع معداته والي هي من ماركة ( تيك ) ألماني اتوقع جذي إسمه ....اقتباس:
ما ننسى إن البعض عندهم الخبرة الكافية بالسوق .. خلونا ناخذ مثال لتصميم مطبخ .. يقترح نوع كذا فرن بمسماه ويجيب كتلوج بشكله ومقاسه ويرسم وين بيكون بالضبط، وكل عدة المطبخ صغيرة وكبيرة، ويسوي جدول كميات للمواد وتكلفتها الفعلية في الوقت الحالي حسب معرفته بالسوق، ومتى ما تم الإتفاق على المخطط يفترض أن تكون هناك زيارات لأماكن التجهيز ومفاوضة إضافية للحصول على أسعار أفضل، وفي الأخير يفترض مهندس التصميم الداخلي يكون مشرف على عملية التركيب والتشطيب النهائي إذا كان عقده يشمل ذلك وهو الأهم.
اقتباس:
شيء مهم بعد هو بعض مهندسي التصميم الداخلي الحديثين لديهم خبرة كافية في تصميم فضاء داخلي يعتمد على الإلكترونيات والنت في التشغيل الذكي لكل تجهيزات المنزل، لكن أغلب الموجودين في السوق دخلاء وهواة ومصممي ديكور وبدون مؤهلات، وهذا الواحد يكشفه من خلال النقاش المبدئي .
هذا الشي كان في خاطري ..... بس :secret: غالي
تحياتي
ظـــلال الـــورد
*
*
*
توني أشوف مخطط البيت وركزت في منطقة المطبخ
أشوف صالة الطعام اللي قبل المطبخ فيها أربع أبواب في كل حائط .. نبدأ من المدخل اللي من الحوش وبابه كبير يدخل لصالة عائلية وصغيره .. هذا لو تم عمله قزاز وسلايدنغ أو ينفتح على برا بيوفر مساحة لتأثيث هذي الصالة وبيوفر نور طبيعي للمكان.
الباب اللي في الزاوية يمين فوق المفروض يفتح على جهة الحائط .. وما ادري ممكن حتى إلغاؤه لو سوينا نظام شفط للدخان زين للمطبخ ويكون نظام مفتوح .. الباب اللي فوق أُوكي وحلو لو يكون فيه زجاج بعد حتى لو خشبي بقطعة قزاز وسطية .. الباب اللي يدخل على المطبخ لو تم تصميم غرفة الطعام والمطبخ على إنهم حيز مدمج واحد بدون فاصل في رايي بيكون أحسن .. في هالحالة ممكن نستقل الكسرة الفوقية اللي بتبقى في المطبخ في ستور شوي أصغر من الثاني... ما ينفع الشرح جذيه مب فاهمه لي .. وشكل ما قلت قبل المقاول يكمل بنيان والمفروض نكون إحنا سابقينه وما ادري شصار بينج وبين مهندسة الديكور .. لو ترسلين لي ملف الأُوتوكاد ممكن أوضح أفكاري بالتأثيث وبمقياس الرسم الفعلي.
اقتباس:
المشاركة الأصلية كتبت بواسطة معماري قطري
*
*
*
معماري قطر
فاهمة عليك عدل يا أخوي معماري
الجدار الي تقول انشله أصلا ما كان موجود ,,,, بس مال التكيف طلب نحطه لان الغرفة الصغيرة هذه التكيف فيها بيكون دكت والمطبخ بيكون يونيت
فكرة الباب السليد أو زجاج عجبتني وايد بس ما بتخرب أو بتأثر على شكل الواجهة ؟؟؟
اليدار أنبنى خلاص وفيه شباك طبعا الي اقصده هو الي بين الغرفة الصغيرة والمطبخ
بس عاد أقدر أقول حق المقاول شله :rolleyes2: ويا ويلي منه
نظام شفط الدخان في المطبخ بيكون قوي ان شاء الله :victory:
تحياتي
ظـــلال الـــورد
*
*
*
في هالحالة ممكن تخلينه
انا راجعت الرسومات وشفت إن ما فيه مطبخ خارجي .. وممكن يكون المطبخ مفصول عن غرفة الطعام أفضل خصوصاً مع نوعية التكييف.
ما اتوقع يكون تأثير قوي وخصوصاً الباب في الدور الأرضي .. ممكن تسوينه زجاج وبمفصلات يفتح على الخارج أو الداخل .. مشكلة اللي يفتح على الخارج ما يضبطونه زين ويسرب هواء .. شوفي تأكدي من اللي بيسوي الباب وأفضل يكون يو بي في سي معزول زين.
اقتباس:
المشاركة الأصلية كتبت بواسطة معماري قطري
*
*
*
معماري قطــــر
وايد دخلت فكرة الباب الزجاجي في خاطري ... بحاول أنفذه
تحياتي
ظـــلال الـــورد
*
*
*
هذي صورة لمطبخ حديث تم فيه خلط اللونين الأحمر مع الأبيض بجرأة .. وذلك بتحديد مكان الطبخ باللون الأحمر.
http://im39.gulfup.com/9zdLj.bmp
وهذي طريقة حديثة لتعليق العدة الحديدية بلصقها بواسطة مغناطيس
http://im32.gulfup.com/AiShM.bmp
:ok2::ok2::ok2:
*
*
*
معمــــاري قطــــر
حلو المطبخ الاسود والأحمر
أنا في خاطري مثله حق التحضيري بس لون بيج أو أبيض
المطبخ الرئيسي لونه ستاندر طبعا ما فيها كلام ( الـــــــــــــــــــــــبني )
ظـــلال الـــورد
*
*
*
مشكلتنا دوم في الألوان الخارجية نعتمد البيج أكثر شيء مع إن الأبيض هو أساس بنيانا القديم، والداخلي نكون متحفظين ونخاف نغامر بألوان جريئة خصوصاً لأماكن الترفيه والطبخ والأكل، مع إن بعض الألوان لها طاقات ودلالات للتحفيز والبهجة.اقتباس:
المشاركة الأصلية كتبت بواسطة ظلال الورد
أتابع اليوم ببعض الصور .. وهذا مطبخ أبيض في غالبه.
http://im38.gulfup.com/hbPxb.bmp
هذا مطبخ لفتت نظري فيه فكرة إن ممكن نسوي حيز للثلاجات بحيث توضع على أرضية مرتفعة قليلاً مثل ما هو واضح، ونبني حولها جدار خفيف من بلايوود وسيراميك أو من جبس خالي أو جبس وورق جدران .. والخيارات كثيرة، لكن حلو إن تطلع لنا الصورة النهائية منطقة نظيفة مثل ذي.
http://im42.gulfup.com/w6krI.bmp
من جهة أُخرى.
http://im41.gulfup.com/9t6wT.bmp
http://im40.gulfup.com/gfSVp.bmp
هذا مطبخ من منزل جميع جدرانه ملبسة بالخشب وأرضياته كذلك ليكون نمط عمراني خاص وروح واحدة لكل المنزل.
http://im37.gulfup.com/kcxjG.bmp
وهذا حمام في نفس المنزل.
http://im40.gulfup.com/Tz9uE.bmp