الله يعطيك الف عافيه على الافاده والشرح
ماقصرت وجزاك الله خير
على هالمجهود الرائع
الحين باعطي الاهل الاسماء خل يتصلون لهم
واول ماحجز باقولك
الله يعطيك الف عافيه على الافاده والشرح
ماقصرت وجزاك الله خير
على هالمجهود الرائع
الحين باعطي الاهل الاسماء خل يتصلون لهم
واول ماحجز باقولك
انا ان شالله بانتقل من برايتون لندن الى باريس بعد العيد ان شاءالله ياريت تشرح لي كل ما يتعلق بالرحلة هذي وخاصة حجز القطار الى فرنسا انا حاجزة فندق ديزني ف ياريت اتقول لي الساعة كم نطلع من برايتون ،وحجز القطار نختار أي ساعة، وهل لازم احجز من الحين واللا عادي انطر يومين قبل الرحله واحجز ،وهل الاسعار تتغير ، ومن قطار فرنسا الى الفندق هل اخذ تاكسي وكم ايكلف؟؟؟ وطبعا باروح مع اليهال فهل التاكسي ايحدد عدد محدد يركبون ،، ومع الشناط هل بنتبهدل؟؟
هلااا ويامرحبا اختي عبير
اول شي اختي اتمنى لو تقدرين تعطيني
1- عدد الاشخاص كبار + صغار
2- التاريخ بالظبط لو محددينه واذا مش محددينه مب مشكله بعطيج نصيحه تكتبينها وتحفظينها
اسم محطه المغادره من برايتون
Brighton Station
اسم محطه الوصول لندن
London St Pancras Int'l
اسم محطه الوصول باريس
Paris Gare Du Nord
ملاحظه مهمه جدا جدا :
في قطارات تطلع من برايتون الى لندن محطه اس تي بانكراس
وفي قطارات تطلع من محطه برايتون وتروح محطه فكتوريا لندن
انتي اذا بغيتي تروحين باريس لازم يتحرك القطار من محطه اس تي بانكراس في لندن
معناه هالكلام ان اذا خذتو قطار رايح محطه فكتوريا يبغيلكم تركبون سياره وتروحون تقريبا نص ساعه الى المحطه الي يطلع منها القطار الى باريس
يعني تأكدي لما تحجزن التذاكر شوفي القطار من محطه برايتون دايركت الى بانكراس
وبعدها من بانكراس يروح القطار دايركت الى محطه باريس كير دي نورد
اذا تبغين اعلمج الطريقه الي تختارين فيها القطار بشرحها لج بالصور وتشوفينها بنفسج :victory:
المسافه من برايتون لين توصلون باريس بالقطار
بين 4 ساعات و20 دقيقه الى 4 ساعات و37 دقيقه
و أي قطار تشوفينه يوصل في 4 ساعات و 12 دقيقه هذا يوقف في محطه فكتوريا هههههه
لانها اقرب من محطه بانكراس :nice:
نشوف جدول الرحلات والسعر
http://im31.gulfup.com/DJBsd.png
طريقه الرحله على الخارطه
http://im35.gulfup.com/XKHmK.png
و أي استفسار انا حاضر
وبشرح لج باقي استفساراتج في المشاركة القادمه
يالغالي ممكن خدمه
زلامسي
ابي اروحلها ان شاءالله بعد العيد
7 ايام
ممكن تساعدني في كل شي ولا تهون
تكمله استفساراتج اختي
بخصوص وقت الخروج من برايتون يفضل رحله الصباح وحتى بحد اقصى الساعه 2 ظهرا
على اساس يمدي توصلون باريس بوقت مناسب قبل المسا
بخصوص وقت الحجز اذا حددتو التاريخ ومتأكدين منه يفضل الحجز بدري
خبرج الحين وقت عدد السياح كبير وخاصه الي رايحين باريس بالقطار
مع ذلك الحجوزات كثيره وبتكون متوفره ان شاء الله
لكن افضل قبل احتياطا وعشان تحصلون الوقت الي يناسبكم
اما الاسعار ماعتقد تتغير تكون ثابته
بخصوص الانتقال من محطه باريس كير دي نورد الى فندق ديزني لاند
انصحكم الانتقال بالتاكسي لان الرير بكون متعب لكم ولأطفالكم وعندكم شنط وواصلين من سفر
يعني تعب وايد الافضل التاكسي
المسافه تقريبا من المحطه الى دزني لاند 50 دقيقه
بخصوص تحديد نوع السياره
خارج المحطه عدد كبير من التاكسي
نصيحتي لج اول ماتطلعون من المحطه بتحصلون طابور ينتظرون دورهم للحصول على تاكسي
وفي سكورتيه هم ينظمون الطابور والتكاسي
عندكم هنا حلين
1- الحل الاول تصفون بالطابور اذا جا دوركم وتوفرت لكم سياره كبيره تنقلكم كان بها
ان ماحصلتو تاخذون سيارتين
2- اول ماتطلعون من المحطه تطلمون رجال الامن او السكورتي ان عددنا كذا
ونبغي سياره كبيره تنقلنا كلنا وشوفي شنو يقدر يرتب لكم
بخصوص تحديد السياره كل سياره لها عدد معين من الركاب والشنط
يعني سيارات 5 راكب و6 راكب و7 راكب وهم يمشون بالقانون
اذا عددكم 7 يحددون لكم سياره لعدد 7 راكب
التكلفه في حدود للتاكس الواحد من 80 الى 100 يورو
نصيحتي اذا انتو عددكم الكبار ثلاثه او اربعه
اذا ماحصلتو سياره لكم كلكم
اخذو سيارتين وكل واحد كبير في تاكسي معاه الاغراض
والثاني مع الاطفال
اذا تبغين توضيح اكثر في اي شي خبريني