المشاركة الأصلية كتبت بواسطة Dana’1
صباح الخير
شلونكم شخباركم،، أكلات وحركات عليكم بالعافيه
على طاري البدوي والحضري
تذكرت أغنيه للكبيسي فيها بدو و حضر كلمات زي كذا
وين الحين لاعاد به بدو ببيوت الشعر ولا عاد به حضر ببيوت الطين والحصير كلهم بالحياة المدنيه ذايبيين وصارت بعض الأمور الي كانت من موروث غالب عليه بدوي أو حضري ما هو حكر عليهم يعني عادي الحين تلاقي نهام من قبيله بدويه و راعي شيلات و قلطه من قبيله حضريه !
وعادي جدا بدوي يدش البحر حداق وغوص وتلاقي حضري بالبر عند حلاله من أبل وغنم و قنص
حتى قبل هالشي موجود بس ممكن أقل من هالوقت .
مير الحين لا عاد هو بدوي ولا حضري ما تدري هو عربيانو أمريكانو مكسيكانو إن كان بالستايل أو بالهوايات أو ببعض الأكلات وغيرها ،، بس إلا ما يطلع العرق مع أول كلمه ثاني كلمه بالكثير ثالث كلمه ^_^
