جزاك الله خير على المتابعة السريعة
حلمت حلم ثالث يا اخوي مثل ما يقولون ثري ان ا رو .. ربعنا الأمريكان ثلاثة وراء بعض عاد الثالث وين .. الأول الخمسينات دولار ربطة جديدة وثقيلة .. الثاني سمو الأمير الوالد والناس تسلم عليه وهو شاب شعره كثيف وأسود ولحيته كثيفة وشنبه كذلك وأسود وبدلته تقريباً رمادية وكأننا في بر ومكان مب مرتب عدل .. الثالث حلمت اني في تركيا ويبغون يبوقوني عصابة وأمسك يد واحد يحاول يسحب محفظتي وصادوهم الناس وبلغوا الشرطة .. وجاني واحد من العصابة يقول تنازل مب محصل شيء .. اللي بيبوق محفظتي سحبها شوي واسترديتها واتحسسها سمينة بس كنت شاك إنه سرق منها بطريقة سريعة ما لاحظتها .. المهم اللي يقول لي تنازل قال لازم تكون موجود في تركيا للقضية والقضاء يطول ولا ادري ليش القضاء لاحقني حتى في الحلم .. المهم جاوا الشرطة وواحد نتفة وويهه حمر وشكله بارد أول سؤال سالني عن عنواني الدائم قلت في قطر قال ما يصير لازم عندك عنوان هنا .. قلت انا خلاص متنازل فلوسي عندي
ما ادري شالتفسير كل أحلامي فلوس شكل المخ فرط مع السوق هههههههه
