مشكور اخوي على هالشرح الوافي ما قصرت احنا 4 كبار وطفل والسفر ان شالله من 16/ 8 بنطلع من برايتون ف ياريت لو اتبين لي أي رحله اختارها من برايتون وهل احجزها من الحين ؟؟ واظن ان فندق ديزني )الجيك ان الساعة 3 ) ابي اختار الوقت المناسب
وياريت لو اتصور لي الموقع عشان احجز من الحين
اقتباس:
المشاركة الأصلية كتبت بواسطة عبير قطر
العفو اختي عبير
انا شفت الحجوزات على اليورو ستار
المشكله معظم الرحلات الي اوقاتها حلوه تروح محطه فكتوريا
وفي بدري الصبح بدري وايد او متأخره الي تروح محطه بانكراس
الحل الي اعطيج اياه
تحجزين تذكره قطار عاديه من محطه برايتون الى بانكراس دايركت
وبعدها تحجزين على اليورو ستار من لندن الى باريس
هذا احسن حل
الحين نشوف موقع الحجز العادي من برايتون الى محطه بانكراس في لندن
http://im34.gulfup.com/TGIZR.png
وهذا رابط الحجز
http://ojp.nationalrail.co.uk/servic...60813/0650/dep
والحجز من لندن الى باريس دايركت
http://im34.gulfup.com/n6mdi.png
رابط الحجز
http://www.eurostar.com/uk-en/book/train/outbound-train[/QUOTE]
لاحظي اختي
الحجز العادي توصلين لندن محطه بانكراس 8ونص
والقطار الي يروح باريس 9 و 17 دقيقه
يعني عندج وقت تقريبا ساعه الاربع عشان تجهزين وتركبين القطار
توصلين باريس الساعه 1 الا عشر الظهر
نص ساعه لين تطلعين من المحطه
والطريق الى دزني ساعه الا ربع تقريبا
يعني توصلين 2 واشوي
واذا تحسين بدري خذي الرحله الي بعدها وهكذا
الحجز عن طريق العادي احجزو من هناك مافي مشكله
لكن على اليرو ستار افضل من الحين
لان الضغط عليهم وااايد ويمكن ماتحصلين الاسعار الرخيصه يكون مليان
وبكتب لج الطيقه بالصور طريقه الحجز باليورو ستار
اشكرك اخوي تعبتك معاي بس وايد استفدت من شرحك
اقتباس:
المشاركة الأصلية كتبت بواسطة عبير قطر
العفو اختي بالعكس مابه تعب وماسويت شي
بس اهم شي
تكتبين عندج اسامي المحطات الثلاث في برايتون ولندن وباريس
وثاني شي تحجزين من لندن لين باريس من الحين عشان ماتكون الاسعار غاليه عليكم او يكون مليان في الاوقات الي تبغونها
و أي استفسار بخصوص فنادق باريس واماكنها السياحيه او أي شي ثاني خبريني
وبالسلامه ان شاء الله :nice:
اشكرك اخوي على الرد بس بسألك عن الاسعار اذا حجزت قبل السفر باربعة ايام ؟؟؟
اقتباس:
المشاركة الأصلية كتبت بواسطة عبير قطر
العفو اختي عبير
اختي الاسعار ماتتغير
بس المشكله شنو الي يصير
شوفي معاي صفحه الحجز
http://im34.gulfup.com/n6mdi.png
لاحظي السعر الاول وهو الارخص فقط متوفر عليه 9 اماكن بسرعه 140 باوند
والسعر الثاني بعد عليه 9 مقاعد بسعر 163 باوند
الاثنين نفس الدرجه ونفس المكان بس الفرق
ان السعر الاول غير مرن يعني ماتقدرين تغيرين الحجز
والثاني مرن تقدرين تغيرين الحجز
بس ماقرين شروط الحجز للحين
يعني تخيلي قبل السفر بأربع ايام راحو الـــ 9 مقاعد
مجبوره اذا تبغين تسافرين بنفس التاريخ والوقت
تاخذين بزنس بسعر 202 باوند
يعني كل ماحجزتي بدري ومتأكده من تاريخ سفركم
حصلتي سعر حلو ورخيص
بس الاسعار نفسها ماتتغير
اتمنى وصلت الفكره
او تبغين اشرحها بطريقه ثانيه
رحم الله والديك وماقصرت فهمت الفكرة عندي سؤال بعد عن الاماكن السياحيه في باريس اذا انا باسكن اربعة ايام في فندق راديسون بلو وايش المطاعم الحلال القريبه منه؟؟؟ وهل الشقق احسن من هالفندق
أخوي غير البشر أنا أن شاء الله بسافر بعد العيد ميونيخ ومنها لزلامسي ومنها لانترلاكن بمعدل ثلاث أيام بكل مكان يا ليت تعطيني معلومات عن افضل الشقق من حيث النظافة بكل مكان خصوصا أن حن ١٢ شخص
اقتباس:
المشاركة الأصلية كتبت بواسطة عبير قطر
السموحه على التأخير اختي عبير
برجع حق استفساراتج ان شاء الله
اقتباس:
المشاركة الأصلية كتبت بواسطة limited
ياهلا ومرحبا اخوي ليمتد
ما انصحك بشقق كلش
مافي شقق اخوي تسوى كلها تعبانه
لكن في غرف عائليه في بعض الفنادق بها غرفه وصاله
وبعظهم فيهم مطابخ صغيره
ممكن تعطيني اي تاريخ بالظبط عشان اشوف لك المتوفر منها
وبالنسبه من زيلامسي الى انتر لاكن بتروح بشنو
قطار او سياره وهي بتروح منطقه بينهم او لا