الله يهني الملاك جميع ويوقفهم في تنفيذ تصاميمهم على أفضل وجهاقتباس:
المشاركة الأصلية كتبت بواسطة عبدالله العلي
عن أبواب الحوش صحيح هذي كانت ملاحظتي لكن بعد ما رتبت مواقعها اشوف بتكون مناسبة خصوصاً الأرض على شارعين واستوى الحوش مقسوم لجهة خدمات ومدخل رسمي
محد يبغي مراجعة تصميم حتى لو توزيع أثاث موجود وفي الخدمة؟
ما شاء الله عليك هندسة
بابني قريب وباستعين بكم
والله حياك الله والله يوفقكاقتباس:
المشاركة الأصلية كتبت بواسطة بانغ بانغ
يعطيك العافيه
الله يعافيك اخوياقتباس:
المشاركة الأصلية كتبت بواسطة H_ViP
استفدنا منك في اشياء كثيره
جزاك الله خير
الله يجزاك الجنةاقتباس:
المشاركة الأصلية كتبت بواسطة boahmed87
موضوع التصميم موضوع مستمر ومتغير وعلى قد ما تعطي التصميم وقت على قد ما تحصل خيارات أكثر وبعضها ممكن أفضل .. وكل تصميم لازم يختلف عن الثاني وله ظروفه
الأخ العضو boahmed87 أرسل مخططاته لدراستها وابداء الملاحظات عليها وهي كالتالي قبل أي تعديل أو مقترحات ومساحة بناء المنزل 800 متر مربع تقريباً + مساحة الملحق + غرفة السائق اللي مساحتها تساوي حول 90 متر مربع اضافية
هذا الدور الأرضي مع توزيعة الحوش
http://i.imgur.com/II2Na5X.png
وهذا الدور الأول
http://i.imgur.com/uuRt2I2.png
وهذا دور السطح
http://i.imgur.com/PG7e45S.png
الملاحظة المبدئية عندي إن الدرج متواصل للسقف وبهذا الشكل المكلف بالاضافة للدرابزين المكلف أيضاً وفي النهاية بيوصل لغرفة وحدة صغيرة وستور في السقف .. ولو سوينا دور السقف شوي أكبر ويتكون من غرفتين وألغينا الصالة الوسطية والدرج الوسطي المستمر لفوق وقطعناه من الدور الأول بيكون عندنا توازن أكثر .. ممكن نسوي درج خدمات بسيط من المطبخ للأول للسقف .. والمصعد نوصله للسقف .. الدرج البانورامي نخليه بس من الأرضي للأول .. ونسوي قبه فوقه وممكن حتى فوق الجلسة فوق أو منور بشكل هرمي
بالنسبة للحوش مب مقتنع به ويحتاج ترتيب أكيد وأتمنى ملاحظاتكم في التصميم ويشاركنا إن شاء الله صاحب التصميم حتى نوصل لحل مرضي وأفضل
دور السقف ماخذ مساحة 30% والمسموح لحد 40% ولو قللنا مساحة الصالة المفتوحة وبيت الدرج ألغيناه فوق وسوينا أصغر ممكن نسوي غرفتين مع حماماتهم ومخزن