توقعات شهر ######### يوليو2020##########

اقتباس:

---

المشاركة الأصلية كتبت بواسطة كنغ المضاربة

هلا بالغالي اخوي بوعبدالله الارقام فوق مو من خيالي هاذي ارباحه لربع الاول ووجه نظر وليست دعوة لشراء او البيع اتوقع والله العالم الي صار بالسهم مجرد توقع ان في ناس دخلت عليه على امل يسكر لمت اب مثل المتحدة يوم وثاني يوم تصرفه بربح والي صار ان عنده كميات مو بسيطه رفعه وصرفها عليهم بسرعة عني شفت السهم مع اني من عشاق س س لكن تردتت باخر لحظة لان مبين انها كانت فخ والله العالم لان مافي شي واحد يقول ان الارباح راح تكون افضل من الربع الاول بالعكس ازمة كرونا ارباح الربع الاول جات بنصها وكانت نتايجها مآسوية اما هالربع خذت الربع كامل نتابعه بكرا استقرار فوق ال 3.20 وصعوده منها امورة طيبة واكيد بيكون اعلان النتايج شي يفرح ملاكه نزل منها واضح انها كانت مصيدة وبخصوص الي يقول ان هالسهم مايهتم لنتايجة ليش بالربع الاول ما اهتم وارتفع بالعكس جلس لمت دون ثلاث او اربع ايام مو متذكر بالضبط كم يوم لكن وصل تقريبا ل 2.5 بعد الاعلان من 3.00 و3.4 وجهه نظر

---

ما انكر كلامك ولع عندي ليتات حمر وعارف سوقنا يسوونها شلة مستثمرين عادي وياخذون ربحهم كاش من ألحين ولا ينطرون التوزيعات

اقتباس:

---

المشاركة الأصلية كتبت بواسطة كنغ المضاربة

صباح الخير اخوي بوجبر انا اشوف والله اعلم انك تنسى السوق الأمريكي هاليومين وسعر البرنت 43 يعتبر استقرار هالايام عندنا اعلانات ونتايج ممتازة ومحققين ارباح سوقنا بيصعد خساير وسئيه بينزل مافي خيار ثالث بعض الاسهم تفاعلت قبل الإعلانات مثل الاسلامية والطبية وغيرهم وبعضها ينتظر الإعلان نتابع بكرا اعلان الوطني الربع الاول اعلن عن 3.5 مليار مقابل صافي الربح 3.56 مليار للعام السابق 2019 لربع الاول تقريبا خسارة 60 مليون اذا حد يقدر بس يتاكد من الرقم اكثر مني بعد لان مصدره موقع ارقام هذا بالربع الاول ازمة كرونا بدت من نصها تقريبا لكن كملت معانا الربع الثاني كامل نتابع وننتظر الاعلان افضل وجهه نظر والله العالم

---

نسيت الأسهم النقازية اليوم معلنة خساير وبكرة لمت أب .. انا استانس من ينزل سهم نقازي اقط فيه مبلغ بسيط ما اتحسف عليه لو قعد سنة بس من ينقز يعوضني تعويض حلو 30% وفوق بعضهم يرشونه على ربح 1% .. بس اكون متحسف إني ما حطيت فيه مبلغ أكبر بديت أغير استراتيجيتي واحط مبالغ ما يستحقها هالسهم الحقير بس شسوي مع الموجة والبيع يجيك بربح حلو يعوضك سنين الكدح ويحسسك بحلاوة التقاعد

اقتباس:

---

المشاركة الأصلية كتبت بواسطة بوجبر

جزاك الله خير اخوي كنغ


بيني وبينك هدفي القادم ان شاءالله ودام،،،رايك ف السهم من ناحية اساسية ،،،لانة صارله اكثر من 4 سنوات وهو محشور بين 6 و7 ريال

---

حياك في مملكة ودام والا اسم الدلع مدام ودام

اقتباس:

---

المشاركة الأصلية كتبت بواسطة كنغ المضاربة

الشعب كله مدرعم والمحافظ والأجانب بيع اذا اني اشوف الجدول غلط ممكن حد يصلح لي بروة بيع المحافظ بشقيها والمتحدة الخليج الدولية فوفو التكافلي سهمي وغيرهم وبعض البنوك غريبه صراحة

---

انا ركزت على ازدان بس المحافظ القطرية تمتلك كميات كبيرة تبيع بعضها تدوير وترجع تشتري

اقتباس:

---

المشاركة الأصلية كتبت بواسطة .:: القيصر ::.

بو محمد تكلم عن مثال الافراد انت تقدر تاخذ هذا المثال و تطبقة على المحافظ و تشوف السهم اللي يهمك و تطبق عليه المثال

الجدول فيه النسبة

ما عليك من الارقام اللي بالاخضر و الاحمر

مثال بنك قطر الوطني

كانت محافظ قطر تملك نسبة 66.1705% يوم الاحد تاريخ 05-07-2020
يوم الخميس تملك 66.1957% تاريخ 09-07-2020

يعني زادت من حصتها 0.0252 % خلال هذا الاسبوع

ولازم تحط في بالك احتمال ان الاثنين باعت شوي الثلاثاء باعت اكثر
الاربعاء و الخميس شرت اكثر من اللي باعته الاثنين و الثلاثاء لان يمكن صادته بسعر اقل


فالمحصلة الاسبوعية كانت زيادة بسيطة



اتمنى وصلت لك الفكرة

---

انا شغلي في حسابات بورصة كورونا وابشركم وصلنا 96% وبدينا نقارع الكبار وأحسن بوايد من الكثيرين .. باقي شوي اقل من 4% وبإذن الله نغطيها أو أقل شيء ما نسجل تراجع والحمد لله من 22% الى 96% تراجعلس

للأسف عوائدها بالنسبه لشغل الشركه
غير مجزي

اقتباس:

---

المشاركة الأصلية كتبت بواسطة معماري قطري

انا شغلي في حسابات بورصة كورونا وابشركم وصلنا 96% وبدينا نقارع الكبار وأحسن بوايد من الكثيرين .. باقي شوي اقل من 4% وبإذن الله نغطيها أو أقل شيء ما نسجل تراجع والحمد لله من 22% الى 96% تراجعلس

---

اهم شي متى نقدر نسافر والمطارات تفتح كلها ونرجع بدون يسون لنا حجر والله ارواحنا طقت خلاص متى اتوقع اخوي بوعبدالله ؟

اقتباس:

---

المشاركة الأصلية كتبت بواسطة معماري قطري

حياك في مملكة ودام والا اسم الدلع مدام ودام

---

كم اخر ارباح وزع ودام

اقتباس:

---

المشاركة الأصلية كتبت بواسطة كنغ المضاربة

اهم شي متى نقدر نسافر والمطارات تفتح كلها ونرجع بدون يسون لنا حجر والله ارواحنا طقت خلاص متى اتوقع اخوي بوعبدالله ؟

---

قريب بإذن الله وبدوا في تسهيلات لتركيا لكن أفضل للجميع يصبر هذا الصيف قطر حلوة

اقتباس:

---

المشاركة الأصلية كتبت بواسطة بوبدرvip

كم اخر ارباح وزع ودام

---

3 ريالات على ما اذكر وقبلها 4.25 والسنة الله أعلم