مساحته
2.4x 2.8 تقريبا
بدون جاكوزي ممكن يضبط شوف الحمام الي فوقه مباشره
مساحته
2.4x 2.8 تقريبا
بدون جاكوزي ممكن يضبط شوف الحمام الي فوقه مباشره
اقتباس:
المشاركة الأصلية كتبت بواسطة معماري قطري
هههه صدمتني اخوي معماري ان بتغيره بالكامل. انا اشوف البيسمنت وايد عملي خاصة اذا صالة كبيرة حق جمعة العايلة والعزايم .
انا ابي استفيد من الخبرات و التامد من كفاية المساحات وان مافي مساحات ضايعه و شلون اقدر اسويoptimization اكثر
كنت طالبة من للمهندس يقلل قالي الفيلا بهالمساحات مرتاحة اذا صغرنا بيصير ضيق شوي وانا حاليا اعاني من الضيق
والبسمنت اخوي ان مابينته راح عليك
تسلم اخوي سعود ..اقتباس:
المشاركة الأصلية كتبت بواسطة سعود.
المدخل فكرته يكون مثل نظام الفنادق تدخل رسبشن يمينك بانتري خاص بالغرفة ويسارك درج يطلعك على الصالة
كنت مفكرة ازيد في عرض الحمام طلبت من المهندس يرجع يراجعه واشوف معاه
الحمام بالكامل عزكم الله 5 وشوي في 2.30 مفكرة نزيد 70 سم عشان يصير في 3
اخوي معماري طلبت من المهندس اخر التعديلات علي فايل صور واتوكاد .. سالني عندج حد يعدل عليه قلت له زميل عمل .. انا لان اعرف صاحب المكتب وهو جار قديم لبيت جدي و معماري بنفس الوقت ومسكين متوصي فيني.
بس المهندس بليد قالي سووا التعديلات وطرشيها لي . ومابيه بعد يخربط علي ويقول مايصير ولا ولا صعبة ياريت لو توضح لي فكرة المستويين والملحق بدورين شلون ممكن يطلع و كيف بتكون طلت الحديقة وناخذ بالاعتبار ان ابي الصالة تكون كاشفة الحديقة وبتكون هذي الصالة كلها واجهه زجاج عشان نقدر نشوف اليهال
هشكل ما اقدر اوضح كل شيء ولا اقدر احط رايي بطريقة هندسية واضحةاقتباس:
المشاركة الأصلية كتبت بواسطة أم صالح2017
المساحات ممكن تتصغر بكل سهولة ولا يضيع شيء .. بالعكس ألحين فيه مساحات ضايعة وايد وبدون فايدة جزء من المساحات الضايعة نيتج توسعين الحمام لثلاثة متر 2.3 واسع كفاية والجكوزي عرضه متر في الغالب الا لو تبين جكوزي لشخصين الوضع يختلف وحسب المقاس .. ممكن نحط الجكوزي في الأخير وقبله الشاور وباب قبل الشاور قزاز وفي نفس المساحة الموجودة حالياً غرفة الملابس نصيحة خليها نفس العرض بس عدلي الزوايا سيدة وعدلي زوايا المجلس معاها ونفس الوقت سوي تسريحة مثل ما ذكرت وممر يرتب المنطقة تسريحة والحمام وغرفة الملابس وبعدين غرفة النوم
السبب يا اختي إن تصميم الزاوية دارج وإنه ما يناسب ارضكم وبعدين التكلفة بتكون عالية وايد مساحات كبيرة .. وتحمليني بس لو الارض اليمنى ممكن تفتحون عليها الوضع بيكون غيراقتباس:
المشاركة الأصلية كتبت بواسطة أم صالح2017
ان شالله اخوي بو عبدالله اجيب لك الفايل وتقدر تحط رايك بكل سهوله .
اختياري للتصميم الزاوية مابغي وجه البيت يروح بسبب وجود المجلس وخاصة ان عرض الارض ظ¢ظ§ متر.
الاحتمالية كبيرة بس القرار حق ابونا العود لان يبي يعدل بين العيال .
الكسرات حطها المهندس عشان يكون شكل جمالي ، وانا قلت له مابغي واجهات ميته . هذي هي الكسرة الوحيدة في البيت و اتوقع ممكن نضبطها .
سؤال عن العمق المناسب حق البيسمنت مع وجود اسقاط مثل ماتفظلت كم يكون ؟ العمق اقصد
في يدج تتحكمين فيه ولازم يكون واحد حق البيت والملحق .. طبعاً الحوش النازل يكون عتبة أنزل من أرضية البيسمنت .. لو حابة إرتفاع الدور تحت الأرض يكون صافي 3 متر بتنزلين حفر لين هذا العمق وبتأسسين بيرتفع شوي للأساسات وبيكون عندنا ارتفاع أرضية الدور الأرضي حول 40 سم أو خلي نقول ثلاث عتبات كل عتبة 12 سم بيعطينا 36 + أرضية الحوش من جدام مرتفعة وبسلوب جهة الباب حول 30 سم كمعدل يعني بنضمن ارتفاع صافي فوق 3 بشوي لكن لو نبي نزيد الإرتفاع بنضطر نحفر أكثراقتباس:
المشاركة الأصلية كتبت بواسطة أم صالح2017
انا افضل للبيسمنت ارتفاع اقتصادي 2.8 على الكثير ولو حفرنا أكثر نسوي تمديدات للصرف لأي مياه جوفية تحت ونغطيها بكنكري ونأسس فوق الكنكري .. أي مياه تطلع ما ترتفع في الكنكري وتتجه بالجاذبية لبايب الصرف اللي يوجهها لمنهول فيه مضخة رفع للمياه تشتغل تماتيك لو ارتفعت المياه عن حد معين وتصرفها لبايب صرف يطلعها برا البيت .. نفس الشيء هذا المنهول نشبكه ببايب يصرف مياه المطر السطحية لو نزلت على الحوش المفتوح والعملية ما تكلف شيء لو سويناها من التأسيس وتشيل ضغط المياه لأعلى وعلى جوانب جدران البيسمنت
بخصوص الزاوية والكسرة هذي شالأهم تبين من الخارج والا تبين سيدة .. كلها نفس الشيء الأهم من الداخل تكون عندنا مساحة سهل نتعامل معاها بالتأثيث ونستفيد منها .. مثال هذي الزوايا توجد طرق كثيرة لتجميلها مثل نسويها حجر ممكن أو حجر جزئي بس للزاويتين أو حفر في البلاستر ونميزها ككتلة بلون ثاني .. بعدين بالنسبة لي عارف شغل ربعنا ما يسوون زاوية هشكل الا يملونها أعمدة وخرسانات وتعال يالقطري ادفع .. لو مقتنع انها بتضيف جمال انا كان قلت كلام المهندس واختياره صحيح .. Form Follows Function .. قولي له هالجملة بساقتباس:
المشاركة الأصلية كتبت بواسطة أم صالح2017
لو حابة الفرزات الجمالية للزوايا وكل زوايا بيوتنا فيها أعمدة خرسانية ممكن تسوين شطفة 10 سم أو 15 بس في هالحالة لازم يكون عندج العمود 40 في 40 والحائط الخارجي عريض .. وحتى ممكن كسرة مثل هذي بس صغيرة طولية 15 في 15 سم أو 10 في 10 وتنورينها بنور مركز من تحت أو من فوق يميزها .. انا لازم اناقش البدائل واعرضها وشوفي هذي وضحتها حق بيتي كم صفحة ورا مب بعيد
عندج مساحات وحتى البنتهاوس مع القوانين الجديدة يتعدل لوضع أفضل ويكون انشائياً أسهل وأفضل حوائط وأعمدة بالضبط نفس الدور اللي تحته وما قصرت البلدية بالقوانين الأخيرة .. بتقدرين توفرين 4 غرف بحماماتها والصالة بالضبط نفس اللي في الدور الأول بس بتشيلين الرئيسية وتقدرين تسوين مكان لغرفة الميكانيكل أو الخزان والصخانات وعدتهم .. بتكون عندج 11 غرفة اجمالي في البيت وجلسات وصالات مفتوحة ومغلقة كثيرة .. لو عرفنا المساحات الضائعة بالمساحات الغير مستفاد منها بتكون كثيرة مساحات غير مستفاد منهااقتباس:
المشاركة الأصلية كتبت بواسطة أم صالح2017
تسلم اخوي معماري ، استفدت من هالملاحظات وكتبتها عندي . وانا انتظر بس الملف عشان اشوف الترتيب الافضل اكيد من صوبك . اذا تاخر علي المهندس بكلم راعي المكتب.. البارحة ارسلت له تصور حق اللي ابيه ومارد . حابه اشوف التخطيط اللي في بالك .
جزاك الله خير
وجزاج الله بما دعيتياقتباس:
المشاركة الأصلية كتبت بواسطة أم صالح2017
تفكير المعماري والمهندس لازم يكون شامل ويشمل كل شيء .. يعني لو تلاحظين البنتهاوس كان تصميمه كما هو حالياً جاي على أسقف تحتاج جسور خاصة وشغل انشائي غير بيكون مكلف .. وجزاهم الله خير البلدية وخصوصاً وزيرها الجديد المهندس الفاهم يوم حدد الإرتداد من الواجهة فقط ب 3 أمتار وعندكم ممكن يكون أكثر ومنفذين هذا الشرط وتكون جدران البنتهاوس انشائياً على جدران الأول بالضبط ولا تضطرون تسون جسور وأعمدة إضافية مكلفة .. كذلك الجوانب ممكن تكون على كامل المحيط والدرايش أما مناور سقفية أو عادية بلوفر يخلي النظر موجه لتحت أو لفوق بحيث يمنع اطلالة مباشرة على الجيران
قبل خطة البعض يسوون طرق كلها تحت مستوى الارض مثل طريق سلوى حتى السيارات ما تكشف البيوت لو سووا جسور بعدين مع ادارة أشغال الحالية إكتشفوا إن فيه قطع خرسانية تسد الرؤية وتمنع السقوط .. اللي قبل ما فكروا في الحكرة اللي تصير في الحفرة اللي سووها واللي يبي يعرف معنى حكرة يمشي في طريق سلوى فاتح الدريشة مالت السيارة ويشم النسيم العليل .. حتى 10 الليل زحمة وتلوث لا يطاق
معليش طلعت عن الموضوع بس هذا مثال لنقص الرؤية
باذكر سالفة ما ودي اذكرها بس محب للسوالف وللاستفادة
البعض من الشباب متحمس وايد وبنتي الله يحفظها هي وزوجها صغار ومتحمسين والزوج يمكن أكثر .. راح لمصمم ايطالي مختص انترير وسوى له اسكتش في دفتر منمق ومزركش بالقلم الرصاص ومساحات مكتوبة لبيت خيالي .. مربع وفيه ممرات ومساحات مفتوحة على الخارج ومزروعة .. وحط صور عنده لشكل الدرج حلزوني ومفتوح وبعض الصالات كبيرة ودبل هايت يضيع الواحد فيها
قال للمالك جيب 26 مليون وبابني لك وباسلمك المفتاح .. قال له توماتش ما اتفقناش على كدا خصوصاً المالك اعتماده على القرض ويمكن عنده خردة زيادة .. قال زين ما تبي تبني سلمني ثمن السكتش 500 ألف ريال .. البلاد فيها حرامية سوبر وهذا كله بدون عقد ولا اتفاق
رحت أمس زرت بيتهم الصغير الملموم وتكلمت مع البنية قلت بيتكم حلو ولبق وفيه مساحات كثيرة فاضية وزايدة عن حاجتكم .. قالت الخدامة غرفتها قد غرفتنا فوق وصج البيت على صغره كبير علينا .. قلت زين شيصير لو بنيتوا بيت متواضع وصغير وخليتوا بقية الأرض حق بنيان مستقبلي وتشجير وممكن اضافة مجلس أي وقت وبحدود مليونين ريال مب أفضل قالت نتمنى ذلك قلت خلاص قرروا واجهز التصميم حسب نموذج موجود هنا ممكن نعدل عليه
كانت فيه صالة جانبية 9 في 10 .. قلت لها تذكرين بيتنا القديم كله كان 11 في 10 متر وكفانا عشنا فيه حول 12 سنة وهذي الصالة اللي ما لها داعي بمساحة البيت الكامل وطبيعي يطلب 26 مليون
هذا دور البيسمنت وأكيد بيكون أحلى لو فتحنا واجهته جهة الحوش النازل وممكن نسوي نظام الفتح الكامل على الخارج بأبواب منزلقة قزاز
مؤكد بتكون فيه أعمدة وسطية مع تطور التصميم والدخول في الانشائي بس تترتب وأكيد توزيع المساحات يحتاج ترتيب وتوزيع أثاث مقترح .. ممكن ما دام سوينا بيسمنت جزئي نزيده شوي ونسوي غرفة الخزانات تحت مثل طريقتي لبيتي .. وممكن نخلي التمديدات مكشوفة في الجزء الخدمي الخاص بالصرف الصحي للبيت والمياه وبيكون بدون تشطيب وحتى بدون بلاستر وممكن فصله عن الجزء السكني .. بس عندنا حمامات فوق الجزء السكني بتكون عائق وتحتاج ترتيب أو البايبات تمرر أسفل سقف البيسمنت السكني ممكن تكون في ممرات قابلة للفتح للصيانة
https://i.imgur.com/BxN7x1U.png
وصل الفايل وما قصرتي وإن شاء الله باشتغل عليه بس عطيني فرصة اركب الكمبيوتر الثاني وأشوف شلون ضبطوه وإن شاء الله يكون اوكي .. لو كل شيء اوكي وطلعت فايلاتي القديمة فيها أجزاء أقدر انقلها بسرعة باخلص توضيح الفكرة ولو تبين تشوفين الفكرة ناقشتها بالضبط قبل خلال الموضوع لبيت واحد ثاني قريب من بيتكم .. فكرة الحوش النازل ورا وكثير يسوونها في الكويت في قطر البعض يسويها بس قليلاقتباس:
المشاركة الأصلية كتبت بواسطة أم صالح2017
تسلم الشيخ .،، الله يجعله في ميزان حسناتك
اتصفخ الموضوع للحين بس فكرة الحوش النازل شفتها في بيت احد من الاهل ، بيتهم كان برنفاع ظ،ظ¤ درجة كان جدا عالي
بس البيسمنت كان جدا شرح . كلام المهندس ان لازم مار ونص من سور البيت بعدين نحفر وهذا قانون البلدية
بس ابي احد ياكد لي هالمعلومة
شيء أكيد بيكون شرح .. بس ما فيه داعي نرفع البيت كلش .. حتى لو بنسوي بيسمنت وبنسوي الحوش عادي .. ممكن نسوي مناور محفورة حتى صغيرة مغطاة بحديد مثل الشبك لحد يطيح فيها وتكون الدريشة عادية وكاملة .. في اوروبا تنعمل على الطريق عندنا بنسويها في الحوش وحرين في مساحتها طول وعرض .. ممكن نخليها حتى 40 سم النور يدخل وشوية هواء لتجديد الهواء داخل البيسمنت .. متر بتكون مبحبحةاقتباس:
المشاركة الأصلية كتبت بواسطة أم صالح2017
غالبية المهندسين تفكيرهم لازم ترفع وتسوي درايش علوية ومخلين فكرة وحدة تسيطر عليهم
انا جهزت الكمبيوتر وكان اللي قبل ما ركب الاوتوكاد وحصلت فايلاتي القديمة نزلت عليه اصدار 2018 وإن شاء الله يفتح الفايلات كلها وكلها يومين وتتبلور الفكرة بوضوح
هذي نسخة البي دي اف المعدلة من الاستشاري لدور البيسمنت .. هو شال مساحة من الملحق وكبرها شوي وضافها تحت البيت حسب رغبة المالك .. يمكن هو يفكر في سهولة الحصول على الرخصة والتخطيط صعبين وهذا حل معقول بس بالغ في المساحة .. الغرفة لو كان عرضها 3 متر في أقل من ستة بتكفي عدد مناسب ألحين كبيرة من ناحية العرض ويهمني اعرف كم مطلوب استيعابها .. لو 4 خادمات باقول 6 مناسب لكن 3 كفاية كعرض كافي حق سرير مفرد 1.8 متر أو 1.9 في 90 سم يبقى لنا 1.1 متر ممر يكفي لكبتات وحتى لتلفزيون وللمرور للأسرة .. انا باصغر هذي المنطقة وبارتبها بتوزيع الأثاث وتعديل بعض المساحات وباسوي مقترح الحوش الكامل ورا مفتوح والمطبخ الخارجي باخليه تقريباً مثل ما هو .. بتبقى عندنا مشكلة مرور الخادمات جدام المساحة اللي نبيها خاصة لنا وهذي كانت بتكون أفضل لو خليناهم تحت المطبخ وحاولنا نحدد حركتهم ذاك الاتجاه ونعزل منطقة الزاوية اليمنى للإستخدام العائلي أو أي اجتماع واحتفال في البيسمنت
https://i.imgur.com/9fUo2Fv.png
هلا اخوي انا طلبت منه ينقل الملحق تحت المطبخ الخارجي ويكون بيسمنت خارجي وفي ساقط حوش، بخليه يعمل مناور تهويه وانارة من جهة البيت اليسرى ، الملحق القديم كان العرض كامل ظ،ظ* متر في هذا التعديل حوله ظ،ظ¦ متر. انا عندي ظ£ شغالات وحاليا غرفتهم تقريبا ظ¤ في ظ¤ ويمكن شوي اكثر.
انا بس مب عارفة بيكون عمق الحديقة النازلة ، هل بيكون في خطورة مثلا على الدور الارض وكيف نربط الدور الارض بالحديقة خاصة ان بلغي الغرفة اليسرى وبخليها صاله وبفتح المطبخ الداخلي عليها.
الفكرة ان اقدر اشوف العيال وهم يلعبون .
لو تلاحظ هو عزل ملحق البيزمنت عن ملحق البيت ، يعني الشغالات بياخذون لفه عشان يدخلون الملحق اويخدمون البيت .
في حالة التردد هذي ممكن تبقين على البيسمنت بمناور مفتوحة نازلة وتكون أما مغطاة بشبك حديد أو معمول لها جدار لحد يطيح فيها وتكون عندج درايش البيسمنت عادية كاملة وحتى تقدرين تسوينها بالارتفاع اللي يعجبج بدون ما ترفعين أرضية البيت .. ونتخلى بالكامل عن الحديقة النازلة ونخليها حديقة عادية تخدم الدور الأرضياقتباس:
المشاركة الأصلية كتبت بواسطة أم صالح2017
غرفة الخدم وملاحقها نرجع للتصميم الأساسي وبتكون صغرت الحديقة
لو بنسوي حوش ساقط بين الملحق وبيسمنت الملحق وبيسمنت البيت بعرض 2 متر بس بعد بينفع وسهل اشتغل عليه .. بتستوي الحديقة فوق بعرض 4 متر و 60 سم وتحتاج جدار حامي من السقوط أو درابزين حجري بتبين من الأرضي بس بتكون مفصولة وتقدرين تسوينها حديقة متدرجة بعد هذي شغلة ثانية وأكيد بتطلع أحلى لأنها بتخدم الأرضي والبيسمنت وأكيد الأول بيطل عليها
الخيارات وايد وسهلة على الورق والله يعينكم على التنفيذ .. الأرقام اللي تكتبينها ما تبين تبين أحرف حوليها أرقام عربية بتبين
هذا التصميم اللي اشتغلت عليه للدور الأرضي ويتماشى معاه البيسمنت وموضح على اليسار فتحات التهوئة والإنارة للبيسمنت ولحمام البيسمنت بدون ما نرفع أرضية الطابق الأرضي .. يمكن التصوير ما يبين واضح وباحط بقية الأدوار خلصتها تقريباً باقي رتوش وأقدر اسوي كم من مقترح ونناقشهم ما عندي مشكلة ومتعطش للتصميم
https://i.imgur.com/RadXxNW.png
لو نبغي نخلي الغرفة يمين المطبخ صالة أطفال ممكن بس انا سويت في المقترح منطقة مرتفعة شوي 7 سم للثلاجات وهذي حلاتها تجي مفصلة بالجبس ومقسمة والمطبخ استوى ترتيبه أفضل مع المطبخ الخارجي
بالنسبة لتقييمي للبيت نقدر نوصل لعشر غرف كلهم ماستر والصالات كثيرة فيه .. تحت صج مفتوحة على بعض بس عندنا مجموع 3 جلسات غير جلسة الطعام ولو ضفنا عليهم رابعة بتكون وايد .. ولو تبغي انفتاح من المطبخ على باقي الجلسات ممكن بكل سهولة ببساطة الجدار اللي للممر صوب الغرفة نفتح فيه فتحة كبيرة وكذلك اللي صوب مغاسل المجلس وتطلع اطلالة على النافورة .. ألحين الاحظ فيه امكانية عمل مخزن صغير تابع للمطبخ الداخلي .. ببساطة مساحة حمام الضيوف والمغاسل كبيرة كذلك نقدر نقلل عرض الحمام والمغاسل ونوسع باب المطبخ بحيث يضمن لنا اظلالة على باقي البيت
في حال بنكسل الغرفة يمين المطبخ فيه امكانية نعمل الحمام مخزن تابع للمطبخ ونفتح الجدار بين المطبخ والغرفة ويتوسع المطبخ ويستوي مفتوح على باقي البيت .. نقدر نكسل الجدار المقابل للغرفة ونخلي عمدان وأقواس حسب ما نحب .. تكون مساحة المطبخ كبيرة نقدر نخليها جلسة طعام عائلية وبنفس الوقت منطقة لعب أطفال وبنفس الوقت حصلنا منطقة تخزين كبيرة
الحديقة النازلة فكرتها داشه مزاجي ونفس الوقت ابي اربطها صح بالجزء الخلفي من البيت اللي المفروض يكون كله شبابيك تطل على الحديقة .اقتباس:
المشاركة الأصلية كتبت بواسطة معماري قطري
هل ممكن نسوي المطبخ الخارجي على زاويه حرف l عشان نزيد الفيو من الجلسة العائلية اللي هي حاليا الغرفة اللي جنب المطبخ الداخلي .
بس عشان ماخرب وجه البيت ابي اعمل الملاحق تحت المطبخ وممكن اشبكها بالبيسمنت من جهه الخلفية
اقتباس:
المشاركة الأصلية كتبت بواسطة معماري قطري
تسلم بو عبدالله ، لو مافيها كلها تقدر تحطه بتصور هندسي عشان استوعب
هذي تعديلات على الدور الأرضي تتضمن عمل صالة ببلكونة ملاصقة للمطبخ ويعتبر مكان للريوق وقريب لمتابعة الأطفال حسب رغبة إختي أُم صالح .. لو حطينا تحت حوض سباحة بنظام الأوفرفلو المفتوح من جهة بينسمع خرير الماء من فوق وبتكون اطلالة حلوة .. هذا النظام ميزته يدفع أي أوراق شجر جهة قناة مفتوحة يتجمع هناك وينشال بعدين بالشبك والماي يروح للفلتر ويكون مفتوح مع نظام تدفئة للماي ويصلح للسباحة أي وقت
https://i.imgur.com/JOufMsE.png
هذا دور البيسمنت وكان المفروض المطبخ الخارجي يكون مظلل بس خليته لتوضيح مكانه واتصاله بالحوش المفتوح تحت
واضحة الفتحات للتهوئة والإنارة على اليسار بالنسبة للحمام هذي المفروض تحتها منهول بمضخة لرفع الصرف الصحي والمفروض يندخل له وممكن عمل أي صيانة تحت .. ضروري تكون بحدود متر و 20 سم في عرض مترين وراها من فوق يجي خط الصرف الصحي للأدوار العليا ويصب فيه صرف البيسمنت المرفوع بالمضخة .. بنفس الوقت لو قررنا نعمل غرفة تانكي المياه والصخانات تحت في البيسمنت خط ماي التغذية الجاي من خزان الحوش يدخل من هذي الفتحة ويمشي تحت السقف لغرفة الخزان والمضخات حتى يكون سهل اصلاحه أو استبداله
https://i.imgur.com/mcqZEWr.png
ممكن نفتح باب للخدم في البيسمنت مقابل الدرج بحيث يكون انتقالهم لداخل البيت سريع وسهل
اقتباس:
المشاركة الأصلية كتبت بواسطة معماري قطري
تسلم بو عبدالله ، لو مافيها كلها تقدر تحطه بتصور هندسي عشان استوعب
اخوي بو عبدالله شنو المربع اللي ورا اللفت
دوم أخلي فيه مساحة احتياط يحددونها شركة اللفت .. بعدين لو فيه فراغ شوي أحسن للتهوئة .. مقاسات بيت اللفت مب شرط تكون بالملي هم يوازنونها بحديد يثبت اللفت في مساره ولو وفرتي فراغ ورا وله باب من تحت ممكن أفضل للصيانة .. كل هذي الأمور تتأكدين منها من شركة المصاعداقتباس:
المشاركة الأصلية كتبت بواسطة أم صالح2017
بعدين فيه حاجة للدي بي الخاص بالمصعد له كبت أو باب أفضل .. شوفي أي نوع بتختارين وخلي المكتب يحط مواصفاته بالضبط ويحدد شغل المقاول حتى ما تطيحيون في تكسير وشغل ناقص .. وحاولي تطلبين اللي يوقف ويبقى الباب فاتح أو تقدرين تتحكمين فيه برقم سري أو مفتاح أو بصمة حتى ما يلعبون فيه اليهال .. وشوفي موضوع التهوية للفت مهم
طبقت النقاط اللي تبينها للبيسمنت والارضي باقي تعديل الأول حتى يتماشى مع الأرضي والبنتهاوس .. البيسمنت تقريباً بند الحفر بنفسه بيكلف قريب 90000 حسب كلام مقاول يقول سعر الحفر بين 35 و 70 للمتر المكعب وبيتكم يحتاج 1800 متر مكعب تقريباً لو توفقتوا بحد بيسويه ب 35 بيطلع 63000 .. ووقت المناقصة بيبين السعر الحقيقياقتباس:
المشاركة الأصلية كتبت بواسطة أم صالح2017
الليلة انشغلت مع ميسي وأهدافه مبروكين يا عشاق برشلونة
ههههه ماقصرت والله
متشوقه اشوف الدور الاول والبنتهاوس .
تنصحني اشوف شركات المصاعد الحين دام كل شي على الورق. انا ناويه البيسمنت والبنتهاوس اخليهم سبلت يونت
والارضي والاول اسويهم دكتسبيلت من ناحية التكييف .
شلون حسبة مساحة الحفر ؟
الحمد لله أكملت التعديلات والمقترح كامل ونسقت الأبعاد ورتبت الانشائي قد ما اقدر فوق بعض .. طلع عندي لازم يكون عمود في الصالة ورئيسي وضروري هذا ما منه مفر بس ممكن نجمل منطقته ونخليه وراء النافورة فيكون غير ملاحظ ويتركز النظر على أشياء ثانية
بابدأ بالبيسمنت وسويت مقترحين وكل الحلول موجودة لو التخطيط اعترضوا على نقطة معينة
البيسمنت مساحة البناء فيه أما بتكون 274 أو 247 حسب هذيلا المقترحين
https://i.imgur.com/LiuzLWv.png
المقترح الثاني ما كنت مقتنع به بس حبته أُم صالح وألحين اشوفه أفضل بعد ما طبقته رسم وتخيلته
الدرج يمين نقدر نسحبه فوق بحيث يكون في نهاية الفتحة ويوسع الحوش فوق .. يسار المستطيل اللي جنب حمام البيسمنت هذا منور نازل لإنارة وتهوية الحمام كذلك في أرضيته منهول لخزان صرف صغير للبيسمنت ولحمام غرفة الخادمات وترفعه مضخة لخط الصرف ثم للصرف الحكومي أو لخزان الصرف المنزلي
https://i.imgur.com/8HJOFqr.png
نقدر نلغي غرفة الميكانيكل لو قررنا نسويها فوق بعد بتقل المساحة ولو التخطيط اعترضوا على الحفر قرب الحايط نقدر نخلي الدخول لغرفة الغسيل من خلال اللوبي اللي جدام الحمام وندفن حولها ونسوي الحوش الساقط بس ضمن المترين بين الملحق والبيت ويمكن نزيد عليه شوي يمين الملحق بس انا اشك في كلام المهندس والتخطيط محتمل يسمح طول ما بتكون الأساسات والقواعد تحت الأرض خرسانة قوية
نجي حق الدور الأرضي وهو الأهم .. فيه توزيع الحوش وفيه عناصر أساسية مثل خزان الصرف الصحي لو احتجنا له وبيكون بيب له تحت أرضية موقف السيارة طالع قرب الزاوية تجي سيارة البلدية وتخلص شغلها .. مسوين نفس الطريقة لبيت الوالد الله يغفر له .. خزان الماي يتمدد له بايب فوق غرفة الدريول للدنكر وقت الحاجة ومنه يغذي أما غرفة التانكي تحت في البيسمنت ومنها بايبات تطلع في دكتات تمشي قبل تحت سقف البيسمنت وتتجه لدكتات للحمامات ونفتك من أي تمديدات فوق السطح أو نتبع الطريقة التقليدية ومكان غرفة التانكي موجود فوق .. ما غيرت مكان درج البيسمنت اليسار خليته حسب البيسمنت السابق ولازم يتنسق حسب الحاجة وقرار المالك
أبرز ملامح التعديل تم عمل بلكونة تطل على الحديقة الخلفية تابعة للمطبخ اللي توسع وانفتح على مدخل البيت وهذا باقتراح من إختي أُم صالح وأشوفه بيطلع شرح والبلكونة بتدخل لنا شمس العصر والغروب للبيت .. العمود الأحمر ورا النافورة ما يبين واضح وهو الأساسي .. الثاني الأسود ديكوري لموازنة الأسود .. النافورة صغرتها شوي وسحبتها جدام حتى تكون عائق عن التركيز على العمود ونقطة ترحيب بالداخل وتوجه بصري وكذلك ما تعيق محاور الحركة وممكن رؤيتها من كل جهة
نقطة أخيرة مهمة .. بايبات تصريف المطر تنزل لبايبات مدفونة في الأرض بارتفاع بسيط وثم تطلع للخارج مع أرضية الشارع برا يعني ماي الحكومة للحكومة .. أي مطر ينزل على الحوش سواء الخلفي أو الجدامي يتصرف تصريف سطحي للزراعة وبيكون بسيط مب كميات كبيرة المهم مطر السطح يروح برا البيت بالكامل
https://i.imgur.com/Xuj7Z1C.png
يمكن نحتاج لغرفة كهرب في حيز المجلس اقترح تكون في الممر تحت المغاسل ويتضيق الممر .. خصوصاً المساحة وصلت لفوق 1500 متر مربع