https://www.youtube.com/watch?v=NwkBURC5TwE
عرض للطباعة
ال Precast جيد لكن يعتمد على عقلية المستخدم .. فئة من المستخدمين تغير بشكل مستمر و فئة تزيد و تغير الداخل!اقتباس:
المشاركة الأصلية كتبت بواسطة معماري قطري
المنتج ذي يصلح في حال كان المستخدم من بداية التصميم حاط كل احتياجاته الحالية و المتوقعة في الرسومات و هذا للاسف غير وارد مع شريحة كبيرة .. تكسير الخرسانات و التعديل امر مكلف هذا غير(على حد علمي) ان حتى الانابيب و التمديدات تكون من نوعيات محددة!
ممكن نقارن المنتج ذي باسلوب قريت عنه و شفته في قطر وهو الاستغناء عن الطابوق و استخدام الخرسانة في كل اجزاء البيت .. يعني كأنك تصب عمود لكن الطوف كلها مع العمدان نفس الوقت تخلصهم .. طريقة مكلفة و لها مميزاتها و عيوبها و شخصيا ما أميل لها بسبب التكلفة و حصر مواد التمديدات في نطاق ضيق!
في وجهة نظري البريكاست أجود شيء اذا استخدمت اجزاءة بمواصفات عالية.. عزل صوت وحرارة مب ممكن تتخيله
الخرسانة بروحها علشان تعزل الحرارة و الصوت لها مواصفات محددة و اتوقع مكلفة جدا .. اخونا معماري ممكن يفيدنا اكثر.اقتباس:
المشاركة الأصلية كتبت بواسطة سالم الزهران
ما اشوفها ضرورية اللي بارزة تبين حلوة
https://www.youtube.com/watch?v=9aEN4CnFFvI
بنى لي الوالد الله يغفر له بيت في حوش بيته سنة 1988 كنت توني ادرس قال لي باسويه وسافرت ورجعت بعد 3 شهور الا البيت جاهز تركيب من شركة العطية - كابريفاب .. كانت نوعيته للحكومة بحدود 300000 وللأفراد شوي أرخص ولنا عطونا اياه ب 100000 أو 120000 نسيت بس بين هالرقمين .. مساحته 110 أمتار غرفتين وصالة ومجلس وحمامين ومطبخ .. عيبه الوحيد كانت جدرانه تسوي طقة قوية بسبب التمدد ولأنها مربوطة بحديد خاص ومسموح لها بحركة بسيطة .. العازل في الجدران من طبقتين ويجي بارد في الصيف أقل تكييف يثلج وفي الشتاء دافيءاقتباس:
المشاركة الأصلية كتبت بواسطة SouthK
اشتركت معاهم شركة المانع ردكو وألحين هي اللي مستلمة البريكاست وآخر مشروع أعرفه واجهات المدينة الطبية
فيه شركات تسوي مثل قطر ردي مكس تودي لهم مخططاتك المعمارية وهم يسوون لك الهيكل ويجيبونه يركبونه في الموقع بكرين وعدد قليل من العمال .. بعدين انت تسوي الطابوق للجدران والفواصل الداخلية وتسوي باقي التشطيبات والشغلات كهربة وميكانيك
يعني ما تحتاج صب خرسانات في الموقع الا السكريد بعد تمديد الكهرباء وحق تركب بلاط .. جاري باني مجمع صغير 5 بيوت عن طريقهم
فيه بعد شركة خالد المسند أظن شركة قطر للمباني الخرسانية .. هذي متخصصة أكثر وتشتغل تسليم مفتاح
بالنسبة للتغيير والقص كله ممكن بس بالآت خاصة وبدراسة هندسية مب شغل عشوائي
أما تكون رغوية خفيفة مثل السيبوريكس وشفت شركة العلي للمشاريع تبني مجمع من 500 بيت وثاني أقل شوي بين بن عمران والمسيلة على الشارع .. والا فيها تجويف ومحقون بالفوم مثل بيتي السابق وما تكلف وايد .. الخرسانة الجاهزة مدروسة صح وتنبني حتى تعمر عمر طويل .. من العيوب السابقة في بيوت الدفنة صاحب الشركة الله يغفر له وضح لي هالشيء إن الحكومة كانت مانعة عنهم الماي الحلو ويستخدمون ماي آبار وصدى الحديد واستوت شلوخ كثيرة واختربت البيوت وهي توها .. بيتي كان النوع المحسن وللحين عايش مؤجر دخل قيمته أضعاف والحمد للهاقتباس:
المشاركة الأصلية كتبت بواسطة SouthK
شيء أكيد مهم تاخذه عن طريق استشاري فاهم والا تكون شركة معروفةاقتباس:
المشاركة الأصلية كتبت بواسطة سالم الزهران