عرض للطباعة
يا اخوي نزل وزني شوي ومستانس واستراحتكم تمتن اللي ما يمتناقتباس:
المشاركة الأصلية كتبت بواسطة سالم الزهران
البارحة مشيت في فيلاجيو ومسرع في المشي ( حسب تفكيري يعني ) لكن لاحظت شيء مهم مرة حامل تمر علي وتهملني .. رجال شيبة يمر علي تعقدت والله اللياقة في الحضيض
أستعد حق سفرة يوم الخميس الى بانكوك وهونغ كونغ .. حد يبي زعتر بانكوكي؟
سارة ، جزاك الله خير.. الله يعين الجميع
معماري : حتى انت قلت لك من قبل ام بريدك مليان بس الظاهر ما جفت المشاركة
سابقني بثواني في مشاركتك.. هذي المشاركة اللي قلت لك ع بريدك انه ما يستقبل.اقتباس:
المشاركة الأصلية كتبت بواسطة معماري قطري
الله يوفقكم.. وان شاء الله تحصلون اجواء حلوة... تصدق آخر سفرة لي مع رفيجنا اللي انت خابر.. رجع فيني حماس حق السفر.. من كثر مواقفه المضحكة اللي صارت.
لا والله مب مليان فيه سعة كبيرة بس باتأكداقتباس:
المشاركة الأصلية كتبت بواسطة سالم الزهران
السفر حلو لو شبابي ولو اثنين بس أما لو كثروا يمكن يختلفوناقتباس:
المشاركة الأصلية كتبت بواسطة سالم الزهران
المرة الوحيدة اللي رحت فيها مصر عزمني صديق وكنا ثلاثة في سنة 1982 أكبرنا مرشح ولازم يرجع للتدريب وراعي نكتة وضحك ويدندن على العود .. وأصغرنا هو اللي معزم بنا وكان خاله راعي سفريات طلع لنا التذاكر والله يذكره بالخير لي سنين طويلة ما شفتهم
المهم كنا صغار ولا نحسب العواقب ومزعجين في الطيارة ما خلينا مضيفة في حالها .. والربع أقنعوني بأن مصر محطة وبنروح اسبانيا بعد ما ناخذ الفيزا والا ما رحت لكن اللي صار غير مخطط له واستقر بنا المطاف في مصر وتكيسلنا نكمل بسبب نقص الموارد المالية
رفيجنا الكبير قال خلوا فلوسكم عندي وانا اعرف للمصريين ولا تهتمون وأول ليلة كنت تعبان قلت بارقد .. وهم مقررين يصيعون ويسهرون .. كنا مأجرين مرسدس كحيان بس هناك ما فوقه فوق مع سائق تابع للسفارة وكان وقتها ربيع والجو بارد وحلو وسكنا الشيراتون في سويت راهي .. عاد رفيجنا الكبير هوايته البرستيج والكذب والصغير جوازه خاص وبواسطته سوى برستيج إننا كلنا مب شيوخ بس أُمراء .. والمصريين محد يلعب عليهم
أول ليلة وانا راقد رجعوا وقمت على صوتهم الا يقول الكبير صرفنا مبلغ ما ادري كم على النقوط .. مبلغ كبير .. قلت هذي بداية الحلب وتعال عطني فلوسي لتطير .. كم يوم والا الربع جامعين ناس من إدارة الفندق ومسوين قعدات طرب ورفيجنا اللي يدق عود يغني من بادي الوقت والصوت اللي يسمعه يصيده اكتئاب .. لكن أحد المصريين اللي متعرفين عليهم جدد استطرب وقال الله محمد عبدو بالزبط .. وانا من الضحك طحت من فوق الكرسي
كم يوم الا كبيرنا قال خلاص حان رحيلي وبقينا انا ورفيجي شبه مفلسين والفندق يبي فلوسه وننطر حوالة من الدوحة وكانت تاخذ وقت وقصة أذكر 5000 دولار كانت تسوى حول 4000 جنيه في البنك و تزيد شوي عن 5000 جنيه في السوق السوداء .. أذكر رفيجي بعد رجع وتميت بنفسي في وجه المدفع واخلص فلوس السيارة والفندق وما تكفي الا لو صرفت في السوق السوداء ولو رحت بروحي بانباق .. ما لي الا السواق .. شلون وثقت فيه ما ادري مع انه كذاب .. وصرفها وجابها لي بالخردة الربع واعدينه انهم بيودونه قطر ومجتهد وطلعت فوق 5000 وتكفي الفندق والسيارة وتزيد شوي
الحمد لله قدرت اخلص وارجع وقلت هذي رحلة فاشلة وكلها ابتزاز
رفيجي الكبير حصلته بعد فترة الا واصل رتبة مقدم أد الدنيا وبعدها حصلته نقيب .. شصاير قال تهاوشت مع مسؤولي وحاكموني وقاعدوه بعدها .. والصغير لي سنين ما شفته يمكن شفته مرة بعد السفرة وبس
لا والله من انستغرام ( كرك مقانيص )اقتباس:
المشاركة الأصلية كتبت بواسطة معماري قطري
مشكله بريدي مب فل بس انا حاطه نظام اللي يبي يطرش لي رساله لازم تكون داخلها 10ريال :eek2:
:
الله تايلند :no:اقتباس:
المشاركة الأصلية كتبت بواسطة معماري قطري
بالسلامة ان شاءالله .. انا باطرش لك لسته طلباتي عالخاص ..
ولاتسوي نفسك ماقريتهم :eek2:
حاضر لج بس لتطلبين كيمااقتباس:
المشاركة الأصلية كتبت بواسطة sara jsm
كيما من تايلند !!!؟ مايصير
لا لاتخاف طلباتي سهله بس جهز فلوسك :p
دولارات يداد ما يطاوعني قلبي اصرفهماقتباس:
المشاركة الأصلية كتبت بواسطة sara jsm
خلاص عطني اياهم باخشهم لك :oops: