~~ دفتر رسم ~~

اقتباس:

---

المشاركة الأصلية كتبت بواسطة النوماس

كان الله بعون المحللين .الله يوفقهم ويبارك بهم
والله اني مابعت سهم واحد وصابر باذن الله لعدة اسباب واهمها قرب اعلان ارباح النصف الاول والاخر اقترابنا من دعوم رئيسية والأهم الدروس اللي تعلمناها خلال الهبوطات القاسية السابقة

---

وفيك بارك يالنوماس

متعودين يالغالي لاهي اول مرة و لا اخر مرة :tooth:

اقتباس:

---

المشاركة الأصلية كتبت بواسطة Abjalsulaiti

12100 دعم ممتاز والعلم عند الله الاسهم بالغت بردت الفعل

غياب المحافظ الاجنبيه الرئيسيه لان اليوم الاحد اثر على قوة البيع من المحافظ القطريه وعدم التصدي لها

المفروض المحافظ القطريه تدعم السوق للاسف اثبتت الفتره الاخيره هي من يدمر السوق

---

المحافظ المحلية ما تقصر تدعم وتشتري لكن الافراد ماقصروا اليوم في البيع وكل له اسبابه

بعد اسواق الخليج على نفس المنوال

اقتباس:

---

المشاركة الأصلية كتبت بواسطة فهـد

انت النوخذة ياعتيق
الوضع ضبابي
دخلنا ع الدوليه بسعر الخميس وخوفي لانطبع

---

الله يوفقك

السوق بالغ في التصحيح مافي كلام وكان يقدر يكتفي ب 12400 بس زودها حبتين

اقتباس:

---

المشاركة الأصلية كتبت بواسطة A7med

التحاليل كلها حمره والناس تنتظر تحليل ايجابي واحد

---

اخوي احمد

علمونا الاوليين ان اللي ماطلعك من قمة السهم ماراح يدخلك في قاع السهم

اقتباس:

---

المشاركة الأصلية كتبت بواسطة Abjalsulaiti

من عرفنا السوق اشتر بالاحمر القوي خصوصا الي مثل هذا*

---

صحيح اخوي

اجل في حد يشري سهم بعد ماارتفع 100% :nop:

اقتباس:

---

المشاركة الأصلية كتبت بواسطة atiq

وصل للقناة الفرعية واذا كسرها ( متوقع الكسر بدرجة كبيرة ) ماراح تباعد و راح تختبر قناة القاع للموجة الرئيسية

ضغط بيعي لقطاع البنوك للريان و المصرف

بعدها متوقع دخول محافظ وطنية وهي نفسها اللي قاعده تبيع

https://invst.ly/y9oa7

---

هذا القطاع البنكي شنو قلنا في المشاركة السابقة

كم نسبة النقاط اللي نزلها من المؤشر

القناة عمرها اربع سنين و نص هل راح يكسرها قبل لا يرتد ....طيب اذا كسرها راح يختبر سقف القناة الصاعدة باللون الاحمر

عشان جذية اقول ليش الخوف من المؤشر

والاخضر الحين اقرب من الاحمر باذن الله


https://invst.ly/yd66r

اقتباس:

---

المشاركة الأصلية كتبت بواسطة atiq

عشان الصورة تكون واضحة وان الامر فني حاليا

المؤشر هبوطة بالقيادات وخاصة الوطني وصناعات و المصرف

اختبار للقناة الهابطة وحتى اليوم الاغلاق فوقها وعند متوسط 100 وباذن الله نستكمل الخامسة الاخيرة و منها الارتداد

التسارع في الاحداث و الاخبار و النفط كلها سلبسة لكن الذهب و العملات الرقمية امورهم تمام

في الاخير هي قراءة شخصية واجتهاد وكنا متوقعين التصحيح لكن الاخبار سرعت فيه وكل الامر خير باذن الواحد الاحد

الرسم واضح وما يحتاج تعليق

موفقين


https://invst.ly/wrbaa

---

نفس الكلام والقصة للي صار في شهر نوفمبر 2021

ايش كنا نقول و ايش كانوا يقولون

بعدها شنو صار

.....

بكرة باذن الله تشوفون السوق اموره تمام و نرجع فوق متوسط 200

كسر المتوسط صار مرتين في شهر فبراير و مارس 2021 وبعدها شوفة عينكم

ذكرنا سابقا ان المؤشر راح يصحح من القمة لكن مب بهذا العمق كنا متوقعين يحافظ على ال 12400 لكت تداول اليوم اشوفه اقرب للخوف بسبب التهويل الاعلامي

الله اعلم

https://invst.ly/yd6bb

الوطني صحح قبل الكل والحين جاهز يشيل السوق شيل


https://invst.ly/yd6d1

اقتباس:

---

المشاركة الأصلية كتبت بواسطة atiq

المحافظ المحلية ما تقصر تدعم وتشتري لكن الافراد ماقصروا اليوم في البيع وكل له اسبابه




:nop:

---

اخوي عتيق اليوم الشراء من المحافظ الأجنبية والافراد القطريين والبيع من طرف محافظ قطر والمحافظ الخليجية

غريب امر المحافظ القطرية وهذا البيع الجائر والله حرام عليهم

اقتباس:

---

المشاركة الأصلية كتبت بواسطة السيلاوي

اخوي عتيق اليوم الشراء من المحافظ الأجنبية والافراد القطريين والبيع من طرف محافظ قطر والمحافظ الخليجية

غريب امر المحافظ القطرية وهذا البيع الجائر والله حرام عليهم

---

صحيح اخوي السيلاوي

ماانتبهت للحجم

اشلون شفتوا السوق هاليومين

اقتباس:

---

المشاركة الأصلية كتبت بواسطة atiq

اشلون شفتوا السوق هاليومين

---

ما عرفنا وجهة السوق

تذبذب

الصراحه السوق من وجهة نظري مخيب للامال بالذات اليوم
المفروض الارتداد يكون اقوى والله يعوضنا خير الايام الجايه

ممكن نزول اخير او تأكيد ارتداد
مع ان اسواق المنطقه ارتدادها مجزي اخر يومين