-
اللي يخوفني تركيبها فقط ممكن يضعف اللاصق مع مرور الوقت وتسقط أو تنفك من طرف ويطلع شكلها مقزز ومزعج
تصحيح للمعلومة اللي قالها عن العزل الحراري .. نهائياً لا توجد مادة تعطيك عزل حراري 100% حتى براد الشاي والثلاجات تفقد حرارة مع مرور الوقت والثلاجات ثلجها يذوب وهي محكمة الإغلاق لوقطعنا الكهرباء عنها .. تعطي نسبة عزل بسيطة أكيد تعطي لكل مادة نسبة معينة ومثل ما قال تؤخر ولا تمنع دخول الحرارة .. نتخيل الحرارة كمية لو تدخل 100 في ساعة .. مع إضافة أي مادة حسب درجة عزلها ممكن تقل لرقم أقل في فترة هذه الساعة
https://www.youtube.com/watch?v=IUjU1mRRL4Q
-
هذا ردي في اليوتيوب على الفيديو
والله يا اخوي عملية غير محمودة العواقب بعد 10 سنين .. الماء والحديد والخرسانة خليط غير مضمون فكيف بأن يكون عمود رئيسي يثبت على أرضية البيارة التي هي في الأساس قاعدة لهذا العمود وراس العمود محاط دوماً بمياه الصرف الصحي التي فيها كيماويات وستسبب تآكل للعازل بلا شك .. حتى العازل ما يعطون عليه ضمان أكثر من 15 سنة وفي الغالب 10 سنين
ما اقول الا الله يعين المالك اللي انت مقاول ومتهندس له وإحتمال المهندس المصمم طالب هذا الشيء وانت منفذ بس قناعتك بأنه حل ناجح انا ضدها .. فيه أكيد حلول انشائية لمثل هذا الوضع مكلفة باستخدام خرسانة خاصة أو بلورية ما تأثر فيها المياه ولا الكيماويات
شيء أخير مستغرب منه عندنا قليل جداً من المناطق اللي تستخدم هذي الطريقة البدائية في الصرف الصحي والغالبية شبكات تصريف وقطر دولة صغيرة جداً جداً وانتوا دولة عظمى للحين تعانون مع البيارات وغرق الشوارع .. الله يعينكم
https://www.youtube.com/watch?v=qz1ileptoYM
-
من أهم الأُمور هو حماية حديد التسليح وأتوقع لو سواه مغلف ايبوكسي وايد أفضل والا عنده حل استخدام الخرسانة البلورية المانعة للرطوبة والماي المخلوطة به لازم يكون مقطر وخالي من الكلور لأن الكلور من أسباب الصدأ السريع
https://www.youtube.com/watch?v=fCRgqBdvRtI
-
من الأمور البديهية للمهندسين والفورمنية الفاهمين إن الماء يضعف الخرسانة وأهم عامل في قوة الخرسانة هو ما يسمى Water to Cement Ratio وهذي تقاس بالحجم ويفترض تكون نص حجم الإسمنت ماء الى 40%
يعني الخرسانة اذا جات بالردي مكس المفروض لا تزاد ماء لأن الكميات مدروسة حتى تعطي القوة المطلوبة
https://www.youtube.com/watch?v=0accZIns9YQ
-
هذا مصر إن ما فيه مشكلة والماي موجود وكان لازم يسوي حل دايم لتصريف المياه
https://www.youtube.com/watch?v=JVWl5ZECPpI
-
إذا القوانين التخطيطية تساعد للمنطقة العملية سهلة .. أحد المصممين شرح لي فكرة بيت في أرض 6 في عمق أكبر شوي ما اذكره وكيف صممها بحيث النور الطبيعي يدخل لكل الأدوار .. حتى الغرف ممكن تسويها مستويين مستوى للنوم فوق وخدمات تحت لو المساحة ضيقة
https://www.youtube.com/watch?v=B3_rVVmJLdg
-
ما تحتاج خط انتاج وقصة الا لو المصنع بتقنية قديمة .. ألحين القوالب المرنة وهي سهلة ومن مواد معدنية تتحمل استخدام متواصل .. هذي تصب فيها المقاس اللي تبغيه ولأي عنصر إنشائي من قاعدة وعمود وجسر وسقف .. والهولوكور أنواع منها التقليدي تسليح حديد عادي وبدون شد بس التجويف يخليها أخف ويفترض اقتصادية .. الشوية تعقيد في مسبقة الشد وبكيابل خاصة لمسافات طويلة وأكثر في تالية الشد وهذي يتم شدها وتثبيتها في الموقع أما الهولوكور العادي ما يحتاج كل هالدوشة كرين ويركب وللبيوت العادية أكيد اقتصادي وبيوت فلوريدا غالبيتها مبنية هولوكور مباشرة على الطابوق العادي نفس طابوقنا وحتى بدون أعمدة وبدون جسور والأساسات شريطية مع إن الأرض هناك في الغالب ضعيفة
https://www.youtube.com/watch?v=uT6SiiiqvdY
-
حتى أقرب صورة تحمل هذي الخرسانة .. 5 طن في المتر المربع تعني 5000 كيلو جرام في المتر المربع .. السيارة وزنها في الغالب 2000 وعلى كل تاير ينزل ما يقارب 500 كيلوجرام وقت البريك يتولد ضغط ممكن أكثر وممكن توزيع الوزن يكون أكثر جدام والا وراء بس هذي ارقام تقريبية وبعيدة بوايد عن رقم التحمل حتى شاحنة حسب وزنها المحوري أو الوزن على كل تاير ممكن يمكن تمشي فوقها .. بس المبالغة في تحمل الوزن المفروض تكون محسوبة صح يعني ممكن نركب لحد 5000 كجم للمتر المربع وإحنا بصعوبة بنحمل هذي الارضية 100 كجم وتكون تكلفة غير مستفاد منها
-
تركيب سيراميك عادي على أرضية خرسانية مستوية وبلاصق خاص وشلون وزنه .. نلاحظ ترك الفواصل صغيره وتنظيفها للقراوت بعدين والمفروض يخلي الجزء تحت النعلة في الأطراف فاصل تمدد ويعبيه سيليكون
https://www.youtube.com/watch?v=W9OCwcWfbS8
-
