عرض للطباعة
الله أعلم ممكن لأن العمل تقليدي ارتجالي وبطريقة غير عن الأُسس القديمة .. خذ من شركة تصنع بوردات الخشب ملصوق فيها الفلين واللي خذها قطع زايدة كما يذكر وبتنرمي واستعملها للداخل .. لو تلاحظ عمل لها تدعيم بقطع خشبية بارزة جهة وسط الجدار اللي بتكون فيه طبقة الإسمنت والإسمنت يمسك الجدار وبنفس الوقت الجزء البارز من الحجر يمسك في الخلطة لو كانت قوية .. صحيح تضعف بعد فترة وممكن تتفكك فرق عن الميكانيكلاقتباس:
المشاركة الأصلية كتبت بواسطة سالم الزهران
شفتها في زرع إخوي بو زيد مسوية فرق كبير عن الديزل لمضخات المياه ومساحتها مب كبيرة وايد وغالبيتها كهرباء مباشرة وللتكييف والإنارة وفيه بطاريات تكفي لمكيفين في الليل ولثلاجة .. مشكلتهم عندنا مسوين حديد آي بيم مكلف وبقطاعات كبيرة وتأسيس تقول حق عمارة بخرسانة ثقيلة وهي حتى على خشب تثبت وخفيفةاقتباس:
المشاركة الأصلية كتبت بواسطة سالم الزهران
صباح الخير بو عبدالله، فيه مدارس ومرافق ف العالم شغالة ع الطاقة الشمسية وأحد اصدقائي يسوي مشاريعها خارج البلاد.. حتى انه مرة كان يرد على سؤال واحد من الربع يسأل عن هالنظام الكهروشمسي في البلاد اللي اغلب يومها غيوم، فقال له.. عطني ساعة واحدة بدون غيم في اليوم كافية لنجاح الشبكة.
لكن المستحيل هو من صوب الحكومة عندنا مستحيل يعتقون الناس لأن الكهرباء فاتورتها عالية توصل لربع المرتب الشهري أحياناََ.
من نفس المنطلق شنو جدوى شركات الكهرباء في نظر بعض المسؤولين اذا سمحوا للناس باستخدام البديل؟
أما عندكم فيمكن يسمحون بها والمفروض يتبنونها.. مع أنك أنت كمواطن ربما ما تثق فيها لأنها شغلة جديدة.
هلا إخوي بو زيد صباح النوراقتباس:
المشاركة الأصلية كتبت بواسطة سالم الزهران
أتوقع كل الحكومات تؤيد هذا التوجه وتساعد فيه .. لو ما شفت التجربة بعيني وسمعت من شخص فاهم الشغلة باقول يمكن لا ومساحة الألواح ما يقارب العشرة متر في حول 6 يعني انت تسوي مظلة حق 4 سيارات في بيتك بتوصل 12 في 6 تستفيد تظليل للسيارات وبنفس الوقت ألواح شمسية للطاقة وعز الظهر في الصيف توفر في فاتورة الكهرباء بطريقة التوصيل المباشر وفيه طريقة لو الكهرباء عندك زايدة تروح في الشبكة العامة وتوفر على الدولة .. في بعض الدول تدفع لك شركة الكهرباء بدال الصادرة من بيتك
https://www.youtube.com/watch?v=sZ2uTxcTUFs
هذا الوضع شفته في بيت مبني ومنتهي درت حوله بعد ما شفت شلوخ مسننة توضح الطابوق داخل بعد البلاستر والتبليط للمطبخ حتى سيراميك المطبخ مكسر .. وحصلت زاوية ملطخة ببلاستر مثل الورمة من تحت بضربة بسيطة بقدمي طاحت وطلع الحديد اتصاله برقبة العمود مفقود فيه فراغ وهذا اللي مسبب الشلوخ والشغل يبين أي كلام مع إن البيت دور أرضي
كلامه صحيح بالنسبة للسيراميك يطلع فقاعات في الماء معناها فيه فجوات وهذا نوع رخيص ما أعتقد موجود عندنا .. شيء ثاني بعض السيراميك ما ينفع معاه الغراء حتى لو ما طلع فقاعات لأنه مناسب للتركيب بالطريقة القديمة مونة اسمنتية وضرب على الجدار
كلامه عن التمدد بعد صحيح وهذا نقدر نتفاداه بفواصل التمدد لكن لو حبينا ضمانات أكثر نشوف معامل التمدد أو نسبة التمدد المئوية كل ما زادت الحرارة درجة أو 10 درجات مثلاً .. في النهاية تركيب السيراميك للواجهات وحتى البورسلان عملية صعبة وصعب تنضبط وتحتاج خبرات هندسية محسوبة ومتابعة اشراف قوية .. أذكر المباني اللي جنب السنتر عاشت عمر طويل بسيراميك بختال الألماني اللي يبي يركب يمر يشوفها شلون تغيرت واحتمال طاح بعضها
https://www.youtube.com/watch?v=EJhHOoIIJro
نسيت أذكر إن معامل التمدد محدد لكل بلاط من مواصفاته الهندسية ولو طلبتها تحصلها حتى مقدار التقوس .. بعض البورسلان والسيراميك فيه تقوس بشع وصعب يركب صح .. بحاول إن شاء الله أسوي بحث عن الدرجات المقبولة من التقوس
أوقات التقوس يحصل بعد التركيب إذا البلاط تمدد وضرب في بعض ولا فيه فواصل مرنة قوة التمدد قوة هائلة تسبب تقوسه قبل انقشاعه من مكانه