استراحة الخميس ،، شخبااااري

اقتباس:

---

المشاركة الأصلية كتبت بواسطة معماري قطري

السفر حلو لو شبابي ولو اثنين بس أما لو كثروا يمكن يختلفون

الحمد لله قدرت اخلص وارجع وقلت هذي رحلة فاشلة وكلها ابتزاز

---

فعلاََ بو عبدالله ، سفرتكم هذي مبين انها طايشة بدون هدف هههههه بس تبقى ذكريات.. مصر و ليبيا والاردن وسوريا من الدول العربية اللي ما زرتها.

اما مصر فالداعي لها كان قليل.. والحين أقل وأقل
وليبيا فلا يوجد هدف واعتقد ما زارها خليجي الا عمل حكومي.

وسوريا.. من الاعدادي ونا اشوف شيخنا اللي يحفظنا قرآن وهو سوري درعاوي.. منفي من سوريا ولا يقدر يروحها رغم مرض شيبانه.. فقلت لعمري.. ما اروح بلد ومعلمي ممنوع منها.. واظنها بتلحق مصر.

اما الاردن فقربها.. غرنا وكله نسوف.. لكن بروح لها الاشهر القادمة باذن الله لا زان الجو.

اقتباس:

---

المشاركة الأصلية كتبت بواسطة sara jsm

خلاص عطني اياهم باخشهم لك :oops:

---

تبغين فلوس تكملين البراويز والجبس صحيح.. طيب سمعي نصيحة بو زيد.. هذا معماري مهندز و اقل شيء ساعتين يومياََ ع الاوتوكاد.. وعشان تطلعين منه بشيء لازم تستثمرين شغفه بالمخططات والرسومات.

سوي برزنتيشن.. و شلون يوصل الدولار و اشلون يدش الصندوق الاستثماري مالك وشلون يتخمر وينفش ويستوي دولار عود. عقب معماري بيستثمر معك عشرين الى خمسة وعشرين الف.. تطلع لها خمس وثمانين الف ريال تكمل لج اشغالك... وبالتوفيق

برزنتيشن سنع و حطي فيه رموز شركات مالية و من هالسوالف. :thumbup1:

اقتباس:

---

المشاركة الأصلية كتبت بواسطة sara jsm

خلاص عطني اياهم باخشهم لك :oops:

---

فكرة حلوة واتوقع بيزيدون

اقتباس:

---

المشاركة الأصلية كتبت بواسطة سالم الزهران

تبغين فلوس تكملين البراويز والجبس صحيح.. طيب سمعي نصيحة بو زيد.. هذا معماري مهندز و اقل شيء ساعتين يومياََ ع الاوتوكاد.. وعشان تطلعين منه بشيء لازم تستثمرين شغفه بالمخططات والرسومات.

سوي برزنتيشن.. و شلون يوصل الدولار و اشلون يدش الصندوق الاستثماري مالك وشلون يتخمر وينفش ويستوي دولار عود. عقب معماري بيستثمر معك عشرين الى خمسة وعشرين الف.. تطلع لها خمس وثمانين الف ريال تكمل لج اشغالك... وبالتوفيق

برزنتيشن سنع و حطي فيه رموز شركات مالية و من هالسوالف. :thumbup1:

---

خلاص انت عليك التحليل المالي والموافقات والختم

اقتباس:

---

المشاركة الأصلية كتبت بواسطة سالم الزهران

فعلاََ بو عبدالله ، سفرتكم هذي مبين انها طايشة بدون هدف هههههه بس تبقى ذكريات.. مصر و ليبيا والاردن وسوريا من الدول العربية اللي ما زرتها.

اما مصر فالداعي لها كان قليل.. والحين أقل وأقل
وليبيا فلا يوجد هدف واعتقد ما زارها خليجي الا عمل حكومي.

وسوريا.. من الاعدادي ونا اشوف شيخنا اللي يحفظنا قرآن وهو سوري درعاوي.. منفي من سوريا ولا يقدر يروحها رغم مرض شيبانه.. فقلت لعمري.. ما اروح بلد ومعلمي ممنوع منها.. واظنها بتلحق مصر.

اما الاردن فقربها.. غرنا وكله نسوف.. لكن بروح لها الاشهر القادمة باذن الله لا زان الجو.

---

سوريا رحتها مرة ثلاث ايام من الأُردن بالسيارة ومعاي هلي وعيال صغار .. بهدلة وقتها مع قصر المسافة لكن يذلونك اذلال في الحدود .. والبلاد ما تنطاق هوشات في الشارع وكل واحد يبي يسوق شيء عنده بدفاشة توصل للغصب .. يومها دعيت عليهم باليهود

عادي لو تدخل محل وما تشتري تطلع تسمع سبة وراك بس سو نفسك ما تسمع

ثاني مرة بس مرور من لبنان لين الاردن .. لبنان والأُردن كانوا افضل قبل في التسعينات بس ألحين البلاد ذيك ما تنطاق واستغلال من الكل وزحمة

ماشاءالله بوعبدالله مغامراتك ماتوقف ..

عاد وين بتعيد في بانكوك ولا هونغ كونغ ؟

اقتباس:

---

المشاركة الأصلية كتبت بواسطة معماري قطري

دولارات يداد ما يطاوعني قلبي اصرفهم

---

على طاري الدولارات والفلوس
عندي ثلاث خطوط تلفونات قطرية وكلها محولها هلا وكلها فيها رصيد اقلها 100 ريال
المهم وانا اشيك عليها في موقع اوريدو ولا مكتوب باقي كم يوم ويروح الرصيد
قلت بلد لا يروح خلني اسوي مسابقات في احد القروبات الي معي والي يفوز احول له رصيد
المهم عيشتهم اسبوع وخليتهم 24 ساعة صاحين تخيلوا وحده من المسابقات قلت اذا دخلت القروب اي وقت وسلمت
اول واحد يرد علي االسلام بحول له رصيد ههههههه
واحد داش علي منهم يقول ياولد لايكون مسوي بزنس وهذي غسيل اموال هههههههه

:happy: :happy: :happy: طلعت اخس مني

اقتباس:

---

المشاركة الأصلية كتبت بواسطة sara jsm

ماشاءالله بوعبدالله مغامراتك ماتوقف ..

عاد وين بتعيد في بانكوك ولا هونغ كونغ ؟

---

في بانكوك ان شاء الله

اقتباس:

---

المشاركة الأصلية كتبت بواسطة R 7 A L

على طاري الدولارات والفلوس
عندي ثلاث خطوط تلفونات قطرية وكلها محولها هلا وكلها فيها رصيد اقلها 100 ريال
المهم وانا اشيك عليها في موقع اوريدو ولا مكتوب باقي كم يوم ويروح الرصيد
قلت بلد لا يروح خلني اسوي مسابقات في احد القروبات الي معي والي يفوز احول له رصيد
المهم عيشتهم اسبوع وخليتهم 24 ساعة صاحين تخيلوا وحده من المسابقات قلت اذا دخلت القروب اي وقت وسلمت
اول واحد يرد علي االسلام بحول له رصيد ههههههه
واحد داش علي منهم يقول ياولد لايكون مسوي بزنس وهذي غسيل اموال هههههههه

---

زين سويت

اوريدو ظالمين وقوانينهم غريبة شغل ابتزاز

أما نكتة الدولارات قلتها قبل .. في 2014 كانت عندي مهمة شغل في أمريكا وكنت كل شهر آخذ مبلغ كبير كاش واطلبها مئات جديدة من الكاشير في البنك .. تعطيني الموظفة وامسكهم واشمهم ما خذت الا الكل اللي يبتسم وخاش ابتسامته واللي منفجر ضحك