https://www.youtube.com/watch?v=wH4Oyj4fNxQ
عرض للطباعة
هذا يبني حائط منحني قريب من الحائط اللي ناوي اسويه لبيتي الجديد جدام الدوار وأخلي فيه قطعة جبس منقوشة بكلمات محفورة وخلفها إنارة مخفية
https://www.youtube.com/watch?v=wEm8b3KA_FM
هل نحتاج لهذه النوعية من العزل لدينا؟ وأقصد كما في آخر الفيديو عزل تحت صبيات الأرضية وهنا عندنا تحت أرضية البيسمنت .. ونلاحظ كيف بثقة تاركين فتحة لفحص ورؤية ما الحاصل تحت كسر الحجارة اللي تكون أسفل شيء والطبقة الأُولى من التأسيس .. هو ذكر السبب إن الرطوبة لا ترتفع في الحجارة المفككة بفراغات كبيرة على عكس الطين والرمل تلتصق فيه وترتفع وتكون ملاصقة للأساسات وتخترقها .. هذا النظام يمنع الرطوبة بشرط وجود بايبات تاخذ المياه بعيد عن تحت الأساسات
في رأيي نعم نحتاج وأي فرق في درجة الحرارة بين الداخل والخارج حتى لو بسيط بيكون مؤثر .. عندهم الفرق 17 درجة فهرنهيت وهي بسيطة جداً .. عندنا ممكن درجة الحرارة في عمق التأسيس في عز الصيف تكون بين 28 - 35 والداخل نحتاج تكون 24 - 22 والفرق 6 - 11 درجة مئوية وهي أعلى بكثير للفهرنهايت يعني نركب أفضل ويعطينا عزل حراري سواء صيفاً أو شتاءً أفضل
https://www.youtube.com/watch?v=XKp0wRzvR-g
هذا الفيديو ما انصح حد يشوفه ولا عندهم سالفة
واجهة البيت على أي جهة ممكنة وألحين ما نبني بيت شعر حتى تكون واجهته جنوبية أو شرقية .. نبني بيت مغلق نقدر نرتب مدخله بطريقة جميلة ومرحبه بأهل البيت وبالزوار .. ونقدر نفتح مدخل ثاني جانبي وحتى ممكن ثالث لو حبينا
الإستفادة من إتجاهات الشمس بعمل نوافذ شيء مهم والنوافذ تغلق وتفتح وقت الحاجة وعليها ستاير وحتى ممكن نترك بعضها بدون ستاير كنافذة صالة تطل على حديقة خاصة ورؤيتنا للنور يتسلل منها على مدار الوقت اللي الشمس مقابلتها مدروسة بحيث ما تزعجنا .. المجالس والصالات والمطابخ ودورات المياه حتى مناور سقفية لها شيء حلو ويعطينا جو متغير على مدار اليوم لكن غرف النوم والمخازن هذي صعب أو لا يستحسن نسوي فيها مناور سقفية
https://www.youtube.com/watch?v=ROOcwZsmpnU
في النهاية تبدي البناء بمقاول وتنتهي بمقاول ثاني ولا كاسرات شمس ولا سمعت فيها قبل
حياك الله إخوي بو زيداقتباس:
المشاركة الأصلية كتبت بواسطة سالم الزهران
كاسرات الشمس ممكن مشربيات وتعطي جو داخلي حلو منها الجبسية والطابوقية والخرسانية والجي آر سي والخشبية ومواد غير حتى المعدنية وتعتمد على التصميم .. أسهلها الستاير للتحكم والتغيير وللفتح وتعطي عزل كبير صوتي وحراري وللنور .. صدقني في بعض البيوت لو نحسب عزل الستارة المستهونين بها حسب نوعها يكون قطاع الدريشة عزله أقوى من الحائط
هذيلا اللي يفكرون في اتجاه واحد لازم يشوفون خارج الصندوق ويعرفون طبيعة الأشياء .. أما قناعة معينة وتفكير في اتجاه واحد خطأ .. يوم خذت أرض بيتي كانت واجهتها شمال وعلى شارع واحد وكنت متكدر لأن قناعتي بالواجهة الشرقية وبيت ابوي الله يغفر له قبل كانت واجهته شرقية .. بيتي السابق واجهته غربية أغلقت جدامها وحولتها شمالية وكله شغل بدون تصميم وموافقات وحسب الحاجة وهذا اللي يمشي
السؤال المفروض هو كيف تستفيد من النور الطبيعي في مختلف الأوقات؟
والإجابة هي .. من فوق عندنا تقريباً من بدايات الفجر للمغرب وحتى لنور القمر تأثير واحساس غريب .. من الجوانب حتى الجهة الغربية حلوة وسبحان الله اللي في خلقه للشمس ودورانها وتغيير مسارها خلال السنة حكمة
أحد الإخوان حطيت صورة لصالة بيته مسوي سقفها بالكامل زجاج وهي وسطية وبارتفاع مزدوج تطل عليها ممرات وغرف ويقول جوها كثير حلو ولا تصخن وايد في عز الظهر وأقل تكييف يكفي
تبقى دراسة النور وتأثيراته على نموذج المبنى مهمة أو نتركها تقريبية .. قبل كنت اسوي نموذج ثلاثي الأبعاد واسوي عليه تشبيه بالشمس لأي وقت في السنة وحسب الموقع بالجي بي اس أو الإحداثيات .. ألحين اعتمد على الإتجاهات وتوقعي للنور كيف بيكون .. ببساطة ما احتاج للدقة لأني فهمت إن سطوع الشمس على أرضية البيت الداخلية يعطي تغيير وجمال وما له تأثير قوي ويمكن شفت صور للجزء الزجاجي المفتوح في صالة بيتي وحطيتها كم مرة في المنتدى .. طوب زجاجي بس صف طوب واحد هذا عليه شوية بروز الشمس ما تضرب فيه مباشر الا الساعة 8 وحولها قبلها بشوي وبعدها بشوي وفي فترة الشتاء لأنها تكون مايلة .. البروز مب مقصود .. الحايط الموجود في هذي الجهة 20 سم والطوب الزجاجي سمكه حول 7 سم وعلى الوجه الداخلي مركب لذلك البروز حول 13 سم تظليل عليه
بس تدري أحلى لحظات الشمس تكون يوم تلمع على الطوب الزجاجي وتكون مواجهة اللي جالس ويشوفها .. وهذا الخط في الجهة الجنوبية لذلك صممت بيتي الجديد بخطين أو ثلاثة في هذي الجهة