عرض للطباعة
يوتيوب مهم للإنتباه لنظافة الخشب وما عليه قبل الصب
رأي شخصي .. هذه الشوائب البسيطة صغيرة الحجم لا ضرر منها .. لكن مثلاً كيس اسمنت كبير بيسوي فجوة أو قطعة حجر كبيرة هذي لازم تنشال وننتبه لها قبل الصب ونطلب من المقاول إزالتها .. أما الغبار والشوائب البسيطة ولا شيء ولا لها تأثير
شيء ثاني مهم قبل الصب هو رش البوردات الخشبية بالماء وكذلك ترطيب الحديد وبكميات بسيطة مب تغريقها والهدف من الرش هو الترطيب حتى ما تمتص مياه الخرسانة وتنخفض حرارتها شوي
https://www.youtube.com/watch?v=pGQMg_4O8a8
وهذي طريقة بدائية لسد المواسير والمفروض سدها بسدادات خاصة وقوية من نفس المادة
https://www.youtube.com/watch?v=WGoBkheUvu8
بالنسبة للفتحات المؤقتة نحاول نركز ما تكون كبيرة أكثر من اللازم يعني بندخل بايب 2 إنش ناخذ 2.5 إنش كفاية كفتحة مؤقتة حتى يكون تعبئة الفراغ سهلة
القبة وشغلها ونقاش ممتع حولها وحقائق
لكن كرأي شخصي كذلك روعة القبة في نوافذها المفتوحة في انحناء القبة .. وهذي لها طريقة التركيب على كرسي نعمله بزاوية مستقيمة على شكل حرف L بحيث يحتضن الفريم ويكون معزول من الطرفين
الزجاج في الوقت الحالي ممكن تصنيعه مائل في قطر عن طريق بعض الشركات منها الإختيار الألماني حسب ما أفادني مسؤول مبيعاتهم
ممكن لو حبينا نسوي زجاج معشق مائل نسويه ونسوي زجاج حماية شفاف يكون فوقه .. يعني طبقتين وفريمين وحتى ممكن لو حبينا نحط إنارة ال دي اي خفيفة بألوان أو بألوان ممكن نتحكم في تغييرها بين هذي الطبقتين .. وهذي كلها خيارات جمالية معمارية والشق الهندسي الانشائي يتكلم عنه المهندس عبدالغني الله يجزيه خير
https://www.youtube.com/watch?v=wNLo_7QdujU
القبة الهرمية طبعاً أسهل وممكن عملها بدون خرسانة وبالكامل زجاجية شواء شفافة أو بين الشفافة والملونة أو جزئياً زجاج معشق مع إن التلوين بالكمبيوتر أرخص والزجاج يكون أقوى من المعشق
القبة الهرمية تناسب للشكل السابق
للي يبنون دوبلكس أو بيت واحد بنية قسمه لبيتين أو حتى للي بنيانهم كبير ويحتاجون يسوون البنيان كتل مفصولة عن بعض بما يسمى فاصل بناء أو كونسترآكشن جوينت
هذي الطريقة توضح كيف الفاصل أثناء البناء ومن القواعد .. بعدين المهندس ذكر بأن فوق نعبيه بمواد خاصة وفي الغالب يحصل تسريب من خلال هذي المواد بعد فترة .. ولو حطينا تغطية معدنية كذلك تسرب .. أفضل الحلول هو عمل قطعة خرسانية تغطي الفاصل ونسوي لها في الطرف شق حتى الماء ما يرجع للداخل وأكيد تحتاج رسمة وانا حطيت لها توضيح في السابق ومن لا يعرف شاقصد ممكن يسأل وباوضح له بإذن الله
الواجهة والجوانب يستحسن الفاصل يكون معدني
https://www.youtube.com/watch?v=rFb2rXkNPRE
يعطيك العافية اخوي معماري على هالمجهود الطيب منك
حتى والمنتدى في نوع من الهدوء تشارك وبحماس
احس ان هذا القسم في هالمنتدى يملكة معماري قطر
بسبب جهودك الجبارة اللي تشكر عليها
أشكرك مرة اخرى انك مفرغ نفسك ومعطينا من وقتك ومتصخر لنا بالمعلومات القيمة والمفيدة لباقي الأعضاء
العفو يا بو سعوداقتباس:
المشاركة الأصلية كتبت بواسطة Azizuk
الحمد لله وقتي متوفر ومن افتح اليوتيوب تطلع لي المواضيع الجديدة ذي
مسجل فيه وسويت قناة بس ما احط فيديوهات وايد وبعض المهندسين ما شاء الله عليهم سواء عرب أو غيرهم دوم مكتبتهم عامرة والله يجزيهم خير ينبهون الكل .. انا يمكن تعودت احط رأيي لو عندي شيء اضيفه وبعض الأُمور اختلف معاهم فيها في نقاط معينة
مب كل اللي يجيك في اليوتيوب مفيد ولا في الانترنت ككل ودوم فيه بدائل وعدة طرق ممكن أفضل وارخص
يعني اللي يرجع كم صفحة وراء بيشوف كيف يسوون الفاصل للبناء وفاصل التمدد وموجودة طريقة التغطية بالمعدن أو بالماستك
اللي يبني ويشوف هالمناظر ويسكت عنها ويكون حاط استشاري المفروض يرفع قضية على الاستشاري والمقاول ويوقف الشغل وبيكسبها بإذن الله لأنه ظلم كبير له ولحلاله
أولاً الطابوق مفكك ولا فيه مونة كفاية ولا تركيبه صحيح
ثانياً الموقع مليان حجارة كبيرة وهذي المفروض تجمع من البداية وتكوم في جهة من الجهات ويكون قربها الغربال الحديدي لإزالة أي حجارة فوق قطر 5 سم وإزالة الشوائب الأُخرى كالخشب والبلاستيك وغيره واستعمال الصالح لإعادة الدفان .. ممكن الحجر الكبير نستخدمه للديكور وللحديقة
ثالثاً قراطيس الاسمنت استعملوها استعمال واضح في حشو الخرسانة بها لتقليل كميات الخرسانة
هذا بالاضافة لما ذكره المهندس في الفيديو
https://www.youtube.com/watch?v=M12_oi2qLQY