هلا اخوي السامر
اذا بتكلم عن السهم الورطة هذا السهم قاهرني حدي لأن وقتها كنت في سهم دلاله بعته على 2.349 وخذت ربح طيب
وسألتهم اهني بالمنتدى وقالوا لي هذا سهم حرام ( تدري مافيه مزح في الدين كل شي واضح والحمدلله والشكر على نعمة الإسلام ) وخوفوني وأرعبوني بكلامهم وقلت يا ولد اذكر الله وصديت عنه وخذت اجاره بعد ما رسموا له طريق وهمي عند 1.7 وأطب فيه الإ احصل نفسي في مستنقع خساير سنوات زين انت يا راعيه ارحم اشوي خذ وعط اما انك بوز نازل وتقبع عند هذي الأسعار شنهي الإسباب !! خساير لا اخبار سلبية لا اي شي ردي لا كل شي لا لا لا
زين وين مشكلتك يعني لا أسواق عالمية ولا اسعار نفط ولا اتحرك السهم موجياً ابدا خير وعسى ماشر اتحس انه يتعمد عدم صعود الأسهم اجاره ومزايا وازدان ولا حتى في الشهر الفضيل بعد اذا بنحاول نمش بالتمني
واذا ع السوق حسينا فيه بعد حزمة من الاخبار التخديرية لا كأس العالم وحجة وش له خص زين حطوا لكم اسواق العالم الثانية وقت استضافة الكأس في بلادهم ليه ما صار عندهم اللي صار عندنا هااا ، حطوا لنا ادوات لها علاقة بالسوق وتطوير طيب اعكس التطوير اللي تتحدث عنه على حركة اسعار الأسهم بالمجمل بعد لا
اتحس السوق مال سهم سهمين او كل خلق الله يتجهون على سهم واحد فقط وكأن مافي غيره وعن طريق وسائط التواصل الاجتماعي مرات او محلل امعضل يسرب شارت بعد فوات الأوان حتى يصرف هو ويعلقون البشر وعلى راسهم يعني مافيه عدل مافيه حب الخير للناس ابد وكل شي بفلوس يبونه
صانع اي سهم 99.99 ما يقدر أي حد ايعرف اشلون برسم طريق الشارت لأي شركة في السوق ، زين انت تقدر تتبع طريق قبل يكون فيه حركة سعرية فوق تحت وبتستفيد وغيرك بيستفيد وبتحصل من ترمي عليه اكيد لأنك انت المخرج ساعتها
اما اسلوب الاستفزاز مال درهم درهمين ثلاث يآخي والله شي يقهر اتحس مافيه عطيه ويد ماسكه صارت لا والله حن اهل الخير والكرم وعساه دوم والله يزيدنا ويزيد غيرنا
اللهم ارزقني وارزق مني والحمدلله والشكر
