هلا يالغالي.... شلونك شو اخبارك.
شكرا على الاطراء والمدح وانتظر صور الفلل اللي في فريجكم للحين مانزلتها....
:nice::nice:
هلا اخوي من ضغطت على صورة وداني على مركز تحميل وقريت فله المهندي
ومن اسم الارخيبيلي عرفت الفله
هذي فله شبه قصر للحبيب ابو احمد
وابو احمد طيب ويستاهل الطيب
الله يهنيه ويكرمه بكرمه
بس عندي ملاحظه في موضوع اخر انا مدحت شغلك لكن صورك الصراحه كلها من بعيد وتغطي على العيوب
انا شايف في فتحات وبطوط كبيرة في الحجر الصغير
تحياتي
صح فيلا ابو احمد او قصر ابو احمد يستاهل كل خير ماقصر معانا بكلشي ... اما عن الفتحات فهذي في الحجر على الواجهات الكيرف ( المدورة) والحجر هو نوع كلاتيه صغير جدا ومايتروب بالعادة علشان يطلع منظره الحلو .. بس تكمل الصور تشوف الفرق وتفهم انت والسادة الأعضاء والزوار قصدي
صراحه البارحة مريت شفت شيء عجيب بجد شغل رائع جدا جدا
ان شاء الله لي زيارة لبيت بعد ما يخلص
ما قدر احدد الحجر الصغير وش نوعه انت تقول كلاتيه
http://im25.gulfup.com/2012-04-12/1334182058778.jpg
ممكن تركيب زوايا او صفوف مش ضابطه
واعرف انه ما يتروب بس المفروض
التركيب نوع هذا الحجر لازم يكون متلاصق
شغل بنيان الفيلا صراحه روعه من ناحيه التوزيع
الغرف .. وتصميم الفيلا حلو والي زاده حلاه تركيب الحجر
موفق خيوو حسن الاحمد لي طلعه لبيت في نهار بعد متخلص
خبرني اشوف واقول راي مره ثانيه
ما شاء الله يا بو علي
إسمح لي ألقبك بساحر الحجر بسبب فنك واتقانك التعامل مع هذي المادة الصعبة
هلا اخوي معماري قطر حياك لا تكثر من المدح لانوهق الاعضاء وزوار
شغل رجال لا يعلى عليه بس شفت بعد اخطاء بسيطة مثل
حجر مكسور منه قطعه مركب له روبه وروبه بيضه مبينه بصوره
وغير البطوط المبينه وفراغ كبير بلحجر الصغير شوف الصورة
http://im31.gulfup.com/nPrdV.png
شفت كورنيش الشبابيك مكسر ولا هو مضبوط يبغي له سنفرة
حاليا قاعد اراقب شغله وانتظره يخلص ويعطيني الجرين لايت عشان افحص صراحه بقول رايي بكل شفافية وارجو من حسن الاحمد ما يزعل مني
ما شاء الله عليك وايد دقيق اخوي بندول
معاك حق في بعض الشوائب .. لكن للحين ما خلص الشغل وشغل الحجر لازم فيه شوية ضربات وكسرات لأنه شغل يدوي وصعب ينضبط 100% .. والأخ حسن تعبته انا بأسئلتي وتحقيقي قبل ووضح لي كل شيء وما شاء الله عليه طلع صج فاهم وشغله نظيف ووالله مب دعايه له .. هو دعايته عرضه لشغله وشهادة من اشتغلوا معاه .. انا حتى سئلت عن قيمة الحجر شامل التركيب في الأُردن وتفاجأت بانها قريبة من قيمة الشغل هنيه.
وانا رايي في الحجر معروف إنه غالي والقيمة تقدر تستفيد منها في أشياء ثانية .. وغير الحجر مادة على صلابتها الا انها ضعيفة وتتأثر من عوامل كثيرة مع مرور الوقت ومن يقول الحجر دائم وما يحتاج صيانة غلطان الا من يقبل بعض التكسر والتصدع وسقوط بعض الأجزاء وتغير لون الحجر بسبب الرطوبة فهذا بيعيش معاه الحجر فترة طويلة وبيتقبله.
اللي يركب حول بعض الفتحات ويزين الزوايا مثلاً وبعض الأماكن كتحديد أو تيجان أو قواعد أعمدة أشوف القطع الحجرية المشغولة صح حل جيد وفي محله .. وطريقة التركيب بالبراغي والفراغ تعطيك عزل جيد وشرحت قبل ضرورة عمل فتحات تهوئة للتجويف فوق وتحت حتى يمر الهواء ويستبدل داخل التجويف .. أو حقن الفوم في التجويف .. أو تركيب ألواح الفوم مع التهوئة للفراغ الباقي أو القصدير أو القصدير مع الصوف الصخري .. أو غيرهم من العوازل حتى قطع الجرايد القديمة.
أشكرك اخوي بنادول على المناقشة البنّاءة اللي تثري الموضوع ... وأشكرك أيضاً على المدح والنقد ..
بالنسبة للحجر الكلاتيه في بيت ابو احمد فهو سوري قياس 10 سم * 20 سم تقريبا ..
اما اللي عندك في صورتك فهذا اصغر وبكون بالعادة ملزق ببعضه بشبك او جراوت نفس الحجر الصيني .. اما عندنا كل حجرة لوحدها تركب.. وعندنا مقاسات وأشكال وألوان ثانية تتركب بطرق مختلفة .. بس بدون روبة بسبب صغر حجم الحجرة الوحدة .. لان الروبة تسويها مثل الحجر المبوز الحجم الكبير وماينعرف بعدين حجم الحجرة ويضيع المنظر لذلك مانروبه
حسن الاحمد كلك ذوق
وشغلك ممتاز وروعه الله يديم عليك صحه
شاكر لك ردك ولاتسئ الظن النقاش يفيد الاعضاء
بنسبه لحجر الكلاتيه صحيح انه مايتروب لكن يستبدل
كلها مطرقه تكسرة وتشيله وتبدله بجديد
بس بجد منظر الفله روعه
ناطرك تخلص وروح اعاين مره ثانيه
شكرا لك
اولا يعطيكم العافيه
بغيت استفسر كم المده الي تحتاجونها في التركيب ؟