يوتيوبيات البناء .. مقاطع تثقيفية متجددة

طبعاً اللي بيسوي أقواس معقدة ما يغامر مع مقاول أي كلام ولازم يكون عنده إشراف جيد

واللي بيسوي كورنيش مقوس للسقف لازم يطلب تصميم جيد وحديد مغلف ونسبة حديد قليلة وغطاء خرساني كافي عن الصدأ في المستقبل وكذلك يصبغ بصبغ مناسب وعازل للرطوبة

عرض لتشطيب بيت مع الملاحظات

انا اشوف التكييف سواء سبلت أو معلق في السقف مناسب ولا فيه داعي نسوي تكييف المخازن والمساجد الكبير ونغطيه وهي وجهات نظر

https://www.youtube.com/watch?v=VPmM08vQHRY

مشروع قطارات الرياض لفك الازدحام هناك

https://www.youtube.com/watch?v=wKPCOU7McbQ

هذا الفلم فرش توه طالع من فرن المهندس عبدالغني

الخلطة تبين لي واتوقع فيه شرح لاحق لها تبين انها ناشفة بدون ماء ومن الرطوبة في الأرض بتتحجر مع مرور الزمن ومضاف لها مادة تجعل نفاذيتها للماء قليلة أو قريبة للصفر لحماية جدران البيسمنت أو الحوض

من رأيي لو نحط العازل الإعتيادي أو نسوي هذي الخلطة بسمك معين ومنتظم ك 10 سم أو 20 سم حماية للجدار ووراها يكون كنكري وتحت البايب المخرم وتصريف المياه المعتاد أفضل

https://www.youtube.com/watch?v=EEiWzlLEmIk

تنفيذ مسبح فوق السطح

هذي طريقة يشرحها المهندس عبدالغني وانا اشوفها مزعجة ومكلفة أكثر لكن كشكل أكيد بتبين أجمل

الطريقة الثانية والأسهل هي إننا نرفع سور السقف بحيث يغطي ارتفاع البنتهاوس أو يكون موازي له .. ونسوي عمق المسبح 1.2 وعمق واحد وهو المريح للسباحة ونقدر نسويه في الطرف ونخليه اوفرفلو وقناة الماء الراجع نسويها منخفضة .. يعني نسوي المسبح مرتفع عن سقف الدور الأخير وليس ساقط فيه وارتفاع متر وعشرين سم ولا شيء كلها كم عتبة والماء النازل يمثل لنا شلال نشوفه ويعطينا
منظر

https://www.youtube.com/watch?v=c8tip7YozCg

استخدام الهزاز شيء أساسي في عملية صب الخرسانة لكن ما يكون في مسافات بعيدة ولا يبقى فترة طويلة حتى يفصل الماء عن الخرسانة .. بحدود 3 ثواني كفاية لكل مكان مع التحريك المستمر

لو بقى فترة طويلة وفصل الماء يكون التفاعل ضعيف وتكون الخرسانة ضعيفة ولو ما غطينا كل مسافة 40 سم بكل اتجاه ممكن تكون عندنا فجوات تعشيش

https://www.youtube.com/watch?v=KrT2ZbvRET0

الحمد لله عندنا ناس ينقلون هذي العمليات واضحة الله يجزي المهندس كل خير مب بعض المهندسين ما يحضر الصب ولو حضر ما يهتم لهذي الأساسيات ولو المالك موجود قعد يسولف مع المالك

المفروض الاستشاري يسوي اختبار القمع أول ما توصل سيارة الخرسانة ويسجل حرارة الخرسانة ويوقع فاتورة أو وصل الاستلام مع الفورمن وياخذون نسخة للمالك وللملف .. يوقع العينات اللي بتروح للفحص مع التاريخ والاجراء المتبع من باقي المعلومات

بعدها ينقز مثل الغزال فوق يتابع الصب وتشغيل الهزاز

هذا مقطع غير للهزاز وهنا ينصحون ب 5 - 15 ثانية وبتحريك الهزاز ببطء واعتقد كلامهم سليم وطريقتهم أصح من السابقة

https://www.youtube.com/watch?v=DNOdoOnl94s

شرح أكثر في هذا المقطع

https://www.youtube.com/watch?v=8kAbXuqr5rA

هذا هزاز حق تسوية الخرسانة لكن ما يعالج تعشيش العمق ويخلي الفجوات .. لازم نستخدم اللي قبل شفناه ولو نبغي نستخدم هذا للتسوية في الأخير بيكون زيادة خير .. لكن ما يغني عن القضيب

https://www.youtube.com/watch?v=lRBMqTKFAl8

للأساسات العميقة والخالية من الحديد كتل خرسانية فقط

https://www.youtube.com/watch?v=TwUi0FuW6UI