المشاركة الأصلية كتبت بواسطة يمامـة
لما سجلت عيالي في مدرسة نظامها بريطاني..
ما كنت اعرف شي اسمه هالوين ..
كنت اساعد خوسيه يرسم بطاقات تشجيعا مني له انه يحتفل مع الأطفال..
لين ياتني بنتي و تقول لي و كانت في الصف السادس
ان اجمعوهم في الهول و كلموهم عن الأرواح اللي اتدور و خزعبلات غريبة و عجيبة..
فقررت اني امنع عيالي من الحضور في مثل هاليوم في المدرسة..
لكني فكرت ان منعي لعيالي مب كفاية . حاولت اتواصل مع السيدة صباح المعضادي
بينت لها من حقنا كمسلمين ان عيالنا ما يشاركون في هالمناسبة الدينية المسيحية.
قالت لي أصلا هالمناسبة مب دينية و هذي و ثنية و اتخذت القرارات المناسبة
بمنع أي نوع من الاحتفال و تجميع الأطفال سواء مسيحين او غير مسيحيين..
و الله يجزاها خير الجزاء..
اما سالفتك مع الثوب و الغترة والعقال.. اعتقد و ان ما خانتني الذاكرة
ولدي الكبير ذكر لي انه احتفل بنفس طريقتك في قرنقعوه المسيحيين في بريطانيا
في اول سنة التحق للدراسة هناك يعني لما كان عمره 18 سنة..
و أكيد كان مثلك مخه للحين ما بلغ سن الرشد..
