ما قصرت اخونا العود ابو عبدالله . يمكن سؤالي كان مب واضح لكنك مريت على النقاط المهمة وشرحك وافي مثلك
جعل عمرك طويل
ما قصرت اخونا العود ابو عبدالله . يمكن سؤالي كان مب واضح لكنك مريت على النقاط المهمة وشرحك وافي مثلك
جعل عمرك طويل
الله يرحم والديك اخوي بو زيداقتباس:
المشاركة الأصلية كتبت بواسطة سالم الزهران
ملامح أي بيت أو مبنى تعرفها بعد 10 سنين وتلاحظ جودة البناء وحسن اختيار المواد الخارجية .. والبيت جديد أو تصميم على الورق سهل أي رسام مب مهندس يقتبس نقوش ويحطها .. التجويفات ممكنة ولها تفاصيل واحتياطات وتدخل في الكتل الكبيرة اللي ترى من بعيد وتعكس جمالية الظلال وأي لون مغاير .. النقوش والجي ار سي الجيد منه واللي صبغته في الخلطة مناسب على أماكن قريبة لسهولة التنظيف من الغبار وحتى تكون بعيدة عن الطيور وقريبة للرؤية والواحد داخل وطالع من البيت
في الفترة الأخيرة اشتغلت على مراجعة تصميم لأحد الإخوان وافق مشكوراً على عرضه وهو بيت بمساحة بناء تقارب ال 900 متر مربع وممكن مع اضافة غرفة سايق وبنتهاوس تتعداها بحدود 950 متر مربع .. البيت مقابل شمال ويسار البيت كما هو موضح الشرق واليمين الغرب والخلف الجنوب .. يعني المجلس يفتح على غرب والبيت على شارعين شمالي وغربي وباقي الجهات جيران
المخطط يعتبره الاستشاري جاهز للبناء ويحث المالك على انهاء الاجراءات والمالك شكله مقتنع .. حاولت اقنعه يطبق التعديلات كاملة وينزله عقد متكامل حتى ما يدخل في تعقيدات واشكاليات تعاقدية وباستعرض التعديلات كلها وبعضها بسيطة ممكنة لكن بعضها تحتاج تنسيق ومراجعة التخطيط وموافقات اضافية حتى يكون العقد واضح ومتكامل
هذا مخطط الارض مع البيت وواضح لنا إنه ما استفاد من بنت هاوس مناسب وسهل بنيانه ولا غرفة سايق
https://i.imgur.com/e3jeYqm.png
بالنسبة للمستويات رابط ال 0 بمستوى قطر الوطني +20 وانا نسيت هذا المستوى شيعني بس أكيد نقطة مساحية محددة من قبل أشغال وهذا شيء زين .. باقي من المهم توضيح مستويات الحوش الرئيسية أقل شيء أو ذكرها في المواصفات حتى يكون المستوى يصرف المياه بسهولة
هنا نشوف الأسقف وهذي موضحة على المباني الصغار تصريف المياه والبيت الرئيسي لا .. انا ما افضل التصريف على الزوايا لوجود الأعمدة والمفروض الزوايا تكون عالية والتصريف جهة وسط الأطراف بحيث ما تكون عندنا دريشة عائق
أُمور أُخرى مثل تانكي المياه وين؟ خزان الصرف الصحي؟ والمظلة صغيرة والباب ضيق ما يسمح بدخول السيارة بسهولة وبإذن الله بانزل باقي المخططات مع التعديل ومع النقاش وأي رأي مرحب به
هذا الدور الأرضي وكنت متوقع تعديلات بسيطة جداً فيه بس مع التفكير العميق وترتيب الأثاث اتضحت امور كثيرة بنشوفها فيما بعد
https://i.imgur.com/WMjY0uv.png
دور السقف وما زالوا استشاريينا ماشيين على النظام القديم من حيث الارتفاعات واقتراح بنتهاوس على الأقل يستفيد منه المالك في وقت لاحق .. حتى لو يشطبه تشطيب خفيف أو ما يكمل تشطيبه بس مهم يبنيه
https://i.imgur.com/AYgyAae.png
الدور الأول
https://i.imgur.com/k8eXP5V.png
والقطاع الطولي من أهم الملاحظات عليه الارتفاع النهائي وكذلك ميلان السقف المائل بسيط جداً لا يرى من قريب بوضوح
ما ادري ليش جميع الاستشاريين يقترحون هذا النظام للعزل الخارجي للحوائط
أولاً هذا ما ينفع للتمديد ويتكسر .. ثانياً هو بروحه عازل لكن في الجدار كنظام ما يعزل لوجود جسر كبير فوقه يدخل حرارة قوية وكذلك المونة توصل الحرارة بكثافة كبيرة تلغي فايدة الطابوقة بروحها .. ثالثاً غالي لو نركب طابوق عادي أفضل بداله ولو حبينا نعزل لازم نسوي نظام عزل نضمن عزل الجسور والأعمدة لو أمكن والطابوق وانا اقترحت نظام الغلاف الخارجي فوق الطابوق الخارجي والجسور بألواح السيبوريكس بسمك 10 سم أو ألواح السيبوريكس فوق ألواح الفوم ( الاكستروديد بوليسترين ) وهذا بيعطينا عزل خيالي
https://i.imgur.com/MBc8apK.png
الملاحظات المفروض أول ملاحظة تكون بدال المالك أو الاستشاري المشرف تكون واضحة وتكون الاستشاري المشرف وعلى المقاول يتبع تعليمات الاستشاري من حيث المستويات وبحيث مستوى الصفر يعتبر QND 20 أو 20 أو 30 سم من مستوى الشارع ومستوى الحوش الداخلي يكون متدرج بميلان 1% لضمان تصريف المياه
مستغرب من إن شروط الدفاع المدني وضع علامة خروج للمنازل ولازم هذي تكون ببطارية احتياطية تشتغل في حالة طفت الكهربة .. هذا بيت والمفروض معروفة مخارجة ومداخله لهله لكن مكان عام هذي ضرورية له .. كذلك ملاحظة مهمة لازم تنذكر وهي إن المقاول عليه اتباع تعليمات الدفاع المدني مهما تغيرت حتى انتهاء المشروع
الواجهة تتعدل أكثر وصراحة الدرايش والأبواب مرتفعة ارتفاعات تزيد على 3 أمتار و 30 سم .. ضخمة للغاية والمقاول ما يشوف الجدول قد ما يشوف الواجهة ويترجمها لحقيقة .. بعدين ندخل في اشكالية معاه ونقول له صغر الدرايش يقول فيه فرق قيمة ووقت ويضطر يسوي الشغل مرتين
https://i.imgur.com/j97JBDj.png
كذلك الأسقف ذكرتها بميلان بسيط وكأننا ركبنا القرميد حتى يبين من بعيد فقط ولا يعكس جمالية السقف من قريب والواجهة .. ما حبيت الأعمدة نوعين في المدخل
الواجهة الخلفية نلاحظ فيها نافذة الدرج طولية وكبيرة وتنفتح على بيت المصعد وسط الدرج .. شيصير لو سويناها أصغر وعلى الجنبين؟ بتنور الصالة الوسطية فوق وتحت وفي البنتهاوس
https://i.imgur.com/mUV7AeQ.png
هذي الجهة الجنوبية وفيها الشمس شبه دائمة صيف وشتاء وخلف الباب يوجد الملحق اضطريت اعدل بين غرفه حتى يجي باب المطبخ مقابل باب الدرج الخلفي لسهولة التواصل والوصول للمطبخ الوحيد حيث لا يوجد مطبخ داخل البيت
يعطيك العافية اخوي ( ابا عبدالله )اقتباس:
المشاركة الأصلية كتبت بواسطة معماري قطري
اشوف الدرايش تحتاج تغير في الديزاين مافيها تناسق
الواجهة الشرقية جهة جار وبعد ينطبق عليها ما ينطبق على البقية .. وفكرت لو نفتح دريشة علوية في السقف المايل بتطلع ميزة جمالية وكذلك بتكون مثل المنور العلوي للحمام الرئيسي في هذه المنطقة ويدخل علينا نور أول الصباح
https://i.imgur.com/hFwedgB.png
الله يعافيك ويبقيك اخوي سعوداقتباس:
المشاركة الأصلية كتبت بواسطة سعود.
معاك حق مسويها عملاقة .. صراحة الدرايش والأبوب أي شيء فوق 2.4 متر يعتبر مبالغة مب في محلها الا لو نبي نسوي واجهة بالكامل زجاجية وعندنا أسباب ثانية لكن حق بيت ارتفاع 2.4 كافي وزيادة لأن مستوى نظر الشخص الطبيعي حول 1.6 متر وعندنا 60 سم فوق مستواه يقدر يشوف السماء بزاوية .. بعدين الأبواب ألواحها سعتها 2.44 طول في 1.22 عرض وأي شيء أكثر يعني قطع زيادة وتوصيل ووصلات وشغل زيادة وثقل وتكلفة طبيعي فوق المعتاد .. ممكن لو بتسوي باب 2.4 يكلف 2000 ريال ونفس الباب لو ارتفاعه 3 متر يكلف 4000 ريال والزيادة بس في الطول 25% لكن التكلفة زادت 100%
اتابع وقت ثاني ببقية الصور وهي كثيرة واحتاج أوضح بالرسم أكثر وأكثر
الواجهة الأخيرة اليمنى وهي الغربية وفيها الغرفة الرئيسية في الزاوية المثمنة .. نفس الملاحظات تقريباً لإرتفاع راس الهرم المثمن لو زدناه متر أو متر ونص بيبين أحلى وبينعكس على الداخل بترتيب باوضحه بالرسم وبرسم مقطعي بعدين
https://i.imgur.com/ArMs445.png
المجلس واجهته وتوزيعته ما اهتم المصمم لعمل باب أوسع وترتيب المداخل حتى تخدم توزيع الأثاث وبنشوف التغييرات البسيطة عليه
https://i.imgur.com/r7u9ZKt.png
واجهة المجلس الخلفية مطلة على الملحق ونشوف شكثر الدريشة عالية حتى الكورنيش والجبس بيكون صعب .. قاعدة حدها الأعلى يكون 2.4 متر مناسب جداً
https://i.imgur.com/7Odw41s.png
ما ادري ليش الاستشاري مصر على الارتفاعات القديمة .. ألحين المجالس مسموح لها 5 متر والملاحق 4 وبعضهم يزيدون بعد وياخذون استثناء
https://i.imgur.com/weCuEB6.png
Garmeet ما اعتقد كلمة صحيح قرميد بالعربي وبالانجليزي روف تايلز وفيه أكيد أنواع لكل نوع اسمه الخاص .. أكيد الرسام اللي اشتغل المشروع أول مرة هندي
ما علينا نروح للملحق وهو مهم لأنه فيه المطبخ الوحيد بدون مطبخ داخلي ومخلي بابه بعيد عن باب البيت الخلفي اللي المفروض يوصل له
https://i.imgur.com/YddgYGc.png
غرفة الغسيل عبارة عن حمام جدامه ليوان مغطى .. ما فهمت شالمغزى منه واقترحت تكون مغلقة بواجهة زجاجية
وارتفاع الملحق مسويه 3.5 وممكن يزيده ل4 ويوازن أرضيته مع أرضية البيت ولباب الملحق وباب البيت يحط عتبة رخام 2 سم تسكر فتحة الباب السفلية عن الحشرات والماء .. بعدين ممكن يطلب من ألحين تسكير السقف أو يسكره بعدين بزجاج أو بولي كاربونيت
https://i.imgur.com/UeEqo2S.png
هذا أول تعديل للحوش مع توزيع المباني والمداخل للتوضيح .. يعيبه صعوبة الموافقة من التخطيط لفتح ثلاث مواقف على الخارج ولا فيه مقترح لغرفة سايق
بس ترتب المجلس بتوزيع الكراسي وتحريك الباب للداخل مع تصغير مساحة المغاسل والاكتفاء بثنتين حتى نسوي كتف للباب وللكراسي بحيث الدخول يكون شبه وسطي ونقدر نسوي باب كبير للمدخل من الخارج
الفكرة للمقلط والمغاسل تعدلت بفتح المغاسل عليه لأني عارف جونا والغبار بيترس منطقة المغاسل وهي مفتوحة كما كانت في التخطيط السابق .. بس المالك حابها بذيك الطريقة ورجعت عدلتها بناءً على رغبته
https://i.imgur.com/XqlvOje.png
الملحق ترتب جاء المطبخ مكان الستور واستووا البابين متقابلين .. بيت المصعد تحرك جدام 15 سم واستوى الدرج وراء بعرض 1.55 مشابه للجوانب وقبل كان 1.3
الأعمدة الدائرية تصغرت شوي 20 بدال 40 في السابق وأبعدتها عن الحائط وفتحت جلسة الطعام العائلية أكثر وكل هذا كان مبدئي وتغير بعد شوي حسب المقترح الأخير
المقترح هذا ارتب وأفضل .. فيه ستور خارجي وغرفة السايق خارجية داخلية ولو التخطيط رفض نقدر نقلل المواقف لموقف واحد مع الغرفة بس حسيت إن الاستشاري ما يبي يتعب والمالك مستعجل ولا يبي يوجع راسه
https://i.imgur.com/Xbj0vtB.png
مغاسل العائلة تم تقليلها لمغسلة وتصغير الحمام واستغلال باقي المساحة لستور للبيت ولمواد التنظيف
وهذا المقترح الأخير مع الغاء المواقف اللي تنفتح على الخارج وقابلية فتح باب لغرفة السايق خارجي وعزله عن البيت لو حبينا
وهذا المقترح اللي توافقنا عليه استوى عندنا مدخل زوار برستيج ومواقف سيارات اضافية للزوار داخلية ومثل ما ذكرت غرفة السايق ممكن تنعزل وينفتح لها باب خارجي .. المطبخ نقدر نفتح له دريشة جهة المجلس الخارجي والمنطقة بين المجلس والملحق تصلح لحوض سباحة أو زراعة وملعب للأطفال أو توسعة اضافية للملحق لو حبينا
https://i.imgur.com/so6adOs.png
خزان الصرف الصحي لو مطلوب ممكن يكون بين المجلس ومظلة السيارات .. والخطوط السميكة هي للكهرباء وتوزيعها على المباني .. فيه ملاحظات كثيرة بنتابعها بعدين منها عزل البيت حرارياً ومنها ازالة البروزات حول الدرايش .. ممكن يكون عندنا الجدار الخارجي 30 سم أو 35 سم حسب نظام العزل ويكون التجويف كافي وأجمل للدرايش
قبل لنروج حق بقية الأدوار خلوني اركز على الدور الأرضي وعلاقته بالحوش وبابدأ بمقدمة البيت يسار جهة المجلس الداخلي وباب الحوش هنا بعرض 3.8 متر .. أحواض الزراعة 1.4 متر ولازم لهم على الأقل طابوقة حماية صوب السور تستوي صافية 1.2 وهي كفاية لأكبر الأشجار وممكن نصغرها شوي لو حبينا حتى 80 سم كفاية
إستوى عندنا مكان لوقوف سيارتين للزوار أو ممكن نستغله في المستقبل بعمل مظلة لسيارتين لو احتجنا
المجلس على يساره جهة الشرق وضروري تنفتح دريشة في هذي الجهة حرام نخلي بس دريشة للواجهة الشمالية فقط
https://i.imgur.com/xMzOCbL.png
يمكن انا افكر بصوت مكتوب واضيف بعض التحسينات ولا اسميها تعديلات
المدخل وسعته جهة العمودين داخل واستوى من طرف الدرج الخارجي للباب الداخلي 3.5 في 4.1 والصالة المثمنة ممكن نخليها نازلة 10 سم ونشطب ارضيتها غير أما بباركيه أو سجاد فخم ومريح ولو حبينا نسويها حميمية أكثر ممكن نخلي الكراسي مصفوفة بطريقة دائرية وتترتب في أطراف نزول الجلسة
باجربها بالرسم إن شاء الله
نسيت اذكر اضافة باب قزاز شفاف حتى يحمي المدخل من الغبار والصوت والهواء والحرارة .. يو بي في سي واللي يشوف تصميم الاستشاري السابق بيلاحظ الفرق وهذي أشياء لازم ننتبه لها لأثناء التصميم لأن التصميم خطة نمشي عليها وتذكير لنا قبل ليكون وثيقة عقد رسمية للاتفاق
استوى أحلى التصميم بعد عمل الجلسة دائرية وتنزيلها 25 سم بعتبتين كل عتبة بارتفاع 125 مم نفس ارتفاع عتبات المدخل .. في هالحالة نقدر ننزل الدرايش لحد 50 سم من حافة الأرضية المرتفعة وراء الكراسي لأن الكراسي بتكون نازلة شوي .. ونقدر نختار سجادة مصنعة لهذي الدائرة بنقوشات معينة .. وعلى اليمين وسعت الطبيلة مترين حتى توقف السيارة بزاوية بسيطة لسهولة الدخول والخروج ونقدر نسويها بواجهة خرسانية وسقف معدني مخفي
https://i.imgur.com/nmkZaUm.png
قطر الدائرة 5.6 متر لكن بعد عين الجالس عن التلفزيون 4.86 مثل ما هو موضح وهو بعد مثالي حتى للبقية .. نرتفع شوي فوق جهة بيت المصعد والغرفة اليمنى جنبه .. صغرت قوس المدخل للغرفة من غرفة الملابس لمتر وسويت مقابله دريشة بنفس المقاس وممكن نخليها من الأرض وتطل على الحديقة وراء .. توزيعة الحمام اشوفها مثالية للثلاث قطع وهي المطلوبة .. غرفة الملابس كبتها يفترض يكون عمقه 10 سم أقل من الموجود الحين وهو 55 سم حتى يكون برواز الباب مناسب وله مكان .. والا نصغر عرض الباب شوي .. الكبت الجانبي بعمق 75 سم وهو شوي اوفرسايز لكن مناسب مثل ما عرفت من الخزائن الأمريكية ومسوي هذا العمق عندي وطلع مريح .. اللي في المدخل ممكن نخليه 50 سم أو ندمج معاه تسريحة أفضل بما انه طويل في العرض 3.1 متر
https://i.imgur.com/aEMpWLj.png
نافورة بالضبط في منتصف الطريق بين الباب والمصعد أو طاولة دائرية وعليها انارة قوية من السقف وفوقها نبات ظل أو مزهرية .. الأعمدة جدام المصعد صغرتهم وكررت ثالث مثلهم يحمل التقاء جسور غرفة الطعام العائلية
القسم اليسار هنا موضح مع الملحق .. الغرفة بتكون للخادمات ونقدر نفتح لها باب على ممر الملحق مكان الدريشة الطويلة المقابلة قوس المدخل
https://i.imgur.com/nPMRYHy.png
تحسينات كثيرة صارت للدور الأول ومع توزيع الأثاث وتوقع طريقة الاستخدام تبين لنا مساحات قابلة للتعديل والتطوير وعلى أساسها بيكون الديكور وبيكون توزيع الانارة والكهرباء
هنا وضحت ازالة البروزات حول النوافذ وكذلك اضافة طبقة خارجية بسمك 10 سم من ألواح السيبوريكس تعطينا عزل مناسب ولو حبينا عزل ممتاز نضيف تحتها طبقة بوليستيرين 5 سم أو 3 سم .. ما بنحتاج بلاستر وتكلفة السيبوريكس توصل ما يقارب 70 ريال للمتر المربع والبوليسترين ممكن 10 ريال أو أقل شوي .. بنفس الوقت بيعطينا تجويف مناسب للنوافذ بين 30 سم للنظام الأول و 35 سم للنظام الثاني
https://i.imgur.com/8IeDl0p.png
كبرت منطقة غرفة النوم الرئيسية وأظهرتها بالألوان ممكن تبين أوضح ووضحت حواليها حتى نعرف علاقة الفضاءات ببعض
مدخل الغرفة كان من الأساس باب صفاقتين 120 سم .. هذا مزعج وفيه فراغات وصعب ينضبط .. وفوق هذا معرقل التوزيع للصالة لو بنسوي جلسة تلفزيون حولته لباب جانبي والجلسة اقترحت تكون مكتب وممكن نحط تلفزيون مقابله للمباريات وغيرها .. التزمت بخيار الأقواس والأعندة بس صغرتها عن قبل .. خيار ثاني أشوفه بيطلع أفضل لو ركبنا بيبان .. غرفة النوم بتستوي بعيدة عن أي ضوضاء والتسريحة وغرفة الملابس ودورة المياه بيستوون معزولين بباب وبيكون الاستخدام أفضل
https://i.imgur.com/MK9D9Ng.png
الاستشاري حاط مقترح تكييف سبلت واللي جنب الدريشة كلش ما يركب ( مكانه غلط ) وانا اقترح تركيب دكت سبلت المكينة في التسريحة والسقف بيكون نازل وراء جلسة التسريحة قبل باب غرفة الملابس ومستمر لغرفة الملابس الحمام وباقي التسريحة بيكون سقفهم بكامل الارتفاع بدون جبس ونيتي ادخل نور طبيعي لهذي المنطقة من السقف المائل .. بيكون منور طويل من 3 صفوف طوب زجاجي مقابل جنوب يعطينا نور من فجر للمغرب وباوضح تفاصيله لاحقاً
مكان السرير وضحت عليه اسكتش لكيفية السقف بيكون من الأطراف سيدة وبارتفاع 3 متر ومن الوسط مرتفع بالتدريج لغاية 5 متر أو حولها بنشوفه بوضوح في القطاع
استغليت البلكونة اللي ورا المكتب بعمل باب عريض زجاج ينفتح لها لترتيب النباتات المتسلقة واللي بتنزل على المدخل بشكل حلو ان شاء الله .. كذلك نقدر نخلي المثمن اللي فيه السرير نازل شوي ونخلي أرضيته سجاد أو باركيه مع إني افضل السجاد لكامل الغرفة ما عدا الحمام طبعاً .. نقدر نركب مكان السرير لون غامق مغاير لباقي الغرفة
شغل ممتاز
عندي ملاحظة صغيره ومهمه في الدرس روم للماستر مساحتها 2x7 لو ناخذ فقط 30 سم من الحمام بشرط يكون الكبت للدرس نظام سحاب وذلك لضيق المساحه
حي الله الزائر الدائماقتباس:
المشاركة الأصلية كتبت بواسطة سعود.
هذي الغرفة كبتاتها 35 سم عبارة عن قواطع الا اللي ورا الباب نسويه حسب الحاجة 60 أو 65 أو لين 75 والكبتات مثل ما انا موضح تعليق الملابس جهة طرف الكبت أو القاطع المفتوح اللي بدون باب .. شكثر يبقى من ال 2 لين راحت 70 سم .. يبقى متر و30 سم قول حول 15 سم بيكون بروز الثياب حتى تبين لسهولة التناول بيبقى عندنا صافي متر
انا محتاج المساحة أكثر في التسريحة والحمام حق المناور السقفية شوف هذا التفصيل المختصر لين ان شاء الله اسوي قطاع طولي لهذي المنطقة واوضح السقف والمناور
https://i.imgur.com/1XZc5mn.png
المناور واحد بيكون فوق الباب موضحه بالخط المتقطع بيكون القزاز جاي رأسي مع امتداد الحائط وواحد بيكون بالطول طويل موضح من التسريحة لين يغطي كرسي الشاور .. هذي المنطقة كلها بتكون مفتوحة لين السقف ويبين انحناء السقف .. منطقة بسيطة وراء باب غرفة المكياج بيكون سقفها جبس ومثبتة داخله مكينة التكييف
لو مب محتاج هذي المساحة لمكينة التكييف كنت اقدر اكبر غرفة الملابس بس ما فيه داعي وكفاية على مسؤوليتي
الكبت واضح على يسار اللي داخل وموضح خط تعليق الملابس وموضح امتداد الملابس شوي خارج الكبت لسهولة الفرز .. شوف فيه صور حق هذا التفصيل في موضوع غرف النوم وفيه غرف ملابس
شيصير لو واحد حب يسوي كبتات كاملة ويخسر نفسه ويتعب في فتح الأبواب؟ ممكن يسوي 65 سم بمجموع 130 سم ويبقى لنا 70 سم ممر وسط الكبتات بعد كافي 60 مريح وحتى 50 ممكن بس بتحس بضيق
هذا كافي حق اثنين يمشون جنب بعض وواضح شلون الرجال ماد يده والا يده جنيه يكفي
يالله الله يستر الليلة ما يجيبون اليمن 4 على منتخبنا
الدرايش لغرفة الملابس بتكون أما ثابتة أو طوب زجاجي واللي جهة الكبت المفروض تكون عالية فوق مستوى الكبت .. اللي بروحها آخر الغرفة تنفتح شرق وهذي ضرورية تكون بطول كافي ولو للأرض أحلى تدخل نور صباحي حلو .. ممكن نخليها تنفتح من فوق واليو بي في سي ما تسرب هواء وغبار ونفتحها للتهوئة أوقات
للامانة للحين احس يحتاج تعديل مثلا
https://2.top4top.net/p_1428kpf0w0.jpeg
مع تعديل شوي
ممكن إخوي سعود بس هذا التوزيع يخدم الشكل الخارجي والوظيفة لكل حيز .. مقترحك المقترح العادي تدخل على غرفة واسعة كبتاتها عادية على جنب وبعدين تدخل لدورة المياه .. صعب ترتيب السقف والمناور بالطريقة اللي وضحتها خصوصاً لو جات غرفة كبيرة نص سقفها نازل والنص مرتفع وفيه المناور
هنا عندنا حول 14 متر تخزين وعندنا دورة المياه مقسومة لأقسام مرتبة وواسعة كفاية .. حسب اقتراحك مساحات وايد بتكون ضايعة ومساحة التخزين أقل حسبتها مبديئاً حول 10 متر وغرفة الملابس ما بتكون خاصة بباب ينقفل أو بالبصمة أو رقم سري للزوج والزوجة فقط والخدامات يغسلون دورة المياه بدون ما يقدرون يعرفون شداخل هذي الغرفة
الاشكاليه ( ابا عبدالله ) الممر في الدرس جدآ ضيق
( هنا النقطه هنا النقطه ) بصوت الي في بالك :app2:
وضحت لك يا اخوي انه كافي وهذا مب ممر بين غرف .. الأجانب يسوونه بين الغرف ولو تشوف المستشفيات بعضها ممرات عامة فيها ضيقة .. هذا كافي كافي كافي بصوت القذافياقتباس:
المشاركة الأصلية كتبت بواسطة سعود.
اذا هو كذلك
escape