بالضبط ان شاءالله باكون هناك يوم 10/29 و لمدة يوم واحد فقطاقتباس:
المشاركة الأصلية كتبت بواسطة غير البشر
بالضبط ان شاءالله باكون هناك يوم 10/29 و لمدة يوم واحد فقطاقتباس:
المشاركة الأصلية كتبت بواسطة غير البشر
اقتباس:
المشاركة الأصلية كتبت بواسطة العريق
اخوي العريق
اشرايك اقترح عليك شغله وان شاء الله بكون اقتراحي حلو لك
اقترح عليك تسكن ليله 29 اكتوبر في سالزبورغ
للأسباب التاليه :
1- بدل ماتروح غومندن وتاخذ قطارين او ثلاثه وتبدل سالزبورغ احلى من غومندن
2- فنادق غومندن بصراحه ولا واحد يستاهل من امس وانا اشوف لك
ولا فندق حلو
3- سالزبورغ حلوه جدا وبعطيك اماكن كلها تزورها وانت تمشي جنبك
يدوب اتخلصها بيوم واحد وكل مكان احلى من الثاني
مافيها بحيره لكن فيها نهر
4- سالزبورغ على طريقك من فيينا الى سالزبورغ دايركت بدون تبديل قطار
ومن سالزبورغ الى زيلامسي دايركت بدون تبديل قطار
والعوده نفس الشي
منتظر ردك اذا موافق اشوف لك الفنادق الزينه هناك
واشوف لك رحلات القطار
واتمنى توافق على نصيحتي ماراح تخسر ان شاء الله :nice:
مرحبااقتباس:
المشاركة الأصلية كتبت بواسطة غير البشر
انا موافق على اقتراحك لان المهم عندي المكان الحلو المريح و يكون على بحيرة او نهر و يكون سهل الوصول إليه بدون لف او دوران
و تحياتي لك يا عزيزي غير البشر :nice:
اقتباس:
المشاركة الأصلية كتبت بواسطة العريق
مرحبتين يا الغالي
ابشر الحين انزل لك التخطيط والاماكن الزينه :victory:
مرحبا اخوي العريق
اول شي نشوف الفنادق
بعطيك هالفندقين هم احسن فندقين في سالزبورغ
من حيث الفخامه والمكان واثنينهم على البحر
وهم من فئه خمس نجوم
1- فندق زاخر سالزبوغ
Hotel Sacher Salzburg
http://www.booking.com/hotel/at/hote...ability_target
2- فندق شيراتون سالزبورغ
Sheraton Salzburg Hotel
http://www.booking.com/hotel/at/sher...lzburg.ar.html
واذا بغيت فندق اقتصادي
ومكانه احلى من هالفندقين وثريب منهم
بس درجه اقل مش راقي وايد من فئه 4 نجوم
فندق ستين
Hotel Stein
http://www.booking.com/hotel/at/cult...id=1;maplink=1
اهم شي حجز الفندق
وبكتب لك الاماكن السياحيه
جهزت لك خريطه على السريع
# اماكن الفنادق المرشحه
# تحديد اماكن الزياره باللون الاصفر
http://im31.gulfup.com/M4BP6.png
مرحبا اخوي abdo222
تخطيط لرحلات خارج العاصمة باريس
1- من باريس الى قصر فرساي
محطه قطارات باريس care de nord
محطه قطارات قصر فرساي Versailles rive gauche
http://im39.gulfup.com/gLzbu.png
مده الرحله الى قصر فرساي 52 دقيقه
يتوقف في محطه واحد وهي ST MICHEL ND RER
وتبدل قطار الــــ B
وتاخذ قطار الــــ C
وياخذك الى قصر فرساي
او
تاخذ سياره وتروح دايركت الى محطه ST MICHEL ND RER
ومنها تاخذ قطار C
ويروح دايركت الى قصر فرساي
مده هالرحله 37 دقيقه
http://im38.gulfup.com/9Sll5.png[/QUOTE]
2- الرحله من قصر فرساي الى
فرنسا المصغره France Miniature
انصحك بالسياره
وقت اقل ولان بالقطار تبدل كذا محطه
اريح لك بالسياره 16 دقيقه
يعني اقل من نص ساعه ان شاء الله
http://im32.gulfup.com/cKDLf.png
خط العوده من France Miniature الى باريس
شرح الطريقه بالصوره التاليه
http://im39.gulfup.com/IhcZp.png
أي استفسار اخوي انا حاضر :nice:
غير البشر
الفنادق حلوة و سبق اني عملت بحث لها على اساس كنت باسكن سالزبورغ و بما انك شجعتني فانا مثل ماتعرف غيرت رأي و رجعت و عزمت على سالزبورغ و كان بعد وايد عاجبني فندق زاخر و بعد انت رشحته فهو خلاص بحجز فيه بس ياليت توضح الأماكن السياحية و اكون لك شاكر يا غييييييييير البشر :)
بخصوص دزني لاند + اوت لت لافيلج
خريطة توضح مكانهم
http://im31.gulfup.com/SZsg1.png
الموقع الالكتروني للأوت لت La Vallée Village
# مواعيد العمل
# العنوان
# الماركات الموجوده
http://www.outlet-malls.eu/shopping-...ear-paris.html
طريقه الوصول الى دزني لاند
1- بالسياره من نص ساعه الى 40 دقيقه
2- بالمترو
على الخط الاحمر للمترو
اذا بتطلع من مترو الشانزليزيه
انصحك بهذا المترو
George V
مكان المحطه في الشانز
كأنك طالع من محل ماركس سبنسر
خذ يمين وامش تقريبا 100 متر
بتحصل درج ينزلك للمحطه
خريطه المترو موضحه محطه George V
ومحطه دزني لاند
http://im33.gulfup.com/T1ndL.png
بخصوص تذاكر الدخول الى دزني لاند
انصحك انك تاخذها من محل دزني في الشانز
بتحصل الكاونتر داخل المحل تنزل من الدرج تحت وبتحصلهم
وحديقه دزني لاند تتكون من حديقتين
تقدر تاخذ تذكره للحديقتين
وتقدر تاخذ تذكره لحديقه وحده
اطلب من عنده خارطه الحديقه وشوف شنو يناسبك منهم قبل شراء التذاكر
لاتفوت عروض دزني لاند
هم عرضين الاول اعتقد 6 مساء
والثاني وهو الاكبر مع اغلاق ابواب الحديقه الساعه 10 مساء
اتمنى تتأكد من المواعيد الدقيقه للعرض
الافضل تواجدك قبل العرض ربع او نص ساعه للحصول على مكان جيد
احسن مكان بالنسبه لي قدام المحلات التجاريه داخل الحديقه
اذا عندك اغراض او اشياء ثمينه
توجد صناديق امانات عند دخولك للحديقه
وجنب الصناديق كتيبات فيها اماكن الالعاب
و أي استفسار اخوي حاضرين :nice:
اقتباس:
المشاركة الأصلية كتبت بواسطة العريق
ايووووووووووه توكل على الله
ان شاء الله ولايهمك ابشر بسعدك :nice:
مرحبا اخوي الغالي العريق
مخطط سالزبورغ ليوم واحد
تم الاتفاق على السكن في فندق زاخر
هذا الفندق ممتاز من حيث الفخامه والمكان سبيشل :victory:
طريقه الوصول من فيينا الى سالزبورغ وزيلامسي
# بالقطار :
على حسب ترتيب رحلتك وحسب الولويه المدينه الي بتروح لها
1- قطار من فيينا الى سالزبورغ
http://im33.gulfup.com/yE0sM.png
2- قطار من فيينا الى زيلامسي
http://im33.gulfup.com/W8BeR.png
3- قطار من سالزبورغ الى زيلامسي
http://im33.gulfup.com/oFl8e.png
بحط لك خريطه فيها الاماكن السياحه للزياره
ومعظمها قريبه الفندق
وطبعا وبحذف بعض الاماكن المش مهمه
خريطه سالزبورغ
http://im40.gulfup.com/jRY41.png
حددت لك على الخارطه الاماكن
1- شارع المشاه Getreidegasse
2- المدينة القديمة Old Town/Altstadt
3- حديقه الميرابيل Mirabell Gardens
4- المرتفع او التل اخر شارع المشاه لمشاهده سالزبورغ
5- ساحه موزارت بدلها بكلمه KAPITELPLATZ افضل
6- قلعة سالزبورغ hohensalzburg fortress
7- مكان ركوب القارب في نهر السالزاك Salzachboot
خريطة ثانيه توضح مكانين خارج وسط سالزبورغ
http://im40.gulfup.com/PWyyZ.png
1- مجمع تجاري اوروبا بارك Europark Salzburg
2- البحيرات العذبه الثلاث
المسافه من فندق زاخر نص ساعه بالسياره
وهم :
St .Wolfgang
st.Gilgen
Mondsee
في قلعتين ماكتبتهم مايمديك وهم داخل سالزبورغ اذا حبيت تزورهم
1- قصر هابرون وفيها العاب فتنازيا رش الماي بطريقه مفاجأه
2- قصر وحديقه موزارت
وخط الرجعه بالقطار من من زيلامسي او سالزبورغ الى فيينا
نفس خط الذهاب
انتهى
اي استفسار او توضيح انا حاضر اخوي العريق
تقبل تحياتي :nice: