الله يقويك أخوي ويبارك في أيامك
عرض للطباعة
الله يقويك أخوي ويبارك في أيامك
الحمد لله
الريان بنك لا خوف على ملاك اسهمه مع ارباح قياسية بالمقارنة على نشأة البنك
الظاهر ان صولات وجولات الريان لم تظهر الى الان والله اعلم
اقتباس:
المشاركة الأصلية كتبت بواسطة بوعبدالله3
ابشر والله بالعوض بو عبدالله الريان يطلع وبو عبدالله برى ..
يارجال سيرعلينا في شركتنا العقاريه ترى طلعتنا قربت عساانا بس نقدر انعوضك من حساب شركتنا ,, حلوه شركتنا :D
كونا 23/07/2007
أعلن مصرف (الريان) القطري عن اطلاق صندوق صناعي بقيمة 5ر1 مليار دولار في اطار تطلع المصرف للمشاركة في توسيع القاعدة الصناعية للبلاد.
وقال الرئيس التنفيذى للمصرف عادل مصطفوي ان هذه الخطوة تؤكد سعي المصرف للاسهام بقوة في فتح آفاق من الفرص امام المستثمرين للمساهمة في تطوير القطاع الصناعي من خلال المشروعات العقارية والصناعية.
وكشف مصفطوي في مؤتمر صحافي عقده اليوم بمناسبة الاعلان عن النتائج المالية للمصرف خلال النصف الاول من العام الحالي عن توقيع المصرف لعقد مضاربة مع هيئة شبه حكومية بقيمة 450 يورو لكنه لم يقدم المزيد من التفاصيل التي ذكر انه سيتم الاعلان عنها لاحقا.
وأوضح من ناحية أخرى ان الانشطة التمويلية خلال الاشهر الستة الماضية بلغت 9ر4 مليار ريال (ما يعادل 35ر1 مليار دولار) مقارنة ب186 مليون ريال خلال الفترة نفسها من العام الماضي وان اجمالي ارباح المصرف بلغت 776 مليون ريال مقارنة ب113 مليون ريال في الفترة المقابلة من العام الماضي.
إن شاء الله هذا الخبر يزيد من تسخين السهم ، نبي الليلة تحليل جامد نشوف وين رايح:nice:
جزاك الله خيرااقتباس:
المشاركة الأصلية كتبت بواسطة وجهة نظر
وهذا هو الرابط
http://www.kuna.net.kw/NewsAgenciesP...30&Language=ar
منتظرينك يالسامر الاسود ، والخبر الحلو أعلاه
اشوفك فديتك يا وجهة نظر
عطني شوية وقت انا للحين مش جاهز
وراي مؤشر وصناعات وخبرك التحليل
ياخذ ساعات كثيرة وانت اعرف جعلك تسلم
مؤقتا اشوف 26 و 34 على ال 6 شهور
و 25-26 على الثلاث شهور,,,
لكن خلني اشوف مال اليومين والاسبوع
باليل..عطني وقت يعني,, يهمنا اليومي اكثر
ملاحظات
أخبار الوطني الأخيرة جات من برا
وخبر الريان جاي مدري شلون وبوقت
مدري شلون وبطريقة مدري شلون وارباح
مدري شلون؟ اعلانه في يوم نزيف؟ وقبلها بيوم؟
شي غريب صراحه
وصناعات خبرها رائع وهائل وجاي من برا
قبل السوق...ومدري شلون قايل تداولها اليوم؟!
والحين كونا طالعه لنا بخبر؟ و صناعي 1.5 مليار رياني
====
شلي صاير يا إدارة السوق؟
اعتقد ان اداره السوق يسوون ترتيب معين ...........!
تحياتي للاخوان الطبخة واضحة من وقت مغيروا مواعيد اعلان ارباح الريان والصناعات بدون اشعار مسبق للجميع ثم الاعلان عن نزول الخليجي !
ياخوان الواحد صار يحس ان ادارة السوق تعمل لآشخاص معينيين فقط !!
وصغار المستثمرين !!!!!!!!!
السلام عليكم .... بارك الله فيك يالسامر ويعطيك العافية
متابعين معاك من البداية الله يجزيك كل خير
هذا ما حدث للريان على الشارت اليوم من مؤشرات فنية اتمنى تعليقكم عليها
من الناحية الفنية ونقاط جني الارباح كمؤشرات . . . . . هل تنصح بالدخول ؟
المسار صاعد على اليومي و الاسبوعي
تقاطع ايجابي للماكد و الاسبوعي محاولة اختراق خط الصفر
تقاطع ايجابي للاستوكست 14 والاسبوعي تحسن واضح في الاتجاه الصاعد
مؤشر القوة النسبية صاعد باتجاه 70 و الاسبوعي صاعد ياتجاه 60
التراجع الخطي Linear Regression اعطى اشارة شراء
ADX مسار صاعد والاسبوعي ايضا
TRiX تغير واضح في المسار الصاعد على اليومي والاسبوعي
SAR 16.3 اقل من سعر الاغلاق لاول مرة منذ 6/6/2007
زيادة في الحجم 8627386
الاغلاق فوق متوسط 200
ارتداد بسيط للسعر من المقاومة 17.80
باختصار هذا ما حصل بالامس للسوق و سهم الريان اقصد بالسوق (سهم صناعات)
Basically the prices have been marked down to shake the market out, to test the supply in the market
ماذا يريد صانع السهم ؟
اقتباس:
المشاركة الأصلية كتبت بواسطة ناصر العمادي
هذا اكيد
ومما لاشك ولاجدال فيه
:(
مختصر اللقاء الصحفي لمصرف الريان
ارتفاع حقوق المساهمين إلى 5 مليارات ريال وتوقعات بنمو الأصول إلى 40 مليار ريال
لانية لاستدعاء رأس المال المتبقى ويمكن تغطيته من الأرباح
نركز على الاستثمار في الكوادر الوطنية ونلتزم بأعلى معايير الجودة
نسعى للتوسع والأولوية للخليج وآسيا
كما سيتم افتتاح ثلاث فروع جديدة لمصرف الريان في مناطق مختلفة بدولة قطر، كما ستقوم بالإعلان عن التوسع الخارجي لمصرف الريان خلال الربع الرابع من هذا العام
وبخصوص قدرة الريان على تمويل المشاريع العملاقة التي تنفذ في الدولة وهل هناك خطط لزيادة رأس المال أكد الرئىس التنفيذي أن الريان قام بتمويل مشاريع عملاقة حيث قمنا بتمويل مشروع واحد بقيمة 9،1 مليار ريال لشركة بروة العقارية وتمويلنا متنوع لأفراد وشركات وللقطاع الحكومي وشبه الحكومي وفي قطاعات مختلفة، أما عن زيادة رأس المال فإنه في الوقت الراهن لا نجد حاجة له حيث إن ارتفاع حقوق المساهمين إلى 5 مليارات ريال يساهم في نمو الأصول 30 مليار ريال أو 40 مليار ريال، وبالتالي لانحتاج لزيادة رأس المال.
وأضاف أن الريان يقوم بتمويل المشاريع الكبيرة، مشيراً إلى أن الأيام القادمة ستكشف تفاصيل عن تمويل العديد من هذه المشاريع العملاقة.
وبخصوص الديون المتعثرة للمصرف ومقره الرئيسي.
قال مصطفوي إن مصرف الريان لا توجد لديه ديون متعثرة ونسبتها تمثل صفراً أما المقر الرئيسي فأوضح ان البنك ينوي خلال السنوات الثلاث أو الخمس القادمة أن يقوم ببناء برج ضخم في المنطقة البحرية بدولة قطر ليكون المقر الرئيسي للمصرف على الكورنيش أو لوسيل.
اقتباس:
المشاركة الأصلية كتبت بواسطة وجهة نظر
اخبار حلوة وراح تدعم السهم :app:
يعطيك العافية
اقتباس:
المشاركة الأصلية كتبت بواسطة مستثمر بسيط
الســــــــــــــــلام عليكم,,, صباح الخير
الحقيقة هذي المشاركة أعتبرها من
أجمل مايقراءه المحلل حيث انها تحتوي
على مايحتاجه المحلل من اسئله تسهل
عليه الإجابه وبكل وضوح أيضا,,,
المؤشرات الفنية اليومية العامه البسيطة تقول
نعم فيه صعود محترم وتقول انه بالفعل صعد ويمكن
يصمد..ولكن الريان وبعض المؤشرات الاخرى
يحتاج لاكثر من 12 مليون سهم تداول.. باتجاه 18.5
عندها..نقول 25-26 اهداف والله اعلم
صعود الريان أمس كان "مش ولابد"
صعود الريان أمس كان استغلال للخبر
اليوم هو يوم مهم وفاصل وبكره ان شاء الله
اذا السهم وصناعه ومهندسين أخباره وتوقيتها
جادين.. عليهم اختراق 18.5 أو 18.4 على الأقل
الريان أمامه حاجز ومقاومة حسابية بيانية نفسيه
أنصاريه ... "مستوى الأنصاري للحين بالعمث الحسابي"
18.4 ..وعليه ان وصل ل 18.3 او 18.2 نقول الحمد لله
السهم بالحاله هذي أسس فوق 13 و 14 و 15.8 فقط
هذا رايي وتوقعي من تحليل الريان وسهمه..بعد
ترحيل بيانات اخر الجلسات..
ان شاء الله وصلت فكرتي..وهذا الكلام للمضارب
اليومي والأسبوعي ايضا.. باختصار اليوم هو الحكم
السلا م عليكم ورحمة الله وبركاته
الاخ السامر الاسود ممكن سؤال؟
عندي مبلغ وبغيت اشتري الريان كم ممكن اشتريه ومتى نقطة الدخول؟؟
يعطيك العافية
توقيت الشراء والدخول طاف
اخرها كان حول 17.2
الحين الريان والدخول فيه يعتبر
من باب المضاربه اليومية
اما اذا للاستثمار..2-3 شهور
و 6 شهور بالكثير فالوقت الحالي
مناسب واي سعر حول 17 يعتبر مناسب
حاليا اذا كنتي مستثمره وطويله نفس
اذا مضاربه اشوف ما تغامرين
طاف توقيت الدخول الصحيح
هناك فرصه دخول بعد تجاوز الريان
مستوى 18.4 باحجام تقل عن 12 مليون
سهم
والله أعلم
تابعي السهم معانا يوم بيوم افضل
الي صاير بالريان والارتفاع له اسباب
ولاتصيرين ضحيه لها
سببين..ٍالاول: نظير التجميع السابق
وطول الايام الماضية والسبب الثاني
الاخبار الاخيره عن الريان
وعليه توقيتج الحين غير مناسب الا
كما ذكرت لاج اعلاه
مشكور اخوي على الجواب
جزاك الله خير
حطيت امر شراء الريان 17.40
اقتباس:
المشاركة الأصلية كتبت بواسطة الســـامر الأســود
اقتباس:
المشاركة الأصلية كتبت بواسطة الســـامر الأســود
بالفعل قبل التداول وقبل رؤية الشاشة
نشوف توقعات الريان صابت وكنت اتمنى
اني قدمت اعتذار قبلها بيوم بعدم المتابعه
عشان افرط من المواجهه او المسؤولية
ولكن هذا الواقع
الريان صعوده بالامس كان للاسباب
المذكورة..واليوم تشوفون الريان مضغوط
مرة ثانية
بنت العز باعتبرج تلميذه وانا استاذ لاج
وبقول.. حول ال 17 توقيت حلو الحقيقة
مش 17.4 لانه واضح انه مضغوط
انا امس اشتريت على 17.4 :o على فكره
وللحين مابعت والله يصبرنا
نتابع ونشوف بعد التداول شيصير
الريان لما يتحالف محلل البنك او الهامور او الحوت الخليجي
مع أخوة أو أخته الهامورة الخليجية او القطرية ضد..ارقام
واسهم وملاك ريان قطر وضد المحلل الشعبي هنيه تصير ضغوط
وتصير ارهاقات نفسيه مصيرها راح تنجلي وتنكشف وتتعب
وعندها سيقوم صاحب الحلال بالدفاع عن مراكزه الخاصة
مرة اخرى.. ويذهب الضغط..ادراج الرياح.. وهو مجهد تاعب
ملاحظة اذا تذكرونها:
" قبيل اعلان اخبار الريان بيوم او بساعات" اتضحت نية
محركين السهم البشعه الغادرة..بكل قسوة وكراهية بتركيع
السهم الى 16.6 وهو قد علموا بالأخبار قبيلها.. فهل هذا
العمل ..يدل على حب الناس وحب الخير؟ لا.. يدل على شبكة
ادري اخوي السامر ماقصر في تحليل الريان وزياده وكل الأخوان وارى والله اعلم ان الريان متجه في القريب الى 18.7 تقريبا كهدف اولي بأذن الله ووقف الخساره الأغلاق تحت ال17 بأكثر من جلسه والله اعلى اعلم
كلنا في مركب الريان ونبي نصيد الفرص الحلوة من كل من نور طريقنا الي بر الامان ولكم كل الشكر وتقدير
اقتباس:
المشاركة الأصلية كتبت بواسطة مستثمر طموح
كان يومة علي 16.8 وبفضل اللة طلع 17.9
نصيحة
مجنون اللي بيبيع اقل من 17 ما بقا شي علي نهاية الشهر ;)
كتب هذا الرد ساعة 10:36 ( بداية التداول )اقتباس:
المشاركة الأصلية كتبت بواسطة الســـامر الأســود
هل تغيرت النظرة قليلا في نهاية التداول بخصوص الدخول مرة اخرى
اذا اصدت السهم تحت 17 او 17 هل طاف وقت الدخول والسهم على وشك الارتفاع
ــــــــــــــــــــ
طيب السامر الاسود هنا ابي افهم خطاب المحلل كالمحلل السامر الاسود عندما يقول طاف وقت الدخول والسهم عند 17 ومتوقع له الارتفاع الي 18.7 كم توقع المحلل الانصاري ماذا يقصد المحلل من كلمة طاف وقت الدخول بمكان الشخص الدخول عند 17 وانتظر الاهداف العليا كا 18.7 والاستفادة من الفارق السعري
اللي ابي افهمه لماذا طاف وقت الدخول والسهم على اعتاب الارتفاع
( مادري اذا قدرت اوصل استفساري بشكل واضح او لا )
اذا مش واضح الاستفسار علمني بحاول اصيغ الاستفسار مرة اخرى بشكل اوضح
اخوي السامر تم شراء الريان 16,70 وبيعه 17.80 هل مكن التقاطه مره اخرى 16.7
على فكره البيع تم بناء على توصيتك وطلعت برباح حلوه وهذي حبة خشم وتستاهل يالسنافي
تحياتي
يالله يالسامر الاسود كيف ترى الريان وين رايح ؟
الريان طالع ان شاء الله يا وجهة نظر
ذكرت انه بيصل الى 17.5 واستغلوه
يالربع... وعوضوا ..واعرفوا القناعة كنز
احب اقول شغله هنيه
سوقنا يا اخوان مش مثل سوق العملات Forex
ولا الاسواق الامريكية الكبيرة ولا حتى
مثل متاجرة اي شي سريع ولحظي Intraday
سوقنا صغير وهله قلال في العدد والسيولة محدودة
وهمة اهله وقوتهم نفسهم ما شاء الله قصير وسريع
من 13.3 والقاع الي حسبته لكم باتجاه 14.2
استفدتوا منه؟ نسيتوه؟
من 14.2 باتجاه 15.3 .. هل استفدتوا؟
من 15.3 باتجاه 16.8 ..هل استفدتوا؟
من 16.3 باتجاه 17.2 هل استفدتوا؟
ومن 16.8 باتجاه 17.8 ..هل استفدتوا؟
هاي الي اقدر اقوله الحين ومشاركتي الاخيره
فيها خطة الريان لمدة 2-3 شهور و 6 شهور
ان شاء الله له..بالكثير ..لان اعتقد الريان حده
6 شهور عندي
مضاربات الريان حقيقة..ذبحتكم...جربت اشتري
مثلكم وشوفوا شريت على 17.4 وللحين خسران..
ومع يقيني ان شاء الله انه بيلامس ال 17.6 قريب..
وببيعه..
هذا الكلام للمضارب اليومي..وانا يا محللكم..مضرباتي
اسبوعية ونصف شهريه وشهريه واحيانا قنص..للفرص
فالجواب: ياخوان وخاصة وجهة نظر مع جزيل الشكر
على المواجهه بالسؤال.. وكيفية التعامل مع المحلل
اقول: اي نعم ان شاء الله الريان طالع..
مستوى = يعني حيرز = 17 = 17.2 - 16.8
والهدف 17.5 الى 17.6.. حاليا
ويمكن يواصل بسرعه... اما الهدف فهو معلوم
ان شاء الله...18.4 و 19.3 ثم 20.3 ثم 25-26
من يوم الى اسبوع ومن اسبوع الى 6 شهور
الريان يبني نفسه حسابيا ويبني نفسه اساسيا بعد
والله يوفقكم هاي الي عندي..ان اصبت فالحمد لله
وتستاهلون.. وان أخطائت.. فلا ننسى خير الريان
علينا كلنا...الاعضاء الي كانوا يشتكون من الريان
راحوا.. واخلصوا وفكهم الله...وردت فلوسهم..الحين
شيسون؟؟؟ مادري... كل من طب وتوهق.. قام يحن
على المحلل وكانه المخلص من المشاكل..شدعوه؟
انا بروحي متوهق معاكم..شرايكم..ولي هدف من شرائي
معاكم ..شاسوي يعني؟ اصبر واتعلم.. وحبيت اقول لكم شغله
شريت بتقريب نصف الخمس من السيولة..يعني ولاااشي..
الباقي عندي
ها..استفدتوا شي؟ ..وهذا مفروض يصبركم بعد
ويكفيكم تحليلي وتحليل الانصاري.. وهذي توقعات
اذا صابت فالحمد لله..ان اخطائت فالحمد لله..
بنعوضكم غيرها ان شاء الله..وخير الله كثير
الله يوفقكم... ويصبركم.. هذا سهم يومي في سوق خليجي
مب عملة في الاسواق العالمية كل شي خلال ثواني؟؟
لا... احنا نتكلم بالايام والشهور..فياليت تتفهمون هالشي
يالسامر
ما تقصر قصر عنك الشر ان اصبت ولا اخطأت لك كل معزه و تقدير
مشكور يالسامر الاسود وعساك على القوة دوم يا محللنا الطيب
الله يعطيك الصحة والعافية على مجهودك وصبرك وطولة بالك وجعلة الله في ميزان حسناتك يارب
الله يغفر لوالدينا والديك فيك الخير والشاهد الله اني اكن لك معزه كبيرة في نفسي اني والحمد لله استنير برايك وفقني ووفقك الله
زيد معاك واحد نفراقتباس:
المشاركة الأصلية كتبت بواسطة بن الحاري
ولاهنت
جزاك الله كل خير يالسامراقتباس:
المشاركة الأصلية كتبت بواسطة الســـامر الأســود
ومقدرين جهودك ووقتك الى مخصصه للمنتدى وللاعضاء :)
وعنك الشر قاصر يا جووو, وزاد الله قدرك ومقداركاقتباس:
المشاركة الأصلية كتبت بواسطة Gooo
الشكر لله والله يقويك اخوي هجوهاقتباس:
المشاركة الأصلية كتبت بواسطة hajooh
ويعطيك مثلها وتسلم لي يالعمادياقتباس:
المشاركة الأصلية كتبت بواسطة ناصر العمادي
زادك الله خيراقتباس:
المشاركة الأصلية كتبت بواسطة كويتي فهمان
ويجزاك يالخيميائي, بخدمتكم يا اخوان والله ينفعكم بي ولايضركماقتباس:
المشاركة الأصلية كتبت بواسطة الخيميائي
السلام عليكم يا لسامر الاسود ما قصرت على التوصيات وبصراحة انت تعطي نصائح بعيدة المدى والربع مافيهم صبر ما نستغنى عندك وعن توصياتك يا بو سمره :app: :app: :app: :app: :app: :app:
تستاهل الخير يالمبتدئ
صباح الخير شباب اتمنى من الله ان لاينزل السوق اكثر من ما هوعليه الان لان نزوله اكثر يفقد الثقه خاصة عند المستثمر الاصغر وانصحكم بعدم الالتفات الى سهم التجاري لانه في اول يوم من التداول سوف يرتفع فعلا وتكون فيه مضاربات قد يوصل السهم الى 40 ومن ثم يتراجع حتى يصل 15 ريال او مثل سهم الريان والله اعلم ونسأل الله التوفيق للجميع
ابو ريما الرياشي:
يا هلا بيك حبيبي والله يوفقك
سهم الريان:
له تقييم وتحليل جديد بالوقت المناسب
مشكور يا السامر
وانا اشهد انك ما قصرت
واستفدنا من تحليلك
وربنا يجزيك كل خير