لو استخدم داخل طابوق مجوف 15 أو 20 سم كان أفضل للتمديدات
عرض للطباعة
لو استخدم داخل طابوق مجوف 15 أو 20 سم كان أفضل للتمديدات
هذا لتركيب البلاط للحوش على خرسانة ناعمة ومستوية .. نلاحظ استخدامه لإسمنت عادي وكذلك الوزن بالخيط وبقطعة الخشب اللي عنده .. فيه مغامرة ولا ينضبط المستوى 100% لازم تحصل فروقات بين بلاطة وبلاطة حتى لو درجات المليمتر .. انا افضل استخدام القطع البلاستيكية اللي توزن بلاطة مع بلاطة واللي شفناها في فيديوهات سابقة كثيرة
في النهاية كان بيطلع أحلى لو مستخدم نعلات من نفس المادة أو غيرها والأهم قوة الأرضية لتحمل حتى وزن السيارة ولا تتغير مع السنين
https://www.youtube.com/watch?v=oWiQ0Ycr4hw
تكنولوجيا التأسيس للمباني الثقيلة والعالية مجال تخصص مدني ثاني وقوي ومنها فحص التربة وقوة تحملها حتى يتخذ أفضل قرار لتصميم الأساسات
من أيام قريت عقد بناء الإستشاري مكمل التصميم وطالب من المقاول في العقد إنه يعمل فحوصات للتربة .. تساءلت كيف للمقاول يعمل فحص والتصميم موجود وموافق عليه .. قلت للمالك الغي هذا البند لأن المقاول بيسعره بغالي وممكن ما يسويه في النهاية ولا يرجع قيمته لأنه مسعر سعر اجمالي .. والعقد كان لبناء بيت عادي فيه بيسمنت وأساسه بالكامل وأكيد مبالغ فيه فلا توجد حاجة لهذا الاختبار ولو كان فيه ماء أكيد ندخل في قصة ثانية ولازم يتحملها المالك والمقاول الشاطر وأغلب المقاولين يحطون شرط في العقد لحمايتهم بأن لو طلع ماء وقت الحفر يترتب عليه تسعير ثاني لإزالة المياه وتسعير غير لوضع حلول للأرضية
الأفضل طبعاً لو الاستشاري فاهم يكون عمل فحص التربة تم مسبقاً قبل تصميم الأساسات
https://www.youtube.com/watch?v=va_gdxnzmKc
وضعنا في قطر قريب من الوضع اللي صاير فوق بسبب قرب الأرض من البحر ومن كل الجهات وضعف التربة وعادي بنشوف تكون فجوات عميقة في المستقبل وممكن نشوف انهيارات وهذي تحتاج دراسة جيولوجية من الحكومة لكل منطقة أول بأول
اللي يدخل قوقل ايرث ويكبر قرب تقاطع عين خالد - فريج الغانم أو كما يسمى تقاطع خالد بن محمد الغانم بيشوف في الجهة الشرقية الجنوبية من التقاطع نقعة مياه كبيرة في أرض محفورة حق مول من سنوات ولا حد قدر يشيل كميات المياه ووصلوا لإختلاف ووقف الشغل
بحاول انزل صورة من قوقل ايرث
هذي صورة المستنقع الكبير اللي له حول 3 سنوات وأكثر نشوف مساحته مقارنة بالشوارع والمنطقة حوله والمباني .. كان بيكون مول كبير واظن عمق الحفر لمواقف دورين وأكيد الشركة اللي اشتغلت فيه من كبرى الشركات القطرية بس اتوقع ما سووا دراسة تربة
https://i.imgur.com/WZqkCBb.jpg
اللي تشوفونه ماي h2o واللي يبي يتأكد يمر هناك ويطل من السياج الحديدي المتهالك
هذا شفته قبل واعتقد حطيته ولو كررت للفائدة إن شاء الله وإعذروني
https://www.youtube.com/watch?v=LDpRdDzSaXE
شرح المهندس واضح وجيد أعجبني
من أيام كنت اتكلم مع واحد عن طريقة تصريف البيسمنت وهي نفس هذي الطريقة بس على مستوى أصغر بشوي لأن هذي معمولة لأرض كبيرة وبحيرة مثل ما يقول المهندس
حسب الفيديوهات السابقة الفتحات اللي في البايب المفروض تكون تحت بزاوية وتخلي مجرى صغير للماء .. الغرض منها تسحب المياه اللي حول البيسمنت أو الأساسات وتصرفه على منهول فيه بمب يرفع الماي للصرف الصحي أو لأي أرض منخفضة خارجية
https://www.youtube.com/watch?v=qNJxJaOCPP0
تغيير كرسي الحمام للمعلق
https://www.youtube.com/watch?v=CQAQQF25fz0
عزل الشاور سواء كان خشبي أو خرساني من أصعب وأدق الأُمور .. وهنا كيف نجهز قطعة خشب نعزلها ونحط شبك عادي للبلاستر ونسوي بلاستر عليها وبعدين يجي الرخام أو السيراميك
نفس الشيء نقدر نسويه للخرسانة بس بإختلاف المواد ونقدر نخلط خرسانة مع خشب لو حبينا بس المهم الحماية والعزل
https://www.youtube.com/watch?v=E8iuRBxmTaA
البتومين أنواع كثيرة وجودات ونصيحة اللي يشتغل بنفسه أو مع مقاول يشوف ويحدد النوع الأجود ويسجله في العقد ويطلبه .. كذلك حماية البتومين مباشرةً بعد طلاءه حتى ما يخترب أو ينخدش
https://www.youtube.com/watch?v=Ra8o6PmJsrM
تقنيات بناء حديثة
https://www.youtube.com/watch?v=bnDFRJMA_2Q
جولة في مصنع للاصق البلاط وطريقة تصنيعه واختباره
للعلم يوجد مصنع لهذي المواد في قطر وكذلك توجد نوعيات لاصق قوية تستخدم لأي سطح حتى للزجاج ومهما كانت نعومة السطح
https://www.youtube.com/watch?v=IRZ2CtSLoMY
تكملة السابق
https://www.youtube.com/watch?v=xFyZhJsuZYM
أمريكي مختص بالبناء زاير معرض بناء سويسري والبناء السويسري والألماني عراقة وتاريخ وأُسس ما اعتقد بيجي يوم نوصلها
https://www.youtube.com/watch?v=1GLCeE5JgA0
الله يعطيك العافية .. متابع دايم لمقاطعك :] ..
بسألك عن شغله .. من فترة كنت رايح اغسل الخزانات ولاحظت عندي كثير تشققات بسيطة في السقف ..
هل فيه مادة او شي اقدر احطه بنفسي في التشققات الي في الصبة الاخيرة على السقف ؟ .. عندي شوي تشققات واضحه بسبب المقاول لانه تساهل في توزيع فواصل التمدد على السقف .. وثاني شي وجود تشققات في المادة الي تشبه السلكون الي حطها في فواصل التمدد .
الله يعافيك اخوي ركوع ويسرني إنك تتابع أوقات أقول وايد مركز على هذا الموضوع والمشاهدات قليلة
أكيد الله يسلمك تقصد الصبية الخفيفة اللي تغطي العازل الحراري فوق السطح .. هذي لو سمكها أقل من 4 سم تتكسر من الدوس وأوقات يكونون غاشين في ألواح البوليستيرين ومركبين النوع الخفيف الأبيض ومن الدوس ينكمش أو ينضغط
لو ألواح البوليستيرين مب الزرقاء اليابسة اللي تتحمل الدوس تحتاج حلول ثانية يمكن إزالتها واستبدالها وممكن بمواد اصلاح البلاستر وعامل شاطر يصلح لك الأرضية .. كذلك فيه صبغ قوي ايبوكسي بيعطيك عزل مائي اضافي وبيغطي كل الشقوق .. فيه صبغ مع شبك بلاستيك ويجي أبيض عاكس للشمس
لكن لو السلوب عندك متضرر وتشوف مثل الحفر لازم تستبدل العازل الحراري والله يعينك .. لو تقدر تصور وتحط الصور هنا يمكن توضح المشكلة أكثر
حل غير تقدر تركب بلاط ويستحسن لون أبيض وأي نوع رخيص بمونة زينة ومكان الفواصل حط سيليكون .. لو البلاط 6 ملم تحتاج فواصل كل 6 متر والا خلها كل 3 أو 4 متر أضمن وسو فاصل حتى 5 ملم وعبه سيليكون وانتبه ما يتعبى مونة عادية ويكون صلب .. هذا إذا السلوب عندك زين وبتضمن تصريف ماي سريع ولا ينفذ الماي للعازل تحت
لي صديق عراقي يقول في العراق نستعمل البلاط الشعبي ونلصقه بقار والمونة بين البلاط تكون قار ويعيش عمر وعزله زين حراري ومائي
نقطة أخيرة مهمة .. لو بيتك جديد ما مر عليه 400 يوم واعتقد في حالتك المفروض الضمان يغطي 10 سنين حسب القوانين القطرية من حقك تشتكي .. شوف يمكن يحلونها سريع عن طريق حماية المستهلك
بيتي الحمد لله صار له 12 سنة ولا جاته مشاكل بس سويت بروحي عليه صبغ مع شبك من كم سنة احتياط وكان اللي يصبغ شغله مب عدل خفيف .. تعتمد على طريقة العزل عندك هل هي دبل سكريد والا سنغل الدبل دوم أفضل واصلاحه سهل لو اخترب تنسى اللي تحت وتركب فوقه النوع الخشن المقاوم لأشعة الشمس أو عندك حل الصبغ أو التبليط
عن نفسي متابع دايم لمقاطع البناء واحب بعد اتابع مقاطع الخشب :] .. واتابع كل جديد ينزل بالموضوع .اقتباس:
المشاركة الأصلية كتبت بواسطة معماري قطري
الالواح كانت زرقة اتذكرها ..اقتباس:
لو ألواح البوليستيرين مب الزرقاء اليابسة اللي تتحمل الدوس تحتاج حلول ثانية يمكن إزالتها واستبدالها وممكن بمواد اصلاح البلاستر وعامل شاطر يصلح لك الأرضية .. كذلك فيه صبغ قوي ايبوكسي بيعطيك عزل مائي اضافي وبيغطي كل الشقوق .. فيه صبغ مع شبك بلاستيك ويجي أبيض عاكس للشمس
وهذي الفكره الي ابيها .. (صبغ قوي ايبوكسي بيعطيك عزل مائي اضافي) << هذا الجزء الي يهمني ، اشتري كذا علبة ومعاها رول واغطي السقف بها :] .. شنو اسم هالمادة ؟ وما تخترب بتعرضها المباشر للشمس ؟
لو رحت فوق بصور بس ما اعتقد اقدر هالفترة مريض وما ابي انضرب من الهوا :oops: .اقتباس:
لكن لو السلوب عندك متضرر وتشوف مثل الحفر لازم تستبدل العازل الحراري والله يعينك .. لو تقدر تصور وتحط الصور هنا يمكن توضح المشكلة أكثر
صحيح شفت مقاطع كثيرة في "مملكة قرن الشيطان" يستخدمون البلاط الشعبي في السقف مع الفواصل .. وشخصياً ما احتاجها لان البيت مبني من 20 سنة بس الصبة ممتازة لين اليوم والمشكلة فقط في الفواصل اعتقد محتاج اغير السلكون الي فيها .. اما مشكلة التشققات فموجودة في الملحق الي بنيته قبل 4 سنين .اقتباس:
لي صديق عراقي يقول في العراق نستعمل البلاط الشعبي ونلصقه بقار والمونة بين البلاط تكون قار ويعيش عمر وعزله زين حراري ومائي
ماشاء الله :] .. شبك مع صبغ ؟ .. حاولت ابحث عن هالحركة في يوتيوب ما حصلت شي .اقتباس:
بيتي الحمد لله صار له 12 سنة ولا جاته مشاكل بس سويت بروحي عليه صبغ مع شبك من كم سنة احتياط وكان اللي يصبغ شغله مب عدل خفيف .. تعتمد على طريقة العزل عندك هل هي دبل سكريد والا سنغل الدبل دوم أفضل واصلاحه سهل لو اخترب تنسى اللي تحت وتركب فوقه النوع الخشن المقاوم لأشعة الشمس أو عندك حل الصبغ أو التبليط
يعطيك الف عافية وشكرا على النصايح القيمة .
شركات الأصباغ عندهم النوعيات .. اسمه ايبوكسي أو نوعه ولا تخلطه بماي بمادة خاصة ومهم تستعمل له خفاق كهربائي يخلطه .. شوف اللي قرب دي اتش ال في طريق سلوى مابي اسمه كل كتابته بالانجليزي محل صغير اتوقع عنده .. هم مختصين قراوت وشوف جوتن وهمبل
الصبغ قوي وعازل وغالي يستعملونه حق أرضيات مغاسل السيارات الخرسانية
الله يشفيك ويعافيك ويوفقك في هذي الشغلة
يمكن تحتاج قراوت قوي وبعده تصبغ والقراوت لسد الفتحات القراوت بعد فيه ايبوكسي
شغل نظيف يستحق المتابعة
https://www.youtube.com/watch?v=6QxOIhI3A9Q
القطع البلاستيكية هذي مهمة تضغط البلاطتين وتخليهم في مستوى واحد
https://www.youtube.com/watch?v=mu_DJ085BOs
صباح الخير يا معمارينا النشيط.. بو عبدالله الحبيب
سهل جداََ وما يكلف شيء ان يجمعون الناس على ان هالوالد القفاري مبدع و ذكي.. يا زينه البيت الملموم اللي ترتبه بنفسك واصغر طقم كنب يفرش الاستقبال.. غير اثاثك.. بدل انارتك.. درايشك.. انت في عالمك فعلاََ
^
لونت لك الكلمة الغلجة عشان ما تفرمها يا هندسة :)
أهم عامل لقوة الخرسانة هو كمية الماء بالحجم مقارنة بكمية الإسمنت بالحجم تسمى ووتر تو سمنت ريشيو .. من 0.35 الى 0.45 وكلما زادات ضعفت الخرسانة وسهل التعامل معها وصبها وكلما قلت زادت قوة الخرسانة وصعب التعامل معها
توجد اضافات تقوي الخرسانة وتزيد ميوعتها وتسهل التعامل معها منها خلطة الفايبر وتجي بشكل سائل وتنفع لعمل سطح مستوي وقوي وتنفع للسكريد تحت البلاط
https://www.youtube.com/watch?v=j4k8Z6DTTvc
في فلوريدا يغطون الأرصفة الخرسانية بعد الصب ببلاستيك حتى يحتفظ بالرطوبة .. كما يخلطون الصبغة مع خليط الخرسانة الناعمة بدون كسر حجارة كبيرة فقط رمل .. وأكيد توجد مواد كيماوية تسرع عملية الإدامة .. الرش لازم يتم حسب الحاجة والظروف الجوية المهم الخرسانة تكون رطبة 24 ساعة ويفترض 14 يوم أو أكثر
https://www.youtube.com/watch?v=7GhimwAmzfc
حلو إن المهندس يبرز شغله الهندسي باحترافية عالية ويفيد الناس ببعض الأُمور
https://www.youtube.com/watch?v=xjNJQzO7sZs
ما ننسى إن عقود البناء تسمى عقود استصناع وتعني في العربية فك وتركيب وتجميع مبنى
مهم للي يصممون حماماتهم وينسقونها كيف يفكرون
https://www.youtube.com/watch?v=BFlcuGMRKrE
البؤج اللي هي علامات وزن البلاستر واللي ينوزن البلاستر عليها بحيث ما يكون متموج أو منحني وبحيث يغطي كل عيوب الطابوق والمقاسات اللي فيها شوية غلط من الأساس
ألحين ميزان الليزر سهل كل شيء ومتوفر وسهل استعماله للكل
https://www.youtube.com/watch?v=8X6QercLF04
ممكن تنعمل بعد الطرطشة أفضل لأن البؤج تبقى وتكون جزء من البلاستر ولازم تثبت على الطرطشة
اللي بيعمل قبو حتى ما يطيح في هذي المشاكل ضروري يسوي تصريف ورفع للمياه الجوفية ولجوانب الجدران من أسفل ثم يعمل حماية وميول حتى المياه لا تتجمع قرب الجدران .. هناك شيء أخير مهم .. ممكن البايبات النازلة لمياه المطر من السقف يشبكها في بايب تصريف رئيسي أو اثنين ويكونون مدفونين وياخذون المياه أما لحفرة تصريف امتصاصية بعيدة أو للشارع خارج المنزل أو للصرف الحكومي وهذا ممنوع ما ادري ليش
https://www.youtube.com/watch?v=ErOolklE-tA
مصنع لتصنيع الجملون الخشبي وهو مهم للبنايات في الغرب .. يسمى بال Truss وهو عبارة عن قطع خشبية أو معدنية مركبة بحسابات انشائية معينة لتكون أما مضغوطة أو مشدودة بدون عامل الدوران .. البعض عندنا يعملها عشوائياً ولو تم تعليق وزن معين يعمل شد في مكان غلط يخرب توازن الجملون ويسقط .. حصل حادث سقوط لسقف كامل في مركز المعارض القديم في الدوحة والسبب كان تعليق دكتات التكييف في أماكن تسببت في انهيار جزء وانهار الباقي
https://www.youtube.com/watch?v=qcNqN5JfgLg
فوق طبعاً نشوف صناعة المنازل وتصنع الأجزاء المختلفة جزء جزء وتباع حسب مواصفات معينة معروفة للجميع فيكفي الطلب برقم يختصر كل شيء