هل يوجد بنك اسلامي يشتري مديونيتي تعتقدووون؟
عرض للطباعة
للرفع؟؟؟
مصرف قطر الإسلامي يشتري المديونية بطريقة الأسهم وبيعها يقولون بالحلال
استفسر منهم وبيفيدونك اكثر
انا كانت علي مديونيه في بنك قطر الوطني وحولتها على مصرف قطر الاسلامي من شهر
اول شي هم يشترون مديونيتك عن طريق الاسهم يعني بطريقة المرابحه وربحهم ثابت كل شهر يعني مو مثل البنوك الربويه يتم الواحد سنتين ما سدد شي كله فوايد
وبعدين اذا صار لك سنتين مثلا تسدد طبعا اللي قلت الفايدة بس وجزء بسيط جدا من القسط لما تحول راتبك عالاسلامي تذكر اني في مرابحه يعني فلوسهم بياخذونها مرة ثانيه يعني كأنك يا زيد ما غزيت
ولكن هاي خطوة مهمه في حياتك تخلصك من الربا لانه اذا راتبك دش فيه الربا الله يشيل البركة منه
وحاول تروح المصرف واسألهم وانا ما انصحك تروح اي فرع اسلامي لبنك ربوي
اتمنى اني فدتك واي استفسار انا حاضرة
اخوي من تجربه شخصيه مع بنك الدوحه بالذات ..
اصبر على نفسك وحاول تعمل دفتر توفر المصاريف الثانيه وفي اي فرصه حاول تخلص الدينه ...
مثل ما يقول المثل صبرك على نفسك ولا صبر الناس عليك
وثاني شي في بنك الدوحه ما ادري اي القصه .. في فتره بكون فيه زياده
الحمد لله الله سد عني الدين ..في سنه ونص .
اسعد الله اوقاتك اخوي بكل خير :)
انا بالتأكيد ماعندي حل بنكي لكن عندي نصيحة لك اخوي،
نصيحتي لك بتحريك لـ ليلة القدر
ليلة القدر..الليلة التي تقدر فيها أحكام تلك السنة، وتكتب فيها الملائكة الأقدار..
ليلة القدر.. يكتب فيها من أم الكتاب ما يكون في سنتها من موت وحياة ورزق ومطر..
بالنسبة لأموري ما عندي غير هالحل :) عسى يكون لي ولك دعاء مستجاب في هالليلة وتتحسن بعدها امورنا بفضل من الله ومنه.
ربي يفرج همك وييسر امورك :)