الله يشفي ولدج وجميع اولاد المسلمين اللي يعانون من هذا المرض.
من واقع معايشه لحاله عندنا هذا مرض ويحتاج تدخل طبي.
مانتكلم عن النشاط الزايد والحركه اللي عند اليهال.
الهايبر اكتف نشاطهم زائد جدا لدرجة انه مستحيل يركز في شغله معينه لفتره طويله واهم شي في العلاج اكتشاف الحاله من بدري، ويمكن ملاحظة هذا الشي من خلال عدم قدرته على القيام بعمل واحد ومحدد لفترة أقل مايقال عنها انها قصيره.
احنا اكتشفنا الحاله يوم صار عمره خمس سنوات مايقدر يواكب الاطفال اللي في سنه مايقدر يلعب جيم مايقدر يسوق السيكل اذا تعطيه قلم وتعلمه مايقدر يركز يبي يقوم على طول.
الطفل يكون عدائي لانه يحاول يعوض النقص اللي فيه ويثبت وجوده ويكون ماعنده ثقه في نفسه وفي بعض الاوقات يتصرف تصرفات عدائيه جدا.
طبعا وديناه في قطر قالوا نشاط زائد وعطوه علاج عباره عن حبوب وجبنا له مدرس خاص بمثل ذي الحالات بس شفنا التطور بطئي.
بعدها وديناه لندن بس الحبوب قامت تأثر على نفسيته وعلى وزنه دخلناه مدرسه خاصه ويقعد في الصف مع الطلاب بس في مدرسه تكون جالسه جنبه حتى توجهه.
اخر مره وديناه المستشفى الامريكي في تايلند وشخص الحاله بانها نشاط زائد وعطاه حبوه يكون مفعولها 24 ساعه احسن من حبوب لندن كان مفعولها 12 ساعه وبعد ال 12 ساعه يرد هايبر اكتف فقالوا لنا في تايلند هذا راح يجعله منبوذ في الفتره المسائيه لانه يكون نشط جدا.
المهم في تايلند قالوا مع الحبوب لازم يبداء برنامج تعديل سلوك حتى يكون في فايده من العلاج والبرنامج هذا يكون من قبل اخصائيين من مستشفى حمد.
خلاصة كلامي الهايبر اكتف مرض ويحتاج لتدخل طبي وأي تأخير في علاج الطفل راح يجعل عقله أصغر من عمره الطبيعي.
والله سبحانه وتعالى هو الشافي