صيني نخب اول ، خذ حبة وودها وجربها واجيك علي راحتك ، اخوي الاسباني نفس الجود زايد علية الظرائب وغلاء العمالة وتكلفة الشحن .
عرض للطباعة
غالي وايد يا اخوي صيني وب 62 حصلت مره أسباني رمادي غريب لونه وسميك وكبير 80 في 80 وعند تدمر وب 50 ريال.
بعدين اللي يقهرني في الصيني ما له مواصفات هندسية واضحة .. يعني درجة تحمل الخدوش .. درجة الصلابة .. درجة النعومة للسطح .. وغيرها كثير على ما اذكر 10 مواصفات قياسية تقاس عليها جودة البورسلان والسيراميك والرخام ومنها بعد تشرب الماء.
اخوي 80 سماكتة غير حتي الصيني لانة كل ماكبر حجما زادة السماكة، اصلا قولي عن اي نوع بورسلا يتشرب الماء ،الخدوش اخوي يمكن السباني الي اتقول اتحداك اذا بجودة الموجود والي اتقول 62 غالي بيطريق سلوي 104 للمتر اخوي شوف النوع والمصنعية والفنشنج ، حتي الاسمنت الاسباني (بورسلن اسمنت اسباني )ارخص من البورسلان الصيني ، حصلت ارخص لااتقول ارخص وافضل بس ممكن صورة ومحل الي باع الاسباني ب50 وينة علشان كلنا نستفيد
، واصباح الخير
قلت لك عند تدمر اللي قرب مدماك، ومحلات كثيرة تبيع بورسلان راقي وسعره معقول وحتى السيراميك.
نصيحة لكل من يبي يشتري يبدأ بالمحلات المختصة والقديمة في السوق ويركز على الجودة والسعر والمواصفات الفنية الهندسية الواضحة .. وانا مهب مسوق علشان أحط صور ومواصفات انا سئلتك بما إنك مسوق وسؤال أسئله لكل مسوق ومن 10 يجاوبني واحد .. مثلا باسئلك عن ما يسمى mohk degree وأرجو الإجابة والتوضيح للقراء بما إنك مسوق وتعرف تدافع عن بضاعتك.
ولتنسون يا اخوان البورسلان السيء الإنتاج يجي بنقوشات حلوة وعجيبة وبعد سنة يطير لونها ويمكن أقل من سنة .. وهذي نصايحي للكل لأن هذا منتدى وانا أقول رايي ما أذم في أي بضاعة .. غير بعد عندك موجودة أنواع بورسلان بحدود 45 ريال إماراتي وجيد وأجود بمراحل من الصيني الموجود في سوقنا .. وأكرر انا مهب مسوق ولا أسوق لحد ولا بقايل وين ولا هو بسر محلات السيراميك والبورسلان الله مكثرها في قطر.
بس ممكن اتكون واضح اخوي اخوي غير تدمر وين بعد المحلات القديمة الي اتبيع ذات جودة واسعار افضل ، اقول انت عارف انت ايش اتكلم اقولك شي انت اول مرة تدري عنة انا لما قلت طريق سلوي قصدت نفس المصنع ونفس الباضعه ونفس اللو ونفس النوع ونفس الكونتينر ، فهمت وانبيع بنصف السعر ، تدري ليش لانا نستورد كميات هائلة خصيصا لنا توزع علي الخليج ونها احنا ،انت اتكلم عنهم كميات محدودة ومحلات اجارات مكلفة ، بس لقلت خبرتك في المجال تقنع نفسك انة اسباني وسعره ارخص ، اقولك انت تقدر اتاكد انة تدمر عندة بورسلان 45 اقل سعر عندنا افضل من بو45 الي اتقول عنة ، وبعدين عن mohan degree اقول اخوي اسال وانا اطلب انك تسال كل زبانا وهم اجاوبانوك عن الجودة . اللة ايخليك انا داري انة المناسفة قوية وفية مشكلة احنا عملناها في السوق ومفاجئه للبعض كانت توريدنا بضاعه جودة وبااسعار تنافسية ، وهذا بفضل تعاون شركات خليجية مع مصانع صينة ذات جودة عالية واحنا كنا متوقعين هجوم من المناسفين في السوق .
كل عام واهل قطر بخير
نصيحة عامة
عليكم دائما بالمنتجات الأصلية ذات المواصفات عالية الجودة
والمقصود بالمواصفات عالية الجودة مثل المواصفات البريطانية
أو مواصفات السوق الأوروبية المشتركة وحتى المواصفات
القياسية السعودية تعتبر ذات جودة عالية وتمنع دخول أي منتج
غير مطابق لها للأسواق السعودية.
لايهم مصدر التصنيع سواء كان أوروبي أو صيني او هندي او سعودي
طالما كان مطابقا للمواصفات والمقاييس.
صحيح . هذا الكلام صحيح .
والدليل انة صعوبتنا باالتوريد للمطابقة مواصفات السوق السعودي
اصعب من قطر والامارات . وفية انواع ايطالية واسبانية مجرد
اسم البلد والصناعه لا يعني الجودة
. شوف احنا نستورد لجميع دول الخليج ، وفعلا . شفنا بظاعتنا نفسها يتم تصديرها الي ايطاليا واعادة تصديرها الي الخليج
معليش سامحني أعطي إخواني القراء نصيحة نهائية .. اللي بيركب بورسلان وبيركض ورا السعر الرخيص بدون البحث عن الجودة وبيدفع 60 ريال في " صيني " حتى اللي يبيعه ما يعرف يبرز مواصفاته .. أحسن له يشتري شيء صح ويبحث لأن لو فكر عدل شكثر بيوفر في المادة إذا فرضنا هو يحتاج 500 متر مربع وهي معدل أرضيات الفلل بالكامل .. كل 10 ريالات فرقية فيها 5000 ريال توفير و 5000 ريال ما تسوى شيء في بيت مكلف مليونين كمعدل .. يعني بإختصار شوف الزين والغالي والصناعة الجيدة وإنسى الرخيص اللي بكره بيبهدلك بعد التركيب.