هههههههههههههههههههههههههه
عرض للطباعة
وايد مثله .. ويجون من اهل الوظايف المتواضعة
ومثل هالنوعية مستحييييييل يتخلون عن هالوظيفة .. وخاصة ان وظيفتهم مايكون فيها تعب وايد لان عنده شغل افترنوون
وبعد تلقاه ملتزم جدا ومعتشعتش بالوظيفة مستحيل يخليها للاسباب:
- من وظيفته ياخذ اخر الاخبار والعلوم في الوزارات الحكومية... اي فرصة للمكاسب او للفرار.
- يكون له اكسس ومداخيل لشغله الخاص من وظيفته الحكومية.
- علاقات وحب خشوم تخدمه في شركته من وظيفته الحكومية.
- مزايا الوظيفة الحكومية من قرض سكن وقرض حسن 5 اضعاف الاساسي وبونس ونهاية خدمة ...
وضمان من عقب الله لو خسر يكون عنده دخل ثابت يعيشه ويعيش عياله
- فرصة للترقي وزيادة الراتب
واكيد فيه مزايا ثانية مانعرفها
يعني رفيجك شغله عدل وياحظهم اهل الوظايف المتواضعة .. الله يوفقهم ويزيدهم من فضله.
مسيو حمد لتصدق موظف عادي وتجارته عادية تدخل عليه مليون شهرياً
أصحاب العقارات المتوسطة ما توصل مداخيلهم مليون وأقصد عمارة 50 شقة مثلاً والا مجمع سكني متوسط .. أما عقار كبير مول وغيره يدخل بس بعد عليه تكاليف وديون
بعدين التجارة معرضة لتقلبات كثيرة واحنا نشوف شركاتنا المساهمة شصاير فيها لذلك يلصقون في الوظيفة ولو طلعوا أما تقاعد والا تفرغ
واحد من أيام يكلمنا عن التوافيق وشلون هو اشترى عمارة ب 15 مليون والكل قال ما تسوى وغالية وبين كل البنايات هي اللي جاها القص ب 27 مليون .. هذا ربح 12 مليون تعطيه معدل مليون في الشهر لفترة سنة .. شرى كمية كبيرة أسهم مسيعيد بمعدل فوق 22 ريال واضطر يبيعها ب 15 ولو صابر شوي كان باع ب 32 اللي وصلها السهم وبربح كبير
كان الوالد الله يغفر له يقول لي سالفة واحد من تجار اللؤلؤ هبت عواصف وغرقت مراكبه وخسر خسارة كبيرة وكانت مربوطة بحبال غليظة لكن ارادة رب العالمين .. واشتغل في الغوص بروحه وعلقت في لحيته محارة بالصدفة يوم فتحها حصل دانة كبيرة تسوى وتعوضه جزء كبير من حلاله .. قال ما معناه هذي الدنيا إن بغت تروح غليظ الحبال ما يمسكها وان بغت تتيسر الشعرة تسحبها
يذكر لي شخص عن موظف توه متخرج من أمريكا وتوفق مسك مناقصات وزوجته أمريكية بعد تشتغل .. راتبه عادي بس خلال فترة بسيطة بنى بيت كبير وغالي واستوت سيارته رولز باب واحد وسيارة زوجته مرسدس .. لا تجارة ولا شيء وغالبها من مناقصات الآي تي بعد ما تنزل المناقصة بسعر معين يقبل بمواصفات أقل ويتقاسم الفرقية
انا يوم قريت العنوان استانست قلت السمي استوى مليونير خلني استوي رفيجه واحسن علاقتي معاه
بالربع مشاريع وايد تدخل هالمبلغ واكثر وانا مب كذاب ..
مثلا البرغر الحين صار سعره 45 احسب لو تبيع 100 برغر باليوم بمطعم يفتح من الساعه 12لين 12 مثلا 100 ضرب 30 يوم ضرب 45 سغر البرجر يساوي 135000بالشهر هذا غير الوجبات الثانيه وطبعا كم بتخسر على البرغر شويه حركات وتشتري جمله من ارخص المحلات .. وهلم جره
يا حنفي ضبطلي فطيره زعتر مع قلاص شاي بدون سكر
ههههههههههه
موضوع مناسب لقسم الاستراحه
شكرا اخ حمد2002