ابو عبدالله
انت عميد المستثمرين
قائمة التوزيعات معك :playball::playball:
عرض للطباعة
هل فيه تداول الاحد ولا اجازه إلى مابعد العيد تاريخ 16 ابريل ؟؟
بالعكس اخوي بو ملك توني ملازم ثاني ههههه
القائمة موجودة بس مشكلة بعض الشركات أقرت وما وزعت .. باقي الميرة للحين ما اجتمعوا بس الحمد لله تعديت نسبة العام في التوزيع أو بالأصح قيمة العام كنسبة ما اظن لأني زدت راسالمال تطلع النسبة شوي أقل حول 3.5 الى قريب 4% العام كانت 4% والمضارب المتوفق يطلع أضعافها .. صج ضاربت شوي بس ولا شيء مقارنة بالتوزيعات اللي اعتبرها أهم
اليوم كان ماشاء الله تداول وارتفاع وسيوله ممتازه
اغلب الاسهم ولم يكن في قطاع معين
السوق كان تقريبا لمدة اسبوعين وهو في انخفاض ولم نرى ارتفاع حتى ولو بشي بسيط
الداو اليوم نزول قوي بس العقود حاليا عدل
ننتظر الآحد إذا في تداول هل يكون احد كل مره يكون الانخفاض بشكل قوي او اخف شوي
او نواصل الطلوع إلى العوده فوق 10000
الله كريم ونتمنى من الشركات اللي كان لها طلوع قوي وتحرك مريح يوم الخميس المواصل لاهداف اعلى او المحافضة على مكانها
صحيح الداو نزل صوب ال 38000 أمس هبوط قوي بس اليوم متوقع يرتفع والمؤشر المستقبلي يشير الى ارتفاع والله أعلم شيصير عاد سوقنا بعدين ما يصدق
US 30 38,642.50 +45.5 +0.12%
US 500 5,158.40 +11.2 +0.22%
بالنسبة حق إغلاق أمس الأسواق الأمريكية ملها هبوط جماعي .. لكن هم سوقهم خط أحمر تتدخل الدولة بكل قوتها ما يخلونه عكس سوقنا اللي محافظنا لاعبة فيه وتمنيت ارتفاع سوقنا من محافظنا .. أتمنى محافظنا تبقى شهر كامل تشتري وتشتري بحدود 10% من تداول السوق وشراء صادق ما تشتري شوي للجدول وتبيع وايد في المزاد لتنزيل السوق
Dow Jones
38,596.98 39,421.35 38,559.42 -530.16 -1.35%
04/04
S&P 500
5,147.21 5,256.59 5,146.06 -64.28 -1.23%
04/04
Nasdaq
16,049.08 16,468.04 16,046.56 -228.38 -1.40%
04/04
Small Cap 2000
2,050.25 2,100.20 2,045.95 -25.95 -1.25%
04/04
S&P 500 VIX
16.47 16.75 16.02 +0.12 +0.73%
09:15:01
المشكلة غالب أسواق العالم هبوطات محترمة تقريباً 90% منها وما تابعت الأخبار الإقتصادية
صدقني سوقنا لو يحاسبون محافظنا على التلاعب اللي يصير بتحصله من أفضل الأسواق .. زين كنا فوق ال 10200 هذي حسدونا عليها وخربوا السوق نزلوه وكملوا أفرادنا بحساسية مفرطة بيع بدون تردد ألحين استوينا ندور ال 10000 وبعدها يرجع لل 9500 وبعدها يناضل لين يوصل ال 9800 ويرجع يخر صوب ال 9300 شهالسوق المنتهي
اقول بادخل بشوية من التوزيعات باشوف سهم فيه خير الشك في السوق كله مانعني مع إن الفرص بإذن الله موجودة ودوم أقول هالكلام بس مخربين السوق
الداو رجع أمس وارتفاع جيد ومعاه بقية الأسواق الأمريكية بس بقية أسواق العالم كانت حمراء الغالبية
سوقنا طبيعي يرتفع بعد الإجازات حتى لو أسواق العالم هابطة بس إرتفاع حسب الرغبة يبونه يواصل لين الإغلاق واصل يبونه ينزل نزل .. حتى الشللية اللي كانت مسيطرة على بعض الأسهم قدروا عليها بالتحقيقات والغرامات ورسائل التهديد والوعيد المعروفة .. بقوا بعض الشلل الفاهمين شلون اللعبة مثل شلة الطبية وعددهم كبير يضيع نطراش ادارة السوق بينهم .. طلعت شلة اللزيزة بعد هذي متوقع لها تبدع متى ما حبوا .. وعندنا شلل المصرف وبنك دخان والملاحة ومخازن ذيلا ما يقدرون يفكرون يسائلونهم وصح هذا المفروض مع الكل والله انا فتحت محفظة خارجية أو داخلية واشتريت سهم دعمته شفيها؟ والا شريت من قطر والا عرضت أسهمي ورجعت شريتها انا بأعلى كيفي
المفروض لو فيهم خير يحاسبون الشركات اللي تسرب ارباحها كل سنة هنا وهناك .. شركة بانية برج راح رئيس مجلس ادارتها باع هذا البرج حق اخوه ورجع استئجره كمقر للشركة ليش ما حاسبوه .. شركة سربت أموال المساهمين قروض وقالوا للمساهمين اصبروا كم سنة حتى نغطيها هذي القروض هبات غير مستردة .. زين من أموالنا استوت موضة توزيع الخساير على المساهمين حلال عندنا ووايد يسوونها من زمان
شركة مثل السلام كم سنة صار لها في الحضيض وكبار ملاكها شركاتهم تنتعش وترتعش وبدت أكثرها شغلها بعد ما باعوا الشركة الأُم بغالي .. هنا بيقولون سوق حر من قال لكم تشترون .. الكلام يطول والسبب معروف ما فيه محاسبة الا على التوافه
شلون سالفة توزيع الخساير؟
يجون يقولون بنقلص راسمال الشركة وبنطفي خسايرها .. زين شيصير الشركة اكس أسهمها مليار سهم بس بيشيلون منها 30% بتستوي 700 مليون سهم .. وبنرفع سعرها بنفس النسبة .. تجي ادارة السوق وشركات الوساطة يحطون أسهمك كصفقة جديدة ويصفرون العداد لكن تدخل تشوف خسايرك السابقة تحصل سجلوا عليك خسارة فوق خسارتك بنسبة 30% زود يعني وزعوا خسارة الشركة على المساهمين .. بعض المساهمين يشوف محفظته صفر وسعر السهم إرتفع يبيع يقول طلعت براسمالي ومستانس .. والشركة تنزل لين توصل سعرها السابق قبل التقليص وممكن زود وبهشكل يكونون فعلياُ عطونا خساير