تداول اليوم ينشر الحيرهاقتباس:
المشاركة الأصلية كتبت بواسطة مضارب دوسري
هل هو ايجابي وموجة ارتفاع ومواصلة الارتفاعات
ام هو فخ وارتداد مضاربي ومن ثم عوده للتصحيح
نتابع ونشوف والله يكتب اللي فيه الخير
عرض للطباعة
تداول اليوم ينشر الحيرهاقتباس:
المشاركة الأصلية كتبت بواسطة مضارب دوسري
هل هو ايجابي وموجة ارتفاع ومواصلة الارتفاعات
ام هو فخ وارتداد مضاربي ومن ثم عوده للتصحيح
نتابع ونشوف والله يكتب اللي فيه الخير
شمعة امس
+ شمعة اليوم اذا استمر هذا الاحمر الغامق
توصلنا لنتيجه ان احتمالات جني ارباح او تصحيح قادمه يعني حدودها الاوليه ما بين ال10300_10080
والله اعلم
ضبطوا السوق بقوه اليوم مع الوطني والمصرف
وبين حانا ومانا ضاعت لحانا
بين سيناريوهات المحافظ اليوم
ضاعت اسهم ونزلت نزول قوي اليوم
وانكبحت جماح اسهم اخرى كان من الممكن تنطلق اليوم
تحس كأن السوق بين هل بيوافقون للوطني يشتري اسهمه وينطلق السوق فوق
ولا بيستمر الصمت في هذا الموضوع
يسر qnb أن يعلن عن حصوله على جميع الموافقات اللازمة من مصرف قطر المركزي وهيئة قطر للأسواق المالية للبدأ في عملية إعادة شراء الأسهم الخاصة بالبنك.
وفقاً للمادة 10 من النظام الأساسي لمجموعة qnb وبناءً على قرار مجلس الإدارة بتاريخ 11 سبتمبر 2024، سيقوم qnb بتنفيذ عملية إعادة شراء الأسهم وفقاً للقواعد المنصوص عليها في قراري هيئة قطر للأسواق المالية رقم 3 ورقم 4 لعام 2024. فيما يلي تفاصيل اضافية تتعلق بعملية إعادة شراء الأسهم:
1. رمز الجهة المصدرة المنفذة لعملية إعادة الشراء: Qnbk
2. الحد الأقصى للمبلغ المعتمد لإعادة الشراء: 2.9 مليار ريال قطري.
3. مصدر تمويل عملية اعادة الشراء: الموارد النقدية المتوفرة لدى البنك.
4. آلية عملية الشراء: ستتم عملية الشراء من خلال السوق المفتوح.
5. توقيت عملية الشراء: ستبدأ عملية إعادة الشراء بعد الإعلان عن النتائج المالية المرحلية للتسعة أشهر المنتهية في 30 سبتمبر 2024، وذلك وفقاً لظروف السوق و قواعد و لوائح هيئة قطر للأسواق المالية المتعلقة بإعادة الشراء.
تسلم ياخوي بو ملكاقتباس:
المشاركة الأصلية كتبت بواسطة ابو ملك
ممتااااز
يعني طلع القرار والامور تمت
مسحت المشاركه عشان ما تسبب لخبطه لاحد
متى تاريخ هذا الاعلان ؟
حياك الله ياخوي بو محمداقتباس:
المشاركة الأصلية كتبت بواسطة مضارب دوسري
الاعلان كان تاريخ 29 سبتمبر
و هذي وصلة الاعلان
https://www.qe.com.qa/ar/displaynews...s?InfoID=41134
وبعدها بتاريخ 8 اكتوبر اعلنت الشركة الخبر التالي
مجموعة QNB (ش.م.ع.ق) ("QNBK") سيبدأ عملية إعادة شراء أسهمه العادية بقيمة تصل إلى 2.9 مليار ريال قطري. وكان QNB قد أعلن سابقاً عن نيته البدء في عملية إعادة شراء الأسهم بعد نشر البيانات المالية المرحلية لفترة التسعة أشهر المنتهية في 30 سبتمبر 2024، وفقاً لظروف السوق وقواعد ولوائح هيئة قطر للأسواق المالية المتعلقة بإعادة شراء الأسهم.
الحمدلله هذا يعطي ان الامور تصحيح وجني ارباح وان القادم افضل ان شاء الله
على الاغلب باذن الله
السوق بعد تداول اليوم راح يخلينا نشوف ال11000_11200 قريبا ان شاء الله
وستكون عباره عن محطه لقمه اعلى
بس نمشي حبه حبه
بعد مالعب شوي بنفسياتنا فوق وتحت بين 10500_10800 بحكم انها محطه عنيده وتاريخيه خلال السنوات ال10 الماضيهاقتباس:
المشاركة الأصلية كتبت بواسطة مضارب دوسري
الان صار الوعد القمه وهدف النموذج اللي ذكرته في 29 اغسطس
الاهم ان هالمنطقه كل ماخترقناها بقوه وبعد عناد وشد وجذب دايما يكون الاتجاه الى 12000 وفوق كقمم متوقعه
لا زال عند المطبه 10500_10800 ويلعب مره يرفع النفسيات ومره ينزلها
مرحبا ابومحمد
عطنا اخبار ازدان وسلوك هذا السهم
السموحه على الناخير ما اتابع السهم فنيااقتباس:
المشاركة الأصلية كتبت بواسطة معتز الكويت
لان وضعه الفني يعتمد على صانعه وتحركاته ومزاجيته مره يوديه فوق لارقام تعتقد انها مستحيله ومره ينزله تحت لارقام تعتقد انها مستحيله ... بس يبقى انه مع السوق في تحركاته لفوق او تحت
المؤشر العام ان شاء الله اتوقع مع قرب اليوم الوطني وبعده
يعطينا حافز لفوووق
حاليا 10550 البقاء فوقها
تبدا تظهر ملامح المقاومه 10930
اغلاق فوق ال10550
بدأ الشغل والى الهدف باذن الله
بالنسبه لي السوق كل ماخترق ال10550
رجع وينزل بعدها
تكرر هالسيناريو مرات كثيره
للاسف هذا يعتبر انه فشل فنيا من انه يقود الوضع نحو ايجابيه كلنا نتمناها
الافضل للمضارب ان يكون متفرج
اما انه ينزل السوق ويشتري باسعار افضل
او انه يرتفع فوق ال10700 ويبدا جوله نحو الايجابيه
فالمناطق بالنسبه لي مناسبه للمضارب بأن يكيش ويكون متفرج
اقتباس:
المشاركة الأصلية كتبت بواسطة مضارب دوسري
يعطيك العافيه أخوي الدوسري بس ما تشوف انك ظلمت أسهم رخيصة نوعا ما و شملتهم مع مؤشر السوق ؟! بمعنى ما تشوف ان هناك سهم او سهمين واصلين شبه قاع و يمكن يكونون مختلفين بالاتجاه عن المؤشر ؟!
الله يعافيك اخوي مهندساقتباس:
المشاركة الأصلية كتبت بواسطة مهندس
سهم او سهمين عند قاع او قرب قاع
هذا امر ممكن
ولكن ايضا ممكن اذا اختار السوق طريق السلبيه انه ينفتح ابواب قيعان جديده لهم
مثل ما هو ممكن ان يعاكسون السوق
لذلك التفرج وقراءة السوق والاسهم والفرص لين ما يحدد السوق اتجاهه او حتى الاسهم نفسها
في نقطه اخرى
ان سوقنا هذا العام غير شووي
في اسهم وزعت نصف سنويا واكيد بتوزع للنصف الثاني
يعني توزيعها السنوي انقسم على مرحلتين
واسهم اخرى ما وزعت نصف سنوي وتوزيعها بيكون الشهرين القادمين عن سنه كامله
اقتباس:
المشاركة الأصلية كتبت بواسطة مضارب دوسري
أتفق معاك و نفس الوقت الشراء عادة يكون على مراحل بمعنى اذا السهم قاع تبدأ بالشراء و اذا نزل الى قاع ثاني تشتري و تطول بالك لانه بالنهاية إنتِ تبي متوسط سعري مناسب ، أنا الي يشتري سهم و ينطره يرتفع ما أعتقد إنه راح يربح و راح يتعب حيل بالسوق و يتعب نفسه ، وجهة نظر شخصية و قاعدة يوصى فيها و خاصة في تعاملات الأسهم ، أنا شخصيا أتفاءل جدا إذا طغى الملل و التحلطم ….
أنا حبيت حتى يعلم أخواننا المتداولين أن الأمور بخير و الأسعار كل ما تنزل زيادة تزيد الفرص و يدخل متداولين جدد يشوفون فرص ببعض الأسهم ، بالنهاية نصيحة للجميع أنا مروا علي يمكن ولا 100 محلل إختفوا 99٪ مع احترامي و تقديري لك يالدوسري و عسى الله يبيض وجهك على جهودك المقدره.
القصد لو أحد يعلم متى يرتفع السوق و متى ينزل كان المتداولين كلهم يربحون .
التجميع أفضل طريقة يتم فيها التداول و الشراء و ما يفضل ان المتداول يشتري بشهر واحد او دفعه وحده …
الله يجزاك خير يا خوي الدوسري و يعطيك العافيه
الله يعطيك العافيه ويجزيك خير على شرح هذي الاستراتيجيهاقتباس:
المشاركة الأصلية كتبت بواسطة مهندس
ولكل شخص استراتيجيته اللي يتبعها
هذي الطريقة اللي ذكرتها تعتبر اقرب للمستثمر وليس المضارب حسب وجهة نظري الشخصيه (خاصة اذا كنا نتحدث عن اسهم صغيره او اسعاره منخفضه فغالبا تكون مضاربيه
انا عن نفسي ممكن اعدل المتوسط مره فقط ولكن بعدها يجي قرار البيع او الصبر
( الصبر احيانا يوديك الى تعويض ايجابي واحيانا الى تعليقه لفتره ممكن تكون طويله او قصيره)
لو نشوف سوقنا بين 10600_10350
تعتبر منطقه ضيقه للمؤشر العام ولان المده طالت بزياده مع التذبذب وعدم تحديد الاتجاه كان في اسهم تعتبر ضحايا لهذا التذبذب الحاصل
و كمثال فقط
انماء من 4.5 الى قريب 3.70
الطبيه من 1.80 الى قريب 1.33
الفالح من 0.900 الى قريب 0.650
وغيرهم من الاسهم الأخرى
هذا يعتبر مبالغه في نسب الهبوط مقارنه بتذبذب المؤشر
واكيد هناك اسهم اخرى تذبذبها بسيط وهذا جيد
واسهم اخرى ترتفع وتنزل مع تذبذب المؤشر
بلغه بسيطه سوقنا ماقدر على فوق وعلى مدار 4شهور من سبتمبر
فطبيعي ممكن تكون هذي منطقة تجميع وممكن تكون ايضا تصريف
لذلك الافضل نشوف متى يحدد طريقه
اقتباس:
المشاركة الأصلية كتبت بواسطة مضارب دوسري
الله يجزاك خير و كل التقدير لجهودك
ويجزاك بمثبه اخوي
نتابع الرقم 10147 دعم مهم وقوي للايام الثلاثه القادمه
كسره يبدا تتاكد السلبيه والاتجاه الى ما تحت ال10000
العوده للحياد يحتاج المؤشر يرجع فوق ال10300
رجعنا فوق ال10300 منطقة الحيره
وان شاء الله هالمره يولع السوق ونشوووف عزززم قوي للسوق يودينا نحو الايجابيه فزق ال10600
نواحي ايجابيه موجوده فالسوق بس نتمنى هالمره يكون كفووو وما يخثر كعادته
شمعه اسبوعيه حلوه وجميله
ان شاء الله تكتمل بشمعه خضراء الاسبوع القادم وباختراق مستويات 10600 وندخل الايجابيه
الحمدلله ماشي تمام
وبانتظار الاغلاق الاسبوعي غدا والتاكيد فوق ال10600
واذا ناوي فوق ال10700 اجمل واحلى
ونبدا بعدها نعيد ذكر الاهداف اللي كنا ننتظرها من اكثر من 3 شهور
اذا استمر السوق فوق ال10642 (مع الاغلاق الشهري الخميس القادم)
ف ان شاء الله تعالى يكون هناك هدف 11464
هذا الاسبوع ممكن يكون بدايته ثبات مع تذبذب ويبدا التركيز ما بعد يوم الثلاثاء على الرقم
اذا مشت الامور على ما نرجو وجات الايجابيه بيكون هناك محطات ومقاومات فالطريق بين الرقمين
10850_10940
و
11200
كدعوم مهمه خلونا نضع ال10500_10450 ينبغي عدم النزول تحتهم لاستمرار الايجابيه
مازال السوق يلعب عند المقاومه الشهريه 10642 وحواليهااقتباس:
المشاركة الأصلية كتبت بواسطة مضارب دوسري
وباذن الله بيعديها قريب
الخير مقبل ان شاء الله
اخيرا فتح معاي الموقع
مادري شلون اصلا فتح بس المهم فتح بعد شهرين
الحمد لله انه فتح معاك
ومنوريا ابومحمد وكل عام وانت بخير
الحمدلله ان فتح معاك لكي تفيدنا بتوقعك لبكره
بنورك يالحبيب عالي الغيماقتباس:
المشاركة الأصلية كتبت بواسطة عالي الغيم
وانت بخير وصحة وسلامة
بكره الكتاب واضح من عنوانهاقتباس:
المشاركة الأصلية كتبت بواسطة adell
فلم رعب بس ان شاء الله يمسكووون السوق حتى ولو بشغل ميك اب على الاغلاق
الحمدلله كان هذا اقل من المتوقع بعد زعزعة الاسواق
الموضوع لم ينتهي
ولكن اللي بيصير تذبذبات في الاسواق فوق وتحت مع اي خبر من هنا او هناك
سوقنا بالرغم من ال4.23% هبوط
ولكن ايضا شي جيد
هم خايفين من الركود في امريكا والعالم
احنا في ركود اصلا من بعد كأس العالم واللي يشوف البزنس وكيف كثير شركات انهارت واغلقت يعرف هذا الامر
هم خايفين من ركود احنا اصلا سابقينهم بالركود
طبعا في هذا الوقت التحليل الفني حسب وجهة نظري الشخصيه ما يسوي شي
لان الموضوع كله يتعلق بخبر ايجابي وخبر سلبي يتحرك
كل اللي يهمنا ان اللي في السوق ومتابع السوق السنوات الثلاث الماضيه يعرف ان اسعارنا قرب قيعان وما تحسن سوقنا مثل ما تحسنت اسواق كثيره الشهور الاخيره
التحليل النفسي هو اللي يمشي حاليا
توقع نفسيات المتداولين بائعين ومشترين
يعني نصحى الصبح مثلا نحصل الاسواق المستقبليه للداو واسواق النفط مرتفعه
ترتفع النفسيات ايجابا
والعكس صحيح
الموضوع صاير نفسي
من 4 ساعات المعنويات عاليه
والداو فوق ال1200 نقطه
الان المعنويات مش حالك والداو قلص ارتفاعه الى 280 نقطه
لذلك الوضع مضاربي والاسلم مضاربي يومي
او الانتظار والصبر
ويستمر اللعب عند ترمب
خبر يطيرك فوووووق
وخبرك ينزززلك تحتتت
كل هذا يعتبر لعب في النفسيات
قبل 3 ساعات النفسيات فالحظيظاقتباس:
المشاركة الأصلية كتبت بواسطة مضارب دوسري
الحين النفسيات في العلالي
اعتقد اللي حصل اخر 10 ايام مع الاسواق او هلنا نقول سوقنا
يعتبر مثل المضاد الحيوي اللي ممكن يخليه ما يتاثر بشكل قوي مستقبلا من تلاعبات تصاريح ترمب
هو لحد الان مثل ما قالوا متوقف الموضوع بس ان شاء الله يكون سوقنا اقوى لاحقا
مع العلم تعامل سوقنا مع اللي صار يعتبر جدا ايجابي كتماسك مقارنه باسواق اخرى انهارت بسرعة الصاروخ من اول دقايق التداول بعد العيد
ممكن مستقلا الاسواق ما تتفاعل بقوه مع هلوسات تصاريح ترمب
سوقنا مذبوح وخالص قبل التصريحات فعادي ما تأثر فيه , أما الأسواق الثانية كلها محققة أرباح وقفزات نوعيةاقتباس:
المشاركة الأصلية كتبت بواسطة مضارب دوسري
هذا اللي اقصده اخوي قطر
ان العالم خايف من شي احنا في سوقنا نعانيه من بعد كاس العالم. اللي هو الركود
لذلك يعني التوقعات اللي تقول ان ممكن سوقنا يزور مناطق مثل ال8000_7000
بصراحه اراها مستحيله وغير منطقيه
ولكن ممكن تحصل في حال حدوث حرب مع ايران هنا بقول نعم ممكنه