https://www.youtube.com/watch?v=cTcEsv2XvWk
عرض للطباعة
شغل نظيف ومتقن وأي شخص ممكن يقلده هنا .. كل المواد موجودة .. الصبغ هو نفسه اللي ينعمل به الانترلوك يجي بودرة بنفس اللون تنخلط مع الرمل والإسمنت ولا فيه داعي لكنكري حتى لو القطع الصغيرة .. الرمل الخشن والإسمنت والماء وبودرة اللون والفايبر اللي شفتوه أو السائل كفاية .. حتى قضبان الفايبر اللي حطها مب ضرورية لو يزيد السمك شي بسيط هو سوى 4 انش 5 كفاية بدون القضبان لا حديد ولا فيبر القطع الصغيرة أو السائل كفاية .. المكان مظلل وشبه داخلي غالب الوقت وهو عمل فواصل تحكم هذي تحكم أي شلخ يستوي داخلها ولا يطلع عن حدودها ويشوه المنظر .. ممكن لو الطول ضعف العرض يسوي فاصل تمدد اللي يكون بعمق كامل الصبية وفيه مادة مرنة أما ربر أو ماستك أو غيرها
https://www.youtube.com/watch?v=eShdni4sdzU
شغلة سهلة أي واحد يقدر يسويها لتصريف ماي المطر بعيد عن أساسات بيته .. بس عندنا ممنوع نوصخ شوارعنا النظيفة بماي المطر وممكن نبعده لجهة زراعة بعيدة بس في حدود البيت
https://www.youtube.com/watch?v=kX5WRt98fMc
رعب سقوط المباني في أمريكا له أسبابه
https://www.youtube.com/watch?v=I84IKGgPlZQ
السلام عليكم ورحمة اللهاقتباس:
المشاركة الأصلية كتبت بواسطة معماري قطري
خلك يا بوعبدالله من ماي المطر
انا والله مستخسر ماي المكيفات اللي يروح لأقرب حمام او منهول الله يعز الجميع، للأسف ما عملنا حساب تصريف الماي للزراعة من البداية.
تحياتي لك وللجميع.
عليكم السلام ورحمة الله وبركاتهاقتباس:
المشاركة الأصلية كتبت بواسطة بوNasser
سهل ينعمل للمكيفات اللي على الجدار الخارجي وحتى مكيفات الدكت سبلت اللي تكون معلقة فوق الجبس .. صج شغلة بس ممكنة سويتها عندي لمكيف واحد انسد البايب مال الصرف وقلت للفني اعمل فتحة في الجدار وركب بايب يصب في قناة في طرف مظلة السيارات ومنها ينقط صوب الزراعة .. كان البايب ظاهر خارجي بس تغطيه المظلة فترة لين قررت اصبغ البيت من حول 5 أو 6 سنين وأخفيته في البلاستر
لبيتي وبيت ولدي اللي بنبدأ بنيانهم بعد سنة تقريباً باسوي خزان مدفون يجمع مياه التكييف كله لسقي الزراعة ولغسيل الحوش
اللي مستغربه ألحين الحكومة تشتغل على صرف مياه أمطار للفرجان وشغلة مزعجة وسووا فتحات في الأرصفة واضحة لتصريف المياه شفتها في العزيزية ستي ويكملون صوب فريج الغانم مع التمديد للإطفاء .. هذي مستوعبة وبعد شغالين في الوجبة على كل الخدمات مع طرق جديدة .. بنفس الوقت يطلبون من اللي يبنون عمل حفرة امتصاصية وعمل السلوبات جهتها حتى ما يطلع ماي المطر يخرب شوارعهم .. زين معقولة كمواطنين نخلي ماي المطر يغرق الأرض تحت بيوتنا وأساساتنا؟ ونترك الشوارع اللي في كل العالم الناس تبعد المياه عن بيوتها وتصرفها جهة الشارع والحكومة تتصرف
بعدين هذي المناطق مخطط يستوي فيها صرف أمطار ليش خايفين من مطر شوي يروح للصرف اللي مسوينه؟